新泰東南亞餐廳 (已結業)

呢度環境好好！有唔少既卡位，又大又舒服，私隱度大大提升，可以暢所欲言。馬沙拉咖哩(豬) $88咖哩好香，味道好濃，唔算辣，岩晒唔食得辣又中意食咖哩既我！食落有好多味道、香料既感覺，又有啲甜甜地，好特別！個汁用黎食飯或薄餅都一流！豬肉份量都多，好稔！印度薄餅 $32有8小塊，油酥味好香！薄薄既一層加一層，好脆口！呢個可以話係我食過最好食既薄餅！日本南瓜焗海鮮飯 $98 個南瓜好大個！南瓜肉好甜，正！海鮮有蝦、魷魚同青口等，好爽口！個飯撈埋醬汁同南瓜肉食無得頂！馬拉盞炒通菜 炒得好爽脆！味道好夠，好香蒜味，菜又翠綠！有好多乾蝦米！好味！呢度食物既價錢唔貴，質素高！值得再黎！