係 YOHO 行到攰攰地，行經 2 樓商場見到依間餐廳佈置同食物賣相幾吸引，而且咁岩唔洗等位，就一於試下。 依間餐廳主打食 “蛋” 料理，但今次揀左 “香草大蝦意粉” 同埋菠蘿梳打飲品試下。 香草大蝦意粉味道一般，食落口感好滑，因為勁油，蝦比想像中無咁彈牙，依個意粉同一般中下價錢嘅餐廳比較差無幾，味道對唔住依個價錢。 另外菠蘿梳打唔太甜，中規中矩，但叫咗少冰都有好多冰。 如果係靠賣相吸引去試，就用打卡心態試食，唔好對食物抱太大期望，就唔會失望啦。

嘉寶漢堡由葵涌起家，每次都大排長龍，係香港數一數二嘅人氣漢堡店。 烤菇芝士牛堡 $52 牛肉夠厚度，咬落多汁，溶化芝士配埋大啡菇，加烤洋蔥同醬料，口感豐富，好味指數爆燈 BBQ 菠蘿雞扒堡 $40 咬落麵包鬆軟，而且外脆內軟，烤菠蘿夠曬 juicy，配埋熱辣辣雞扒加特製 BBQ 爆醬，絕配 😋 可以單點漢堡或另加 $16 套餐 (包飲品及小食)，小食推薦蕃薯條 (另加 $5) & 炸燒賣 飲品都好多選擇，係櫃枱SHOW 曬出嚟可以揀 尖沙咀難得有大眾化價錢嘅餐廳，雖然店內裝修平凡，但有足夠座位，繁忙時間一定爆滿而且多人等位但流動性都大，好快等到位。 每款漢堡包外表雖然平凡，但每款都有驚喜，性價比高，仲要係本地自家漢堡店，值得一試 👍🏻

台灣手抓餅 | 慧食貓 葵廣掃街必食人氣小店，位置唔多顯眼，但幫襯人流滔滔不絕！ 先落 order，拎到食物先再比錢，老細超 NICE，好信任客人。因為即叫即整，所以等候15-20 分鐘左右。 今次揀左 “火腿雞蛋肉鬆手抓餅” $26 餡料除咗火腿雞蛋肉鬆外，配埋蕃茄生菜 + 沙律醬。 沙律醬真係有畫龍點晴效果，配搭埋幾款配料效果出奇夾。 而且配料份量十足，每啖咬落去都有餡料，真係好好食呀 😋 值得推薦人氣小店，回頭率💯，記得落咗order 先去兜個圈呀！😂

葵廣掃街 ✤ 必食小店 梳乎厘 pancake 係葵廣掃街出名掃「咸食」魚丸燒賣章魚小丸子台灣腸麻辣粉手㧓餅手卷等等，依家仲多左好多「甜食」選擇。 今次試食 “BLACK BLOC” 黑糖三重朱古力 🍫 $48 梳乎厘 pancake 配搭 Oreo 碎碎同埋朱古力醬 + 雲呢拿雪糕，重點上層焦糖脆脆 😍 落 order 後好快就出餐，賣相已好吸引，食落軟綿綿，上層用火槍燒過嘅焦糖 keep 到脆卜卜，夾埋朱古力醬同埋Oreo 碎碎，食完都唔覺得 “樓”。 每口配搭凍冰冰雪糕+ 暖綿綿嘅梳乎厘 pancake 同配料，口感一流 👍🏻 真係一試難忘，值得推薦，下次再去掃街必定再食！ 雖然買完要企埋一邊食，但咁先係掃街特色~

今晚嚟到東廣場新開嘅餐廳。 環境幾好，幾闊落，空間感都足夠，唔會話太擠迫，坐得幾舒服。 牛油果炸軟殼蟹burger 牛油果幾新鮮，冇苦澀味，不過略嫌薯條少咗啲。 個麵包用牛油烘過，好好味，香脆內軟，值得一讚。 手撕豬Pizza略帶辣味，餅底口感煙韌。 仲叫咗個心太軟，雪糕係另外上嘅，感覺上好似比較衛生，不過好似唔夠凍，溶溶地咁樣。 最後值得一讚嘅係佢呢度有個自助區，俾啲客人拎餐具同斟水，竟然有sparkling water斟呀！ 埋單$350有找，可以回頭再試！

依家咁嘅情況，都應該有一段時間去唔到日本架啦！既然係咁，唯有去食間好嘅日本野，當去過日本啦！ 今次就搵到呢間喺觀塘工業區樓上嘅一間餐廳，一去到門口，就知道係自己人，食都食得開心過癮啲！ 廢話少說，先叫了一個甜蝦角切魚生飯！ 賣相雖然一般，但魚生新鮮，而且角切大小適中，啱我呢個懶人！ 一個魚生飯當然唔夠喉！ 仲叫咗吞拿魚，北寄貝同帶子壽司！ 新鮮得黎，仲要份量足，唔會好似紙咁薄！ 牛油果金龍卷 略嫌有d滯，太多牛油果了🙈 明太子炸雞翼 爭d比佢熱親條脷，而且d明太子爆晒餡！ 什錦天婦羅 好味！ 炸漿唔厚之餘仲一d油益味都無，而且炸到啱啱好，唔會柴晒皮！ 原條燒茄子 茄子淋身得黎無話水汪汪但又不是實的的，而最重要係份量極多！食極都仲有，最後當然仲食唔晒添！ 好滿足嘅一餐！ 呢度d食物份量好足，絕對無偷工減料，而且侍應哥哥招呼好好，又有禮貌，依家原來仲有d item七折添，抵到爛！下次要試埋佢其他野先得！

黎到K11 Musea呢個咁有藝術感嘅地方，食嘢都當然要揀番啲非一般嘅餐廳啦！ 今次就嚟咗呢一間門口有好大朵村上隆嘅太陽花花迎接我用膳嘅餐廳！ 入到去，除咗村上隆仲有奈良美智同kaws 等等嘅作品。 好！入正題，睇下食乜先！ 朋友話不太餓，最後叫咗個炸雞搥，一個意粉，兩杯野飲同最重要嘅甜品！ 炸雞搥配水牛芝士醬 雞搥炸得外脆內嫩，炸粉一d都唔厚，好juicy，水牛芝士醬亦唔係好’漏’，反而中和咗炸雞搥嘅熱氣感！ 香蒜橄欖油意粉 越簡單嘅菜式越考功夫！ 呢碟無論係油嘅份量，意粉嘅軟硬度，同食材嘅新鮮程度，都配合得好好！惹味得黎又不會成口油，而且有大量嘅菇，食極都仲有！ Tiramisu 每次食飯嘅主角，甜品環節！ 賣相已經令人心心眼！ 而味道方面，有別於其他嘅tiramisu, 佢係有咖啡香得黎唔會帶苦。lady’s finger 雖然有浸過，但無浸得太過，仍然保留到脆身嘅口感，加埋軟滑香濃嘅cream，真係不得了！好好味！ 仲有杯seasalt banana snow又係好令人surprise，好好飲，好正！ Btw，呢度d staff 好好人，service 好好！ 係一個好愉快滿足嘅體驗！

呢間餐廳，長駐openrice個排行榜頭幾位🤔 無理由唔去試下架嘛？ 今晚，終於比我book到枱，可以去扮下文青喇！ 一坐低就有杯藍色既水迎接我地，原來係蝶豆花。上網話蝶豆花可以抗氧化同美顏，而且又令到杯水嘅顏色變得好特別。咁微細嘅位都照顧到，唔怪得長期book爆晒啦! 再睇下個menu，都真係幾有心思。廚師設計餐單嘅時候，除左諗食材嘅配搭之外，每一道意大利飯同扁意粉都用左唔同顏色，所以望住個餐牌嘅時候就即刻可以聯想到食物嘅樣。而諗起唔同顏色，就已經令飯同意粉嘅吸引度上升。 同友人幾經辛苦下，終於決定到叫個深綠色代表 菠菜大蝦扁意粉。 一上到枱，大蝦嘅香味已經湧埋黎，而且深綠色嘅意粉配上橙色大蝦亦令人食慾大增。意粉煮得煙韌有口感，加埋creamy嘅醬汁同菇，食完真係好有滿足感。 叫左個細嘅小食拼盤，有炸薯條、蕃薯條、芝士同雞翼。 呢類炸物好難整得唔好食，同樣亦好難整得好味，但廚師又再次以detail位加分，就係伴上松露醬同茄汁。 炸物配上松露醬，味道特別，有食物本身嘅味道，亦有一種菇既鮮味。 鍾意傳統味道嘅朋友亦可配上茄汁食，任君選擇。 我仲叫左個士多啤梨雜莓乳酪，每一啖都充滿莓嘅味道，酸酸甜甜，開胃得黎又有口感！食住小食拼盤飲佢，真係正到一個點！ 總括黎講，呢度環境舒適，裝修佈置又好有特色，食物除咗味道好食材新鮮同賣相吸引外，亦兼顧到好多細節位，真係完全做到色香味俱全！怪唔之一路都喺個榜度啦！

今日嚟到登打士街呢個廣場10樓嘅一間餐廳，突然間青春嘅味道好似返晒黎咁！ 上到去，空間好大，氣氛幾好！ 中間盞燈勁eyes catching，除咗盞燈仲有d旅遊書同games. 唔諗咁多喇，見到二人set 都唔錯就食你啦！ 蜜糖雞翼 雞皮好香口，再加上甜甜地嘅蜜糖，好惹味！ 龍蝦汁意大利麵 一上枱，心諗，點解咁大碟嘅😂，龍蝦汁真係好香濃，而且仲落足料添！d帶子好似唔使本咁！ 豬手配薯角 又係好大隻，仲有兜新鮮熱辣嘅薯角！ 真係飽到一個點呀！ 豬手炸得好鬆化，而且味道又不會太咸，最重要係無嗰種奇怪嘅騷味！ 食到呢度，其實已經好飽，但仲有兩個甜品！！！我地要個咗waffle 同 cheese cake 由於之前d食物份量太多，搞到我同友人差d食唔落個甜品！ 初初揀黎呢度，係因為以為呢度係食荷蘭野嘅，後尾黎到發現原來係食普通西餐，本身都有d失望，不過最後竟然有驚喜，質素唔差之餘而且性價比極高！即刻開心返lu 😂😂😂

秋冬天，始終都比較乾燥，今日行過見口淡淡，價錢又幾平，好！就買杯試下！ 由於食完飯，揀返杯無咁heavy嘅先！ 藍蝶花冰糖雪梨，夠潤啦啩！ 賣相，削咗d囉，個雙色比我想像中有出入，因為以我嘅印象，蝶豆花好似係再藍d🤔 (後尾上網搵返，原來蝶豆花遇到酸嘅嘢會變紫色！好神奇呀！😂😂😂） 味道就，有梨味嘅，唔係好甜，又有d酸，不過味道就有d奇怪，同飲完無乜潤嘅感覺！ 可能今次揀嘅茶飲有d冷門，所以味道有改善嘅空間，(其實服務態度都有...) 希望下次行過再買黎飲嘅時候會好d啦！