潮食地

營業中

休息中

今日收早咗又唔想返去煮餐死😵‍💫，就去接老公收工食埋飯先返去😙。佢介紹咗呢間平時有食開lunch覺得幾好食嘅餐廳🍴呢間係中西餐廳，老公話平時成日食佢嘅西式所以今次我地試下佢嘅中式菜，我地本身都好鍾意食大排檔，估唔到呢到都有大檔排嘅菜式🤩因為老公係食肉獸所以我地叫咗兩個肉🥩 椒鹽豬扒同避風塘雞翼，炸完嘅豬扒都仲係好軟滑唔會好乾爭爭，夠哂濃味炸蒜又好香送飯一流，避風塘雞翼好惹味好有鑊氣，真係好似去咗大排檔咁👍🏻👍🏻👍🏻一個小菜🧆包咗一個白飯🍚，飲品🥤同埋例湯🫕份量都好足夠😌天氣凍咗下次會試下佢嘅羊腩煲😋😋😋

今日lunch time 放飯同同事唔知食乜好，見到有間茶餐廳望落去好似幾正就入左去試吓。入面環境都企理乾淨，坐位都闊落唔會坐到好迫。 職員即使喺lunch time 咁忙都唔會催你落單，同埋都好有禮貌，上菜速度又快，好適合啲想食個快飯嘅打工仔。蔥油豬扒蛋飯豬扒煎得好好同醃得好入味, 豬扒好淋無筋, 豬扒食落去都冇雪藏味, 配埋煎蛋嘅蛋黃汁同好香嘅蔥油非常送飯。滑蛋蝦仁飯滑蛋蝦仁飯嘅滑蛋份量好多，隻蛋煮得唔會太熟，食落去好嫩滑，食到中段都唔會變到好鞋口，蝦仁份量都好多，唔會得幾隻，配合埋豉油送飯真係好鬼正。熱奶茶，熱檸水熱奶茶夠香夠滑係水準以上！熱檸水佢哋用靚檸檬，浸耐咗都唔會有澀味，雖然係好基本嘅嘢飲，但係都唔係好多茶餐廳做到呢個水準。

概覽：唔係最低價位餐廳，但味道、服務令人滿意。用心製作食物。午餐食評：黑椒蘑茹汁肉眼扒配飯：肉眼扒質感、味道好，有肉汁，全塊扒生熟度均勻，讚！沙律菜有醋調味。中湯：夠熱，料足，好！凍朱：味濃，嗌少甜少冰好飲。飲管是環保貨（見圖），有心！收據：晚餐食評：西湯：味道一般，打茨質感。泰式肉碎生菜包：生菜份量算多，不要期望肉碎有泰式香料風味，肉碎有脂肪香。凍好立克：好立克粉不吝嗇，serve 時粉未完全溶解。嗌少甜少冰好飲。收據：

行行吓街，覺得有少少肚餓，又會攰地，想搵個地方坐低食少少嘢，於是黎呢間餐廳食吓😋😋😋😋😋薯條好大條，脆卜卜，最鍾意食波浪紋嘅薯條，加埋茄汁絕對係最佳拍檔😋😋😋😋

《荔枝角新派潮裝茶記cafe》黎到荔枝角睇完早場 幾肚餓見附近有間裝修賣相都幾潮幾特別嘅茶餐廳 於是就試下😎點知連食物質素都比一般茶記高質，性價比極高 充滿驚喜‼️_________________________🐥潮食地 Chill Cafe 🐥《蔥油厚切豬扒煎蛋飯🐷🍳🍚》同餐牌既相一模一樣‼️豬扒勁大塊！大過手掌✋😱厚得黎唔鞋唔韌！keep到一定既肉汁煎得唔錯蔥油都勁多！但唔會過咸勁香又好食💰$62《板燒極上西冷牛扒配黑椒汁及意粉🥩🍝》個餐黎到嚇親 午餐牛扒都咁大塊‼️又係大過手掌✋🏻仲要好粉嫩 keep到肉汁！意粉都唔會煮到淋晒 啱啱好👍🏻(對其他茶記果啲意粉有陰影🫣)$68真係好勁扺食！性價比完勝花園xx💰$68《雪糕紅豆冰🍨🫘》雪糕就普通雀巢雲呢拿味紅豆份量勝在夠多 啖淡都飲到👍🏻不過偏甜 如果可以嘅話建議少甜💰$12 (跟餐）《白雪公主👸》睇圖都唔知係咩😂飲落先知係好立克勁濃味！啲粉好似唔使錢咁落😂但同樣偏甜 建議少甜again💰$12 (跟餐）_________________________總結：真心又平又高質 性價比勁高 真係上班翻學既飯堂回頭率 :🐥🐥🐥🐥🐣/5

放左工過黎，係荔枝角等緊上堂，有時間慢慢食埋飯先，經過見到呢間潮食地，裡面好似坐得幾舒服。好，坐低睇下有咩好食先。忌廉湯，叫小菜晚飯，會送湯，白飯和熱飲，都幾抵食。雖然係例湯，個忌廉湯都唔錯，夠稠。沙拉豬扒，叫個香口啲嘅餸，食落都開胃啲，豬扒炸得好香脆，掛上沙律醬，夠juicy，仲要有好多件豬扒，啱晒大食嘅朋友。雪糕紅豆冰，好耐有飲過啦，超大杯，仲有海量紅豆，個雲呢拿雪糕好creamy好好味添呀！

荔枝角快餐林立，這間潮食地我幫襯幾次，茶餐不錯，今次和朋友吃小炒，有點意外驚喜小菜套餐形式，跟一碗白飯和可以免加錢熱飲，或加一點錢轉凍飲。 很久沒有吃話梅豬手，見菜牌有姑且試試。想不到分量大，而且豬手軟淋，甜甜酸酸的味道很不錯咕嚕肉一樣份量很足，就是酒樓食味，而且不會很細件，配一點菠蘿，傳統風味點了豆角茄子，原來是油爆的，落鹽比較重手些。套餐的白飯也很好吃，熱辣辣有米香。三個餐每人都只是八十元上下，很實惠

-今日出外工作要係荔枝角附近食中午飯，見到有間café竟然有咁多人等，八卦睇完餐牌都唔錯，所以就揀左呢間試下。🍽️龍脷魚柳鮮蝦卷 配意式白酒忌廉汁意粉 ($62)魚柳相對實和鮮甜，原隻鮮蝦配上白酒忌廉汁 少量酒味帶上魚柳鮮蝦的海鮮味鐘意食海鮮可以點呢款🍽️法式寶雲酥焗雞扒黑椒汁配白飯 ($66)雞扒厚身，焗完仍然嫩滑，扒上的麵包糠炸完卜卜脆脆加埋惹味黑椒汁，好食到停唔到是日餐湯可選中式例湯或西式餐湯「南瓜忌廉湯」🥣南瓜忌廉湯，味道濃郁，口感滑溜，完全沒有一絲絲起渣的感覺🥣中式老火湯，真材實料，無落味精，口感清甜🍹凍朱古力 (+$3) 🍹凍奶茶 (+$3)今餐埋單只需$134蚊，認真抵食，而且成間餐廳環境都幾舒服好坐，又唔似普通茶記咁擠壓，值得介紹來食。

餐廳非常闊落, 餐廳名改得勁貼切真係潮食地, 野食種類非常之多, 你諗到想食嘅應該都會有,🤤 中西美食仲留意到有私房菜添!🤩蒜蓉炒時蔬(白菜仔)🥬感覺好似平平無奇咁, 但越單獨嘅餸菜越難整, 白菜仔新鮮條條都綠油油冇一條爛菜, 蒜蓉係新鮮切嘅唔係啲現成蒜蓉, 菜同蒜蓉份量都多每食一條菜啖啖都有蒜蓉香!👍🏻乾炒牛河🐮: 電影對白當中: 廚房入面有兩大黑星, 第一就係乾炒牛河, 唔可以炒得太乾又唔係可太油, 牛肉又唔可以太熟或者太生! 份量都好多一大碟, 唔會太油勁有鑊氣, 牛肉啱啱好唔會靭!👍🏻

朋友介紹左間餐廳話好有鑊氣比得上大排檔😆經過附近又來幫襯😏一出地鐵站行幾步就到。餐廳裝修好特別，有好多卡位同梳化位，而且每個位置都有間住岩晒中意私隱度極高既朋友。叫左兩個小菜，個餐包白飯，例湯同飲品都有，好抵呀🤩黑椒蜜汁薯仔牛柳粒 $88賣相十分好吸引🤩而且好有鑊氣！牛柳最驚好韌咬唔開，呢味炒到好淋，又冇筋❤️微辣黑椒同甜甜蜜汁溶入左牛柳入面，相當惹味👍🏻薯仔🥔亦炒到好林好入味，食完仲想來多碟🤣芥末沙拉骨 $88豬排基本上都冇乜骨，每一小件都好大塊，炒到好林又夠厚身🐷份量仲好足夠添。除左甜酸沙拉汁仲加左芥末，味道非常夾，好特別😙好開胃😎

返教會之前食個靚早餐～😆歐陸早餐-香煎雞扒個早餐超大份！雞扒大大塊😍，肉質嫩滑Juicy~個滑蛋超好食，滑嘟嘟，配埋牛油多士就更加正😆個早餐有粟米同沙律菜，感覺比較健康😆全日早餐呢個不得了！🤣塊魚柳好似中咗輻射咁大塊，厚肉，炸起熱辣辣，好食！另外仲有黑松露炒蛋、香腸、火腿同吐司，非常豐富喔！個黑松露炒蛋裡面仲有蘑菇㗎～用料十足喔！同埋餐廳個環境都幾舒服，設計好modern，唔似一般茶記咁逼，感覺比較衛生！😆

記得食呢間嘅當日朝早掛緊八號，結果轉咗去三號⋯⋯最後食咗呢餐飯之後去返工特選常餐R2 香煎豬柳麻辣撈公仔麵 配 火腿炒蛋及牛油吐司 ($54) + 熱咖啡 ●●●●○超豐富嘅brunch💃🏻牛油吐司個邊烘到少少脆 但係入面仲幾軟熟 我鍾意🤤蛋我改咗做煎蛋 就係正常火腿同蛋嘅味冇特別🤳🏻一定要讚埋個大大塊嘅豬柳 冇骨冇肥膏 係腌尖懶人嘅恩物 肉質比較實淨同時唔會好乾 豬肉味夠香 煎到脆脆地 撈麵超級麻辣（我覺得自己食辣程度可能係中下）因為我自己唔係太好「麻」，最後食得好辛苦😂（係我overestimate自己）咖啡苦澀味偏重☕️整體係令人幾滿意嘅一餐！佢嘅裝修風格同埋餐牌選項適合各個年齡層～食物質素唔會因為「潮」而整得差

潮食地Chill cafe😋😋😋超低食靚靚潮茶室茘枝角工廠、工商業臨立、上班族勁多人、早餐午餐都難搵食😃來Chill cafe最咁我、裝修新頴、以湖水深綠加鮮艶橙色裝潢、好耀眼、好舒服、店內霓虹🌈燈光的招牌、完全吸引我的眼睛👀、最緊要抵食平民價錢💰小食：T33泰式燒牛肉沙律$48🔥🐂肉、濃香牛味、肉質嫩滑、配埋泰式醬汁加沙律菜、開胃醒晨👏🏻👏🏻下午茶精選：T3菠蘿油配瑞士汁雞髀🍗$38香港人嘅至愛、菠蘿油、除咗早餐可以食、下午茶都係最佳選擇、菠蘿包中間夾着厚厚嘅香濃牛油片、味蕾超享受、yummy yummy 😋 瑞士汁雞髀🍗、雞髀有手掌咁大、加上雞髀完全吸收晒瑞士汁甜香味、連顏色吸引眼球、正👍🏻再來一客T11脆炸吉列魚柳🐟配炸薯條🍟$38魚柳有成尺長、魚柳外層以吉列炸脆卜卜、香口不油膩、沾上沙律醬、口感豐富、配埋薯條、一流享受、價錢超抵！以上套餐、奉上熱飲、凍欴+$3、汽水、熱特飲+$6、凍特飮+$12#茘枝角#抵食#CP值質素好#潮食地Chill Cafe荔枝角長沙灣道788號羅氏商業廣場地下B號舖港鐵荔枝角站B1出口、步行約2分鐘

係附近上堂之前食個early dinner，呢度環境乾淨闊落，座位設計好似cafe咁潮。見到下午茶好抵食，不過我想食正餐，所以就叫咗個飯同特飲。🍳Chill正滑蛋蝦仁飯 $64好大份🙌🏻 滑蛋夠嫩滑，加埋蝦米、蔥花同豉油好香口；有6隻大蝦，咬落彈牙爽口👍🏻 飯都有咬口，食完好飽肚。🥤荔枝梳打 +$12自己加玉泉梳打水溝落荔枝糖漿，本身梳打水係無糖無卡路里，所以飲落唔會太甜，口感清爽🧊食飽飽有精力去上堂💪🏻

舊年來過一次吃午餐，覺得店家的出品可以說比得上不少西餐廳，環境亦很舒適，所以，今日就帶朋友來此，再吃一頓性價比高的午餐，確實，再次到訪，食物的水準保持高質。內裡的環境非常新潮摩登，顏色配搭鮮明，看上來份外醒神，予人很有活力，防疫關係，亦加了很多間隔，予人吃得安心多一點。「超值午餐」是我們的目標之選，每一周會轉款一次，有十多款，定價為$56-$76，配上是日餐湯及熱飲，餐飲方面，轉凍飲+$3，轉熱特飲+$6，轉凍特飲+$12。餐具、基本調味料就放在餐枱一旁，自由取用。是日餐湯可選中式例湯或西式餐湯，可迎合不同人的喜好，我們同是選了西式餐湯「南瓜忌廉湯」，南瓜味十分濃郁，口感滑溜，一點也不失禮。主菜方面，友人選了「法式寶雲酥焗雞扒洋蔥汁配白飯」（$66），雞扒十分大件，加了大量麵包糠跟雞扒一同烤焗，份外誘人，他說多了一層麵包糠，口感特別，酥酥脆脆，又有點焦香，肉質又夠嫩滑多汁，襯上惹味的洋蔥汁，十分好吃。我就試了「板燒極上西冷牛扒燒汁配薯菜」（$68），西冷扒大塊得很驚喜，燒得外層焦香，入口真是很滿足，不單肉質軟腍，而且，很富肉香，襯以燒汁是最好不過，而薯菜亦看得出其心思，有烤南瓜、紫薯、