合興車仔麵@元朗 元朗地道車仔麵一定會諗起合興啦🤣 每次都會叫好多個餸先開心滿足😋不過各位朋友仔記得要食就要早少少去食，如果唔係晏左好多餸都會賣哂。 💥 豬腸雞翼尖麻辣豬耳米粉 HK$48 豬腸有少少肥好淋好入味👍雞翼尖都係好入味唔會太淋爛溶溶👍麻辣豬耳好抵食好大碟，鹵水豬耳上配上麻辣醬好惹味，唔會太辣好好食👍 👍🏻 評分 : 8/ 10 💥豬紅牛腩鹵水豆腐咖哩魷魚河粉 HK$42 豬紅真係好好食，唔會有血腥味，每次有都會心點👍牛坑腩就一般般，都好入味，唔會太柴 鹵水豆腐又係好好食，好滑好有豆味👍 咖哩魷魚灼完必然靠嗰辣汁，不過都幾辣，鍾意辣嘅朋友仔啱哂，因為粉麵湯底如要香辣汁都係呢個汁，所以好惹味好正😋 👍🏻 評分 : 8/ 10 合興車仔麵@元朗 📍元朗鳳翔路69號建輝大廈地下3號舖

名點屋 @ 屯門 而家食點心唔一定要去茶樓先有得食， 坊間嘅點心店愈開愈多，所以而家夜晚都可以食到點心👍🏻 呢間名點屋就第一次試😊 因為聽聞嗰酥皮叉燒包好食所以就到店試一試啦😋 💥酥皮叉燒包 一碟3個大大個🤩 酥皮都幾鬆軟，叉燒餡都幾多 叉燒選用半肥瘦，而且都幾淋👍🏻 不過由於太大個，食一個都飽左6成😂 但值得一試😋 👍🏻 評分 : 7.5 / 10 💥沙律炸雲吞 又係一碟有3件大大件🤣 雲呑上舖滿沙律雜果，而份量都唔少🤣 平時出面酒樓食通常都係沾甜酸醬， 呢間就採用沙律醬舖面代替，都幾特別👍🏻 雲吞都炸得好鬆脆，入面仲有隻大蝦🍤 👍🏻 評分 : 7 / 10 💥鮮肉小籠包 呢個反而就比較一般，皮厚，肉汁比較少。 👍🏻 評分 : 4 / 10 💥醬皇蒸鳳爪 同平時酒樓味道差唔多，不過佢比較無咁重口味😝 👍🏻 評分 : 5 / 10 💥黑椒牛仔骨 上枱時第一眼望到，大家都講左句「咁淺色嘅😂」 有黑椒味嘅，不過唔香唔太濃味，而且牛仔骨偏肥 食落感覺滿口油兼無乜肉食🥴 👍🏻 評分 : 3.5 / 10 💥瑤柱蒸蘿蔔糕 呢款酒樓而家好似比較少見？ 面頭都好足料，有蝦米同臘腸粒再配埋少少蔥花 蒸得幾好唔會話好水同一[pat pat]， 亦都食到有蘿蔔條/粒，唔係只食到粉。 👍🏻 評分 : 6.5 / 10 💥鮑汁鮮竹卷 普通普通，都足餡料 味道好似食唔出有鮑汁味，而且內有芫茜小編就接受不了😂 屋企人評語都話一般普通啦 👍🏻 評分 : 5 / 10 💥韮王鮮蝦腸 腸粉皮較厚，但蝦都算大隻。 👍🏻 評分 : 4.5 / 10 名點屋 @ 屯門 📍 屯門屯順街1號屯門市廣場高層地下UG01號舖

研香@尖沙咀 💥 龍眼冰 HK$49 好耐無食過龍眼冰喇😋mune上寫明1碗=20粒龍眼嘅滿足😋食落去好甜好有龍眼味道，而且沙冰裡面有龍眼果肉，另外配埋細細粒脆珠同椰果肉，口感非常清香，亦啱哂夏天食。 👍🏻 評分 : 8/ 10 💥 芒果冰 HK$42 Mune話1碗冰=1個芒果嘅滋味，芒果肉都算多 而且唔酸，芒果仲好甜，同上一樣有細細粒脆珠，而冰嘅質地就好似雪芭咁好棉。 👍🏻 評分 : 7/ 10 💥 8小時慢磨芝麻糊 HK$38 加入日本金芝麻製成，呢碗芝麻糊的確口感幾滑幾香，整體味道唔錯，亦唔會太甜太濟。 👍🏻 評分 : 7/ 10 研香 📍尖沙咀厚福街7號地舖

青山灣漁港@屯門三聖 有咩開心得過身邊班朋友仔都鍾意食海鮮，約左好耐終於去三聖食海鮮餐，仲試一直好想試嘅芝士脆皮焗龍蝦😍而家打返食評都回味緊啊🤣今次都係去開朋友仔買開嘅海鮮檔【忠仔記生猛海鮮】，而晚飯就去三聖商場入面2樓間青山灣魚港。以下落黎就介紹菜式比大家🍻 💥 芝士脆皮焗龍蝦 HK$300 +加工HK$216 上枱已經聞到好香芝士味，芝士焗得好乾身亦脆卜卜👍入面龍蝦肉熱辣辣又嫩，肉質一梳梳，夾埋芝士皮一齊食真係好夾👍好食。 👍🏻 評分 : 8.5/ 10 💥 蒜蓉開邊蒸龍蝦 HK$150 +加工HK$72 朋友仔因為唔食芝士，所以一隻另做蒜蓉開邊蒸 我就試左小小，肉質都係好新鮮鮮甜，帶小小蒜蓉香好食，不過個人就喜歡芝士焗多啲🤣 👍🏻 評分 : 8/ 10 💥豉椒聖子王加炸麵底 約HK$190 +加工HK$162 豉椒味好惹味，炒得幾好聖子掛汁，亦唔會過熟，口感幾爽，麵底好乾身脆卜卜，沾埋汁食一流👍 👍🏻 評分 : 8/ 10 💥 蒜蓉粉絲蒸扇元貝 約HK$150 +加工HK$75 五隻元貝，又係蒸得剛剛好，元貝肉都幾厚肉 同大粒，食落仲好Juice鮮甜亦唔會好(鞋)。 👍🏻 評分 : 8/ 10 💥鹽油水粉絲煮蜆  【海鮮檔送】+加工HK$140 雖然蜆肉唔算好肥好大粒，但食落無沙都幾鮮甜， 粉絲索哂啲湯幾好味，不過有些小咸🤣 👍🏻 評分 : 7/ 10 💥鹽焗奄仔蟹 約HK$500 +加工HK$156 呢3隻奄仔蟹真係好正好正😍啲糕爆到不得了 好鮮甜好甘香👍蟹肉食落又係一梳梳啖啖肉好肥美👍 👍🏻 評分 : 8/ 10 💥椒絲腐乳炒通菜 HK$98 普普通通，都夠鑊氣，略為咸左小小。 👍🏻 評分 : 7/ 10 茶位  HK$ 16/位 晚飯小食 HK$20 汽水 HK$19/1罐 啤酒(藍妹) HK$38/1支 青山灣漁港 @屯門三聖 📍屯門三聖街6號三聖商場2樓2B號舖

_ Chill and Grill @西環 假日同家人去西環重遊舊地，順便中午就揾間餐廳食個Lunch，去咗呢間Chill and Grill，整間餐廳嘅裝潢好靚，亦見室外都有幾張枱，如果帶寵物就可以坐出面👍 假日都有weekend special lunch set 以下餐可配是日餐湯 或 田園沙律 💥Beef Quesadillas HK$128 呢個墨西哥牛肉餡餅唔錯👍 餅夾住芝士牛肉醬，另配上牛油果醬同蕃茄洋蔥碎粒都唔會好膩，餅底亦脆卜卜👍 👍🏻 評分 : 7/ 10 💥Black Truffle Spaghetti with Parmesan King Mushroom HK$138 意大利新鮮黑松露意粉配芝士焗大王菇 黑松露味幾重，大王菇好juice好香好好食😋 意粉配撘上黎真係好好食 👍🏻 評分 : 7/ 10 💥Riso Pasta in Paella Style HK$168 西班牙海鮮米拉麵 西班牙米係尖尖的，食落有咬口幾得意， 海鮮有八爪魚，帶子，蝦跟青口 不過青口肉就比較細粒🤣大蝦都幾爽，配上醬汁都唔錯，可以一試。 👍🏻 評分 : 7/ 10 💥Fat Grilled Platter (For Two) HK$488 Prime Striploin (250g), Pork Chop, Half Chicken 8 Tiger Prawn 重量級燒烤拼盤 (二人份量) 頂級西冷 250 克 - 牛扒7成熟幾嫩幾香 婕豬扒  -  普通普通，肉質唔算好嫩滑 燒黄油牛雞 - 燒雞睇落燒得好乾身，但食落好juice好入味 燒虎蝦 - 爽口彈牙，燒得好香口 👍🏻 評分 : 7/ 10 🔆Add On Truffle Fries 黑松露薯條 $48 Garlic Bread 惹味蒜蓉包 $38 Chill and Grill @西環 📍西環堅尼地城加多近街57號地舖

文記火鍋@大圍 天氣涼涼地就約埋朋友仔一齊火鍋滾滾下😋 而經openrice訂座有些時段可享75折(餐牌正價) 另外只收現金✔️另收加一服務費 醬料費每位HK$15 開胃小食每份 HK$10(一至四位1份，五位或以上2份) 💥湯底揀左雙拼 沙嗲湯底HK$88 & 胡椒豬肚湯HK$138 (雙拼湯底需加HK$20 *以高價錢那個計算) 💥椒鹽粟米 HK$68 唔夠香口惹味 👍🏻 評分 : 5/ 10 💥炸鬼馬花枝(8件) HK$98 炸起熱辣辣都幾酥脆口，配上麻醬都唔錯 👍🏻 評分 : 7/ 10 💥手切雪花牛小排 (大)HK$298 👍🏻 評分 : 7/ 10 💥美國大桶蠔 HK$158 五隻蠔，有一隻就比較細，但都幾新鮮 食落好重蠔味👍 👍🏻 評分 : 8/ 10 💥中山脆肉鯇魚片HK$88 新鮮份量都幾多塊，朋友仔話幾好食 👍🏻 評分 : 7/ 10 💥黑松露蝦餃 HK$68 好似鮮蝦雲吞但入面加左有少許黑松露 食落係有黑松露味道，幾過癮 👍🏻 評分 : 7/ 10 💥新鮮獅頭鵝腸 HK$98 朋友仔必點🤩上枱見到啲肥糕已經🤩 灼兩灼好爽口，而且無味道👍 👍🏻 評分 : 8/ 10 💥新加坡魚蛋 HK$48 爽口彈牙無魚腥味👍 👍🏻 評分 : 7/ 10 💥蟹籽鮮蝦滑 HK$88 都幾爽口不過份量好似細左小小🤣 👍🏻 評分 : 7/ 10 💥魚皮餃 HK$48 💥北海道蟹柳 HK$48 💥高山娃娃菜 HK$38 💥金菇 HK$38 文記火鍋 @大圍圍方 📍大圍積信街69-75號立和樓地下B號舖

_ 山本屋 @大圍圍方 放假同朋友仔出去行下，第一次去大圍新商場圍方 上網search下睇下有咩新餐廳試，點知見到呢間山本屋好多人介紹，兼大排長龍都咁多人試。 我地6pm排隊，前面巳經有10幾人排緊，好彩都算快入座。排隊時店員會提供點餐紙點餐，入座前就直接幫忙落單，都算係可節省少少落單時間。 💥 美國安格斯牛肉煮烏冬 HK$108 轉招牌咖哩湯 +$10 熱辣辣煲仔上👍，咖哩湯唔算重口味，反而覺得唔夠香同有少少淡味，牛肉都幾滑，烏冬麵有咬口， 隨煲配料附有隻雞蛋，少許腐皮及大蔥。 👍🏻 評分 : 7/ 10 💥 吉烈豬扒煮烏冬 HK$108 老店傳統味噌湯 呢個湯底真係要比啲食得好重口味嘅人就啱🤣 食唔到味噌嘅香，反而食落嗰湯有少少苦澀味 頭一兩啖可以接受，但食整碗有少少難接受 吉烈豬扒都炸得好鬆脆，豬扒唔會好(鞋)口 下次再試可能會試埋鏗魚湯底😀 👍🏻 評分 : 6/ 10 💥 燒地雞手羽(3本) HK$48 雞翼即叫即炸，上枱熱辣辣 外脆內軟，肉質好滑夠多汁👍好食 👍🏻 評分 : 8/ 10 💥 炸紫菜雞柳 HK$38 都係炸物🤩炸得好香口， 雞肉好嫩夾埋紫菜都幾配👍 不過個人喜歡雞翼多啲😋 👍🏻 評分 : 7/ 10 💥 元袓波子汽水 HK$25 蘋果口味，普普通通 👍🏻 評分 : 7/ 10 山本屋 @大圍圍 📍大圍車公廟路18號圍方5樓527舖

_ 8cm coffee @元朗 揾間café 坐下食個tea傾下計，呢間8cm coffee成日經過今次終於可以同朋友試下，平時都見好多人帶狗狗坐門外，所以帶狗狗嘅你地又多一個地方選擇。 💥 烤紐西蘭薄牛扒酸種多士伴黑松露野菌炒蛋 HK$128 牛扒味道唔錯，煎得好香且食落都好軟熟，多士都好鬆脆幾香👍呢個價錢算是抵食👍 👍🏻 評分 : 7/ 10 💥 黑松芝士露瀑布薯條 HK$72 薯條炸得唔夠透，食落仲好淋😣而且黑松露味道好薄，感覺似食緊芝士薯條多啲。 👍🏻 評分 : 5/ 10 💥  椰子菠蘿梳打 HK$45 天氣真係好熱，要飲返杯梳打涼爽下 賣相好靚👍好香椰子味，底有菠蘿肉 飲落好夾好飲👍不過如果太杯啲會更好🤣 👍🏻 評分 : 7/ 10 💥  招牌朱古力咖啡 HK$48 普通👍但泡沫太多了😣 👍🏻 評分 : 6/ 10 8cm coffee @元朗 📍元朗鳳攸南街9號好順利大廈地下14號舖

麗江雲南米線@屯天水圍 天水圍呢間永遠都排哂隊既米線都已經食左好多年，起初都係朋友介紹，點知真係會上癮，有時晏晝唔知食咩就會諗起麗江🤣不過坐位真係比較窄同迫 💥 雞翼豬紅蘿蔔中麻辣米線HK$48 食得辣既你地可以試下呢個中辣，雖然有啲油，但都好麻好香，豬紅普通唔錯，蘿蔔唔老無根，米線都唔會煮得太淋，軟硬度適中👍 👍🏻 評分 : 7/ 10 💥雞翼肥牛小小辣米線 HK$42 炸雞翼食落唔會太乾太油👍肥牛都係普普通通，唔錯，唔食得辣既朋友仔小小辣就OK 👍🏻 評分 : 7/ 10 💥 蒜泥白肉 HK$34 呢個白肉個人幾鍾意食，佢個汁甜甜地帶啲蒜香味， 腩肉唔係好薄但食落唔會好un好（鞋），可以一試啊 👍🏻 評分 : 7/ 10 🥤凍檸檬茶 （凍飲+$6） 麗江雲南米線@天水圍 📍天水圍天湖路1號嘉湖新北江商場一期1樓C45A號舖

Samsen泰館@上環 今日約左朋友仔食Lunch，上環蘇杭街經過呢間長期都要排隊嘅米芝蓮Samsen，但經過唔見有人龍，就立即入去試嚕，朋友仔巳經食過幾次，今次就點左兩款佢未試過嘅一齊食🤣餐廳裝修幾有心思，好有風味，都幾有氣氛👍 價錢方面略貴，但好食都值得一試👍 💥泰式黃咖哩雞 HK$158 Aromatic curry of deboned chicken & potatoes *jasmine rice and cucumber relish 咖哩味又香又濃😋好惹味 仲要係原隻大雞脾肉👍薯仔同小洋蔥都入哂味 咖哩汁配上白飯就更加唔使講🤣一個字「正」 👍🏻 評分 : 8/ 10 💥泰式火車炒飯配和牛 HK$138 Fired rice with wagyu beef, tomatoes & chili *baby kale and fried shallots 鍾意食辣嘅你，呢個炒飯真係要試試🔥 雖然有少少重味，但炒飯就係要炒得夠濃夠香夠鑊氣先好味🔥飯亦炒得粒粒分明好乾身，每一啖都食到牛肉粒👍炒飯跟隨一小碟辣椒魚露，其實落一兩滴落炒飯個層次又唔同左，不過真係好辣🤣食得辣先好落 👍🏻 評分 : 8/ 10 💥 泰式青檸茶 HK$18 （跟餐加錢） Thai lime tea 最鍾意飲泰國既青檸茶，茶底真係好好飲😋 👍🏻 評分 : 7/ 10 Samsen泰館@上環 📍上環蘇杭街23號地舖