去澳門無搵定d人氣爆燈嘅店，行到邊食到邊，去到民居附近有間蟹皇撈，天氣涼涼地又係食蟹季節，就入去試試佢，果然比到驚喜蟹皇飯要冬天季節先有，6隻蟹整成一碗，味道好鮮好濃，唔夠飯老闆仲會加比我地，我地仲好欣賞佢個花生，整得好入味又夠淋，估唔到個蟹皇飯咁夾，食剩左我地仲打包。 另外，個蒸雜菌蟹飯都超正，佢味道雖然無咁濃郁，但一樣清甜，所有蟹汁流哂落個飯到真係諗起都想食，用荷葉蒸別具風味，呢個一年4季都有！ 仲有個值得推介嘅燉湯，套餐加$9.9有盅燉湯，材料好足，唔係味精湯黎嫁，如果叫飯一定要加，如果正價叫要40幾蚊嫁 呢個百香果鳳爪好fresh, base on 泰式辣醬酸酸甜甜再加百香果嘅香甜酸，鍾意鳳爪嘅朋友一定要試

去東薈城，順便去食海堤灣畔呢間Mint & Basil餐廳，我地好鍾意泰國菜，都幾滿意個環境，同埋戶外都好靜好舒服，我地點左幾個菜式，整睇黎講都唔錯 咖喱燴什菜配油酥餅 好香嘅咖喱味，用多種蔬菜混合加印芝士，，配合油酥餅粘着著咖喱食，係perfect match 呀!我地超鍾意呢個！ 芒果糯米飯 必叫的甜品，佢個糯米飯做得好好，軟糯口感 豬頸肉 豬頸肉配了酸酸甜甜的醬汁，燒得夠乾身，但我鍾意油脂多少少，會更好 Mango Margrita 沙冰的感覺，酒味適中，咁熱的天氣，飲佢啱哂

喺呢區靜靜地，搵到呢間cafe, 坐下睇下書好舒服，野食又唔錯，會再黎，仲有我好愛嘅Gelato 自家制巴斯克芝士蛋糕 好鬆軟又滑，仲有淡淡嘅芝士未同埋用左雲尼拿籽，好香，好欣賞呢份認真嘅執著 Gelato Peach 味好清香，係夏天的味道，好fresh Dirty 質感厚身滑溜，濃郁非常，層次都唔錯 黑松露醬蘑菇配巴馬臣芝士碎意式三文治 包面酥酥香香，內裡則非常鬆軟，黑松露醬蘑菇配巴馬臣芝士亦絕配，而且黑松露分量剛好，唔會太搶味

兩年無去台灣啦，好掛住當地美食，最最最最最鍾意係芋圓，近近地，元朗呢間認真底食又唔錯，價錢好合理，同朋友叫左個山草芋圓，入面仲有爆珠，好正🤣 另外我地叫左個古早味炸雞卷，出面好似係腐皮，超脆，入面雞肉好滑，加埋佢醬汁真係無得頂！ 我地仲叫左杯芝士奶蓋烏龍茶，正常，茶味都夠，奶蓋適合 過下台灣口引，又係屯元天朋友，黎開嘅朋友 介紹呢間，睇到人食個芋泥三文治都好吸引，下次一定要試下，不過應該會好飽！！！！🤣

環境非常好，餐廳設計用心，比我地一種好放鬆嘅感覺，同朋友坐低傾計岩哂，飲番杯野、relax 下咁就perfect la, 我地叫左個烤海鮮拼盤，有半隻波士頓龍蝦、蝦、扇貝、魷魚、三文魚、青口、蜆、香腸、粟米同蒜蓉包，開頭以為咁多種海鮮加埋d味會唔夾，但出黎效果又好唔錯Wo,最鍾意個龍蝦🦞、多肉又煮到岩岩好，而且兩個人食呢個盤就岩岩好，鍾意嘅朋友其實可以叫杯酒，見佢地都有好多唔同選擇，傾計好chill,

海鮮係我朋友，之前已經好想試呢間，平日夜晚都幾多人，今次同朋友放隻就晏就去試下，晏就靜靜地幾好。 蟹餅 蟹餅起晒蟹肉，而且唔好睇佢好似好細個咁，份量十足，啖啖蟹肉，味道都幾解甜，好滿足。 Seafood Platter(檸檬牛油汁) 揀左蝦、蜆、青口，份量夠哂兩個人，而且鮮味，配上個檸檬牛油汁超正，仲有配菜栗米、腸仔同薯仔都好食，我鍾意呢個! 大波波肉醬意粉 果然係大波波，好大個肉丸，好入味，意份都唔錯，唔會太硬太軟。 蘋果批 最開心係見到一粒粒蘋果入，有咬口，配舍雪糕食真係好唔錯，好開心。

想試呢間好耐呢，今日終於試到，大滿足! 雖然地方細細，但環境都舒服😌 吉列牛定食 呢個一定要食，唔貴，石板燒到自己喜好嘅生熟程度，牛好好味，就算燒耐左都又唔韌，加埋兩個醬汁，超出想像嘅好味，不過D飯就爛左少少，可能我個人鍾意爽身少少🤣 咖哩忌廉烏冬 黎到好多忌廉，以為會好膩，但原來又唔會WO，忌廉份量剛剛好，點綴一下咖哩烏冬，好夾!🥳🥳 滋味單骨雞翼 雖然表面好多調味粉，但唔會好咸，食完唔洗狂飲水，入味，推薦！

朋友介紹，特登去試下，又真係好唔錯，服務好，價錢又好，最緊要野食係好食，值得再試。環境雖然唔大，但都坐得幾舒服😌 牛肉麵 個麵好多配料，湯底清甜無味精，牛筋牛肚又淋又入味，個麵又有咬口😆果然係招牌 酥炸排骨 有兩塊勁大塊，雖然咸左少少，但整體都非精唔錯，尤其是佢個酸酸地嘅醋汁，好夾，第2個層次嘅好食😋 三杯雞 雞肉嫩口又入味，如果配個飯真係一流！ 手工菠蘿啤+西柚果茶 唔錯嘅啤酒，唔會帶酸，杯果茶超大杯🤣🤣🤣又幾好飲

趁放假，屯馬線開通，第一次去土瓜灣呢個地方行下，估唔到都搵到間異國風情中東菜試，雖然唔大，但入面嘅設裝飾舒服，面且播嘅音樂都係樂配合餐廳嘅情調，好正🥳 食物都好好嫁 Classic 經典嘅鷹嘴豆蓉，好幼滑，配合炒香左嘅羊肉，夾落去彼得包，真係好夾，超鍾意呢個前菜 白酒青口 青口淡淡鮮味，好香甜，簡單得黎配點檸檬汁，增加層次感 石板牛 趁舊可熱再放上去加熱至自己想要嘅熟度，溫馨提示，食快d,因為我地等左較耐先燒第2次，熱力已經清退🤣🤣🤣 KANAFEH 第一次食，好得意嘅甜品，食落好似濕濕地嘅海綿蛋糕，但其實係芝士黎，帶有少少玫瑰香味，好特別！

灣仔放工，去試下附近呢間手工麵，店舖雖然唔係好大，但環境都唔錯，staff有禮貌，手打麵咬口係唔同d,我地好鍾意！我地叫左鎮店蟹皇拌麵、七彩雞絲拌冷麵、秘製香糟醉雞、滑溜溜香芋鮮奶 鎮店蟹皇麵：唔好見佢平平無奇，個湯濃得黎好鮮，仲有唔少蟹肉，好鮮甜，店員話加少少醋仲帶出鮮味，係同意得的，加幾滴😋😋 七彩雞絲拌冷麵：超多料，我地用左蔴醬撈，好正，不過唔好成碟撈哂落去，食幾多夾喺碗仔再撈，咁就方便調較口味，加以用辣醬撈黎試下，都非常唔錯！ 秘製香糟醉雞：雞件夠滑，無雪藏味，個汁亦調較得唔錯！ 滑溜溜香芋鮮奶：都幾滑，我叫左微甜，飲到幾香嘅香芋味！