滿屋日本料理 (大埔超級城)

營業中

休息中

天氣凍除了火鍋外，吃任食放題都是一個可以取暖的好方法。在馬路遠處看見大個「滿屋」招牌，門口圍牆都比較日式化，有A-D款套餐，D為最多款式。門口姐姐熱情款代已經知道我們好想入去食飯🤣我們挑選A都已經足夠。驚喜就竟然這裏有榴槤可以吃😂 餐廳都有很多客人吃榴槤，所以有很香的榴槤味道😉而sashimi還有象拔蚌和我愛吃的希靈魚，還有大拖羅入口即溶新鮮爽口。天婦羅炸得合格脆口，薄薄的一層炸醬完全不會覺得肥膩。🍤椒鹽雞翼，非常好味😋對於超愛生蠔的我，一口氣都encore了幾隻，除了蒜蓉燒生蠔之外，還有泰式生蠔、蠔仔粥；大大隻鮑魚直頭yummy至極❤️這個價錢也相當合理，如果人多可以點menu C和D,因為食物款式相對較多。人少像我們點menu A也吃飽了！🥰

有同學介紹大埔呢間放題俾我，話啲嘢食幾特別同埋種類好多。我一入座就覺得座位私隱度好高！菜單都真係好多嘢食😍第一下就已經比「馬來西亞冷榴槤」同「馬來西亞烤榴槤」吸引住🥺我中意食冷榴槤多啲，肉質厚實呈金黃色，口感食落好軟滑，榴槤嘅「臭」超濃郁😍😍榴槤都係任食唔嬲的！🎣刺身三文魚肥美到傻！赤蝦、甜蝦、泰式生蝦都好新鮮，口感爽口彈牙，肉質有淡淡嘅甜味，一啲雪藏味都冇，放題嚟講呢刺身質素算係好高😳🍣壽司必食鵝肝壽司，細嫩肥美，油脂豐富、赤蝦壽司🦐，肉質晶瑩剔透，新鮮彈牙、魚子壽司、三文魚壽司，好creamy！鰻魚玉子燒有驚喜🤩🔥燒物-蒜蓉烤生蠔，生蠔冇海鮮嗰種腥腥嘅味道，反而有股鮮甜，食完滿口蒜鮮香味😜。-牛舌好爽口，但絕對唔會咬唔郁，幾重牛味！-燒菠蘿超多汁水，好甜😭食咗幾碟😂-燒魷魚，愛辣人士必吃🥵真係幾辣🇯🇵日式小食-免治雞肉串，個醬汁甜甜地幾好食，啖啖肉-蝦、南瓜天婦羅，炸粉好薄，亦唔似係擺咗好耐攤凍曬嗰啲仲有食咗避風塘炒海鮮，入面有至少五種海鮮，好惹野、炒硯、炒牛柳粒，今次只係食咗好少一部份，種類實在太豐富，下次會想試下其他手卷、壽司、熟食，見到餐單有榴槤壽司，下次留肚食！

滿屋日本料理 (大埔超級城) (大埔)大埔 放題 諗住食伏嘅心態過嚟 估唔到很有驚喜。基本刺身壽司天婦羅都有，有驚喜係佢其他食物。包括海鮮粥，避風塘炒海鮮 燒菠蘿 牛扒 任食榴槤 雞煲 羊架 花膠 燒蠔 仲有得食 movenpick 雪糕誠意十足，一d都唔hea,仲整得好好食添！因為呢期胃痛所以好少叫啲刺身，不過啲刺身都好新鮮，最鍾意係佢嘅熱食 。環境上好寬敞又乾淨，約埋三五知己一齊食野傾下計不錯選擇。服務態度都很好，上菜很快 有好多甜品同埋飲品選擇我哋個套餐係最低消費75品 $298 任食，最貴115品$588，有靚拖羅食架！下次要試下！地址 ：大埔安邦路8&10號大埔超級城地下542-548號舖服務：7.9/10味

每月一放題好似miss咗一個月，呢日我得閒朋友又得閒，咁就約咗一齊食放題。天氣有少少凍，咁就嗌咗一窩海鮮粥暖個胃先，yummy ，有蝦，有魷魚，仲有啲淡菜😁暖肚之後，就係魚生大挑戰，三文魚，油甘魚，赤貝，北寄貝，象拔蚌，赤蝦，甜蝦，希靈魚，八爪魚，酒煮榮螺片，最驚喜係有泰式鮑魚刺身，呢個係另上嘅，因為個泰式sauce，酸酸甜甜好泰式，好惹味👍仲有任嗌嘅燒榴槤，凍榴槤，對於榴槤迷來講一定係好事，連我呢個不嬲唔食榴槤嘅都叫咗2轉🤭🤭而燒菠蘿就每次必叫，今次都唔例外，勁juice吖。“拖羅蓉魚子醬带子杯”亦嗌咗2次，好睇好食，除此之外，仲有海膽手卷，西京比目魚，蒲燒鰻魚，蒜蓉燒生蠔，御品鮑汁燴花膠，秋葵天婦羅，和虎蝦天婦羅，還有中式食品乳鴿和麻辣小龍蝦，實在very good。

我老公鐘意食榴槤，今日同佢黎開大埔超級城，呢間日式放題最近有埋榴槤任食🤩仲update 左新餐牌❤️中午放題價錢仲抵食D🤤即刻入去😂榴槤可以不停追加❤️有2款榴槤，每一塊都好大舊🫶🏻啖啖肉， 果肉好軟熟👍🏻日式放題唔少得就係食刺身🤩，大讚個挪威三文魚刺身👍🏻好厚身，而且夠肥美，好滑口👍🏻正 仲叫左北寄貝同赤貝，都好新鮮 仲有泰式原隻鮑魚🤤新餐牌仲加左D細份嘅小菜，有雞煲，炒䙺，連鐵板西冷牛扒都有🤩細細份真係好正👍🏻可以每一款都試下。 個西冷牛扒🥩上枱仲係熱辣辣ga 👍🏻串燒我就鐘意麻辣小魷魚同雞軟骨，好香好惹味👍🏻不停追加😂場內仲有冷熱盤，甜品糖果，飲品雪糕都係俾放題客人任食🤩中午過嚟食個long lunch 都幾嘆🤤

嘿！今天想放題一下😂我去左一家超正的日式刺身自助餐😁有幾個唔同既餐你揀🍣🍤🍢以前食過最貴D餐，發覺要好出力食😅😅今次揀咗B,慢慢食。。。首先當然食刺身，刺身新鲜，B餐已經好多款揀。跟住有海膽手卷，細細啖飯，正。B餐可以揀松葉蟹腳😍好鮮好好味。。。还有烧物，有燒鳗鱼、燒牛舌，燒牛肉粒，燒雞翼，都好香，好鬼正。配無限量啤酒，清酒，可惜既係，你只得2小時，🤣唔知食好完飲好。最後是牛肉烏冬，真係有驚喜，估唔到佢d麵又幾有嚼勁。配埋最後燒榴連，完美句號。🍣🍤🍢💫

同事搬咗入大埔，趁今日放假入去探下佢，晚上一齊去大埔超級城食晚飯，見到滿屋日本料理開咗分店，期間限定有榴連任食，同事和我不約而同話一定要入去食返餐。餐廳地方不算大，但地方整潔乾淨，設有自助區，冷盤、熟食和飲品都係自取。刺身拼盤擺設得好精美，而且好新鮮，挪威三文魚、油甘魚、希靈魚，魚肉肥美魚油豐膄。大赤蝦蝦肉肥碩，口感充滿彈性，鮮甜爽口。赤貝、泰式生蝦、象拔蚌鮮甜爽口。北海道帶子肉質細嫩柔軟，散發鮮甜味道。馬來西亞榴連，有烤和凍選擇，烤過的榴連口感煙韌，我比較喜歡凍榴連，其味濃郁，果肉金黃，口感軟滑，入口純甜。泰式鮑魚刺身，肉質彈牙， 味道酸辣，十分惹味！御品鮑汁燴花膠，花膠大塊，口感軟滑有膠質，伴上原隻爽口花菇，鮮味十足。燒羊鞍肉質鮮嫩入味，肉汁豐富。蒜蓉燒生蠔入口嫩滑，不會怪腥味， 配上蒜蓉調味，幾惹味！吉列炸蠔外層酥化、內裏多汁鮮甜，伴以蛋黃醬，味道清新不膩。芝麻雞翼，外皮金黃酥脆，內裡藏著雪白嫩滑的雞肉，香口非常。西京比目魚肉質細緻、多汁，咸香味十足。鹽燒海蝦，肉質結實又爽彈多汁, 蝦味鮮濃。鹽燒雞翼，皮脆肉嫩有肉汁。天婦羅炸蝦外層油香酥脆，內裡蝦肉爽滑彈牙，沾上特調天婦羅汁，更

行開街，路過呢間日式餐廳，因個價錢吸引入去食嘢😋， 價錢實在好實惠！-今次叫咗個自選魚生丼，有赤貝，帆立貝，甜蝦，魚生還算可以，不過不失， 個店員仲送咗兩件三文魚壽司比我食🫶🏻， 半自助餐出面有好幾款前菜：朱古力噴泉、軟糖、小食等任食，好適合一家大細一齊黎食！食物質素普通，唔會有太大驚喜，不過以價錢黎講，抵食！ -值得注意嘅係： 出面甜品櫃 ， 只係畀你睇並唔係任食😮‍💨， 餐牌有好細好細隻字寫住生果甜品唔係任食😂 ，店員會喺櫃入面拎兩件生果同一件甜品 畀你食冇得揀款。😆

📍滿屋（大埔）尼間放題有分幾個唔同嘅餐選擇，我地就揀左A餐，雖然係最低果個Level，但係都有好多野選擇🥰🥢免費升級，可以實現榴蓮自由有凍榴蓮同烤榴蓮選擇！特別推薦凍榴蓮，好甜糯，同埋都幾大一舊⭐️⭐️⭐️🥢刺身·壽司 食材新鮮，仲有榴蓮卷物提供🥢燒物串燒燒得好乾身，同埋入味！😍牛舌燒到外脆內軟🤤🥢熱食⭐️推薦避風塘海鮮塔，有軟殼蟹，青口，蜆同埋蝦，全都都大大隻，蝦炸到唔洗㩢殼⭐️推薦鐵板牛扒，好嫩口，加埋黑椒汁😍😍其他熱食都好高質，有粥，烏冬同埋雞煲揀添，太多選擇了，無得一次試曬😤自助區都有好多選擇，涼菜區，飲品區，清酒區，同埋甜品區

💙刺身唔少得三文魚、油甘魚、帶子、螺片、甜蝦等，新鮮厚肉，一大盤咁上，打卡一流😆.💙壽司欣賞全部壽司都係細細件，唔會食幾件就飽左，可以試多d唔同味😍 鹽燒左口魚壽司、火炙牛肉，火炙芝士三文魚、火炙蒜蓉帆立貝、海膽手卷、吞拿魚蓉手卷，仲有一系列卷物，全部都好似去左日本餐廳食咁，不錯～.💙燒物燒鰻魚，香脆又入味；牛舌，火侯岩岩好又彈牙；西京燒比目魚，燒得好靚，皮脆肉多汁，encore左3次😍 仲可以升級無限食榴連，有燒同凍食兩款，夠淋夠甜，放題做到呢個質素好出色！.💙甜品自助餐仲有炸物、前菜、朱古力噴泉、同唔同款式既甜食、生果，推薦榴連糯米糍，超煙韌👍🏻👍🏻 最後每人仲有一杯Häagen-Dazs☺️

大埔超級城有一間好抵食既日本放題，平價又高質，真係會想不停咁去食，佢就係滿屋日本料理。我地揀佐佢哋嘅自助A餐，平日夜晚每個人只需298蚊，已經可以隨心所欲咁食75款美食。而且早鳥同晚餐仲有更優惠！真係超級抵食！首先，佢哋嘅刺身選擇多得驚人，例如有三文魚、甜蝦等等，新鮮度真係好高，口感鮮美，相當好食。串燒部分，我最鍾意嗰個牛肉串同燒雞軟骨，肉質鮮嫩，燒得剛剛好，散發炭燒香氣，簡直係超級美味！而家冬天仲有得揀古法羊腩煲，食完暖笠笠，好滋補。另外焗蠔同炒蜆都係需要不停加單，平時去大排檔食炒蜆，成日都係得番d殼，但係喺滿屋食就冇問題，唔夠蜆肉？叫多幾碟！飲品方面，令人驚喜既係，佢地有日本Asahi啤酒。呢款啤酒泡沫細緻，口感順滑。另外，清酒同梅酒都係任飲，真係令人開心到爆！另外仲有多款無酒精飲品。最後一樣令人驚喜o既位係雪糕，佢哋無限供應Movenpick同Haagen-dazs，真係食雪糕都回到本。

性價比超高日式放題👍🏻呢個價位呢個食物質素真係唔知邊度搵。依家呢個時間仲有榴槤免費無限任食👍🏻餐廳座位坐得非常舒適，卡位闊落，環境乾淨。除咗手機點單之外，仲有冷盤、甜品自助吧。食物種類繁多，質素亦很高。其中本人最近鐘意以下幾款：西京燒呢個真係好好味，條魚超香，油脂好豐富，肉質鮮嫩滑身，本人encore 三次，鍾意食魚嘅朋友必點。佢啲脊燒壽司好有質素，左口魚非常Juicy！脊燒芝士海鰻嘅鰻魚新鮮，加上芝士香味冇得頂👍🏻燒麥都唔錯，其中推介大家食燒牛舌，牛舌爽口彈牙牛味香濃。燒菠蘿非常鮮甜Juicy👍🏻燒榴槤啲榴槤隻隻都好香貼， 燒完之後收乾咗水，肉質有咬口👍🏻👍🏻鍾意食新鮮榴槤都可以👍🏻以呢個價位食到呢個質素嘅放題真係超值

好耐無食放題啦，見依家放題有做優惠，可以免費升級食馬來西亞榴槤😌就真係唔好錯過啦，任食任飲真係好正😋🌟自助小食有自助既沙律🥗螺肉，竹筍，車里茄等🍅仲有炸雞薯條，朱古力噴泉🍫棉花糖，軟糖等，真係可以滿足小朋友既味蕾😋🌟任飲飲品呢度係可以任飲梅酒🍶清酒，韓國飲品，啤酒🍻汽水，茶等。最後仲可以又免費既雪糕食🍨🌟刺身呢度既刺身真係好新鮮🍣仲有好多唔同既刺身種類可以揀，挪威三文魚,北海道帶子刺身, 甜蝦🍤泰式生蝦。食落去係好彈牙，入口即溶，好鮮甜🌟煮物清酒煮蜆，御品鮑汁燴花膠真係好正，一定要叫黎試下，個蜆食落去係好鮮甜，好新鮮又無沙😋個花膠係好大一塊，食落去好有嚼勁，成口滿滿既膠原蛋白☺️🌟燒物有好多唔同既選擇，有香辣既麻辣小龍蝦🦞d肉整到好入味又彈牙，蒲燒鰻魚同西京北目魚係整到魚質好嫩🐠入口即溶咁。而個黃金燒扇貝係超惹味，又好大粒，和風牛柳粒好入味，啖啖肉咁🌟火炙壽司食放題一定要食佢既火炙壽司🍣全部都係即叫即燒，我地叫左火炙醬廣島蠔壽司，火炙蒜香牛油熟帆立貝同咪火炙芝士三文魚壽司🍣上面既蠔🦪帆立貝都勁大粒，d三文魚又勁新鮮，真係好正🌟炸物呢個真係必食既飯後甜品，榴槤炸彈，一咬落去就爆曬d榴槤汁出

大埔滿屋簡直係長期食堂，次次黎食都有新鮮，對於我黎講，我次次黎都食狂食佢既燒鰻魚，燒得好香而且好新鮮，諗起都流口水。另外佢既燒榴槤真係超好味，新出得黎真係好有創意，熱力令佢既甜度即時升級百倍，而家諗起都好想再食。滿屋既刺身唔洗多講，新鮮度絕對頂級，三文魚刺身真係美味百倍。我想講佢既熱食都好好味，燒羊架超級香，我平時食羊架都好怕太乾，因為一乾就代表果間餐廳既貨唔新鮮，但滿屋完全唔會，真係好好味，超級推薦。

📍 滿屋日本料理日式放題開到周圍都係，呢間位於大埔既放題店食物選擇多，總有一款啱你心水🤤亦勝在價錢合理，食到好飽都唔洗$300！落單亦都好方便，掃QR code 就得👍🏻✨A餐 — 經典三重新鮮刺身江洋盛宴🍣第一輪點咗壽司, 分別有火炙牛肉壽司、鹽燒左口魚壽司、火炙醬燒蠔壽司、火炙玻璃蝦壽司、火炙三文魚芝士壽司同芝士軟殼蟹卷～▶️幾欣賞佢哋壽司嘅size唔會太大舊，啱啱做到一啖一舊壽司🤣咁就可以試多啲唔同款嘅壽司！幾推薦火炙牛肉壽司，牛肉嘅質地比較軟腍，同時又好入味；火炙三文魚芝士壽司嘅味道都唔錯，芝士唔會太鹹，同三文魚嘅味好夾😌🍢串燒同炸物係放題必點吧！！！ 試咗好多款嘢食：鹽燒海蝦、鹽燒雞翼、鹽燒牛舌、虎蝦天婦羅、鹽燒雞軟骨等～▶️推薦：鹽燒牛舌— 牛舌質感彈牙，加啲檸檬汁更加正！鹽燒海蝦— 蝦都算新鮮嘅；鹽燒雞軟骨口感比較爽口😚🐠海鮮類試左黃金燒扇貝、清酒煮蜆同蒲燒鰻魚～▶️三款都必叫！！黃金燒扇貝—扇貝個size算大，冇食到腥味，加上濃郁嘅芝士，飽肚感十足～清酒煮蜆係居酒屋嘅質素，蜆肉食落鮮甜而且大隻；而蒲燒鰻魚最正既係個燒汁😝🐑燒羊鞍羊鞍係厚切，燒完之後唔會覺得韌，食到有羊臊味🤤仲