疫情仍然嚴重，相信外賣仍然係唔少人醫肚選擇。不過其實外賣都可以食得開心又滿足㗎，今期繼續介紹多間外賣優惠餐廳畀大家，有日式烏冬及飯糰專門店、台式飲品店、烤魚專門店及麻辣火鍋，繼續帶大家味遊世界～

丸亀製麵 全線分店 (銅鑼灣分店除外) 指定食品7折

來自日本嘅連鎖烏冬專門店，堅持採用自家粉團，即場打製烏冬，由清湯烏冬、釜揚烏冬至冷烏冬都應有盡有。今次番茄牛肉烏冬及腐皮湯烏冬嘅大小碗都做緊7折優惠，番茄湯好濃厚，鮮甜又開胃，飲晒成碗湯都無問題。而腐皮湯烏冬嘅腐皮味道香甜，索晒湯底一咬入口爆汁嗰種感覺真係好享受，烏冬控一定要食！

飯丸屋 全線分店 指定食品7折

香港首間主打沖繩特色飯團嘅店舖，店舖來自台灣，供應多款足料嘅沖繩飯團。沖繩飯團即係將紫菜包裹住米飯以及餡料再摺疊成方型，有啲類似韓國嘅紫菜包飯～如明太子干貝酥炸蝦飯糰，明太子鹹香配上干貝酥炸蝦，香脆又惹味。炸雞炸蝦芝士飯糰都好吸睛，炸雞同炸蝦超juicy，加埋芝士好香濃，簡直係多重享受～

手作功夫茶 全線分店 指定飲品7折

苦中一點甜，相信而家香港人都需要飲返杯甜嘢慰勞吓自己。呢間茶飲專門店，主打手作、天然、健康概念，以蜂蜜代替常用嘅果糖或者蔗糖，令飲品味道香甜得嚟唔涸喉。如黑糖波霸鮮奶，黑糖香濃珍珠彈牙。 而仙草冬瓜茶甜味自然，令人飲完一啖又一啖唔停口。

小魚兒 將軍澳&尖沙咀 指定食品7折

外賣烤魚喺屋企慢慢食都唔錯喎，呢間烤魚專門店主打多款碳火風味烤魚，推介巫山麻辣魚春魚卜豆花、黃金香辣海鮮豆花及活火山泡椒豆花等，唔食得辣都可以揀黃金特濃蒜香豆花，一樣咁惹味。不過最緊要揀凌波魚呀，少骨啖啖肉。驚唔夠食都可以另加配菜添～

渝味曉宇重慶老火鍋 全線分店 指定食品7折

麻辣控有福喇！呢間人氣麻辣火鍋都做緊指定食品7折，佢哋嘅麻辣做到夠香而且唔係一味死辣，唔怪之得咁受歡迎。推介二人及四人套餐，可以自選兩款湯底及多款配料，湯底有普通辣、重慶辣、番茄鍋及大骨滋補鍋等，而配料供應多款特色食材，如稻田毛肚及鮮鵝腸等。

買開外賣嘅可以用埋呢個七折食到飽優惠，所有參與餐廳都有至少7折優惠，輸入優惠碼「EAT10」#消費滿$50，額外減$10！另外仲有抗疫晚市限定優惠，每日下午4時起，輸入優惠碼「TAS20」^消費滿$200，即減$20！

除咗上述優惠外，OpenRice都會推出不定期嘅外賣自取優惠，想知更多詳情可以Keep住留意OpenRice App啊！                 

仲等？按此立即落單    

#七折食到飽優惠：https://bit.ly/33NU48c
^抗疫晚市限定優惠：https://bit.ly/3G1OrBi