樂園魚旦專家 (協和街)

營業中

休息中

❤️魚蛋 雲吞 雙拼米線魚蛋好彈牙爽口，無渣，有四塊左右😗雲吞皮適中，餡料豐富，有三粒😃米線滑口 唔鞋👍🏼👍🏼👍🏼尼個價錢真係唔要求太多🫣🤓女仔食完夠飽肚 男仔可能要加餸加底🤨🧐評分：❣️❣️❣️❣️環境 🍃🍃店鋪唔係好大 坐得幾逼 要同人拼檯🙁食物🍡🍡🍡🍡🍡性價比💰💰💰💰💰 推薦🌈🌈🌈回頭🙋🏽‍♀️

朋友介紹我去嗰家鋪頭嘅牛三寶麵喺滿溢嘅湯底中攙和住滋味，真係靚仔到喊！👌 一啖落去，牛腩嘅肉質鬆化得剛剛好，牛筋啲Q彈，牛肚就新鮮得嚟又唔會太微。跟得上啲麵條Q彈有勁，啱啱好截住嗰份湯味，真係食落過癮！至於崩沙牛腩河，無庸置疑，嗰啲牛腩嘅腍滑程度簡直可以用「崩沙」嚟形容，而嗰啲半肥瘦嘅河粉，滑溜溜嘅口感搭配上面啲軟熟牛腩，簡直就係好味到叫人忍唔住想再黎一碗。🍜員工態度不錯，服務周到，整體氣氛舒服，當中嗰份親切感，同餐飲質素，令人留下深刻印象。下次街坊有機會路過喺附近，記得要黎嚟享受下，絶對唔會令你失望架！👍

平時一向都有食開樂園，不過一都係中午同同事一齊食多，食開牛腩河，好正！今日係觀塘做完嘢就周圍行陣，見到原來呢個位有一間，就一於就食佢，自己一個人食飯，我不嬲都係比較鍾意外賣～收工時間堂食都差唔多坐滿～我想講姨姨真係好nice～真係小店先會有呢種人情品，叫左外賣之後，我係門口等左差唔多5分鐘，就有得拎啦！好快手！叫左個招牌魚蛋加韭菜餃！今次試吓粗麵！同埋叫左枝凍豆腐～一品豆漿有保證～淨番最後2枝咋！好好彩！我攞完外賣之後經過一間舖頭行咗差唔多成個鐘先返屋企食，發覺個麵竟然淨係淋左少少，都仲有湯淨！粗麵真係值得推介佢食落去唔韌，而且表面好滑！如果平時食開河粉厭厭地，想轉下新口味試新嘢，你哋都可以試吓粗麵，鹼水味唔會太重～我接受到！招牌魚蛋唔使講啦，好彈牙，鍾意食白魚蛋嘅我必叫，韭菜餃同佢都分別有三至四粒好足料～

秘製牛雜米線 ($38) ●●●●◐有牛肺、牛腸、金錢肚、牛蒡（面嗰塊牛腩係人哋share畀我 XD 同樣好味呀）坦白講我唔係好識分啲部位😂但basically要爽口嘅爽口，要腍嘅腍唔係好腥，牛味幾出𠻹🐄米線唔錯，彈牙湯底亦都唔係重味精嗰種鹹湯食完好飽 ˓𓄹 ࣪˖ 大滿足🈵✍🏻 同事話佢哋嘅崩沙牛腩都掂！搵次試下先😤📍樂園魚旦專家💰: ●●●●●環境、服務：●●●○○ 會坐得逼啲同埋環境唔算特別乾淨

啲人成日話觀塘好多好嘢食，今日咁啱喺九龍灣做完佢之後就決定嚟觀塘覓食，去完裕民坊之後覺得商場裏便啲餐廳唔抵食，突然之間好想食牛腩粉麵於是見到協和街有間連鎖式牛腩粉麵，我又趕時間返屋企於是買外賣返屋企食。餐廳10分闊落，環境舒適唔會迫迫夾夾。睇咗餐牌之後叫咗碗牛三寶墨丸撈粗麵，牛三寶包括牛腩金錢肚牛筋，非常大碗10分抵食，餐廳主打新鮮牛肉亦炆得非常入味。平時一般一碗新鮮牛腩麵都要$70-80,呢度竟然可以雙拼加$10,非常抵食，我對味精非常敏感，竟然唔覺餐廳喺粉面中加入味精良心之作。比起中環某牛腩名店行行地都要$100,而且又唔好食，個人10分推薦樂園。餐廳喺唔同地方都會有分店，大家經過又想食碗牛腩麵一定要去試吓。

天氣開始涼，特別想食湯麵🍜 好耐冇食呢d 傳統香港粉麵， 上網見到近近地就去食！平日7點幾 已經爆曬！ 好彩一入就有卡位岀✌🏼雲吞河粉 多汁多蔥 （$33）雲吞裏面真係有蝦 ， size 適中！ 裏面豬肉冇雪味，應該係新鮮包！ 河粉偏幼身同幾滑，份量幾多！ 湯底來講我加咗腩汁，佢本身亦都有一啲炸蒜同埋蔥，腩汁濃郁帶有少少甜！ 牛什幼麵 多蔥（$38）牛雜份量好多， 有牛腸金錢肚牛肺牛蒡。啲內臟唔會好腥，當中牛肺大推介👍🏻👍🏻👍🏻 一般出邊整得唔好牛肺會硬掘掘，呢一間林得呢又有啲咬口❤️幼麵好爽口 反而佢個辣醬比到驚喜我佢同一般嘅辣椒油有啲唔同，佢有少少麻辣味 👍🏻凍檸蜜 少冰 （+$11）凍檸茶 少甜少冰 （+$8）兩杯檸底檸檬片🍋厚身，有三片添！凍檸茶茶底幾好飲，檸蜜偏甜！大件同抵食，性價比高👍🏻下次試吓佢個魚蛋先！

今晚我和朋友一起去觀塘行街, 行完後想吃點粉麵, 剛巧見到這間粉麵店, 便決定進去吃晚餐.桌上放有各種調味料和辣油, 喜歡吃辣的朋友可以去吃呢.餐牌上粉麵的款式也不少, 而且價錢便宜, 幾抵食.招牌魚蛋米線($33),  魚蛋很彈牙, 很香滑, 很有咬口, 好好食, 而且魚蛋的份量都夠多, 才$33, 幾抵食.飲品我點了熱檸賓 ($11) , 酸酸甜甜的挺好飲, 不錯.秘製牛雜米線 ($38):牛雜很香滑, 完全不會韌, 很重牛味, 而且份量夠多, 真的挺好吃. 米線本身也挺彈牙, 而且份量都多, 是可以吃得夠飽, 才$38真的很抵食.凍檸茶少甜 ($8) :凍檸茶夠凍, 現在淡淡夏日, 最合適飲凍飲了.另外鋪頭裝修都不錯, 坐位都算闊, 坐得舒服.埋單兩個人吃晚餐也不過$100, 才$90幾 , 幾抵食, 不錯, 會再來吃.

樂園魚旦專家係我最近愛上嘅快食食堂，尤其呢間位於觀塘協和街嘅分店，店員好好人，對人又親切，野食又好味，價錢又平。今次我收工遲了去又買外賣回家，同老公揀左個牛三寶河同牛雜河，加左碟菜，揀左蠔油生菜同飲豆漿涼下！包裝外賣包得好好，又會主動幫我地分湯，拎回家一定冇漏到。大大碟，平嘅3x元就食到，河粉又滑，湯底夠味得嚟又吾會咸，食完吾口渴的，真材實料！！牛份量多，先講牛三寶，牛筋真係好好味，淋身又入味，牛腩半肥瘦最正，牛肚又爽，真係超正呀！牛雜就份量同埋多，牛腸同牛肺都好食，真係食到好開心，又平又好食。菜都好乾淨，蠔油都吾會孤寒，多多咁樣畀你，正啊。整體非常滿意，真心推介。

呢間魚旦專門店香港自設廠房製造🇭🇰每日新鮮直送！除咗魚旦麵好食佢哋嘅崩沙牛腩都係我至愛不過每日限量發售㗎！-🍜五香牛腩麵（$38）牛腩口感彈牙帶有牛筋，好有咬口呢！推介愛辣嘅朋友仔要落埋呢度自家製嘅辣椒醬會更加好食呀！🍜樂園四寶丸麵（$48）有魚片頭、魚蛋、魚皮餃同墨丸仲要有一粒肉丸，好豐富呀😍而且魚蛋有2粒（定好似有3粒）口感爽彈高質👍🏻魚片頭厚身爽口係我至愛而魚皮餃就最特別🥟外皮有小小厚度以門鱔製造，再包住豬肉餡咬落口感飽滿呢💕🥤凍檸茶（+$8）🥛豆漿（+$8）樽裝壹品豆漿以加拿大非機因改造大豆及有機大豆製成豆味幾香濃大大枝，CP值好高呢！

呢間協和街樂園魚蛋專家真係平靚正！我見好多粉都係3十頭左右嘅價錢，見落都大大碗，全曰同價都真係幾抵食。今次我揀左牛三寶！即係牛肚牛腩同牛根，呢3款都係我喜歡，都好中意佢地咁配搭，又吾係牛雜，只係牛根牛肚牛腩！正啊，當然都可以揀牛雜啦！都只係3x元。我點呢個牛三寶河粉，價錢59元，大大碗，很抵食，牛腩汁入味得嚟又吾令人口渴，應該冇乜味精，而牛腩係半肥瘦的，超正架！牛肚入味又爽淋，牛根最正，大大條，又淋又好有口感，覺得好好味啊！加左8蚊要左成支豆漿，大大支，真材實料，吾會加水加糖冇晒味！！好食！！

由於以前住呢度嘅附近，所以間唔中屋企人都會帶我去樂園粉面嗰度食嘢，所以呢度可以話係充滿一個回憶的地方。機緣巧合下今日故地重遊，所以都買個外賣返去食。入咗去店員服務態度非常之好，而我哋都係叫咗一路叫開嘅牛丸，牛筋粗麵同埋墨魚丸牛筋粗麵，嗰日嘅有菜有生菜芥蘭同埋菜心，我哋揀咗菜心，另外凍檸茶兩杯大約等咗五至6分鐘，外賣已經準備好，包裝非常唔錯，唔會左搖右擺。返到屋企全部嘢食都係熱辣辣嘅，丸類非常彈牙，以牛筋亦都淋滑適中，湯底亦都恰到好處，果然係識咗咁多年水準都有keep到！ 推介埋各位識佢哋嘅雲吞，雖然今次冇嗌，但係之前食過都係水準之作！great !! 食完之後飲番杯凍檸茶，消暑解渴，人生一大快事也。

今日食完個唔飽又唔值嘅炸雞餐後，仍然有啲餓，於是落咗車後，行過嚟搵食，由於正值學生放午飯時間，成條協和街都好多人，呢間都唔例外，但聽到個收銀話有位，又入嚟試吓。之前食過牛腩、牛筋、豬手及丸類，都幾對版，今次試下未試過嘅嘢，點知就出事啦！我叫嘅係雲吞水餃麵，先咬一口水餃，已經唔對路，嚡口嘅，再嚟雲吞，一樣唔掂，實心得嚟，得啲豬肉，無蝦，真搵鬼笨，好在啲麵依然爽口無鹼水味，個湯有啲大地魚味，如果唔係，都幾難食落去。再食落去，水餃居然有渣，係食唔落要𦧲出嚟嗰隻，完全唔掂，明顯竹筍太老身，至於雲吞就終於食到蝦，但只有一隻咁多，而且實肉唔得爽。水餃皮同雲吞皮都係一樣，死實實，唔得滑。下次要幫襯嘅話，都係要返其他穩陣啲啦！

星期六唔想煮飯，做下懶人😅，行下觀塘睇下食咩好，剛行到樂園魚旦專家，見到餐牌幾吸引，就決定今晚買佢地既外賣回家食。🙈叫左一個飯、一個麵，承惠$89。晚飯時間，觀塘協和街有好多人，在外邊等見到人來人往。好彩天氣咁凍，都係等咗大約5分鐘，就可以有得拎番到個我個竇都成9個字，天氣咁凍野食仲熱，好彩無塞車😂😂一入屋太肚餓啦，拿拿臨拎左食物出嚟食，先飲個紫菜湯，冬天飲熱湯係好暖心😁豬手幾林又好入味，肉又多，面係鹼水麵，食落爽口，麵同湯是分開上的，所以可以保持無浸到林哂咁😉牛腩飯有好多件牛腩，件件都好大件，份數好多，夠哂份量，而且牛腩香到飯都可以食多兩啖。😋今餐外賣樂園都出乎意料咁好食，天氣凍食熱野就比較舒服D，另一個重點係好抵食，真好

今日無咩胃口，想食下中式粉面，呢間餐廳成日都見到，都好出名，不過一直都冇試過，但呢間餐廳有咁多分店，相信唔會太差～我哋叫咗一個豬手雲吞米線，豬手超級大隻，而且好入味，滿滿嘅骨膠原，唔錯唔錯！雲吞都好足料，大大粒，入面仲有兩隻蝦，好抵食！另外再叫咗個炸醬幼麵，見佢嘅牛三寶係招牌，就當雙拼咁叫黎試下，發現咁樣叫好似抵d🤣炸醬麵味道都唔錯，同一般喺街出邊食嘅差唔多，不過牛三寶果然係招牌菜，全部都好入味，而且牛腩一啲都唔韌，肥瘦適中，而且一個價錢就可以食曬三樣招牌牛，值得一試👍🏻👍🏻嘢飲方面就叫左凍檸樂同凍檸賓，檸樂啲冰係另上，都算細心。總括嚟講，講得味道唔錯，性價比幾高，下次經過都可以再食😋😋

懷念的味道讀書時代，傻婆T都成日放學後都會去樂園度食，巧遇今天行過觀塘協和街見到，就急不及待入去食番碗。店鋪細細大約二十個位左右，地方都算寬闊，店員服務態度好，好有禮貌。🌸湯米粉（雙拼）牛三寶$58+$10豬手⭐️⭐️⭐️⭐️⭐️傻婆T叫左雙拼，牛三寶有牛筋炆得好淋身，好好味，而且夠晒入味、牛肚好似咬開，唔會痴牙、牛腩夠晒入味，超淋！而豬手同樣整得好出色，同樣好淋身，骨肉分離。米粉軟硬適中，大大碗。🌸凍檸樂+$11⭐️⭐️⭐️⭐️⭐️大大杯，夠凍，檸檬夠新鮮夠香======詳情======樂園魚旦專家 (協和街)觀塘協和街111號建德大樓地舖================#yummy #香港美食指南 #香港美食 #hkfoodie #hkfood #hkeat #吃貨 #吃貨日常 #RnT吃貨 #相機食先 #美食 #觀塘好去處 #觀塘美食 #RnT觀塘 #RnT粉麵 #牛三寶 #豬手 #凍檸樂 #牛 #牛筋 #牛肚 #牛腩 #可樂 #米粉 #樂園魚旦專家