漁場台風

營業中

休息中

之前見天氣凍凍地，就同朋友去食咗呢間拉麵🤍🤍覺得超好味，朋友不嬲都有食開呢間🙈好推薦我去食!! 我叫咗鮮海蝦豚肉拉麵，個湯底都幾，因為我要求走筍，冇諗過佢咁貼心，可以送多半隻溏心蛋或者送多幾塊紫菜🥰店員嘅服務態度都好好，同埋效率都好高，坐低冇幾耐就已經上菜，值得一讚！朋友話呢度嘅沾麵都好好味，之後有機會一定會嚟試❤️‍🔥❤️‍🔥平時食完拉麵有時候會覺得好口渴，但係呢間湯底濃得嚟鹹度都恰到好處！

旺角漁場台風又係另一間人龍日式拉麵店，人多嘅時候，條隊要屈到入後巷，一邊排樓上一邊滴水，感覺唔太好受。終於等到有位，一入去坐低，見到成間舖都係日本動漫嘅嘢，有一刻幻想自己返咗眾人鄉下😆。叫碗最 basic 嘅魚介豚骨拉麵，呢度有得揀麵同醬汁嘅份量，但係就冇得揀麵嘅硬度，不過幸好麵質偏硬，係我鍾意嘅口感。同最近幫襯過嘅幾間拉麵店比較，呢度嘅湯底雖然都算濃，但魚介味唔太夠。配料方面，叉燒有兩片，肥瘦算適中；溏心蛋真係流心，好好食🤤；筍有少少黑椒味，唔錯；其他配料仲有紫菜，蔥同菜，特別之處係可以隨意配搭，呢個服務夠貼心👍。其實我仲追加咗份特製腩肉叉燒，30 蚊有三大片， 有用火炙過，入口幾香，由於冇乜調味，較為淡口，但係就可以嗒真腩肉嘅肉味。

六點幾去到唔使排隊，七點左右出返嚟已經排晒隊😨🍜燒海蝦味豚骨拉麵 $88 (8/10)🍜上枱嘅時候熱辣辣，湯底好濃郁，比較杰身，蝦味同豚骨味都好出🥰拉麵唔會煮過龍。最正係佢啲配料係可以轉嘅，啱晒偏食怪🤪今時今日成碗拉麵閑閑哋都過百蚊，所以呢碗我好滿意了😝🌟記得佢晏晝得沾麵，夜晚得拉麵！🌟六點幾去到唔使排隊，七點左右出返嚟已經排晒隊😨🍜Sea shrimp flavoured pork bone ramen $88 (8/10)🍜Steaming hot when they arrived! The broth was rich and relatively thick, the shrimp and pork bone stood out well in the broth🥰Ramen was not overcooked! What's the best is that the toppings can be changed, perfect for picky eaters🤪 it costs over $100 for a bowl of Ramen nowadays, so I

🐟魚介豚骨焙煎黑芝麻沾麵 $85沾麵汁質地濃稠可以叫做醬😂入到餐廳已經聞到好香嘅豚骨味湯底唔止黑濛濛仲要真係好重黑芝麻味感覺似比較輕盈嘅芝麻糊帶少少魚香味配料就有啲豚肉粒整體平衡得好好 食哂成碗都唔會覺得膩沾麵掛汁一流麵質煙韌有咬口唔會太軟爛🦐魚介豚骨番茄海蝦沾麵 $88雖然湯底紅卜卜 但番茄味好淡最最最突出嘅係蝦鮮味沾汁會見到好多櫻花蝦乾 同上面嗰款一樣有啲豚肉粒

📍旺角人氣沾麵店‼️· 濃郁海蝦湯底🦐 -- 漁場台風🍜🥰========================Bookmark咗呢間麵店好耐！一直聽聞佢嘅沾麵唔錯，而且仲成日大排長龍🙈前排咁啱去開旺角見到唔係太多人就入去試下～去嘅朋友仔記住留意沾麵時段係12：00-4：30 而拉麵就係4：30開始😛------------------------------⭐️魚介豚骨番茄海蝦沾麵 $88 (4.3/5)沾麵湯有大量櫻花蝦，蝦味非常濃郁，加埋番茄酸酸哋好開胃😛湯入面仲有唔少半肥瘦嘅叉燒粒～麵條偏粗身，煙韌有咬口，掛湯力都好強😍整體嚟講味道未至於令人waoh一聲，但係都唔錯嘅，加埋係良心小店，值得支持吖👍😋------------------------------賣相：3.8/5味道：4.3/5性價比：3.5/5回頭度：3.5/5------------------------------店舖資料名稱：漁場台風地址：旺角快富街39號建煌華廈地下前往方法：旺角站A1出口

📍漁場台風 - 旺角-之前介紹過encore左好多次既荃灣分店 今次就黎到旺角分店試試 同樣大排長龍🙌🏻 不過黃店唔怕排隊🤪呢間分店中午主打沾麵 夜晚就主打拉麵 裝修好動漫風 置身其中幾有居酒屋既感覺門口有部扭蛋機 有機會扭到拉麵/汽水/小食 大家排隊等緊既時候可以試下運氣😜-🔸燒海蝦味豚骨拉麵 ($88)湯底好香 帶有好鮮既蝦味 加上店家加入大量櫻花蝦所以基本上無論係嗅覺視覺定係味覺 每一啖都食到蝦味～呢款湯底調味上相對冇咁濃味 帶點甜味 味道幾有層次粗身既麵質非常掛湯 麵底份量係出面既1.5倍 非常抵食配料有半隻半熟蛋 叉燒 紫菜 同埋筍叉燒同荃灣分店一樣都係比較瘦 偏嚡口 似乎呢樣係每間分店都有既問題 😣😣 -🔸沙甸魚味豚骨拉麵 ($85)見到呢款幾創新既口味就想試試佢 湯面好濃 的確係幾重沙甸魚味下😧 仲食到有啲胡椒味但飲多兩啖就覺得調味實在太重太鹹 食到好口渴 而且因為好杰身 非常掛湯 令到每一啖都更加重口味🥶大家可以係食到膩既時候 試下加枱上面既沙甸魚醋 成件事應該會refreshing啲~-總結 個人覺得荃灣分店比較好食 但呢間分店有個貼心位 就係可以免費轉配菜 下次再食

漁場台風地址:旺角快富街39號建煌華廈地舖隔了好耐都沒有吃日本拉麵，無意中發現呢間 @ramentaifu_mk ，就決定入去試試。魚介豚肉焙煎黑芝麻沾面 🍜 $85湯底有好重芝麻味，鹹鹹地嘅，味道好似鹹嘅芝麻湯圓咁，但魚介味道比芝麻味遮蓋晒，唔夠濃，有啲可惜，變咗得陣咸味。粗身麵條軟硬適中有咬感，不錯。魚介豚骨蕃茄海蝦沾麵 🍜🦐 $88湯底有滿滿嘅櫻花蝦，蕃茄味重，再加上檸檬汁啲酸酸地味道，令沾麵湯底變得更有層次感。⁣肉呈粒狀嘅豚肉食落似叉燒質地，而且有少少偏瘦同乾乾地，有少少失望啦。#nicefoodie旺角 

今日去旺角攞啲野，之後去左呢間漁場台風，諗住食拉麵，不過原來佢分兩場，12:00-1630賣沾麵，1630-2200就賣拉麵所以唯有食沾麵啦去到等左一陣就入到，店員俾左張紙我填定食咩先入去坐低，所有野都齊全，有自己一壺水、紙巾、調味料、口罩紙俾你裝口罩我叫魚介豚骨沾麵，以為佢冇蛋，圈埋半熟蛋，原來佢本身有半隻蛋，攪到黎到食一隻半蛋麵黎到，一碗麵湯一碗麵，碗熱，合格但可惜，佢地嘅麵小麥味唔夠，麵條上一點點嘅小麥欠奉同埋嗰舊仔檸檬可以唔駛，有啲畫蛇添足嘅感覺麵湯濃嘅，好濃嘅魚介味，叉燒切角，但我比較鍾意一片片上，感覺滿足啲整體麵湯合格，但冇話好驚喜，佢個水準同西九嗰間差唔多

我原本都唔識依間拉麵🍜係朋友推介我去！我晏晝時間去，都有幾多人排隊，好受歡迎咁🤩 佢唔同時段有唔同嘅麵類，幾特別！.📍12:00-15:30 沾麵📍17:30-22:30 拉麵.麵底有得揀凍/熱，重有得揀份量，我揀咗普通，佢個份量比起其他舖多😂😂我同朋友本身都叫大食，都差啲食唔曬，女仔朋友可以揀偏少180g❗️佢地啲麵係粗身啲嘅，彈牙偏硬，好岩我😋😋 同埋每碗有啲叉燒粒，不過份量唔多。.⚫️🍜魚介豚骨焙煎黑芝麻沾麵 $85一睇個名就覺得好特別🤩黑芝麻味嘅沾麵真係冇食過，未食個陣真係想像唔到個味道。上到枱見到真係黑蚊蚊😂🤣🤣 聞嘅時候已經聞到芝麻香，食落口第一啖都真係好濃芝麻味，好似芝麻糊咁，之後就會食到鹹味豬骨味，特別得來又幾好食😋🥰🤩🥳🔴🍜 魚介豚骨蕃茄海蝦沾麵 $88相比黑芝麻就冇咁特別，但係蕃茄同埋蝦味都好濃，重有啲櫻花蝦喺面😋蝦味更上一層樓！🐷特製腩肉叉燒 $30$30有三片，肥瘦都適中但係冇話好特別。⚠️兩碗沾麵整體都比較濃味，好適合重口味人士😂😂🤣

🍻 啤酒🐷食評 🍖 ‖ 漁場台風 ‖ #beerpig旺角 #beerpig日本菜 #Beerpig良心小店 上星期六夜晚又同豬生去街街👩‍❤️‍👨無啦啦心郁郁想食拉麵，豬生就帶路黎左呢間💛拉麵鋪相信大家都可能已經食過呢間 #良心小店 既拉麵/沾麵，未食過既朋友要留意喇👉🏻呢間既日抖係賣沾麵，夜晚先有拉麵架👈🏻餐廳既環境都佈置左好多日式風格既裝飾，店員都好西利，用好流利既日文同廚房溝通🙈好似番左日本咁—#🍻🍖 質素：🍜鰹魚味豚骨拉麵｜$83小編點左呢款鰹魚味拉麵，面頭一堆木魚聞落好香木魚味😂湯底望落都幾深色，似乎好濃味咁，但食落發現係相對較淡口，雖然都有淡淡既魚香味，但小編都係中意濃郁啲既湯底·拉麵就偏粗身，幾彈牙，份量小編揀左200g，不過都有點多，下次可以揀番150g叉燒就肥瘦適中，味道普通，有少少豬騷味✨評分：7 / 10 分🍜魚介豚骨拉麵｜$78豬生就點左呢款魚介拉麵，小編偷試左一啖湯底就愛上左😍雖然呢碗拉麵望落好普通，但食落先知味道好濃郁有鮮味，同時又唔會覺得過咸，同鰹魚味拉麵相比，呢款係比到驚喜小編🤤價錢雖然係最平個款，但質素唔輸比其他拉麵麵質同叉燒味道同上✨評分：8.5

漁場台風 Isaba Taifu 📍：旺角快富街39號建煌華廈地舖🚗：旺角地鐵B2出口 步行1分鐘📞：+852 2487-4488💲：~HKD90/head for dinnerFood quality✔️：燒海蝦味豚骨拉麵、鰹魚味豚骨拉麵、增量叉燒👌🏼：魚介豚骨拉麵總結：👍🏼旺角由日本人主理嘅拉麵人龍店 星期五晚門口嘅人龍排隊係冇停過 鐘意食拉麵嘅朋友絕對值得一試🤪👍🏼呢間小店嘅menu超簡單得四款拉麵揀 係出面排隊嗰陣就寫紙選擇麵、醬汁、蔥嘅份量 自己控制口味👍🏼最推薦係燒海蝦🦞嗰款 因為真係超香 湯底又勁濃又淍 加埋大量櫻花蝦基本上啖啖都食到蝦味 口鼻同時湧至嗅覺同味覺嘅雙重蝦味盛宴 而且麵條係我最愛嘅粗又煙韌嘅口感 店家又揀咗隻掛湯嘅麵質 基本上係呢間招牌👍🏼比起海蝦味 鰹魚同魚介都好食😋 不過相比之下冇咁出色 當中鰹魚又正過魚介咁 唔食蝦嘅朋友都可試下鰹魚嗰款 深不見底同平時食開啲日式火鍋鰹魚清湯底超唔同 推薦👍🏼大食嘅朋友建議+25蚊換增量叉燒 超抵有4塊超大塊叉燒 本身碗麵已有一塊 共5塊真係超飽 而且叉燒唔是嗰種食肥腩位 而係食肉香嘅瘦位 食到啲豬味嘅甘香 正😄👍🏼環境超

💛「 漁場台風 」長期多人排隊真喺有原因，亦都值得等待😋💦⁡店內佈置🎏由天花板至牆壁超級有日本風情🎐四周掛滿 🇯🇵海報、客人意見/打氣留言📜又有店長充滿親切感回覆、🎎手繪動漫公仔… 場內亦不停播放熱血日文歌🎸聽到我啲血都熱起來「大好き!」🏋🏻‍♀️💛✨✨✨✨⁡🌞 沾麵時段 🌤 12:00～16:30🌛 拉麵時段 🌖 16:30～22:00⁡🌊 燒海蝦味豚骨拉麵🍜 $88-· · · 配 紫菜、筍絲、大蔥絲、菠菜、叉燒、半隻半熟蛋· · · 有三種麵量揀：150g偏少、200g普通、300g加麵底(+$10)。因為全日只喺食咗一片麵包，饑餓感蒙蔽那細小雙眼🙈。第一次食😼諗住緊喺穩打穩扎嗌個200g先。遞咗紙之後愈嚟愈唔對路，前後成班運動型💪🏻血氣方剛🤤年青有為嘅靚仔閒聊「 嗌普通就夠喇 」心知我呢舖 🤯 大 檸 樂 🤯 最終真喺勁飽🤰🏾下次叫偏少好喇！· · · 大量醬汁，湯底極為濃郁，有整個櫻花蝦家族喺裡面，豚骨湯味不重，與其燒海蝦味🤔不如話近似🦞龍蝦湯味，大家更易理解～ 絕對喺日重口味人士至愛 💛 💛 💛· · · 麵質煙韌彈牙，都幾飽肚㗎！ 亦掛到汁💦💦(🦻🏻偷聽到要 硬麵/軟麵 都

已經特登早咗少少過去（6點幾），但係都係要等。不過雖然人龍長，但係都算效率快，幾快等到位，同埋職員會叫你等嘅時候寫住點餐紙先，一坐埋佢就可以開始食，好有效率。呢個係舖頭招牌嘅豚骨魚介拉麵，只係$78。咁樣好貼心嘅喺佢嘅荀，蛋，叉燒如果唔鍾意食嘅話其實都可以轉其他嘢，我今次就將荀轉左做蛋。之前試過轉叉燒，但會覺得冇咁抵因為佢其實轉叉燒粒比你。仲有就係女仔長頭髮佢會比你嘢你扎住個頭，着白色衫嘅話又會比野你遮住，好好嘅服務但係唔收服務費！

喺日本通常食係拉麵，真係好懷念,而沾麵食過一次，覺得比較普通,但這一間颱風,經朋友介紹,他極力推介食沾麵，話擔保食完一定上隱，既然敢講,就搵左一個午餐去食，入面比較細,但門口都好多人排隊,在排隊期間,用左10蚊玩扭蛋機，都幾得意，可能知道客人排隊比較悶,所以俾客人抽下獎，我抽中左一件衣服,是店鋪自己設計的,但店員話唔選擇衣服,可以選擇1碟叉燒，大概等左15分鐘,就有位了選擇了:魚介湯蕃茄海蝦沾蝦-面好彈牙,原來個湯底真係真係好好味，每一口麵點湯來食真係好配搭,真係會上隱，食完可以叫店員加湯,真係好滿足

喺朋友嘅介紹吓，最近就試咗呢間超受歡迎嘅日本拉麵店，一食真係不得了，瞬間成為左我心目中拉麵店Top 3😍牆身貼滿左手繪動漫同客人的好評，可見誠意同心意爆棚！🍜魚介豚骨湯沾麵 沾麵超彈牙同有口感，加上檸檬汁，酸酸地好清新，好適合夏天進食。湯底濃郁鮮甜，加少少沙甸魚醋同昆布醋可以消滯，更加開胃😍小貼士：特別的要求可以在落單嘅時候寫喺備注度，可以試下寫想加沙甸魚醋、昆布醋。我平時就唔係特別鍾意食筍，都可以特別要求將筍轉其他食材，例如紫菜或叉燒👍🏻