慧食貓

營業中

休息中

第一次去試，真係回味無窮先同店職員講要咩野，10分鐘返去先比錢，又真係記得喎點左個蟹籽吞拿魚手抓餅首先要講下個手抓餅好脆身，配上滿滿的沙律吞拿魚芝士🧀️，加上生菜蕃茄配搭，就變左唔會太膩。雖然見唔到蟹籽，但都食到粒粒有質感。值得一試、回味無窮

慧食貓喺葵廣同旺中都有，但中學嗰陣唔多去掃街，所以一直都冇食過🤣我見到唔少人叫B - 火腿雞蛋肉鬆手抓餅($26)，仲要寫明係招牌推薦，咁就緊係要試試啦😎店主會問你即食定攞走，如果攞走應該會比多個袋，而我當然係好有風味咁企喺度食😛嗰日接近食晏時間，所以都好多生意，職員煎到冇停手，一路等一路聞到陣陣香味🥰一攞上手嘅時候真係幾有驚喜，肉鬆完全鋪滿晒面頭，半熟嘅蛋汁望落好似溶溶地嘅芝士，仲有少少蕃茄生菜，呢個100分嘅賣相真係令人食慾大增😋除咗夠熱之外，餅皮內內外外都煎到好脆，唔只個邊會”sok sok”聲，食到最後都保持酥脆感😍雞蛋雖然冇玉子燒咁軟滑，但唔會過熟或者太硬👍🏻肉鬆真係多到不停跌出嚟，而且唔係得表面先有，食到最後一啖都仲係咁滿足😝最欣賞係佢哋喺枱面擺定好多紙巾，仲會提你攞定包住食，因為真係會幾lao gao吓🤣

慧食貓（葵芳）是一家位於葵芳區的餐廳，雖然名字中有貓的元素，但實際上並沒有以貓為主題。但是外面的卡通貓圖畫也有點吸引喜愛貓的人。首先，慧食貓（葵芳）的菜單非常豐富，特別是他們的小食選擇。他們有各種口味的卷餅，像是蔬菜卷餅、海鮮卷餅和肉餅卷餅等等。這些卷餅外皮酥脆，內餡豐富，吃起來非常美味。我尤其喜歡他們的蔬菜卷餅，新鮮的蔬菜搭配著特製的醬料，口感清爽又健康。雖然少少一間舖，但係煮啲嘢食一定一啲都唔少嘢。

每次去葵廣行街夾公仔必定會去買個手抓餅食最鍾意就係火腿雞蛋肉鬆手抓餅🤤🤤🤤老闆好好記性，可以記得曬每一個客人嘅order🤯講緊已經接咗不下十個order🤯🤯老闆到底你點做到😧😧不過通常19:00前就會賣曬要去幫趁就要早啲去每次去都好多人行15分鐘街左右返嚟就有得攞每樣食材都好新鮮即叫即整完全唔使驚會食隔夜餅🤣🤣

大家好！我係艾文！平時睇YouTube見好多人介紹葵廣美食話掃街一流，多選擇、好味道、CP值高。今日艾文和旅伴就試試 2人HK$300 可以食到幾多野同推介下邊間艾文覺得係必食！艾文和旅伴首先成個商場行一轉，大概諗好邊間必食，然後就開始掃街！艾文食後感，以下是3分滿分的！(以下是艾文自家評分，滿分3個【好食！】，口味各有不同，評分只供參考！)1樓的慧食貓在艾文心目中絕對是TOP1，不過要留意，他們的手抓餅是即叫即做的，人多時可能要等比較久，靚仔老闆會告訴你要等幾耐同叫你先行下商場，回頭再俾錢領取，靚仔老闆更會記得所有客人的選擇，十分厲害！艾文和旅伴行左約20分鐘就可以領取了，而且他十分健談，即使非常忙碌亦會和客人聊天。艾文和旅伴今天嚐了火腿雞蛋肉鬆手抓餅，只要HK$26，分量十足，味道超好，CP值超高！VLOG: 

檔口貼有指示，教你落完單唔洗比錢住，返黎拎餅先付款。雖然好懷疑店家係咪記得自己張單，但跟指示做應該冇錯。本身搵唔到鋪位位置，但見到長長人龍就知冇搵錯啦！蟹籽吞拿魚超多吞拿魚，好有份量的手抓餅，雖然唔係好見到蟹籽的踨影，但呢個價錢冇投訴啦。夾住新鮮生菜，好清新，餅熱吞拿魚凍，外熱內冷感覺不錯。食嗰時啲餡多到爆哂出黎，略嫌沙律醬多左啲。手抓餅係走厚實路線，唔係台灣嗰種整到鬆身的感覺。下次會想試埋其他口味。

今次係我第一次寫食評，為了葵廣人氣手抓餅，每次經過都售磬，今晚都唔例外，原本想走了，可能老闆見到我勁失望既樣子，加上跟老闆有緣😉，佢問口叫我唔好走住，企係度，仲有一份賣比我，我以為自己聽錯，那刻心情非筆墨所能形容呀！老闆話佢6:45就截單架啦！太夜黎就有緣先食到，好風趣幽默！🤣手抓餅大大份，新鮮熱辣好好味，多謝老闆

次次去親都賣哂 今次特登開鋪前等終於買到 唔洗5分鐘已經排滿長長既隊一路排一路諗食咩款好呢聽到前面個女仔叫S1 即刻望下係咩先火腿雞蛋芝士豬柳煙肉蟹柳肉鬆($38)我就決定貪心啲 跟佢叫S1❤好似樣樣都有 樣樣都有得食😋😋食左一半已經飽到我呢因為即叫即整 就一定要等望住佢整 所以熱辣辣又香噴噴半酥脆手抓餅再加上面既所有食材滿滿有片生菜同蕃茄終於明白點解我次次去親都賣哂真心好滿足😍😍😍本身想簡C 咸牛肉但可能個日無貨賣哂另一款簡左D蟹子吞拿魚手抓餅($27)見到覺得好顛好似放左成罐吞拿魚咁真心滿到瀉😳😳😳😳食到底仲有餡😋不過下次我唔會再做擔心既孩子簡返一至兩款食材就夠啦食完佢已經飽哂 無得再掃街建議大家早啲去啦~如果唔係有排等#foodie_aki #yum_yum

朋友推介的手抓餅. 的確唔錯. 個皮煎得很鬆化. 餡料好豐富. 食到尾都仲可以食到餡料. 唔似有啲食到一半已經得返塊皮. 我大鄉里第一次幫襯. 去到見前面個太太諗左一陣, 轉左兩次餡料. 跟住聽到哥哥仔叫佢5分鐘後返黎拎, Byebye! 錢都無收. 咁到我, 我咪講話我要D set. 同樣叫我5分鐘後返黎拎. 咁我就14:59走, 15:07返到去. 嗰時有啲多人. 我照排隊比錢. 我問D得未. 可能我細聲啦! 而且咁多人佢應該唔記得咗我5分鐘前叫左. 佢問多次我要乜. 放低左錢, 隔離嗰幫手就嗌邊個要D. 我好順理成章地行埋去拎左. 然後行左去後面小小嘅電梯位食. 但好唔開心全程聽到俾人誤會嘅對話 ☹️ 因為原來我上一個都係要D. 咁哥哥仔就話個幫手俾錯左人 - 即係我. 因為係嗰個人先嘅! 跟住個幫手就嗌 - 排隊拎啦唔該. 其實無人排緊隊, 客人只係企埋一邊等拎. 而哥哥仔就繼續用小小問候語話嗰份俾另一個人拎走左🤯佢有啲勞氣. 但個客人都話唔緊要. 講多兩句哥哥仔就話cut單收鋪. 其實咁亂係咪派籌好啲呢! 我order嘅時候係無咁多人, 所以你唔俾任何號碼我叫我5分鐘後返黎拎o

火腿雞蛋肉鬆手抓餅 $26今次黎到葵廣掃街食左好多人氣食物，但最後得到最高評分，最滿意就係慧食貓的手抓餅，絕對係葵廣人氣掃街首選，下次都會再幫襯❤️新鮮熱辣，即叫即做，份量厚而札實，有煎蛋，香煎火腿，香脆肉鬆，生菜加埋茄汁同美奶滋，仲有煎得好香脆的手抓餅，大大啖咬哂所有食材，完美結合😍真係好好食😋慧食貓深得唔少學生歡心～因為多年嚟都幾乎冇加過價 都係2x~3 x除咗本身大件又好食之外 ，老闆記性好特別好都係成功嘅因素🤣E.g. 🙂 : 行過去，要過b吖唔該！🙏老闆：👌🏻，大約4個字～半個鐘之後過黎啦另外特別之處就係自助俾錢及找錢，所以提提大家盡量就唔好俾咁大面額嘅紙幣啦🤣慧食貓 (葵芳)葵芳葵富路7號葵涌廣場1樓B01C號舖

台灣手抓餅 | 慧食貓葵廣掃街必食人氣小店，位置唔多顯眼，但幫襯人流滔滔不絕！先落 order，拎到食物先再比錢，老細超 NICE，好信任客人。因為即叫即整，所以等候15-20 分鐘左右。今次揀左 “火腿雞蛋肉鬆手抓餅” $26餡料除咗火腿雞蛋肉鬆外，配埋蕃茄生菜 + 沙律醬。沙律醬真係有畫龍點晴效果，配搭埋幾款配料效果出奇夾。而且配料份量十足，每啖咬落去都有餡料，真係好好食呀 😋值得推薦人氣小店，回頭率💯，記得落咗order 先去兜個圈呀！😂

慧食貓地址: 葵芳葵富路7號葵涌廣場1樓B01C號舖#yauyau_葵芳🌯🌯火腿雞蛋肉鬆手抓餅 $26行過見到呢間小食店好多人排，去到落完單個店主同我講半個鐘之後返嚟攞，我見佢咁多人佢嘅味道應該好好咁啦。我準時返到去拎，可能佢多單整太多，擺耐阻，我食落冇咁熱，個餡裏面有菜啊芝士火腿沙律醬，肉鬆仲有啲蛋咁，個皮望落就好鬆脆，咬落就淋嘅，頭一兩啖都還可以，之後越食越唔好味，食落仲有浸月餅蓮蓉怪味，一啲都唔香口，食到最尾幾啖我同男朋友都放棄咗啦。呢間應該冇下次。味道: 2.8/5番兜: 0/5#葵芳美食 #美食 #好吃 #instafood #foodstagram #foodphotography #yummy #foodiehk #hkfoodie #foodie #igfood #hongkong #hkfood #葵芳台灣菜 #台灣菜 #慧食貓

講起葵廣嘅名物，一定唔少得呢間手抓餅！每次去親都要等至少15分鐘以上，而且老闆十分有性格，每日賣晒就唔做，所以如果想食嘅話就要早啲去買啦！通常老闆7:30之後就會閂門，有時真係為難左我哋呢啲返工嘅朋友入到葵廣都差唔多7:30😭😭雖然好難買到，但係都冇咗我想食佢嘅決心，因為真係好好味！推薦：⭐️火腿雞蛋肉鬆手抓餅：通常我會再另外加芝士，半酥脆嘅手肘餅再配上半溶嘅芝士，以及略帶鹹味嘅肉鬆簡直係絕配！就算要等半個鐘亦都十分值得！份量十分足量，女仔可以同朋友分享！ 但係小心因為太足料，會食到周圍都係！味道：🌼🌼🌼🌼服務：🌼🌼🌼🌼環境：🌼🌼🌼抵食：🌼🌼🌼🌼

每次黎到葵廣掃街，都要去慧食貓幫襯手抓餅💛依間已經係我由讀書幫襯到依家，真係葵廣名物🤣次次去都超多人，多數要排隊，想食既朋友記得預留時間等候，同埋唔好太晏去，有機會截單架！我自己每次都係叫B加芝士，特定組合🤭落單記得睇店鋪出面既instruction🤣每次去佩服老闆點解可以記到咁多單😂叫完預返時間黎拎就得。手抓餅襯熱食，出面煎到脆脆的 而入面嘅餡料都非常豐富，再加埋芝士真係絕配！而且佢多料得黎都岩岩好，唔好full到完全咬唔到。其實材料不是最特別，但係佢每一個組合食落都好夾好好味😋真係葵廣必食💛💛

香酥嘅手抓餅加半溶嘅芝士🧀、肉鬆同煙肉🥓，鹹鹹香香咁，哩個組合好難會唔好食🤤，手抓餅係即叫即整，落單後大概要等20分鐘，就會有熱辣辣嘅手抓餅🔥！如果大家都叫肉鬆要小心食果陣唔好跌到周圍都係啊🤭。食完成個勁有滿足感啊！！！