漁樂 (天澤商場)

營業中

休息中

天澤商場一樓都有唔少餐廳，中午時分，間間餐廳都坐滿晒人，唯獨是有一間餐廳喺角落頭，唔知係位置嘅問題定係咩原因，裏面唔多人，於是我就入咗去坐啦！入到嚟見到好多卡位，心情都幾舒暢，因為食飯都係想食得舒服啲，唔想同人迫。但係同時間，少人坐嘅餐廳，會唔會有啲特別原因呢？見到餐牌上面嘅菠蘿炒飯好似幾吸引，於是叫咗，呢個菠蘿炒飯同我平時食嘅有啲大分別，呢個菠蘿炒飯又酸又辣，唔係太啱口味，於是飲一杯冇檸檬嘅檸水，呢餐飯真係令我試齊甜酸苦辣四種味道。當然，我只係試咗一個餐，唔代表佢其他都唔好食，只係呢個唔啱我口味。做人又唔可以淨係睇人哋嘅缺點，就好似標題所講：卡位多都係一個優點，至少坐得舒服。

今晚打算落來食個飯就算，誰不知服务差，張單都比错，我叫二人餐158，無啦啦變了二百幾，真是搞错，生气了，我保证以后都不会来食，真是过分，你们評下理，是不是好过分.

漁樂係我個仔摰愛，指定食香煎雞排蛋蓋飯，必定要加牛油雞翼$13。講真佢個牛油雞翼係正，即炸之外，佢個皮外脆同甜甜地，但又唔係加糖咁，裡面嘅肉好嫩滑，再加上淋左啲甜黑醋油，我覺得真係幾好味。以前得兩隻雞翼，但近排如果雞翼細佢會俾3隻，2/3係不定時，2隻係基本，有3隻當驚喜，唔係成日3隻，多少隻都好唔刁難員工，係廚房決定，因為都有姐姐講過都唔知點同啲客解釋去漁樂千祈唔好飲有檸檬嘅野，自從轉左餐牌佢所有檸檬飲品都好似用檸檬精咁 ，係再無實體檸檬另外無左好立克同阿華田，得美綠，講真我覺得以前漁樂好食啲，有多啲款，以前佢有個椰香沙嗲焗雞扒飯係好味，轉左餐牌得返泰皇汁同咖哩汁，少左好多焗飯款

見疫情咁厲害，就叫咗個下午茶外賣自取，今日食咗冬陰功豬頸肉炒烏冬配熱奶茶。豬頸肉好味😋都有5-6舊，烏冬係泰式濕炒，烏冬比較濕，無鑊氣😅不過泰式算係咁，雖然話冬陰功，但是也不太辣。奶茶係正常茶餐廳奶茶，奶味比較重😇

漁樂 百分百 意樂 同一集團係呢個商場都有齊今日我揀咗漁樂特選下午茶 - 香茅雞扒包 $25呢個價錢仲要包紅豆冰真心覺得好抵雞扒同個包size 入口不柴用生菜蕃茄沙律醬簡單配料 從配搭成個包嘅味道不錯最令我驚艷嘅地方係佢個包面個底 哄到脆就算凍咗 咬落去個質感都仲係脆隊友說 不用再加調味 夠味夠辣金邊粉炒得不錯 不會太乾亦不會過油過濕粒粒紅豆冰 跟餐(不用加錢)叫咗少甜少冰但見到張單寫走甜 不要緊嚟到嘅時候 覺得唔似淡奶一飲係椰汁 唔理嚕 照飲紅豆軟身 唔係糖漿紅豆 甜度適中CP值超高嘅特選下午茶 大推

3個月第2次來。店內只有少數員工可以幫你落單，其他人只會叫你等等。餐牌內的東西，很多都沒有。牛肉煲沒有，豬手沒有，特飲沒有。菜上得特別快，下單後不夠一分鐘已經送來，應該是一早煮定的。

呢間應該係港式多國菜,茶餐廳格局菜式 海鮮番茄鍋, 肉醬芝士焗雜菌,原條烏頭魚鐵板蒸焗海鮮番茄鍋,放滿蜆肉,魷魚青口,下面仲有洋蔥等食材放滿食材加醬汁焗香 鮮香口十足 番茄醬有d辣味,配埋海鮮幾惹味魷魚彈牙,青口鮮味,蜆肉無沙又鮮甜 份量幾多都幾好食放滿肉醬同芝士焗既雜菌鍋,味道濃郁芝士份量多 就咁食就好膩 配飯或意粉就不錯原條蒸魚,放入蒸焗爐整, 原來加辣椒蔥花蒜,香辣惹味,滲曬入魚肉入面,魚肉口感幾嫩滑平均消費$300評分8/10Shop 104B-D, 1/F, Tin Chak Shopping Centre, 71-77 Tin Shui Road, Tin Shui Wai

性價比超高嘅下午茶🥰抵到爛同朋友二人去，叫咗兩個下午茶餐。第一個係海南雞飯配沙拉，沙拉酸酸甜甜，好開胃。海南雞應該要問服務員拿辣椒，但朋友話味道夠，就冇攞。第二個是紅咖哩豬扒焗飯，呢個真係好足料又好好味，就係豬扒肥咗少少，不過度度嘅豬扒都肥，紅咖哩味甜甜地，一d都唔辣，好好味，配上焗飯好香呀😍兩個套餐各配一杯飲品，正常茶記嘢飲都有，仲可以加小食，我就加左薯條。食咁多嘢100蚊都唔洗，真係好抵。。。

第一次嬲到要寫食評！叫外賣有人送到家俾貴小小我覺得好合理！但呢個飯除左食左一串小菠蘿之外，成盒飯完全一粒肉都冇，連肉鬆都冇，得啲青豆蘿蔔粒，完全食唔出味，好似食緊炒白飯咁！🔥🔥🔥

漁樂又係百分百旗下一間餐廳，專門食東南亞野，同意樂其實好似樣，都係用外國食飯做主打的港式茶餐廳。今日平日2點黎試吓下午茶，發現多左啲20蚊左右就埋到單嘅下午茶餐，真係時間倒退三四年了。見咁平，我緊係開心share upload上黎Openrice.餐牌：但我未食午餐就嗌返個輕量飯啦。不過呢碟碟頭飯真係唔多掂。海南雞唔合格，雞肉仲係好暖，肉質鞋口，嚼下好韌，有啲雞肉仲有骨，份量亦真係好少，而且冇俾到海南雞醬應配有嘅醬汁，求其淋左上去就算。而醬汁仲唔知係咩野醬，有椰汁味，甜甜地，唔係平時食嘅海南雞醬。仲有個沙律，果幾條菜，睇落同食落都唔新鮮，咬落有啲軟，而沙律醋太酸，食左條都唔敢再食。成餐值得讚就得個杯紅茶，茶味香濃不澀，可以再試。總結：海南雞飯不知所謂，用價錢黎搭救，下次食佢啲炸雞髀之類就算，20蚊就抵食，所有俾OK啦，唔想差評。

8:30pm落樓下食飯 唔想太頹食大家樂於是食依間 點知仲慘過食大家樂8點半 叫泰式魚香茄子無 叫冬蔭功烤魚 無 叫鹽燒烏頭 又無 要乜無乜 算！淨返佢推介我地食既原來都係賣唔出所以係咁叫我地食星洲黑椒蝦煲：好咸！得好咸既黑椒味！所謂泰國粉絲 一餅餅 粉真係打得太多 一pat pat海南雞：肉非常硬 但都已經算正常馬拉盞通菜 蒜炒通菜：正常 但惹味 香 這些就真係說不上香茅豬扒：非常油 但無味黑椒炒讚歧烏冬：又係得個開粉既黑椒味全餐飯真係食到反晒白眼真係請我都唔食😡

依間餐廳真係嚇死人！初初開店個陣食過，真心認為好食，份量大啦，服務好啦，無100都值90分。今次走嚟食，試食左佢個下午茶餐，39蚊扎肉米線，嚟到得2舊扎肉，2舊魚片，少到可憐！無錢入貨？食個車仔麵咁嘅價位都吾係咁嘅份量咁嘅質素！真係嚇死人咩，食到最賤格係無味，好似白#煞#米線！救命！無辦法食完要反工，迫自己食！食過佢2次知佢可以比辣椒，但又係少得可憐，吾夠我食得辣，我就問佢兜辣椒最衰格，嚟到10隻手指數得晒嘅辣椒🌶️，我就再問佢攞多兜，佢嘅回應竟然係，已經俾咗兩兜你冇得再多，救命？？？好貴咩啲辣椒？加埋錢俾你都得。食都冇食晒就走左。臨走前我諗住搵經理。佢竟然唔喺度。是但搵左一個收銀講。佢竟然回應我辣椒係有限量，咁唔識變通嘅？好鬼咩真係？？？然後同佢講啲食物冇味，佢答我係正常？？？？？咩事咩事？？話比啲調味醬我就OK？？真係估我第一次食？？廣東話都學唔正，你間公司係咪真係咁唔得？？有冇人有經理電話可以俾我，真係你晒大譜！奉勸你哋咪食，真係一啲都唔好食，況且唔會係平！

領展商場的餐廳，全部都是集團式的，價錢一點也不便宜。近來這間餐廳推出午市套餐，$45有一碗粉+1個小食加一杯飲品，是可吃之選。而朋友叫了一碟炒河，份量很大。但飲品太甜了，真要改善。

早餐完全不及格呢！漁樂和意樂均開在同一商場，眼見意樂很多人排隊，便轉戰漁樂吧。首先，點了一碗香茅雞扒通粉，通粉是快熟通心粉的麵質，加上煮得太耐，口感極差。另外也點了無糖鮮奶麥皮配蒜香牛油多士，麥皮冷掉了！！！！！！！！蒜香多士沒有蒜味，多士也不夠香脆和熱，最過份的是炒蛋竟是甜的，也炒至全熟，沒有滑溜的感覺。最後飲品方面，橙色的奶茶淡而無味，加了大量水溝稀，既沒有茶味亦沒奶味；咖啡也如是！總結，不會再光顧！

琴日訓到太晏，無食到午餐，所以就去睇下樓下商場有無抵食大份下午茶🥳漁樂呢間下午茶都幾抵，兩個女仔$93都食到好飽。香辣肉碎炒金邊粉！小小油膩，同埋泰式感覺唔太夠，但貼近香港人口味！份量大概係兩碗飯既份量，下午茶來講都好足夠！沙嗲雞肉串配薯條雞肉大件嫩口，但味道同樣不夠泰式，配的花生醬唔夠濃郁，但總體說都唔錯薯條不過不失！總括而言，下午茶都幾抵食，食飽曬有埋野飲都係100內😝