德美壽司 (新都城中心1期) (已結業)

今晚收工夜左唯有出街食，三口子想食好啲，坐車去寶琳食日式料理，第二次嚟幫趁，發現原來比幾年前裝咗，環境大咗舒服啲壽司、刺生是主菜，保持一貫水準，叫咗一個熱食燒牛肉，我哋覺得好驚喜，肉質幾鬆軟而且配上濃縮燒汁，三個一齊舉手指公大讚，侍應服務不錯，落單都好快趣上菜，整體來講，呢頭如果搵食，心目中德美是數一數二，最後差點忘記讚揚一下，德美嘅刺身係好鮮味，好似坐飛機去咗日本當地魚市場嘅感覺，一定會繼續支持

德美壽司一向都是區內受歡迎嘅日本菜食店，平時總會見到等位的人龍。今日到訪選擇了豐盛二人餐($428)，十分滿足。二人餐包括了麵豉湯，日式前菜，煙三文魚蕃茄沙律，枝豆，刺身(三文魚，油甘魚，甜蝦)，壽司(油甘魚，帶子)，煎牛仔排，天婦羅，牛肉烏冬及甜品。刺身及壽司很新鮮，魚類肥美，帶子爽脆，甜蝦上更配有藍色蝦子。煎牛仔排有6大件，天婦羅拼盤有大蝦2隻及野菜4件，份量十足。牛肉烏冬亦十分好味，牛肉粉嫩，烏冬彈牙，十分暖胃。其實餐廳散叫的食物都十分吸引，只是我們有選擇困難症，所以十分推介這個套餐😊

🙋🏻‍♂️餓底探員今日去咗將軍澳調查呢間性價比高嘅壽司店，今次調查咗佢嘅魚生丼同天婦羅，食物高質，價錢唔算太貴，有機會下次會調查埋其他食品🍱吞拿魚腩茸三色丼 $151 📸表示個魚生丼有拖羅蓉，帶子，海膽同三文魚籽，睇見都心動，仲有味噌湯，沙律同茶碗蒸附送，好豐富🙋🏻‍♂️表示個拖羅蓉好肥美，食落每啖都充滿豐富油脂，入口溶化，帶子肉厚味道鮮甜，海膽食落甘香，三文魚籽爆汁口感過癮，配埋青瓜絲，蔥絲，溫室豆苗，成個魚生丼好滿足🥚溫泉蛋天婦羅 $50📸表示個溫泉蛋天婦羅比較少有，普遍都係炸蝦，野菜天婦羅，呢個天婦羅將溫泉蛋切開一半，一邊係蛋白一邊係蛋黃，賣相好吸引🙋🏻‍♂️表示個天婦羅炸到金黃色，食落好香脆，溫泉蛋嘅蛋黃同蛋白呈流心形態，入口嫩滑充滿蛋香，真心推介📈吃貨指數😋好味度 8.5/10🔙返啅度 8.5/10

位於將軍澳，鄰近地鐵站，餐廳主打的就是日式料理，而家這天和朋友一同前來定啲好好品嚐。三色魚生丼，三種不同的魚生配搭起來，也不錯，作為多年的日式料理店，價錢定位也堅持了很多年。就是一份飽肚的選擇，真是不錯。最喜愛就是他的壽司飯，真是粒粒皆辛苦。德美海膽魚生丼，精選的海膽，香濃的味道，十分Creamy，同樣的壽司飯，令我和朋友有十分滿意吃了一口，多吃一口。沙律、味噌湯，作為附送的絕對是超水準，清潔乾淨菜蔬，配搭丁點香脆的麵包。新鮮熱辣的美珍湯，推薦又美味。

德美喺紅磡都頗有名氣，本身喺紅磡返工，間唔中都會去食😋。今次去咗德美喺將軍澳嘅分店，地點有少少隱蔽，附近有多間補習社。一坐低就叫咗我嘅最愛—活鰻魚朴葉飯定食。鰻魚分量頗多，魚油豐腴，加上燒得有少許焦香，作為晚餐，實在大大滿足。飯面仲鋪有蛋絲，添加蛋香以外，仲拎埋上加分。朋友叫咗銀鱈魚西京燒定食，同樣都好抵食。定食附送湯、沙律同甜品，最貴嘅都只係$100多啲。銀鱈魚燒到金黃色，魚肉嫩滑，以性價比嚟講真係冇得輸。

今日天氣突然間轉涼 跌到差唔多12度 咁凍既天氣好想食返d 熱野 但我屋企人又想食日本野 經過d 間日本餐廳 選擇比較多 有刺身飯 壽司 定食 窩物 串燒 天婦羅 可迎合唔同人既口味銀鱈魚西京燒定食（$120）煎得剛剛好 唔會好油 個皮都幾脆 肉質好滑 配埋個飯一流👍👍油甘魚泡菜鍋定食（$90）油甘魚有4 大件 配菜有泡菜 豆腐 金菇 娃娃菜 紅蘿蔔 粉絲 湯底唔算好辣 足料 不過配烏冬應該夾d 但我選咗白飯🤣火炙帆立貝壽司 火炙三文魚壽司 火炙鵝肝壽司 芥辣八爪魚軍艦 不過不失 壽司飯師傅即整 唔係機整 不會太硬太實 刺身新鮮厚身 唔錯

成日都會心絲絲想食德美既,今日就見假期就黎完結,就去會一會佢。環境都是整齊美觀,6點去食就好點,不用排隊,因為成日都好多人既。佢晚市係有定食的,不過今日就見左自己喜歡的單點,都不錯架。定食同單點都不是太貴,大家都可以考慮。今日點了:~最愛既窩燒烏冬:都係要讚用料、有蟹柳、炸蝦、冬菇、獅子卷、真係好鐘意食窩燒烏冬,湯底都好好味。~火灸鵝肝壽司:依個真係超正,因為有香口,而且鵝肝真係超肥美。~炒野菜:用料超級豐富,而且有落豚肉、櫻花蝦、味道超好,而且營養豐富,家庭必選。~青瓜卷:同一般既整粒青瓜不同,師傅係好有心機咁切絲既,食到津津有味最後仲有甜品、真係不錯的餐廳。佢都有好多分店,都是做得不錯的。大家可以去近你個間

好友過嚟將軍澳搵食我食飯，知佢喜歡食日本野， 就約佢位於新都城的#德美壽司 ，佢聽到即時贊成☺️，我哋點左2樣食物一齊分享。🥘野菜牛肉鍋定食，牛肉肥瘦適中，而且很多片又都中嫩滑，配料有豆腐同菇類，烏冬滑滑的，湯調味適當不會過咸。再要多個左北海道魚生丼飯，刺身新鮮厚切，有爽口魚味香的油甘魚、鮮甜三文魚、爽滑大粒帶子，仲有美味生蝦，同埋脆卜卜的蟹籽配搭，啖啖滋味。 以上套餐跟埋味噌湯、沙律同埋甜點🍮，夠晒飽肚啊。

第一次嚟到德美壽司將軍澳分店食晚餐，都唔錯！餐廳環境優美，座位舒適，而且會見到師傅都好用心製作美食。晚市仲有定食同德美晚市二人餐，好多選擇！今次我同朋友揀咗精選二人套餐，入面包含咁多款日式美食，有齊前菜、主菜、湯同甜品等等，好豐富！精選二人套餐味噌湯前菜-麻辣海蜇煙三文魚和風沙律油甘魚壽司三文魚刺身牛肉湯烏冬(兩小碗)什錦天婦羅 (大蝦、菇、南瓜、茄子、地瓜）三文魚鮫腩野菜牛肉鍋甜品-芝麻糕呢個套餐真係好抵食，食材新鮮，刺身厚切上，三文魚超甜超肥美！野菜牛肉鍋份量十足，牛肉非常嫰滑，湯甜甜的，仲有一隻半生熟嘅蛋。印象最深刻係大蝦天婦羅，超大隻又juice！正！有機會的話，會再同朋友去食！

今日在新都城開會，同事提議食德美，我第一個贊成，因為試過沙田分店既德美，感覺食材都幾新鮮。我地叫左魚生丼同豬扒烏冬開心share 🥰🥰德美海膽魚生丼： 剌身係厚切既，很有口感，帶子鮮甜美味，三文魚好新鮮，海膽都好正😋吉列豬扒烏冬：豬扒咬口脆而不膩，炸粉唔厚，烏冬湯底清甜，麵質彈牙。定食仲有沙律、味增湯同埋甜品。大滿足 ✨✨

本來男朋友放假打算同我去撐枱腳，點知，他確診了…….噢！唯有食自己，就揀自己最鍾意的日本菜來消除不快的心情。餐廳簡約企理，有長櫈配二至四人枱、 “L”形的壽司吧枱和數張二至四人枱。地方唔大，好彩樓底高，有空間感。有晚巿定食、二人餐、單點菜式和飲品。單點菜式分有刺身、壽司、軍艦、五點盛合、卷物、丼物、前菜、沙律、串燒、燒物、炸物、一品料理、鍋物、麵類、御飯等，好多選擇。要咗份油甘魚泡菜鍋轉烏冬晚巿定食（$90+$15）。雜沙律菜清爽，拌入酸咪咪的醋汁；麵豉湯暖笠笠，味道剛好，內有香滑的豆腐和爽滑的昆布，不錯！油甘魚泡菜鍋熱辣辣，加埋泡菜的香辣，暖身醒胃，岩晒這天氣。鍋料三大件油甘魚外，仲配有嫩滑的豆腐、爽口的冬菇和金菇、清爽的大蒜和蔬菜、晶瑩剔透的水晶粉，真係足料飽肚。油甘魚都有好多肉，啖啖鮮嫩，好滑溜，又有魚油香，好正！烏冬（+$15）又滑又Q彈，仲多咗啲爽口的昆布、粟米粒和日式魚片，不錯！將烏冬放入泡菜鍋一齊食，更好味！見到牆板今日有鹽燒吞拿魚下顎（$128）就忍唔住要一客。即叫即燒，熱辣辣！嘩！估唔到一個咁大，呢條吞拿魚一定好有份量。表面燒得焦香，魚皮香脆可口，魚肉滿載甘香的魚油，

呢日勁想食日本野，見到新都城呢間德美壽司就知唔錯，所以就試試佢！我大約7點鬆啲到餐廳，啱啱好仲有位啱駛洗，過左7點半都要等一陣先有位可以入，入到去店員就放低左張單，上面係qr code落單，好方便，而食物相都可以睇番實體餐牌，我都係叫左晚市定食，德美海膽魚生丼～基本上呢個set所有品種既魚生都有，三文魚，油甘魚，大海蝦，帶子，海膽，三文魚籽，仲有燒成德美字樣既蛋，刺身超級新鮮，勁肥美，切得好厚，食到魚既鮮味，而蛋都有好香既甜蛋味，真係好好食，定食仲包左有一碗麵豉湯同埋沙律，沙律既醋汁令人好開胃，麵豉湯夠哂熱辣辣又唔會太咸，入面仲有好多海帶同豆腐，誠意十足～

之前食過紅磡分店午市定食，覺得唔錯喎👍🏻👍🏻👍🏻，今次專登嚟將軍澳踩單車經過見到，又想再試吓😋😋😋地點位於寶琳站，新都城中心一期地下，超級方便，單車可以泊係門口一陣，而且環境闊落，比紅磡分店大好多，坐得舒服啲🥰海鮮海膽丼$161有前菜沙律同麵豉湯，唔錯💕吉列豬扒烏冬定食 $72豬扒炸得幾鬆脆，配滑滑烏冬正呀😋😋😋😋甜品係奶凍應該用左北海道牛奶有香濃牛奶味，正呀👍🏻👍🏻👍🏻👍🏻

最近plan 緊日本嘅行程睇睇下，就好想食返日本野😍就黎左屋企附近食左個dinner😆天氣又凍返，好想食壽喜燒嘅烏冬😍睇下餐牌入面有唔少刺身，壽司，煮物等等，最吸引都係晚市定食套餐😆我地點左以下：🌸沙律&味噌湯沙律🥗好fresh 食完覺得好開胃😆味噌湯唔會太咸❤️🌸活鰻魚朴葉飯定食鰻魚有炭燒味又帶醬油香，唔會太多骨🤗飯粒吸收哂鰻魚嘅油香😋🌸野菜牛肉鍋定食配烏冬牛肉鍋係壽喜燒湯底，牛肉量多😍唔肥✨入面仲有好多蔬菜，好入味🥰烏冬好彈牙😍🌸最後仲有奶凍甜品😋

德美有很多間分店，今日黎到新都城分店，望落現場環境兩間鋪位打通，地方尚算可以，日本風情。坐底自助點餐，魚生飯，磯燒套餐，牛肉鍋等等，款式算多。每個午餐配有蒸蛋，日式沙律，主菜及甜品。整體感覺好豐富，為每日上班一族加加油。主菜方面，今日叫左便當。魚生新鮮，炸物雜菜餅夠熱+脆口，幾精彩，壽司略嫌飯有d鬆，易散，另外，漬物味道正常。最後甜品係芝麻糕，感覺一般。之前係日式芒果布甸好食好多。整體$100左右的午餐，有4道菜，勝價比高。