松菱日本料理

營業中

休息中

今日中午同同事去食鐵板燒，午市有套餐架，個套餐都幾多野食架。先黎個沙律醒下胃先，沙律係雜菜沙律，配上沙律醋，酸酸地，好開胃。我叫左主食係薄燒牛肉，配上蒜片，超香超好味。牛肉叫左7成熟，一d都唔覺得鞋，反而入口仲有d肉汗添。同事叫左牛柳粒，相比之下，個人認為薄片好味d，牛柳粒反而冇薄燒咁香添。坐係鐵板枱，一邊食，一邊睇住師傅係面前燒，特別好味。個餐仲包左炒菜，炒飯，個炒飯佢係將多餘既牛肉拎去炒埋一齊，再加上一d紅蘿白粒，食起上黎特別香。食完仲有甜品添，甜品係海鹽雪糕，咸咸地，幾特別，大滿足。

I first visited this place near 15 years ago. The revisit after many years does not disappoint.We enjoy the performance of the chef as well as the foods. The only complaint is the fried rice. They could do better for sure.Overall, happy to see they have maintained the good service and food quality all these years.

預訂左坐鐵板燒既位置，可以見到廚師為你即時燒唔通既野食，好治癒。呢度中午套餐好抵食，有3個選擇，價錢合理。鐵板燒有3款醬汁，3款都酸酸地。跟住廚師出黎啦，幫你煮熟啲食物。一開始上左三文魚同埋蝦，三文魚都算juicy而且蝦好爽口好彈牙，配上醬汁，好味。叫左一款薄燒牛肉，薄燒既話廚師每一塊中間都會卷住好多蔥同炸蒜，炸蒜真係好邪惡，一食就會上癮。牛肉5成熟，雖然唔係叫和牛，但都好juicy。厚燒比薄燒juicy，因自己既喜好加蒜。午餐仲跟飯/麵+甜品。麵個人覺得一般，飯比較好食。廚師岩岩燒牛肉既時候，會留起牛肉邊邊既肥肉。另外炒香再切粒，加入炒飯入面。炒飯粒粒飯都吸左岩岩牛肉既味道，食落好香口，好好味甜品都有驚喜，海鹽雪糕唔會太甜，但有海鹽味，唔錯唔錯。整體呢講，餐廳環境加食物質素同價錢，中午相當抵食。下次可以叫和牛再試一下

鐵板燒一向係我既最愛，單單用燒的方式，就已經可以食到食材的鮮味！前菜點左刺身，非常的新鮮！拖羅係口中融化的感覺真係好美好～海膽亦都係非常鮮甜，令人忍唔住好想繼續食。和牛真係好考驗到一個師傅的廚技同和牛本身的質素如何。當你一啖食落口的時候，會食到濃濃的牛肉味同脂肪的味道，成功做到了外脆內軟。薄切和牛亦令人非常期待！師傅將和牛切成薄片，可以見到脂肪紋路分佈得非常平均，完全有一種要入口即融的口感，真係太好食啦！

上一次吃松菱 已經是兩年多前了適逢公司在會展擺展覽偷了1小時過去吃了個午飯一直以為這是酒店的日本菜打去訂位時才知道他們跟萬麗海景沒有關係以前常常在Faces唱K時吃到的到滙又或者walk in 本來我打算點午餐刺身組合但想了一下午餐可能比較不新鮮最後點了鰻魚飯在未有日本菜橫行的時代松菱和稻菊曾經是一哥現在日本菜的選擇實在太多了要做得特別出色的確需要更大的努力鰻魚飯套餐不過不失反而朋友的天婦羅套餐好像不錯*隔離飯香

蒲汁燒鰻魚飯香港地好多間食鰻魚飯都好伏...但哩間真係冇點你😛😛清酒燒帶子帶子裙邊，我食過嘅最爽口👍🏻👍🏻帶子好甜😋😋燒大蝦定要用新鮮嘅蝦🤔🤔呢個煮法連蝦頭都可以原隻食落口，一啲都唔浪費之餘仲好有口福😍炒雜菜一個只係想清清地食碟菜既人黎講...都真係幾油膩下 薄燒豚肉蔥蒜都放晒入去塊豚肉入面，唔使點醬汁都好好味😋😋燒鵝肝有啲人會怕太油膩所以唔食埋個麵包，而我食呢個就選擇食埋佢，因為佢啲鵝肝汁入晒落塊面包度😁

食左好多樣，有蝦有帶子有牛肉有鮑魚，食材好新鮮，所以燒完簡單調味已經好鮮甜我地人多成10幾個，book左房，有師傅專門serve我地，幫我地燒食物，師傅經驗十足，每樣食物都燒得岩岩好，唔會太老或太嚡，加上食物新鮮，價錢合理，絕對值得下次再encore😍😍可惜全程掛住食記得影相😔第1道有個雜菜沙律開一開胃，之後就正式開始上食材，先有新鮮鮑魚，仲郁緊既新鮮鮑魚，燒完口感爽脆，好味！然後係燒帶子，我地食左兩款，1款係魚生用鮮帶子，本身帶鹽味，另1樣係新鮮即開帶子，兩款都好好味，1款帶鮮味，1款帶甜味再之後係牛肉，有薄燒牛肉又有牛柳，塊牛肉仲大過我地塊面😂，師傅仲會個別問大家要幾成熟，細心最尾就係炒飯，仲有生果或雪糕，完美！😍😍😍期待下次再黎！😎

這日公司同事話逗得利是多，請下我地食飯，我當然老實不客氣，食餐好近日工作辛苦，也難為他想找機會慰勞我一下這個就是刺身定食的套餐，相當豐富，夠鮮艷又擺放整齊，刺身賣相極吸引肉質軟滑彈牙，入口軟腍，無得輸白飯飯質飽滿，同樣加分飯後甜品就是這個鹽雪糕相當好食，鹹中帶甜，口感鬆化，為這餐加分不少地方坐得舒服，我們也不經不覺邊聊天邊吃了很久不經不覺就食完，食完仲想再食所謂多多益善，少少無拘，等下次大佬再請啦

一直係餐廳嘅粉絲，但今年再去嘅服務質素就下降咗好多，尤其係一些待應同經理。廚師還可以，但感覺都換了人比較新手，及無以前禁好。以前係會感受到廚師嘅完美專業表現同熱誠，係令人食過番尋味嘅好大原因，但宜家無嚕，都幾可惜。但食物質素都仲維持到，應該材料好都佔好大因素。希望餐廳管理會回復之前禁好，如果唔係都應該試多次就會搵過另外一間心水餐廳🍴

當日，友人請一行五人到松菱食晚飯，之前鐵板燒只食過鉄人旨花，不過因為那天事前不太肚餓所以覺得並不太特別。一向覺得比起鐵板燒，個人會比較喜歡燒肉，因為覺得會juicy一點，肉味亦比較重。而這次松菱吃飯的經歷令我對鐵板燒加了不少好感。 當天book了一間獨立VIP房間，有一位師傅專門服務，點的菜都是朋友發板，前菜是沙律及剌身，點了鮑魚、海蝦、厚切和牛以及簿切和牛，最後有炒飯及蜜瓜配雪糕送上。 刺身方面，海膽及拖羅真的很出色，當時很有衝動跟朋友說我們直接轉食壽司及剌身吧，那件拖羅在我口中融化的感覺我真的忘不了，很少在香港會食到那麼美味的剌身。準備燒海蝦的師傅，特別一提的是這個師傅十分有趣，經常會跟我們聊天，並細心教我們配什麼醬汁/配菜吃最好。重頭戲來了，是厚切和牛呀!看到脂肪邊已經知道這塊牛多肥美了吧?果然不負期望，師傅上菜的時候我看見色澤那麼深色，還在想是肉不好還是師傅燒得不好了，一哎下來不得了，肥油立即流出來，整個口腔都是牛肉跟脂肪味結合的味道，超級好吃!也做到了完美的外脆內軟的效果!之後到了簿切和牛更讓人期待，看著就知道他的脂肪紋分佈得很平均吧，通常0都是入口即融的口感，這次配上的是一

本來一向喜歡去松菱食午餐，亦推介給好多朋友。但昨天去午餐，坐落在我一向喜歡少油煙味和人聲的壽司吧，但實在令我太失望。由12:15pm至大概2pm，中途除了我和朋友就只有一位外籍人士午餐。可能壽司師傅見人少，他們三人越說越大聲，連我朋友跟我說的話我也聼不清。其間有扎馬尾、貌似高級侍應進壽司吧與壽司師傅對話也是大大聲的，忍無可忍之下唯有硬著頭皮跟他們說他們說得太大聲了。隨著收到他們的道歉，伴隨而來的是拉櫃、關冰箱等大大、報復性的嘈雜聲。各位，我付的是港幣$320+10%的刺身套餐，不該有市政大樓餐廳或快餐店的待遇吧。我也是經常來，怎麼以前從未發現環境這樣惡劣！還是欺負我穿牛仔褲便服！本想找經理投訴，但來人是討厭地輕挑，問完我們要什麼甜品也還未離開我們座位已開始哼歌。此時已知，投訴是無門了。相信以後我寧願去Grand Hyatt 也再不去松菱

松菱係五星級酒店的餐廳，所以食物質素應該唔可以差。雖然無好想黎試，但今日同客食飯，客人指定要呢間，所以我都係被帶領過黎咖呢。訂左枱，準時入座。午市都幾旺場，無論房定大廳都坐滿了人客，有些剛離座就換上新的客人，客如輪轉，看來係真係幾好味。看到餐牌便知為何。在會展旁，五星級酒店的餐廳索價大部分只是$200左右，難怪那麼多人在此享用午餐。今天在蒲燒鰻魚和刺身壽司間爭紮，但怕喉嚨不適就不吃燒物，壽司看上去（別人的）有點普通，就叫了刺身完食（竟然是最貴的，$320），而客人就要一份網燒牛定食（只係$190）沙律就不用提了，都是普通貨色，但前菜是炒雜蔬，當中的紅蘿蔔片還是生的，好硬，但蓮藕卻清甜爽脆。刺身到了，和飯，小吃，湯一起到的先吃上方的炆牛舌肉稔但有點老，肉絲難咬，會痴牙的，不過尚算入味。蒸蛋蛋香味濃郁，加上有冬姑，蟹柳，份外香甜，比蒸蛋更像一杯布丁。刺身七點原來都有七種刺身，算對得起價錢。。最左邊係呑拿魚蓉剁得非常蓉，加上魚脂豐富，有點難夾，但佐飯是上佳的。之後是赤身。肉質比想象中來得實一點，味道鐵腥味較重。本來呑拿就是這種味，瘦一點的，腥味就更凸出，所以大概是因為這魚太瘦了吧！甜蝦。有點

10月秋風暢談晚餐門面沒什麼特別,餐廳可以包房(好有私人度)睇廚師👨🏻‍🍳煮埋比你食,睇住佢煮又真係好食d既服務員態度都不錯餐廳有2類座位，沙發位及bar台位，我就簡左bar台位，可以近距離睇廚師煮野食2個人簡左一個set 同3個小食Set - 簡左海老，肉實新鮮小食- 鰻魚皮脆肉多汁，厚身有咬口，我們都一致推介！小食-蠔，都鮮。不過就平凡了點小食-鴨肝，多汁多油，夠香。沒有驚喜Set- a4牛柳粒，油香，肉嫩。加埋蒜片無得輸Set- 炒飯炒菜同面豉湯無咩特別Set- 甜點(生果/雪糕) 我簡左紅豆雪糕，少甜紅豆味比較重，我是幾喜歡啦總括餐廳唔係幾嘈，可以三五好友一齊聚下/二人傾談係不錯既...食物質素都好，會再來的評價！

松菱鐵板燒呢個名我都聽左好耐啦，松菱也算是鐵板燒的老字號，難得老闆今晚請客，我地一於訂位品嚐美食。我地點了美國薄牛肉同黑毛豬套餐。還單點了大蝦及鰻魚。食鐵板燒一邊食一邊可以睇到鐵板師傅既功夫。先來前菜沙侓，然後鐵板師傅便開始幫我們製作，頭盤大蝦及鰻魚，大蝦蝦肉好彈牙爽口，鰻魚煎得皮脆肉滑，兩度頭盤都好好食，鐵板師傅手勢好純熟，交談之下他在松凌做了十幾年了。之後慢慢開始整薄牛肉及黑毛豬，肉𥚃面每一件都會包住蒽及香蒜一齊食，口感豐富。食到差不多還有炒飯，飯炒到一粒粒好乾身及炒野菜加埋麵鼓湯，最後仲有雪糕甜品，成個套餐很滿足呀！

今年係爸爸嘅大壽，因為老人家都唔想大搞，所以我哋一家人搵間高級餐廳食飯慶祝！老人家當然鍾意食中餐，但係年年食都感覺有啲悶，所以今年我哋選擇食日式鐵板燒，比老人家試吓新野。之前聽聞松菱好多人，lunch更加係所有OL至愛，永遠爆滿。今次我地嚟食晚飯，價錢當然比lunch貴啦！但夜晚享受既係日式fine dining，環境比較清靜，完全係高級餐廳既感覺！我地一行5人，點左4份和牛套餐，套餐包括有沙律、湯、帶子、和牛、炒飯、炒菜及甜品，另外再散叫大蝦、鰻魚及鵝肝。大蝦肉厚，新鮮，蝦頭仲煎到最後卜卜脆，非常香口帶子跟餐，合共4隻，夠大隻，非常鮮甜因為老人家膽固醇高，所以細細份，大家share食就好啦！味道不錯，但冇太大驚喜鰻魚係驚喜之作，煎到皮胞，非常香口，加埋秘製鰻魚醬，真係冇得頂和牛份量唔多，但入口即溶，係高質素既牛肉食鐵板燒，緊係要食最後嘅炒飯，精粹所在，香口又唔油，味道一流老人家非常鍾意今晚餐飯，第日就已經即刻同親戚講，介紹佢哋去食，佢哋開心就好啦！