📍金飯館貳·零 肉餅·焗飯專門店（旺角） 見到佢八點幾九點，佢都仲keep住入客，生意咁好，嘢食就肯定唔會差啦，一入到入邊環境佈置得非常之靚，感覺都幾新潮 🥢黑松露墨魚肉餅飯 一上枱就已經聞到淡淡黑松露味，鍾意食黑松露嘅人走唔甩，肉餅都十分有驚喜，不但肉汁Juicy而且仲非常厚身，入邊仲有大大粒煙煙韌韌嘅墨魚肉同埋翠玉瓜粒去增加佢嘅口感，成件事昇華晒，枱面上佢亦都供應自家製嘅豉油同埋豬油，加埋落去個飯配埋側邊隻太陽蛋啲蛋汁，送飯一流👍🏻 🥢蜜桃鮮茄焗豬扒飯 港式焗豬扒飯，必定係配炒飯底，然而佢哋呢個焗豬扒飯嘅炒飯底係非常之出色，金黃色粒粒分明鬆散，完美演繹咗炒飯底，配埋佢個蕃茄汁，簡直一流，而且估唔到黃挑配焗豬扒飯係咁夾，甜而不漏，反而我覺得仲啱啱好，最重要嘅係佢啲豬扒又大塊又多，仲要非常之嫩口，醃製嘅時候應該做咗唔少功夫，所以整體做到非常之完美🥰 🥢即炸三寶丸 咁佢就有牛丸、貢丸同埋墨魚丸，上菜嘅時候仲會配埋沙嗲汁，沙嗲汁有淡淡嘅花生香味，同埋啲三寶丸一齊食都非常之惹味㗎😋 呢間舖頭整體而言，係一間非常之高質嘅港式茶餐廳，嘢食質素非常之高，十分值得推介👍🏻👍🏻👍🏻

📍滿屋（大埔） 尼間放題有分幾個唔同嘅餐選擇，我地就揀左A餐，雖然係最低果個Level，但係都有好多野選擇🥰 🥢免費升級，可以實現榴蓮自由 有凍榴蓮同烤榴蓮選擇！特別推薦凍榴蓮，好甜糯，同埋都幾大一舊⭐️⭐️⭐️ 🥢刺身·壽司 食材新鮮，仲有榴蓮卷物提供 🥢燒物 串燒燒得好乾身，同埋入味！😍牛舌燒到外脆內軟🤤 🥢熱食 ⭐️推薦避風塘海鮮塔，有軟殼蟹，青口，蜆同埋蝦，全都都大大隻，蝦炸到唔洗㩢殼 ⭐️推薦鐵板牛扒，好嫩口，加埋黑椒汁😍😍 其他熱食都好高質，有粥，烏冬同埋雞煲揀添，太多選擇了，無得一次試曬😤 自助區都有好多選擇，涼菜區，飲品區，清酒區，同埋甜品區

餐廳環境好舒服，餐廳會keep住播歌，有氣氛得來又放鬆。外面仲有個露天酒吧仔添🍸 🥢黑松露香煎鮑魚🐟 鮑魚好新鮮，切咗細細粒都好彈牙兼煙韌。黑松露味都好香同埋好濃郁。碟邊仲有胡麻醬沙律做伴碟，十分解膩。黑松露愛好者必食推介🤩 🥢鹹蛋黃魚皮🐟 魚皮炸到好酥脆，份量又多。最緊要嘅係落足材料用真鹹蛋黃去炒個黃金汁，每一片都有沙沙嘅感覺，帶有濃濃鹹蛋香。食到停唔到口🤤 🥢新加坡麥皮蝦🦐 大蝦炸到啱啱好，連蝦殼都脆嘅，再加上麥皮同獨特調味料嘅襯托微微帶甜，唔會溜之餘仲十分香口。十分推介大家嘗試。 🥢椰漿飯 油飯🍚 十分軟熟，唔會太硬又唔會太濕，水份啱啱好，最緊要個椰漿飯椰漿味超濃郁，食每一啖都有好香嘅椰漿香味🥥 🥤鳳梨水果茶、芒果椰汁冰沙 水果茶鮮甜帶有淡淡嘅鳳梨味，入邊仲有啲水果粒添 冰沙芒果同椰汁嘅味道非常濃郁，兩個溝埋一齊非常之夾，冰沙又打得好細膩

📍蘇媽蘇媽(尖沙嘴) Menu內容好豐富，好多選擇，唔會話得幾樣揀，同埋份量都算大，價錢較合理 🥢肉骨茶（雞腳） 肉骨茶可以無限添飲，好濃嘅藥材味，好補😆記得要趁熱飲 有4隻雞腳，好軟淋，好易脫骨🥳🥳記得跟返肉骨茶調調料，香好多，唔會齋藥材味 🥢高佬面配雞扒 顏色好吸引，同埋塊雞扒好大一塊😍側邊有辣椒醬，又真系幾辣下🥹 🥢咖央多士 超級推薦，唔會好甜😋麵包底烘得香脆，中間嘅心冰冰地 🥤檸檬薏米水➕似水榴蓮 檸檬薏米水少甜嘅原因變得好酸，記得無揀走甜，正常嘅就好了🤣🤣不過非常解滯 似水榴蓮，第一次飲榴蓮飲品，唔會話係香精味，真系榴蓮肉嘅味道，好特別嘅體驗🤣🤣

聽講大喜屋做緊榴蓮主題嘅放題，即刻衝去食😍😍啱曬鍾意食榴蓮嘅人🥳🥳 一出lift門，即刻聞到榴蓮香，成間鋪都充斥住榴蓮清香😋 榴蓮系列有： 烤榴蓮：香軟綿，第一次食烤榴蓮，熱辣辣更加軟糯同埋甜，皮烤到焦焦地，口感更加特別😻 榴蓮泡芙：好大一粒泡芙，本身以為係原味，點知咬落去係榴蓮餡🤗 榴蓮撻：最頂有好足料嘅榴蓮蓉，底層係芝士，細細粒好易入口 仲有榴蓮雪糕同埋榴蓮布丁😽😽 好推薦觀塘尼間嘅串燒，質素好高，雞軟骨唔會食到全部係肥膏，燒得幾乾下👏👏牛舌都好大一塊，唔會乾柴

📍德美壽司（觀塘) 🥢泡菜豚肉鍋 入面有金菇，雜菜，豆腐，葛絲，同埋豚肉！ 個鍋唔會太辣，都啱食唔到辣嘅人食！煮得好入味，啲菜全部嗦曬湯汁🥰食完好開胃！ 🥢蒜片金菇炒野菜 蒜片係炸過嘅，味更加濃啲，同埋蒜片大舊，啱曬食蒜味但係唔食蒜嘅人！！椰菜炒得啱啱好，唔會熟過頭，都唔會太生！最底層最有味，金菇同底層菜嗦曬汁🥳🥳 🥢洋風鰻魚班戟 由鰻魚，蟹子，芒果，牛油果組成 鰻魚好大一舊，所以好抵食 蟹子脆卜卜增添左多一層口感 芒果好甜，唔洗驚會突然驚食到酸芒果

📍吃扒(旺角）
可以好易就搵到間鋪，因為同旁邊啲鋪好大分別，成個裝修好靚！！門口係以紫色為主，入到餐廳，環境暗暗地，好有氣氛，同埋會放啲港式舊金曲🥰

我地+💰25轉套餐，會跟湯，餐包，甜品同埋飲品

🥄 有羅宋湯同豬骨湯揀，我就揀左羅宋湯，唔似罐頭湯，應該係自己煲嘅🤔湯酸酸地，好開胃😋

🍞餐包
好鬆軟同埋熱辣辣，跟埋牛油，好正正🥳🥳

🍴西冷牛扒配薯菜（黑椒汁）
黑椒汁好濃稠！薯菜都好足料，因為壓以底，薯條軟淋曬，可以分開上就好了😌牛扒好大同埋好厚一舊，全嫩嘅，但係唔知係唔係煎得太耐，表面有少少苦苦地

🍴吃扒什扒配薯菜（黑椒汁）
有煎蛋，煙肉，魚柳，豬扒，雞扒，牛扒，薯菜
超足料，一個人食真系超飽，可以兩個share🤗

🥤雪糕紅豆冰+雪糕菠蘿冰
菠蘿冰稍微清新啲🥳紅豆冰嘅紅豆有啲少，如果多啲就好了

🥄甜品
係曲奇雪糕

📍極尚大喜屋（雅蘭中心）

旺角新開無幾耐嘅大喜屋，終於有機會試下
用餐空間好大，坐得好舒服☺️同埋侍應嘅服務好好，會及時收走檯面嘅吉碟，等多啲地方放野食👍🏻👍🏻👍🏻

最推薦嘅一定係長腳蟹🦀️，有✂️提供，方便大家食蟹，蟹殼好易剪開，同埋蟹肉都幾鮮甜下😋😋

刺生擺盤好精緻，有埋冰雕魚，同埋啲花做裝飾！！🥰刺生全部都好大一塊，同埋好新鮮👏👏

壽司種類好多，飯糰唔會話好大一舊！！令我驚喜嘅係海膽唔係苦嘅，都幾新鮮下！！

黑松露大蝦好值得一試，一碟有兩隻大蝦，同埋濃稠嘅黑松露醬🫶🏻蝦進行左開背，所以好易㩢蝦殼，肉質Q彈🫶🏻

食完中場休息，可以叫個椰子燉鮮奶，好絲滑嘅鮮奶，完全唔會滯

出面仲有自助區，有糖水，湯品，熟食，雪糕，飲品，涼菜，水果，甜品！

十分多種類可以選擇，可以滿足到大人，小朋友或者老人家嘅需求🥳啱曬一家大細過來食

📍成都老碼頭火鍋 🪧鍋底：鴛鴦鍋 豬骨湯底：甜甜地，啱曬用來淥蔬菜 成都麻辣鍋：係成都辣度，所以小辣就得了🥲 調料區度有成都沾料，可以降低食物嘅溫度，大家可以試下！！ 🥢瘋狂辣牛肉 好大一塊嫩牛肉，比辣椒面包裹住，真系瘋狂辣🫨🫨 🥢貢菜 淥大概3分鐘左右，脆卜卜嘅口感，千奇無一次性淥曬，因為煮太耐，會軟曬，口感變曬😶 🥢麻辣魚皮 無上次食嘅咁脆卜卜，應該涼拌魚皮會好食過麻辣屋企 🥢滑溜溜鴨血 必點⭐️⭐️⭐️唔會有腥味，好滑 🥢紫薯寬粉 好快就熟，都係要快啲夾起，煮太耐會淋曬 🥢蓮藕 十分推薦，好鮮甜 🥢黃喉 厚切黃喉，好新鮮 🥢千層肚 切成絲，好易熟，唔會太大陣味

📍牛站(觀塘) 今次又食牛站觀塘分店，新加左好多野，有鮑魚任食同埋新出左個芝士雞煲湯底😍啱曬芝士人士 🥢湯底 番茄豬骨湯—用來淥青菜好好味，酸酸甜甜好開胃，食完辣鍋可以食啲青菜消下滯 麻辣湯底—夠曬辣同好惹味 🥢小食 有藤椒魚皮，鴨舌，紅糖糍粑，鹽酥雞，榴槤炸彈，芝麻雞翼等⋯最鍾意魚皮，好爽口！！！其次係紅糖糍粑，一啖落去爆漿🥰😍😍 🥢火鍋配料 牛好新鮮，唔會好多冰渣，記得無煮太耐了！ 丸類，粉面類，蔬菜類全部都好豐富🥳🥳 🥢飲品 凍熱飲品都有，完全可以根據自己喜好選擇 🥢雪糕 有好多唔同牌子嘅雪糕，同埋自己擠嘅雪糕 🥢最特別係有小龍蝦任食，全部都好大一隻，肉質Q彈😍