滿屋日本料理 (大埔超級城)

營業中

休息中

唔明點解咁多人話好食 係咪轉左手 哩個係我食過最難食嘅放題 得壽司係正常 刺身普通 豉椒炒蜆 蜆肉係梅嘅 失敗 乳鴿係羶嘅 失敗 明太子雞翼係生嘅 失敗 蟹黃羹好腥 失敗 粥又係死咸 雞翼都好普通 避風塘炒蟹d蟹肉又黐實晒個殼 就連最難失敗嘅香芋波波 都失敗咗 好多嘢都食得出唔新鮮 一係就死鹹 或者好甜 或者無味 服務態度已經冇乜要求 值得一讚係收碟收得好快 仲要食咗每人$500幾 但個食物質素係值百幾蚊 冇下次 建議好有錢 同對食冇乜要求嘅人可以去試吓

一入到去就見到間餐廳都有好多嘢食可以拎，有啲前菜，例如中華沙律、螺肉、芝麻八爪魚，炸嘢例如麥樂雞、薯條都有得拎。我喺個甜品櫃本身拎咗芝士布甸、芝麻麻糬、福餅。全部個味道都係麻麻哋，我又諗唔能夠一竹篙打一船人，於是又去試埋芒果布甸、哈密瓜牛乳布甸、藍莓芝士蛋糕。除咗芒果布甸還好，其他都唔好食。唔係講太甜定乜嘢，係啲味全部好怪。例如個芝士布甸，正常係忌廉芝士嗰種味，但佢係芝士夾心餅嗰種芝士味😂 不能理解我哋要咗經典款放題。覺得成個放題嚟講最好食係蒜蓉焗蠔、刺身、同燒雞翼。 刺身新鮮👍🏻，尤其係象拔蚌，以放題嚟講，都俾得算大條。傳統壽司，例如海鰻壽司都OK嘅，但係啲創意款就唔算好推薦。出嘢食唔算快，但係冇乜漏單。我哋一坐低就叫咗個花之戀，點知其他嘢食係咁上，都冇出現呢個，食到臨尾半個鐘就上咗😂 所以佢係遲，唔係漏單😂蒜蓉焗蠔就真係好香嘅，但係其實喺大陸都有得食，仲平d 添 。 所以整體性價比唔算好高。

滿屋日本料理之前食過御滿屋都覺得正行開大去埔見到大埔都有分店就忍唔住入去食😍💛刺身今日食左三文魚、帶子、赤蝦、甜蝦、螺片、鮑片、八爪魚、北寄貝等帶子今次好大粒😍 蝦都好鮮甜，刺身都好新鮮💛海膽手卷紫菜仲脆身，飯量唔多海膽好新鮮😍 我都食左幾件💛乳鴿肉唔算多，但好香口！燒得啱啱好！💛飲品有各類紙包飲品、罐裝飲品、啤酒、清酒、梅酒任飲紙包同罐裝飲品都成三個雪櫃任飲💛haagen-dazs士多啤梨雪糕最後仲有雪糕、甜品同水果食，真係寫上一個完美既句號價錢：$268（加一）⭐️⭐️⭐️評分：7.5/10⭐️⭐️⭐️📍滿屋日本料理 (大埔超級城) (大埔)大埔安邦路8&10號大埔超級城地下542-548號舖

A餐已經有好多野食揀，同一班朋友黎，坐足2個鐘，慢慢傾慢慢食～.⭐️刺身食左兩轉，每次都咁新鮮厚肉🥰三文魚、油甘魚、希靈魚、帶子、螺片、甜蝦、赤蝦、象拔蚌.⭐️手卷吞拿魚蓉手卷、海膽手卷，新鮮唔會有怪味，encore左好多次，大滿足😆.⭐️燒物&串燒西京燒比目魚，魚肉夠淋，燒得少少過火但皮夠脆👍🏻 雞肉棒、鰻魚、牛舌，好香口，酒水任飲，送酒一流～.⭐️鐵板牛扒幾大塊！好似去左鋸扒餐廳食咁，肉質唔差，唔會乾柴☺️.⭐️羊腩煲2人份量，羊肉煲到超入味，偏鹹，岩重口味人士🫢🫢.⭐️BB乳鴿夠熱，皮香肉嫩，放題可以任食好爽🤩

今日嚟到大埔超級城食日本放題😝位置係地舖好易搵😙而且地方闊落舒服～刺身種類齊全🤓而且食落去十分新鮮😍三文魚好厚身肥美😋帆立貝口感鮮嫩生蝦、甜蝦、赤蝦質素都唔錯🍣🦐整體刺身質素高👍🏻最特別嘅係有馬來西亞烤榴蓮同凍榴蓮任食，榴蓮味濃厚，烤榴蓮甜味更突出😆另外西京燒油脂豐富，燒得啱啱好😆肉質滑身除左刺身、燒物呢到嘅熟食都十分多種類😙有避風塘炒海鮮、任食雞煲、羊架、花膠、燒蠔、牛柳粒、牛肉鳥冬等等～質素都唔錯 值得一試😊前菜自助吧款式多樣😋涼拌青瓜、豬耳爽口👍🏻鳳爪同涼拌魚皮都好開胃😆

今晚好想食日本野但又諗唔到食咩見到大埔原來都有放題,仲有幾款唔同嘅套餐選擇我地就揀左食A餐 ,由入座時間起計任食120分鐘就咁呢個餐都有77品 出面有埋自助沙律吧,甜品吧同埋小食區最驚喜係有朱古力噴泉入到去間餐廳環境乾淨企理仲有幾張大卡位, for返一大班食就fit size刺身一共有十幾款選擇其中我不停咁encore大赤蝦 蝦身好大隻 肉質爽口彈牙甜蝦都係採用有頭甜蝦,正！三文魚基本野就冇咩講油甘魚都好靚, 赤貝,北海道帶子等都係水準之上壽司選擇都好多最有印象係呢個龍蝦膏大赤蝦壽司好香既龍蝦膏配上大赤蝦好好食熟食方面竟然有乳鴿仲有牛柳粒 ,串燒同羊架,豉椒炒蜆吞拿蓉魚子醬帶子杯必點item! 三種鮮味混合埋,食落口感豐富海膽同埋三文魚子手卷Mini size食落岩岩好坐除左有個大嘅飲品櫃之外 仲設有清酒區, 鍾意飲酒嘅朋友真係唔好錯過

好耐無食過放題了🥲，而家真係食唔到多，唯有揀D質素高既黎食~➡️大埔有一間好就腳，就試左個最基本既A餐😆🌟刺身我至愛個D都有齊哂：🌟帆立貝、油甘魚、赤蝦仲有花之戀添~🌟壽司：🌟海鰻、左口邊、帆立貝同油甘魚腩🌟跟住就食熱食，有：🌟養生既花膠冬菇、椒鹽雞翼、燒鰻魚、南瓜天婦羅、秋葵天婦羅、菜心、和風一口牛、比目魚、串燒雞軟骨🌟自助吧方面🌟有多款飲料，仲有熱住既清酒、🍶生啤添🍻🌟甜品🌟有朱古力噴泉，可以整朱古力棉花糖🍡📝每款試哂都已經夠哂飽，臨尾仲叫埋個Haagen Daz雪糕🍨

大埔琳瑯滿目嘅放題！🙉🇯🇵 都好耐冇食過放題，放題最緊要就係款式多、嚟嘅數量要足夠、來得快、坐得舒服，咁先有feel 🤣呢間餐廳都做足晒所有要求 goodest 我逐一列出我食咗啲咩，質素都幾好，每樣都會覺得滿足☺️😌🍣劍魚腩壽司、蒜蓉牛油燒帆立貝壽司、鵝肝壽司、海膽手卷🍣刺身象拔蚌、泰式鮑魚、北寄貝、日本油甘魚、挪威三文魚、赤貝、北海道帶子刺身、大赤蝦、甜蝦🥚鰻魚玉子燒🦐鹽燒海蝦🥩和風汁牛柳粒🦪蒜蓉燒生蠔🥦上湯菜心🐏燒羊鞍🐟蒲燒鰻魚🐣BB乳鴒🥣瑤柱海皇粥🍨御品鮑汁燴花膠炸嘢🔥南瓜天婦羅、虎蝦天婦羅、自家製吉列炸蠔最重要要食埋杯雪糕同埋飲嘢啦!!

天氣凍除了火鍋外，吃任食放題都是一個可以取暖的好方法。在馬路遠處看見大個「滿屋」招牌，門口圍牆都比較日式化，有A-D款套餐，D為最多款式。門口姐姐熱情款代已經知道我們好想入去食飯🤣我們挑選A都已經足夠。驚喜就竟然這裏有榴槤可以吃😂 餐廳都有很多客人吃榴槤，所以有很香的榴槤味道😉而sashimi還有象拔蚌和我愛吃的希靈魚，還有大拖羅入口即溶新鮮爽口。天婦羅炸得合格脆口，薄薄的一層炸醬完全不會覺得肥膩。🍤椒鹽雞翼，非常好味😋對於超愛生蠔的我，一口氣都encore了幾隻，除了蒜蓉燒生蠔之外，還有泰式生蠔、蠔仔粥；大大隻鮑魚直頭yummy至極❤️這個價錢也相當合理，如果人多可以點menu C和D,因為食物款式相對較多。人少像我們點menu A也吃飽了！🥰

有同學介紹大埔呢間放題俾我，話啲嘢食幾特別同埋種類好多。我一入座就覺得座位私隱度好高！菜單都真係好多嘢食😍第一下就已經比「馬來西亞冷榴槤」同「馬來西亞烤榴槤」吸引住🥺我中意食冷榴槤多啲，肉質厚實呈金黃色，口感食落好軟滑，榴槤嘅「臭」超濃郁😍😍榴槤都係任食唔嬲的！🎣刺身三文魚肥美到傻！赤蝦、甜蝦、泰式生蝦都好新鮮，口感爽口彈牙，肉質有淡淡嘅甜味，一啲雪藏味都冇，放題嚟講呢刺身質素算係好高😳🍣壽司必食鵝肝壽司，細嫩肥美，油脂豐富、赤蝦壽司🦐，肉質晶瑩剔透，新鮮彈牙、魚子壽司、三文魚壽司，好creamy！鰻魚玉子燒有驚喜🤩🔥燒物-蒜蓉烤生蠔，生蠔冇海鮮嗰種腥腥嘅味道，反而有股鮮甜，食完滿口蒜鮮香味😜。-牛舌好爽口，但絕對唔會咬唔郁，幾重牛味！-燒菠蘿超多汁水，好甜😭食咗幾碟😂-燒魷魚，愛辣人士必吃🥵真係幾辣🇯🇵日式小食-免治雞肉串，個醬汁甜甜地幾好食，啖啖肉-蝦、南瓜天婦羅，炸粉好薄，亦唔似係擺咗好耐攤凍曬嗰啲仲有食咗避風塘炒海鮮，入面有至少五種海鮮，好惹野、炒硯、炒牛柳粒，今次只係食咗好少一部份，種類實在太豐富，下次會想試下其他手卷、壽司、熟食，見到餐單有榴槤壽司，下次留肚食！

滿屋日本料理 (大埔超級城) (大埔)大埔 放題 諗住食伏嘅心態過嚟 估唔到很有驚喜。基本刺身壽司天婦羅都有，有驚喜係佢其他食物。包括海鮮粥，避風塘炒海鮮 燒菠蘿 牛扒 任食榴槤 雞煲 羊架 花膠 燒蠔 仲有得食 movenpick 雪糕誠意十足，一d都唔hea,仲整得好好食添！因為呢期胃痛所以好少叫啲刺身，不過啲刺身都好新鮮，最鍾意係佢嘅熱食 。環境上好寬敞又乾淨，約埋三五知己一齊食野傾下計不錯選擇。服務態度都很好，上菜很快 有好多甜品同埋飲品選擇我哋個套餐係最低消費75品 $298 任食，最貴115品$588，有靚拖羅食架！下次要試下！地址 ：大埔安邦路8&10號大埔超級城地下542-548號舖服務：7.9/10味

每月一放題好似miss咗一個月，呢日我得閒朋友又得閒，咁就約咗一齊食放題。天氣有少少凍，咁就嗌咗一窩海鮮粥暖個胃先，yummy ，有蝦，有魷魚，仲有啲淡菜😁暖肚之後，就係魚生大挑戰，三文魚，油甘魚，赤貝，北寄貝，象拔蚌，赤蝦，甜蝦，希靈魚，八爪魚，酒煮榮螺片，最驚喜係有泰式鮑魚刺身，呢個係另上嘅，因為個泰式sauce，酸酸甜甜好泰式，好惹味👍仲有任嗌嘅燒榴槤，凍榴槤，對於榴槤迷來講一定係好事，連我呢個不嬲唔食榴槤嘅都叫咗2轉🤭🤭而燒菠蘿就每次必叫，今次都唔例外，勁juice吖。“拖羅蓉魚子醬带子杯”亦嗌咗2次，好睇好食，除此之外，仲有海膽手卷，西京比目魚，蒲燒鰻魚，蒜蓉燒生蠔，御品鮑汁燴花膠，秋葵天婦羅，和虎蝦天婦羅，還有中式食品乳鴿和麻辣小龍蝦，實在very good。

我老公鐘意食榴槤，今日同佢黎開大埔超級城，呢間日式放題最近有埋榴槤任食🤩仲update 左新餐牌❤️中午放題價錢仲抵食D🤤即刻入去😂榴槤可以不停追加❤️有2款榴槤，每一塊都好大舊🫶🏻啖啖肉， 果肉好軟熟👍🏻日式放題唔少得就係食刺身🤩，大讚個挪威三文魚刺身👍🏻好厚身，而且夠肥美，好滑口👍🏻正 仲叫左北寄貝同赤貝，都好新鮮 仲有泰式原隻鮑魚🤤新餐牌仲加左D細份嘅小菜，有雞煲，炒䙺，連鐵板西冷牛扒都有🤩細細份真係好正👍🏻可以每一款都試下。 個西冷牛扒🥩上枱仲係熱辣辣ga 👍🏻串燒我就鐘意麻辣小魷魚同雞軟骨，好香好惹味👍🏻不停追加😂場內仲有冷熱盤，甜品糖果，飲品雪糕都係俾放題客人任食🤩中午過嚟食個long lunch 都幾嘆🤤

嘿！今天想放題一下😂我去左一家超正的日式刺身自助餐😁有幾個唔同既餐你揀🍣🍤🍢以前食過最貴D餐，發覺要好出力食😅😅今次揀咗B,慢慢食。。。首先當然食刺身，刺身新鲜，B餐已經好多款揀。跟住有海膽手卷，細細啖飯，正。B餐可以揀松葉蟹腳😍好鮮好好味。。。还有烧物，有燒鳗鱼、燒牛舌，燒牛肉粒，燒雞翼，都好香，好鬼正。配無限量啤酒，清酒，可惜既係，你只得2小時，🤣唔知食好完飲好。最後是牛肉烏冬，真係有驚喜，估唔到佢d麵又幾有嚼勁。配埋最後燒榴連，完美句號。🍣🍤🍢💫

同事搬咗入大埔，趁今日放假入去探下佢，晚上一齊去大埔超級城食晚飯，見到滿屋日本料理開咗分店，期間限定有榴連任食，同事和我不約而同話一定要入去食返餐。餐廳地方不算大，但地方整潔乾淨，設有自助區，冷盤、熟食和飲品都係自取。刺身拼盤擺設得好精美，而且好新鮮，挪威三文魚、油甘魚、希靈魚，魚肉肥美魚油豐膄。大赤蝦蝦肉肥碩，口感充滿彈性，鮮甜爽口。赤貝、泰式生蝦、象拔蚌鮮甜爽口。北海道帶子肉質細嫩柔軟，散發鮮甜味道。馬來西亞榴連，有烤和凍選擇，烤過的榴連口感煙韌，我比較喜歡凍榴連，其味濃郁，果肉金黃，口感軟滑，入口純甜。泰式鮑魚刺身，肉質彈牙， 味道酸辣，十分惹味！御品鮑汁燴花膠，花膠大塊，口感軟滑有膠質，伴上原隻爽口花菇，鮮味十足。燒羊鞍肉質鮮嫩入味，肉汁豐富。蒜蓉燒生蠔入口嫩滑，不會怪腥味， 配上蒜蓉調味，幾惹味！吉列炸蠔外層酥化、內裏多汁鮮甜，伴以蛋黃醬，味道清新不膩。芝麻雞翼，外皮金黃酥脆，內裡藏著雪白嫩滑的雞肉，香口非常。西京比目魚肉質細緻、多汁，咸香味十足。鹽燒海蝦，肉質結實又爽彈多汁, 蝦味鮮濃。鹽燒雞翼，皮脆肉嫩有肉汁。天婦羅炸蝦外層油香酥脆，內裡蝦肉爽滑彈牙，沾上特調天婦羅汁，更