日悅極尚日式放題 (裝修中)

我平時好少寫食抨，但今次一定要寫，真的十分感激他們🙇🙇🙇 近日去食lunch放題，我地一行5人被安排係坐在一個可容立20～30人的area內。食食下來了2位說普通話的客人，其中一人不停“索”鼻，鼻都紅埋。恕我地緊張，呢個時勢大家都驚驚地，所以厚著面皮問職員可否轉枱。職員2話不說樂意立即安排，我地不停多謝佢地，佢話是應該的，大家體諒。果一刻十分感動，不愧我地keep著嚟食！呢間放題我地食左好多次，每次gathering都來，一年嚟幾次，坐得舒服唔會焗唔會迫，唔太嘈傾到計；上菜快而且好新鮮味道又okay；有常溫的罐裝飲品/支裝茶選擇，啱晒怕凍的我；雪糕有movenpick；性價比高！有人情味的食店！

係香港食放題 一向都係迫到癲左 次次都係背脊對背脊 今次終於搵到一間坐得勁舒服之餘 係高質嘅放題講緊就係尖咀嘅 日悅極尚日式放題地方超大 完全無壓迫感 而且食物款式多我地一坐低就叫左刺身拼盤 估唔到呢間竟然有象拔蚌 會唔會太正其他三文魚 北寄貝 帶子個啲都好新鮮 之後店員重送左一客鮑魚俾我地 原來今個月優惠 4人同行就送一客 好軟好鮮甜之後重有叫到我最愛嘅天婦羅 粉漿好薄壽司都好有驚喜。特別係海膽壽司 估唔到咁鮮甜小試牛刀之後 我地無限encore其他壽司都唔錯架食食下出面敲鐘 原來有扁皮鴨派 手快有手慢無甜品方面除左雪糕外 重有特色糕點 好多選擇

地方大，環境係夠哂闊落。食物質素一般，刺身唔新鮮，漏單，重複叫多次都係足足等成9個字先到，唯一好食係牛舌同清酒煮蜆。但整體而言，可以體驗下，但唔會再來.....

呢間日悅極上放題，家姐好耐之前已經話想食😆可惜今次撞正佢坐月😅佢無口福啦！所以今次同老公撐枱腳🤭上網見到佢有海膽軍艦，所以我決心要黎試吓！地點都方便係尖東！黎到餐廳有意外驚喜，餐廳非常之大，包括有自助區，用餐的座位同兒童遊樂區🤩竟然放題都有，好抵讚！枱同枱之間一d都唔迫！而家自助區包括有沙律bar,荼加啡，清酒，冷盤小食，熱食小食，生果，甜品等等！重點！重點！重點！重要野要講三次😍佢有提供貴價雪糕Häagen-Dazs同movenpick 之餘！仲可以任食呀！所以要回本真係一d都唔難！餐廳環境寛敞好似去左外國咁！完全感受唔到香港的地價！特別推介一家大細黎食野👍🏼

朋友介紹一間位於尖沙咀半島中心2樓的日悅極尚日式放題，於是組織了一次聚會。事先有訂枱，所以不用等太久便能入座。一來當然唔炒得有自助沙律吧，沙律吧仲有新鮮既大蝦。梗係要一邊食一邊落單啦。從朋友口中得知日悅的壽司和刺身都是非常高質，當然亦專登叫來了多款不同種類的壽司刺身來試試。一試果然唔錯，新鮮既玻璃蝦甜蝦，大隻得來夠晒鮮甜，刺身亦好厚切，好有口感。除左刺身，燒物亦非常值得試試。燒海蝦、牛舌、雞軟骨等等，夠晒惹味。最後一定要提既仲有雪糕環節。相信唔少地方都有Haagen-Dazs, 但有Movenpick 的放題在香港真係少見，少食甜食的我都放縱了自己一下。

年尾近冬至想約好友聚會，諗起之前食過這間日式放題覺得唔錯，咁就訂位。最怕食放題就係好逼又限時，這間餐廳不限時，地方寬敞有酒店feel，真係好啱成班朋友吹水食飯。餐廳刺生水準超高又多款……象拔蚌、赤貝、北極貝及大蝦都爽口彈牙又鮮甜。壽司簡直冇得輸，鰻魚，拖羅，三文魚子，海膽食完又再encoure，成班friend話好好味喎。清酒煮蜆，鮮甜得來超大隻。燒物中羊架有口感又唔太騷、牛舌厚度適中爽口、芝麻雞翅炸得好脆、炸榴槤丸簡直係我至愛。最後仲有好多甜品同蛋糕，雪糕有Moverpick 及Haggen-Dazs自取任食，成班朋友讚我冇介紹錯！真係可以隨時再約來食，正！

上星期放工約了幾位朋友去尖東日悅極尚食日式放題，店鋪空間非常大，座位鬆動，是日式放題餐廳中少有的，我們入座的時候，全場座位已經爆滿。入座後隨即下單一盤刺身，包括三文魚、劍魚腩、帶子、甜蝦、赤蝦等。刺身整體非常新鮮，三文魚剛好是魚腩的部位，充滿油脂，入口即溶。劍魚腩也非常肥美，味道較三文魚淡，但亦很美味。壽司的選擇亦非常多，火炙壽司、軍艦壽司、卷物，各種類別一應俱全，重點推介鵝肝帶子壽司、海膽壽司、鰻魚壽司以及花之戀。與刺身一樣，這𥚃的壽司也非常新鮮。另外，我們也點了天婦羅，包括蝦、蟹棒、日本番薯天婦羅，也炸得很不錯，炸粉非常薄，外皮香脆，上菜時保持溫熱。而燒物方面，以鹽燒鯖魚和串燒牛肋肉較為出色，牛肉燒得香氣四溢，肉質嫩滑又不乾身，非常美味。飲品和甜品亦有很多選擇，亦有啤酒、清酒、梅酒和熱湯。值得一提的是這𥚃的雪糕是Haagen Dazs（雲尼拿和巧克力味）以及Movenpick（草莓和咖啡味），而且是杯裝的，吃幾杯已經回本，喜愛雪糕的我當然不會放過。

今次表哥一家來港渡聖誕和新年假期，相約在半島中心的日悅極尚日式放題，原因上次吃過留下深刻的印象。他喜歡餐廳週邊環境寬敞，設有獨立大房，可供親朋戚友團聚，有別於一般的餐廳是設有育嬰房，方便BB飮奶和一個小型兒童遊樂場。食物方面大部分是落單即叫即製的新鮮刺身，鮮甜美味，創意壽司、炸物、燒物、一品料理、串燒；也有自助式的梅酒、水果花茶，冷盤有泰式鳯爪、八爪魚、螺肉，熱盤的有霸王花豬𦟌湯、紫米露、綠豆糖水，多款精緻甜品和各種不同品牌的飲品和啤酒，還有兩款名牌雪糕全是任飲任食。仲係無限時的，兩款滋潤糖水和幼滑雪糕就是結束這晚的完美句號！

熟食味道還好，但不論燒物炸物上菜時已經偏凍。壽司刺身完全唔得，極度唔新鮮，漏單十分嚴重。食過嘅日式放題店中最差。只有飲品雪糕前菜呢d屬不錯。但呢個價錢完全唔值。

平時去日式放題餐廳，都是去某大集團下的那幾家。但不是每次都可以在晚市時段成功預約，畢竟人太多，尤其星期五六日。所以今次來的這家日悅極尚日式放題可以算是其中一個不錯的方案其實這次是我第二次來這家餐廳，上次覺得滿意，所以這次就在光顧。可能位於尖沙咀，不是人流最密集的地段，所以可能感覺不是太多人知道有這家放題。其實店鋪面積真的蠻大，只是內裡人數不算多，所以我才特意選擇這家餐廳，一來易預約，二來不用與其他人迫食物方面都滿意啦，外面有自助區，主要是冷盤和湯，基本上其他放題店有的，這裡都有。我還記得上一次來的時候有片皮鴨，但我今次來的時候好像沒有了，不過這次竟然贈送了一人一隻鮑魚仔，還算蠻有心思最後雪糕是movenpick還有haagendazs哦，雖然味道都是雲尼娜，朱古力和士多啤梨三種，不過是任食的😍😍總結：水準正常的放題店，重點是不用和其他人迫，平時一班人約飯局的話，這家放題店也可以是其中一個不錯的選擇

很久沒有食放題，天氣稍涼，胃口大開，所以約了去食放題。餐廳位於尖東，座位寬敞舒適，食物選擇亦多。除了寫紙點食物，還可以自由取飲品、湯、甜品和小食等。最重要的是有我最喜愛的雪糕，有4款不同味道。值得一提的是，大概7:45左右，店員會通知食客，有是日特別菜色可取。北京填鴨很快便被取光，皮薄香脆。刺身拼盤美輪美奐，厚身新鮮，而壽司有不同款式。天婦羅🍤亦炸得香脆，蕃薯仔香甜，蝦🦐外脆內軟。炸榴槤亦是外香脆，內流心。很飽足的一餐。

老公生日，當然要同佢食餐好既慶祝，朋友推介過，話呢間食放題都唔錯，咁我就一早book定位食店地點好近西鐵站，而且入到去感覺好寬敞，食店好大間，而且每張枱都好闊落，唔會好迫，呢點好讚👍🏻放題價錢都好抵呀👍🏻一入食店就有小食，甜品bar放題既好處就係想食乜就剔剔剔，有一些係食店推介，所以9成都點左😅刺身盆好豐富，亦都好新鮮👍🏻不得不讚就係壽司不是太大件，起碼可以點多幾款🤣當成枱都係食品果陣，係感覺好滿足的😋成個放題，有我至愛既中湯，仲係我至愛既西洋菜湯，好足料，天氣涼左好多，我足足飲左4碗😋

之前已經來過10次多了，可能是還境政治因素，人流減了不少，但食物質量水平維持，每次吃日式放題都會來這間，主要是因為提供兒童樂園，給小朋友玩樂，大人吃得開心，小朋友也玩得開心！這次入座即送冰鎮鮑魚，味道鮮甜！各款刺身也是很新鮮的，海膽軍艦壽司、三文魚和劍魚腩剌身也是必食的！每次提交點菜單食物到枱需等候的時間只是8-10分鐘，效率不錯！每晚六點前入座也有特別優惠，成人只需$278+10%，有這個質素的食物和名牌雪糕啤洒加上清酒任飲，價錢十分合理！

今晚同朋友去左尖沙咀半島中心既日悅極尚日式放題，餐廳空間非常大，好寬敞舒適！除左食，竟然重大到有小朋友遊玩區就算帶埋小朋友黎同朋友聚餐都唔驚小朋友悶親食物除左寫紙落單外，重有自助區，有沙律，湯水，甜品，冷盤等飲品款式多，除左茶、汽水外，亦有清酒梅酒等最最最估唔到係，竟然重有呢兩款貴野雪糕都可以任食基本放題有既壽司、刺身、炸物、串燒、日式料理等都齊備！壽司飯既份量較少，食多幾碟都唔覺嘥位刺身新鮮肥美天婦羅即炸，炸粉唔厚，夠脆口！串燒食物上枱快，無漏單，點幾多黎幾多，超滿足！

這天與朋友一共4個人來到尖沙咀這間放題店晚餐，我們大概8點左右到，那時候店裡還不算爆滿。 一進去看見環境很乾淨整齊，而且還有兒童安放區，裡面有小型滑梯啊，波波池，玩具等等。 我們坐下之後店員送來了每人一隻鮑魚，感覺挺好啊~ 然後就開始我們的放題之旅咯~ 第一輪當然是刺身， 叫了不少我最喜歡吃的帶子，還有甜蝦和希靈魚。 這些都非常的鮮甜，吃得很爽。 之後一些串燒也來了，牛舌，豆腐，翠玉瓜等等，再熱一點點會更棒。 羊架和芝士扇貝同時來了，大口大口的吃感覺很開心啊~ 芝士扇貝高質！那裡還有自取區，一些熟食，前菜，飲品，酒類，甜品都可以自己拿~總的來說，這家尖沙咀的放題很不錯~