板長壽司 (八號花園) (已結業)

大埔板長逢星期三有做8折優惠好一段時間，所以其實佢嘅價錢非常之抵！！！不過大埔板長已經係好短時間加咗兩次價，所以而家八折之後呢，基本上係返返去之前原價嘅位置！食物方面，北寄貝就好大塊啦！都厚身嘅！不過就唔夠爽同唔夠新鮮！另外，佢嘅醋鯖魚…都好夠醋味！岩哂我口味！至於三文魚方面，今日嘅三文魚唔夠肥美！亦都切得好薄，所以食入口嘅味道同埋甜度都係非常一般！油甘魚…係屬於今晚最鮮甜既一款壽司！當然…每日可能都會有啲唔同！

好耐未幫襯過，起碼十年，今曰午餐去食，點餐用電話，如果做會員今日有折，趕時間關係無做，可惜！😀😀😀😀朋友選呢知餐三文魚新鮮，厚，三文魚除好大粒，飯一粒粒。😋😋🥰🥰我選左呢個定食，夠我份量，小食蟹柳粟米🌽，燒三文魚好炙燒，每成碗飯好香，配埋蟹子卜卜聲，依到停唔到口。😃😃記得以夢成日食板長，依家都食到以前既味道。👍🏻👍🏻

心思思想食壽司，就嗌咗板長壽司嘅外賣自取返屋企食，但係好失望。三文魚同炙燒三文魚都還好，好厚肉，但個人覺得可以再燒多少少，燒完理應好香魚油味，但呢今日就食唔到。芝士炙燒三文魚塊芝士冇燒過咁滯，擺明係就咁放塊芝士上去，唔明點解差一步師傅都唔做埋佢🤷🏻‍♀️外賣app入面甜蝦張相有三隻，但我果度就得兩隻，有少少被騙嘅感覺😅 最離譜係我件炸蝦卷入面冇蝦😅 仲要係俾成條卷最尾果舊我😅 正常頭尾都唔會上枱啦，懷疑係因為我係外賣搏我唔會拎返去換所以咁差。吞拿魚蓉手卷啲吞拿魚竟然係呢個色，我expect會係肥瘦均勻啲嘅部分😅 入口一如所料唔滑冇乜魚香味。overall超失望，覺得餐廳係故意hea做俾外賣客，永不錄用。

感觉食材挺好吃的。还想再去，排队也非常的快。挺喜欢的哦。吃得挺开心的，下次还会去。我觉得三文鱼很新鲜很脆波波的。挺喜欢吃的。挺好吃，挺新鲜。服务挺好的，服务很好。

聖誕節同朋友一齊嗌咗板長壽司慶祝🎉🎉三文魚 ⭐️⭐️⭐️⭐️正常冇筋，有三文魚味但稍欠油份馬刀貝⭐️⭐️⭐️非常爽口但少少腥板長蝦⭐️⭐️⭐️⭐️黏黏地嘅口感唔錯熟北寄貝⭐️⭐️⭐️正常冇特別帆立貝⭐️⭐️⭐️⭐️切得有啲薄，如果厚啲口感會好啲；味道鮮甜，唔錯油甘魚⭐️望落個色唔太對路，果然食落口係完全唔係平時油甘魚嘅口感，淋patpat又冇魚味，唔推薦👎🏻👎🏻炙燒三文魚⭐️⭐️⭐️⭐️⭐️火槍燒完加埋蛋黃醬，充滿油脂香，好味價錢正常但壽司水準有參差，希望可以改善

今日嗌佐成臺～用apps落order很方便，所以唔經唔覺嗌佐好多，上菜速度非常之快😳食壽司好處就係可以同fd慢慢食，因為大部份都唔係熱食☺️特別推介櫻花蝦豆腐😍外層係好脆既櫻花蝦乾，好襯滑溜溜既豆腐～豆腐中和返櫻花蝦既鹹味，咸度岩岩好，記得趁熱食！柚子味油甘魚壽司，好清新既配搭，係我其中一個最愛的選擇☺️另外仲有龍蝦沙律壽司，平同埋口感豐富～天婦羅🍤炸粉厚度岩岩好。

嗰日同阿王先生行政午餐去到呢間野本來我想食x X原來呢間係板長，板長就唔差嘅都。咁我同王先生就叫咗兩個魚生飯，再叫咗一碟刺身，咁就開始傾生意啦傾到好多嘢，一路傾一路傾傾咗好耐，講真差唔多傾左成半粒鐘過外，大家就覺得奇怪點解冇嘢食呢？我頂佢個肺，原來我唔記得撳傳送😂😂😂可能要解決呢個問題，買相係咁啦90幾蚊魚生飯係咁㗎...刺身呢講真嘅好像唔係好夠凍，如果再凍啲就好。食完尿酸唔係好嚴重，貨源都算可以，但食就食啦唔推介！😂😂😂😂

原條鰻魚飯$68，呢個係午餐嚟，包左一個麵豉湯同沙律。講返個鰻魚先，個鰻魚肉好腍，皮香但就唔夠脆，鰻魚汁好好味，配日本飯都幾好食。沙律係青瓜絲同粟米粒，粟米粒唔夠甜有啲乾，青瓜絲就青瓜咁嘅味囉。講真個沙律同埋個麵豉湯流流地，不過包埋就算啦。三文魚子軍艦 $18，蔥粒吞拿魚腩軍艦$13，軍艦一定要新鮮食，因為放得耐會腍。吞拿魚腩好鮮吞拿魚味但唔夠肥美所以魚油味不足。三文魚子似乎唔夠飽滿，但不過不失，尚算鮮美。鰤魚腩壽司$18，肉質緊致，有魚油香味，厚度大小剛好，壽司飯鬆緊程度、黏度剛好，師傅幾好手勢。Overall嚟講，以呢個價錢已經好食過好多壽司店。而家仲成日都有優惠，正價黎食呢個質素都OK，有優惠就更加抵，我應該要留意住優惠日再嚟食。

同父親慶祝生日，佢話想食壽司，之後我哋因為成日去板長， 所以有會員所以有會員，而且生日仲會有折👍🏻👍🏻今次係星期六晚上，所以等位都比較耐，大概半小時，但都可以接受！用電話apps點野食😆非常方便，唔洗等侍應過嚟幫我地。而且佢啲嘢食都來得好快！超快！超有效率！全部壽司都好好食， 我最鍾意係食佢個火炙三文魚腩，勁香！呢個甜蛋都係我哋每次黎，必叫的，好有水準丫！而覺得最最最最最正既，就係鵝肝壽司！一啖放咗落口，鵝肝嘅香味超出，而且唔會太油，嗰啲好香嘅味一直留咗喺口入邊勁耐，令人真係非常回味推介大家！

好耐冇食板長，今日突然心血來潮，就同屋企人一齊去「懷緬一番」。落單模式先進咗好多，可以dl app做會員，自己用電話落單，部分食物有會員價優惠㗎。所謂不時不食，識食梗係食啲期間限定啦海膽清爽鮮甜，入口即化，正！生蠔又大隻又新鮮，好想再encore！平時食生蠔會有檸檬，板長呢個就特別啲，喺生蠔上面放咗啲啡色一粒粒、啫喱狀、酸酸地嘅嘢，同啲生蠔好夾薄切油甘魚腩比想像中厚，滑嫩甘甜帶子肥大肉厚，口感十足通常諗唔到揀邊樣就會點個三文魚set，味道正常，不過不失，夠飽肚～牛肉他他口感幾有彈性，不過冇乜牛味，可以不點。最後以超甜超多汁嘅哈密瓜作結，開開心心嘅一餐！

lunch time 時間係大埔揾食，由於人多，好多食肆都冇位，最後我地走左去板長。原來變到要用手機掃QR code落單，重要會員先落到？點左個三文魚腩飯，份量唔算好多，刺身係新鮮既，但d飯就唔係咁好食。麵鼓湯有2隻蜆放左落去。係一個普通既日式海鮮刺身飯，連同價錢黎講就真係性價比一般啦。

會員有優惠,長食有著數海膽,鰻魚,蟹柳,三文魚,蛋,油甘魚等款式都係相當大件,份量十足魚肉刺身質素來貨係靚既,食落帶油香,不會太乾柴海膽明顯色水都靚,入口順滑,連鎖店來講,佢比起好多過江龍日本店都出色,價錢上亦比他們便宜食過幾次過江龍,也失望而回,寧可食回本地品牌價錢上合理,質素亦都高有套餐叫,有折扣,甜蝦都唔錯令人有滿意既食後感服務亦令人滿意,上菜效率高,下單大約10分鐘就開始上菜所以排隊時間不需要太長,每台客大約食30-40分鐘就搞掂埋單走得

有一輪對板長真係失去信心。不過上年見大埔有板長又去試吓, 一食真係有驚喜,改善咗唔少。尋晚去到七點幾，見到都唔係好肚餓但係又想食下壽司, 就落傻吓傻吓，去咗大埔間板長食壽司。一去到見到好多人，等位都等左成半個鐘，不過唔緊要啦！話晒呢間食肆都穩陣。我同個仔叫左兩個和牛飯。會員每位$108，跟手我叫左個豆腐$32好好食，係咁以再叫咗幾件壽司。埋單三百零蚊。價錢都OK！反而外賣俾老公同佢個Friend！就叫左五百幾！呢間野值得推介

壽司永遠都唔會食厭，隔一排又會心思思想去食。而板長一向都係我嘅最愛，板長食物質素好好又唔使大排長龍。星期六去食仲有假日午餐，今次叫左牛肉蕎麥麵套餐，除左有蕎麥麵之外，仲有沙律，燉蛋，六件壽司，都係八十幾蚊，超級扺食。另外，仲散叫左啲壽司，充滿魚油味嘅三文魚腩壽司係必點， 三文魚仲要係有厚度，讚！一口凡立貝壽司，三文魚壽司同甜蝦壽司都非常新鮮！燒過嘅火炙魚背壽司非常香！除左普通嘅玉子壽司之外，仲有火炙芝士玉子壽司，不過可能燒到塊紫菜，有啲燶味。不過整體都好滿意。

板長算係香港壽司餐廳既老舖 前幾年有感佢既質素越來越下降所以都一排時間冇去luuu今日經過大埔時發現有間板長 就入去試下 點知有驚喜呢間分店吾係好多位 所以都要排一陣裝修完 幾光猛Waiter向我招介vip 食滿10蚊有一分 下次就當一蚊咁用 即下次大約等於9折度D sushi大粒左同魚生新鮮左 真係吾錯 價錢亦實惠Waiter服務亦有禮 上菜亦快好似仲好過元氣了I highly recommend芒果蝦子沙律 好新鮮 黑松露油甘魚又係必叫對板長刮目相看