慧食貓

營業中

休息中

香港真正嘅美食天堂🥳其實就係葵廣😍！平！🤓靚！🤩正！🥳無論系中學定大學每次食好西都係去尼到😆🌮火腿雞蛋肉鬆手抓餅我正式宣布今次嘅mvp就係慧食貓嘅手抓餅😆🤩本身以為會勁飽 🥴但係佢個外皮完全唔厚🫶🏻而且唔係落似麵粉🥹小小脆得黎又幾惹味😝😝有種令人想不停食落去嘅感覺😋而入面嘅餡料雖然係普通材料☺️但都同個餅皮好夾😍用咁底價錢就買到咁好食嘅嘢😆唔怪得咁多人排隊😗上次小編等左差唔多半粒鐘🫢所以大家記得黎食好西都要有排隊嘅心理準備啊🫡💸價錢：$26✨好味·到指數：4/5🤍🤍🤍🤍📍地址：慧食貓

黎葵廣掃街，聽人講一定要試吓，去到咁岩lunchtime時間多人都理解，但員工啲態度真係差過澳牛，未落單已經預咗俾人話左先，排乜嘢隊要乜快啲講啦，你等4個字啦，幾點叫架，找錢自己找啦無人找架etc…以上都係個店員對我前一個女仔講既野，到我嘅時候，就要醒醒目目拿拿林叫叫左個最多人揀嘅火腿雞蛋肉鬆手抓餅，$26又唔係話真係好平，因為啲餡料都係普通野，以為等20分鐘好好食，點知，都唔係熱嘅，只係暖暖地，鬆脆？🧐不過肉鬆料就真係多既，但$26買啖啖肉鬆🙄見仁見智

慧食貓旺角開咗分店，知道老細去咗坐鎮，但葵芳店嘅質素就即刻差咗了🙈講真佢啲手抓餅啲餡料都唔係咩特別嘢，醬都係茄汁沙律醬，係食佢即叫即製嘅熱辣辣同鬆脆，所以平時要等十幾分鐘先食到但係今日(一點幾)嗌完2分鐘就拎到都覺得奇怪，一食，完全唔熱😵‍💫，係室溫，叫微暖都好勉強，擺明係每樣料同餅都整定，所以個餅都開始硬，食落口樣樣材料好似分開晒，味道唔融合，好失望另外，以前老細整嘅蛋係嫩滑，今次睇圖就知係老嘅，可能手勢問題+預先整定😓🥲明白老細分唔到身，但希望員工至少keep返即製呢樣嘢，否則真係大打折扣🙈

今日老公難得收早，就特登約我去葵廣掃街🤭專程去呢間熱爆人群既手抓餅店(慧食貓)老公早到就去落定Order叫我行陣街先join佢因為實在好好好多人，要等5個字左右🤭因為係即叫即做，所以值得等待！我地叫左個 肉鬆火腿蛋手抓餅。🤩果然無令我地失望，真心 勁正勁好食！😍即場熱辣辣食，外面脆內軟，好香口除左新鮮兼足料，d汁料都好夠味架🤩$26一個，仲要大大個！好彩有個大胃老公幫手食哂🤣決定下次掃街再食多次

個日大約下午七點鐘，去到慧食貓門口姐姐同我講仲有3分鐘截止落單，咁我同朋友就極速落咗單，原來落單係勁兒戲，就咁嗌應左你就係，姐姐同我講18分鐘後嚟攞餅，咁我行完之後，18分鐘之後返到去，其實佢根本唔記得我叫左咩餅甚至唔知道我有冇落過單，因為佢係最後攞餅嘅時候先俾錢，咁去到之後就繼續等，跟住個姐姐就會問你叫左咩餅，之後就即刻整俾你，我覺得都無可厚非，因為舖頭細只能夠容納兩個人，加上要買餅嘅客實在太多，根本就消化唔到。我見到兩個姐姐已經冇停手咁係咁做，所以大家都冇崔姐姐快啲整佢個餅，我覺得只係我第一次黎唔識落單規矩。火腿肉鬆雞蛋手抓餅 $26火腿雞蛋煙肉手抓餅 $27我同朋友叫咗呢兩個手抓餅，食落去個餅皮煎得好脆，加上佢餡料都多又有沙律醬，如果廿零蚊，食到咁多料又咁好食既手抓餅，真係完全冇投訴。我覺得暫時喺香港食過最好食嘅手抓餅就係呢一間。

嚟葵廣掃街 當然一定要嚟慧食貓到食手抓餅！價錢真係好平好抵食🤑全部即叫即整 熱辣辣 脆卜卜😍最正就係火腿+肉鬆+芝士 內餡嘅份量真係俾得超級大方 再加埋甜甜地嘅沙律醬 食落真係相當之惹味🤩

從幾方面分析一下，點解佢地個手抓餅咁好食！😉 首先, 配料勝在好多款俾你揀, 標準野有: 雞蛋、煙肉、火腿、芝士、肉鬆等等; 特別野: 漢堡扒、生菜、蟹柳. 🤓 然後, 佢個餅煎得外皮好脆, 內里就淋淋地, 口感非常之好, 而且好大塊, 以致佢可以包到好多配料入去.🫡 我地揀左一款”火腿雞蛋芝士豬柳手抓餅加肉鬆”, 好食到痴左線！🤭佢要煎既配料，都煎到熱辣辣，令芝士可以溶溶地🫠；配料質素正常，特別正既係佢有漢堡扒同埋放左勁多肉鬆; 加上, 佢放左生菜🥬, 可以令咸既配料入面, 俾到少少水份同埋淡味既食材, 令到每淡都唔會太咸太膩. 😼

#慧食貓 #sorriso_葵青區-慧食貓呢間手抓餅，相信有去開葵廣嘅都唔陌生，一直都係平靚正、足料，好多人買，個老闆長期都勁忙整緊餅、會同客傾計，之前仲貼張poster叫人「真係想食先好買，唔好哂無謂錢」，落完order之後叫人行住街先10分鐘後再返嚟比錢攞餅，有客話你唔驚我唔返嚟咩？佢居然答咁我都冇辦法，返嚟攞餅啲錢放哂喺枱面叫客自己找錢😯，佢又真係認得客個樣同埋叫左啲咩先勁，咁好記性手抓餅最好預返早少少嚟，因為賣哂就冇，之前見過好多手抓餅都係逐樣材料計，一樣材料都起碼$30起🥙【A蟹柳手抓餅】 $23 (8.6/10)有蕃茄、生菜、沙律醬、蟹柳，蟹柳佢都真係比得幾多，我攞到返屋企生菜都仲做到爽脆嘅口感😙，啖啖都食餡，勁足料、夠哂fresh🥙【B火腿雞蛋肉鬆手抓餅】 $26 (9.3/10)有生菜、蕃茄、火腿、煎蛋、沙律醬，仲有大量肉鬆，我勁鍾意佢啲肉鬆，成個手抓餅食落唔油，食完仲好想食😋😋🥙【G火腿雞蛋煙肉手抓餅】 $27 (9.1/10)有蕃茄、生菜、火腿、煎蛋、沙律醬、大大塊煙肉，呢個就勁多料，鍾意煙肉嘅朋友一定係揀呢個#sorriso_葵芳 #sorriso_新界-📍【慧食

嚟葵廣掃街 如果冇食過呢一間手抓餅 真係唔好意思同人哋講嚟過🤣手抓餅全部都即叫即整 食落暖笠笠 仲超級酥脆！每次都揀火腿、雞蛋、肉鬆餡 超多餡 再配埋生菜同蕃茄 簡單得嚟 已經十分好食😋

其實講開葵廣既美食，一直都有聽過慧食貓但每一次都食得太飽所以食唔落今次即興去葵廣第一站就食手抓餅啦材料貌似簡單，雖然講自己都整得到，但要整一件好食既手抓餅係需要慢慢整，所以一落單點完即刻講話要等25分鐘😎火腿雞蛋肉鬆手抓餅 （$26）味道：🌕🌕🌕🌕🌗評價：cp值極高，足料，肉鬆由頭食到尾，醬料令成個手抓餅更加豐富，即叫即整，25分鐘都好值得等落去🥰🥰🥰裏面仲有生菜增加咗口感之餘，亦都會令成個餅冇咁油膩📌 慧食貓 (葵芳)葵芳葵富路7號葵涌廣場1樓B01C號舖

世一足料手抓餅💛去開葵廣掃街一定會識這間！價錢親民+味道簡單美味💕聽聞將會在旺中開分店，到時記得bookmark❗️。🌯火腿雞蛋芝士豬柳手抓餅 $31每次都會叫這個🫶🏻份量足料而且材料簡單豐富😚每份即叫即煎，手抓餅餅皮煎得香脆煙韌，配料都是正常發揮，勝在拎上手即整熱辣辣，多重口感再加芝士‼️🔥簡單飽肚滿足🫶🏻其實款式還有好多，下次再試試🤗。📍 慧食貓 葵芳葵富路7號葵涌廣場1樓B01C號舖

呢度嘅手抓餅 長期都係大排長龍 全部都即叫即整 所以想食真係要比啲耐性～外皮熱辣辣脆卜卜 又帶點煙韌😋配料推介蟹籽吞拿魚！餡料份量真係超多 食到底都仲有！$30唔使 抵食夠晒飽肚！

葵廣出名多掃街小食，但呢間嘅手抓餅真心超級出色又抵食！即叫即整，賣哂就無，所以真係葵廣必食之選！其實款式配搭可以有好多，最簡單唔想煩就直接order A-G！即使再加配料每款都係$4-7@！所以佢嘅手抓餅真心超級抵食！諗好食咩，直接去櫃面同老闆娘講，佢會話你知幾耐返嚟拎，而拎嗰時先俾錢！老闆娘超勁，唔洗mark低背到哂啲客要咩👍🏻每次懶得諗，就會order B(火腿雞蛋肉鬆)加芝士！好抵食！只需$30！雞蛋即叫即煎，成個手抓餅即叫即包，所以到手時仍然熱焫焫！加上手抓餅剛煎好，所以仍然保持到脆口，非常美味！(滿分為🤤x5)好味指數: 🤤🤤🤤🤤🤤抵食指數: 🤤🤤🤤🤤🤤回頭指數: 🤤🤤😆🤤🤤

由2018年開始認識尼間舖，到左依加2022年都有一段日子，食到連老闆都認得我。其實咁多年果價錢都冇乜變過，都系食物大大份，價錢又平民。加上系間超級良心小店⋯ 最近旺角中心仲要開左間新分店，得閒經開一定要幫襯買下先。葵廣咁多間舖頭，真系食間聽尼間就系尼間。 ⦁B餐-火腿雞蛋肉鬆手抓餅 $26簡簡單單一份手抓餅，配料比出面既多，基本上買一個可以當一餐。或者去鄰近既手搖店買多本野飲，咁就完成一個lunch。

嚟到葵廣 冇理由唔食呢一間手抓餅啦 竟然今次俾我撞正冇人排隊 即刻買咗嚟食！呢度嘅手抓餅真係做得好出色 餅皮熱辣辣 脆卜卜 入面嘅餡料非常之多 揀咗最普通嘅火腿、雞蛋，肉鬆 再加埋生菜同埋醬汁 簡單嘅配搭 但已經好滋味❤️