693
12
19
港鐵觀塘站 D4 出口, 步行約1分鐘; 觀塘地鐵站D4出口，步行只需兩分鐘
繼續閱讀
電話號碼
23456389
90995441
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
有關獎賞計劃
優惠
9折
私房粵菜$100現金券 **無限兌換**
$90
$100
食家推介
相關文章
新年就嚟到，去邊度食團年飯最好？大家可能都會傳統少少揀中菜餐廳，今次介紹返一間勁正嘅隱蔽中菜私房菜俾大家😋«榮哥廚房私房菜»喺觀塘商廈入面，觀塘港鐵站D出口行幾分鐘就去到～ 地點都算方便。餐廳裝修為傳統中菜廳風格，枱與枱之間都有屏風隔開，亦有VIP房提供，聚會嘅時候唔使同隔籬枱你眼望我眼，感覺幾好👍🏻佢哋嘅行常套餐有4款，大概價錢一位$449起，如果睇過真係唔啱食，都可以度身訂造自己想要嘅菜單，佢哋有散叫Menu，最低消費$380一位。我哋今次4個人訂咗〖嚐味〗四人套餐。套餐內燉湯同埋主菜都有幾個選擇俾大家揀，唔怕唔啱食。坐低後可以揀飲咩茶，佢哋嘅茶芥唔係配炒花生，而係枝豆🫛。———.+:｡(〃ω〃)ﾟ.+:｡ ｷｬｧ♪〖嚐味〗 四人$1818❀頭盤：✰本地水耕沙律菜伴芝麻醬✰榮哥自家甜酸齋、涼拌黑白木耳✰茶燻流心蛋伴黑魚子醬配厚切茄子〰️頭盤擺盤非常精緻💜最鍾意個流心蛋，好香茶燻味道👍🏻 沙律菜亦都非常新鮮鮮甜。❀燉湯：✰原盅燉姬松茸淮山甘荀黑毛豚肉湯✰原盅藥膳龍躉骨鮮淮山湯〰️燉湯非常足料👍🏻我比較鍾意飲龍躉骨😍好香濃嘅藥膳同埋魚湯味，而且出邊未必飲到，呢度亦都係秋冬限定😆想試嘅話春季前嚟試下喇～ ❀主菜：✰黑松露醬炒花尾躉斑球 配鮮露筍〰️大愛😍又厚又嫩滑嘅斑球，啖啖肉，黑松露味道唔算好濃烈，唔會遮蓋咗魚鮮味👍🏻👍🏻✰蝦球水芙蓉〰️蝦球鮮味彈牙，水芙蓉蒸蛋白非常嫩滑，加上甘筍汁，清新美味。✰醬燒爽厚豚頰肉配柳丁汁青木瓜絲〰️超厚切但係口感非常好，軟嫩但有嚼勁，醬燒味道有少少似蜜汁叉燒，呢個係必選推介👍🏻👍🏻👍🏻✰韓泡汁煮牛面肉配雙色蘿蔔〰️牛面肉一般都係喺西餐廳出現，第一次試中式煮法，口感有啲似牛腩，但係比較淋，亦都非常入味。✰金銀蒜香有機時令鮮蔬〰️時令鮮蔬可以揀金銀蒜香/魚湯/米王，餐廳安排當日靚菜俾你，今次我哋係食白菜仔。✰大紅大紫炒飯配日本櫻花蝦〰️炒飯粒粒分明，盡顯廚師功架👍🏻 用紅菜頭炒飯令到飯粒變成天然嘅紅色，新年好意頭啊😆😆 灑滿櫻花蝦撈埋炒飯好好食。❀時令甜品：✰薑茶湯圓💵連埋加一服務費，人均$500。
繼續閱讀
其實好幾個月都冇真正去品嚐私房菜, 有啲朋友仔知道我生日, 所以book咗間私房菜大家聚一聚食個晚餐兼且為我慶生！呢間私房菜嚟觀塘地鐵站大約三分鐘路程, 哈哈... 成日週圍捐窿捐罅嘅我當然唔會難搵啦！依一日正日生日嘅我好得閒, Booking係晚上六點, 幾個朋友未收工, 所以第一個攞位嘅係我, 應該係時間尚早所以進入第一個客人亦都係我。一坐低餐廳店員已經預先安排好座位仲做埋餐牌畀我哋睇, 果然真係招呼就到！六點鬆啲我個朋友whatsapp我, 叫我可以叫廚房上菜佢哋就到, 我同店員講朋友就到可以準備上菜, 店員回覆話即整即制準備好曬材料架啦！ 等你朋友到齊先至上菜啦, 我心諗呢間私房菜應該好高效率唔使預先整定, 真係要畀幾個叻佢。講返今晚有咩食, 有六餸一飯一甜品 配上精美小食果然琳瑯滿目, 朋友到齊啦, 可以上菜！店員第一時間攞啲小食畀我哋食住先等上主菜, 一見到小菜就已經即時瞳孔放大, 講真真係好別緻, 有甜酸齋、 芝麻醬車厘茄蔬菜沙律, 仲有流心蛋黑魚子醬茄子, 配枝豆同埋雲耳, 每一樣都係一小碟, 睇得出個廚師係好有心機去做菜！今晚真係好有口福喇。食完曬啲小食終於上主菜嘅時刻到啦！ 先嚟過慢煮海黃花魚豆醬配黑魚子, 舊黃花魚細細嚿望落去好似曬乾鹹魚食落口感都唔錯, 之後嚟咗兩個湯, 一個係龍躉配淮山另一個係意大利肝菌豚肉雞腳甘筍湯, 因為我唔食雞腳我揀咗個龍躉配淮山湯, 飲落好先甜好有火喉好好味！然後再嚟一個醬燒厚豚頰肉配柳丁汁青瓜絲, 啲豚肉切到一舊舊好似西多士咁燒出嚟又真係幾好味, 但係唔記得咗試過青瓜絲開頭仲以為係海蜇, 因為啲食物太過別緻只掛住影相唔記得食, 那個燒肋骨賣相也不錯好香口 及惹味, 至於哪個招牌菜王燻雞皮脆嫩滑好入味, 個魚香有機時菜應該係芥菜啲菜應該浸 浸咗好長時間嘅魚湯所以入曬味好特別, 個大紅大紫櫻花蝦炒飯食落好有口感好滿足, 今次呢個飯局嘅口感同味道果然值回票價值得推薦。
繼續閱讀
茶薰流心蛋拌魚子醬配厚切茄子🩵流心蛋的濕潤與魚子醬的鮮味交織，搭配茄子的清甜，口感層次豐富叫左2個湯試🩵哈密瓜黑毛豚肉湯以清新的哈密瓜風味和黑毛豚肉的鮮嫩入口，湯汁溫潤醇厚🩵姬松茸淮山甘筍燉黑毛豚肉湯材料豐富🩵黑松露炒花尾躉球配鮮蘆筍黑松露唔會太勁煤氣味剛剛好花尾躉球的鮮甜與蘆筍的清爽交相輝映🩵蝦球水芙蓉嫩滑配埋爽口嘅鮮蝦顏色鮮艷好吸引🩵韓泡汁煮牛肉面配雙色蘿蔔牛肉面煮得好腍搭配雙色蘿蔔，蘿蔔索晒味，好入味🩵招牌茶王燻雞：這道燻雞散發出茶的香氣與雞肉的鮮嫩，口感豐富，是一道帶有層次的美味佳餚🩵大紅大紫炒飯配日本櫻花蝦有紫薯喺入邊，食落係唔會好甜，炒飯搭配日本櫻花蝦，香氣撲鼻，口感鮮美，更讓人感受到廚師的創意
繼續閱讀
我同朋友一致認為overrated. 先係個燉湯唔夠火候, 蝦球水芙蓉有陣唔識形容嘅怪味(我會話佢係腥味); 個蜜椒比利時杜洛克St. Louis欖角豬肋骨個名好似好勁咁,本身都有啲期待,點知一食落去好似煲湯啲肉咁嚡; 所以食食吓其實都冇心機再影啲餸菜相, 因為感覺真係好一般…同埋好多菜都係黑松露味，真係冇乜特別, 感覺係冚晒啲食物原本嘅鮮味另外就係喺收舖之前一個鐘周不時都嚟張枱度暗示想我哋走, 又收走用嚟隔開枱與枱之間嘅屏風,感覺好趕客; 其實嚟得食私房菜都係想同朋友可以傾耐少少啫, 我同朋友都覺得唔會有下次.
繼續閱讀
最近搵左一間私房菜餐廳同朋友食飯。當我踏入私房菜餐廳時，立刻感受到家的溫馨氛圍。餐廳充滿著精心擺設，櫃上仲有好多獎盃睇得出餐廳對食物有一定的要求，環境溫馨舒適，服務親切周到。細心的餐廳就應我地要求 早把我們想食的食物印左一份屬於我地的餐牌比我地🥰茶燻流心蛋伴黑魚子醬配厚切茄子茶燻流心蛋配黑魚子醬厚切茄子，出色滑順，鹹香輝映，金黃鬆軟，回味無窮。原盅燉姬松茸淮山甘筍燉黑毛豚肉湯呢款原盅燉姬松茸淮山甘筍燉黑毛豚肉湯，湯頭濃郁鮮甜，黑毛豚肉鮮嫩多汁，配搭香氣四溢嘅姬松茸同淮山甘筍，味道豐富滋補，真係美味無比。黑松露醬炒花尾躉班球配鮮露筍呢道黑松露醬炒花尾躉班球配鮮露筍，花尾躉班球鮮嫩彈牙，黑松露醬香濃豐富，搭配鮮露筍清香爽口，味道絕佳。大紅大紫炒飯配日本櫻花蝦呢個大紅大紫炒飯配日本櫻花蝦，色彩鮮豔，炒飯香氣四溢，櫻花蝦鮮甜脆口，口感絕佳。關於招牌茶王燻雞招牌茶王燻雞，外脆內嫩，香氣撲鼻，入口滋味豐富，令人回味無窮。
繼續閱讀
您可能會有興趣的...