漁樂 (天澤商場)

營業中

休息中

同事生日，但又得一個鐘食假，唯有喺附近商場搵間尚算都ok嘅餐廳仔食個晏，整體嘅食物都唔差，正正常常，無咩驚喜是正常的😂但跟lunch 嘅雞肉串幾好味，夠軟身，個醬汁點落都唔錯！仲有個蝦多士都幾好味！

天澤商場呢頭多左好多新食肆，但我感覺都係咩百分百、大家樂集團果d野尼，咁好過無啦，多d唔同菜式揀下無咁悶！佢呢到既下午茶餐都幾抵食，所以同我阿媽尼食下先。菜式一：雞排包25 蚊有埋紅豆冰，呢個好抵食，但你唔可以當午餐食，因為個portion 係半個人到架咋，相信細食既會ok d。菜式二：沙嗲焗豬扒飯無咩驚喜，個沙嗲煮得太甜，都無辣味，豬排得半塊，但39蚊又有埋杯野飲，唔可以complain太多！總括而言，係抵食，但係做唔到東南亞菜果隻風味。

有時夜晚屋企冇煮飯都會落樓下搵野食。屋企人幾鐘意去漁樂食飯，主要係想食佢個海南雞。我覺得又真係幾好食嘅，啲肉幾滑幾嫩，唔會韌。晚市加少少錢就有個肉骨茶。肉骨茶係原盅上嘅，如果倒出嚟應該都有兩碗幾。藥材味唔算重，不過我個人就覺得有少少甜得滯，不過都值七分嘅。

呢間餐廳主打東南亞國家嘅食物，例如泰國，越南第等。我食過呢間餐廳一兩次，食物都幾好嘅海南雞飯：海南雞好滑好嫩，推介👍👍👍👍👍菠蘿海鮮炒飯：唔係炒到好乾身嘅飯，都有啲濕濕地👍👍炒通菜：正常水準，份量都多👍👍👍燒菠蘿：好食，不過如果可以再燒耐少少會更香更好味👍👍👍👍

行完濕地公園,之後去附近商場食早餐,見間間都咁多人排隊,就去呢間叫漁樂既餐廳,唔洗排隊一入就自己搵位坐,打開餐牌見到都系同出面快餐店一樣果D款式,但價錢就大概比出面貴,咁還點都系,就試下呢個雞扒餐配通粉,通粉要額外加,所以加左8蚊,連埋凍飲成個餐要四十幾蚊埋單,成個餐塊雞扒中規中矩,但我唔覺得物有所值,再加上侍應人手不足,嗌杯水都叫等多陣,總結呢間野人流冷清系有原因的.

今天早上在這裡吃早餐，我只是跟服務員說想要一杯水，但是服務員的態度超級差劣，我遭服務員大聲渴罵，這次用餐的體驗非常差勁，令人非常生氣，所以我以後也不會再到這店光顧，如果也不想有這種情況發生，建議也不要光顧

叫左兩份set lunch ,分別是茄子炒牛肉和扎肉魚片頭。非常多油，太甜。食物味道一般環境可以但員工服務一般，同某員工講俾多塊金不換同蔥，員工回覆：碗粉本身有啦喎。態度差到呢，講到啲蔥同金不換好似好貴咁。之後亦都冇俾我，要求不是很過份吧魚片頭size 很小，扎肉份量少，湯底正常不過味道偏咸，但湯底夠清既。環境衛生也乾淨的，不過見到傳菜位地下有攤水，會影響員工。綜合以上，我都唔會再來幫襯，畢竟食物味道始終一般。

真係冇幾可晨早流流入天水圍食早餐🥣😅男友話之前食過呢間漁樂都唔錯，話個滑蛋炒得幾好，咁就試下啦。餐廳環境係唔錯既。我諗比起其他茶餐廳或快餐，佢既早餐特別於唔係食沙嗲牛肉麵嗰啲，麵包係食提子🍇丹麥酥而唔係多士。食厭平時嗰啲都可以來轉下口味。煎雞扒都大塊，而且雞扒係醃左啲香料，所以惹味啲，雞扒汁就唔算好特別。男友個魚柳就仲大塊，亦唔會炸到好油。滑蛋🍳就還好啦，都唔會好乾身。不過男友就話同上次比今次係冇咁出色。話明魚露炒，老實講我就食唔到魚露味，同埋男友話上次明顯落左啲檸檬🍋葉碎去提味，今次就冇左呢回事了。

與愛人來到天水圍，深知這裡並不是美食之地，故平常較常到元朗、荃灣甚至屯門覓食得知最近天澤商場的一層街市改建，增加不少餐廳，所以不抱特別期望來考察一下上一層電梯，轉入一隱蔽處，見到正面一間似乎是泰式餐廳，正合二人胃口，果斷步進剛好在下午茶時段，價錢便宜，選擇很多很吸引先選了馬來沙爹焗豬扒飯，味道非常香，就像平常串燒配得沙爹香味，也帶有甜味，完全不覺得辣醬料調味不太鹹，不然整碟飯混著醬都吃不下了豬扒的肉質和味道也不錯，能配合到沙爹的香甜，芝士的運用也非常合適，令人很滿意的焗飯另外選了冬陰公豬頸肉炒烏冬，由於我和女友都怕辣，所以要求盡量不辣，結果真的能舒服吃下這裡的炒烏冬都是油油的，不太冬陰公味，麵質不太淋，配料不多，但豬頸肉夠爽口，以下午茶來說是還好啦最後的熱飲用大杯，非常有誠意奶茶茶香奶滑好立克味道香濃這裡的水吧值得一讚自領展以來，平價食一餐變得困難了，只容納到平價連鎖食店，不過質素都只會及不過不失而已期待更多這類好一點的餐廳

一入到去餐廳，侍應好快趣幫我們落單，趕得切係六點前order下午茶。雖然係下午茶，但份量都唔細。沙嗲雞肉串配炸薯條 $35有三串咁多，用泰式香料醃過，點沙嗲醬好惹味，薯條都算脆。越香牛肉湯河 $38牛肉好大片，今次d牛肉分散得好好，可以完全浸落湯度淥熟，不過洋蔥好多，食完個口成陣洋蔥味。泰皇椰汁焗雞扒飯 $38好重椰汁味，又有芝士融係上面，雞扒都幾大塊。香酥手抓餅、脆炸素春卷 (每款加$10)唔油膩，手抓餅就咁食又得，包住雞肉食又得，唔錯，春卷都係啲正常餡。下午茶menu仲有好多款飯、麵，仲有海南雞飯，都可以試試。

野食可以，但最嬲係成Q日請埋d學生又唔做培訓，食過3次落錯2次單。嬲今日食個飛天通菜仲下午茶，見張單成$77都算，點知黎到得碟通菜。問佢話係（全餐）唔包飯，又話過左午餐時間，我嬲到爆！即便黑面反擊，唔係午餐又唔早講！又係門口掛張餐單出黎！佢即時話個落單新黎，我話唔係藉口，已經唔係第一次！佢就比番個飯我。同時，隔離個阿姐都嘈緊，原來漏咗單。唉...我沈住氣...見係暑假學生哥，我食左佢。希望佢地可以改善一下。

話說有日星期日放假，與家人三人行一起到附近餐廳搵早餐食，平時都係去開飲茶或一些大路既快餐店，所以今次搵一啲另類少少。然後發現有間新開既星馬泰風味既餐廳，早餐款色雖然離唔開炒蛋、包同豬牛雞，但當中既煮法就加入左星馬泰風味。炸魚柳早餐 - 塊魚柳雖然唔厚身，但夠大塊，所以食落去會比較著重於脆口，另外本身塊魚柳有加左啲香草，味道會更多層次。腸仔就係普通既白色豬肉腸。而炒蛋做得好出色，因為炒得好嫩滑，完全冇過熟既跡象，而且加左檸檬葉同少少疑似魚露落去，正餐包就係丹麥提子包，普普通通，唔夠脆同埋一啲加左酸酸地既汁既西生菜沙律。煎雞扒早餐 - 聽家人話食落好似加左少少香矛落去豬頸肉早餐

天澤商場多左間新食店，緊係要捧下場😋叫左個馬來沙嗲焗雞扒飯，好似好大碟，但其實個兜好淺，份量唔多，呢個沙嗲註明係唔辣既，但無乜沙嗲味，而且個炒飯好油，炒得唔夠乾身。而雞扒只得3塊，如果呢個焗飯男士食可能未必夠飽😅另外叫左碗越香雜錦湯河，呢碗粉意外地覺得幾好食！先講個清湯唔會好油，入面又足料有扎肉，豬肉丸，牛肉片，河粉唔錯唔會夾起全部碎哂，而且大量洋蔥同芽菜，增加口感！另外要推介杯凍即磨咖啡，咖啡味香濃無苦味，又唔會好奶搶哂味！👍🏻

今天沒飲茶，吃了越泰菜。這裡的侍應對客人愛理不理的，不合格。海南雞飯，雞肉算嫩但沒有雞味，飯身乾爽。扎肉雞絲金邊粉，湯底有淡淡的酸味，清新，不錯。牛油蒜香雞翼，偏油，但雞肉入味。馬拉盞炒通菜，不會太咸，大份量，合格。

聽聞依個商場大裝修，開咗幾間餐廳，於是黎試一下。見到依間漁樂，應該係連鎖集團嘅分店，幾空曠。黎到越南餐廳就緊係叫個海南雞飯試下，賣相幾靚，不過雞就冇咩味，而且唔算太嫩滑，要點佢特製嘅汁先有番啲味道。飯都係普普通通通，冇menu講嘅咁香。安格斯牛肉湯檬，牛肉一pat咁上，而且湯唔夠熱，搞到牛肉煮唔熟，有血紅色。湯檬同湯底算係唔錯，香草葉令到成碗麵帶有少少獨特嘅味道，而且配料有口感，不過洋蔥有啲多，如果可以自己落落去就最好不過。