影片
更多
2023-02-14
193 瀏覽
今日食完個唔飽又唔值嘅炸雞餐後，仍然有啲餓，於是落咗車後，行過嚟搵食，由於正值學生放午飯時間，成條協和街都好多人，呢間都唔例外，但聽到個收銀話有位，又入嚟試吓。之前食過牛腩、牛筋、豬手及丸類，都幾對版，今次試下未試過嘅嘢，點知就出事啦！我叫嘅係雲吞水餃麵，先咬一口水餃，已經唔對路，嚡口嘅，再嚟雲吞，一樣唔掂，實心得嚟，得啲豬肉，無蝦，真搵鬼笨，好在啲麵依然爽口無鹼水味，個湯有啲大地魚味，如果唔係，都幾難食落去。再食落去，水餃居然有渣，係食唔落要𦧲出嚟嗰隻，完全唔掂，明顯竹筍太老身，至於雲吞就終於食到蝦，但只有一隻咁多，而且實肉唔得爽。水餃皮同雲吞皮都係一樣，死實實，唔得滑。下次要幫襯嘅話，都係要返其他穩陣啲啦！
我叫嘅係雲吞水餃麵，先咬一口水餃，已經唔對路，嚡口嘅，再嚟雲吞，一樣唔掂，實心得嚟，得啲豬肉，無蝦，真搵鬼笨，好在啲麵依然爽口無鹼水味，個湯有啲大地魚味，如果唔係，都幾難食落去。
再食落去，水餃居然有渣，係食唔落要𦧲出嚟嗰隻，完全唔掂，明顯竹筍太老身，至於雲吞就終於食到蝦，但只有一隻咁多，而且實肉唔得爽。水餃皮同雲吞皮都係一樣，死實實，唔得滑。
下次要幫襯嘅話，都係要返其他穩陣啲啦！
雲吞水餃麵
$43
4 瀏覽
0 讚好
0 留言
張貼
