潮食地

營業中

休息中

今日帶阿仔去上堂，然後在大街見到呢間餐廳。 星期六早餐至到 11：30。 叫咗一個炸魚柳煎蛋，跟凍央。 餐廳環境光猛整潔，地方夠大。 炸魚大塊又香脆，一食就知係貴價貨，唔似其他茶餐廳嘅平價魚柳。 這塊魚柳比手掌大，肉質厚，又唔腥。 配上嘅沙律醬，撈咗少許青瓜碎，微甜。粟米粒是暖的，撈咗少許牛油。沙律菜新鮮，淋上少許麻醬，味道配合得幾好。 我將炒蛋轉咗熟蛋，煎熟蛋老咗少少，微暖。 多士烘咗，但唔夠脆，塗滿咗牛油，都幾好食。 凍央茶味香濃，奶啡茶比例剛好，入口舒服。侍應服務很好，有禮貌，而且效率快。 收銀哥哥似係老細，待客親切有禮。 食物質素、環境、服務都好好。 $46包凍飲，性價比好高，非常滿意。