222
12
7
港鐵寶琳站 B2 出口, 步行約2分鐘 繼續閱讀
所有分店 (5)
電話號碼
24587928
營業時間
今日營業
12:00 - 15:00
18:00 - 23:00
星期一至五
12:00 - 15:00
18:00 - 23:00
星期六至日
12:00 - 16:00
18:00 - 23:00
公眾假期
12:00 - 16:00
18:00 - 23:00
*關門前半小時截單
付款方式
Visa Master AlipayHK 支付寶 現金 銀聯
其他資料
電話訂座
加一服務費
當面支付
食評 (270)
等級4 2020-03-07
3331 瀏覽
今日黎到將軍澳行街,經過這間壽司店,裝修好日式,我同朋友決定試下。等左一陣就有位。😌店員安排我地坐2人枱。樓底都夠高,空氣都幾流通😆👍🏻店員放下餐牌後便奉上日式綠茶🍵,飲落暖笠笠。睇下餐牌,有唔少丼飯,刺身,壽司,燒物同天婦羅🍤。晚餐仲有定食,包左主食,沙津,湯仲有甜品😋我地叫左2個套餐,一個係三色魚生🐟丼,另一個係活鰻魚🐟朴葉飯定食。店員好快手送左沙津同湯比我地☺️沙律方面,疏菜好新鮮,配埋沙津醬好開胃,仲有帶子刺身係入面😍湯係日式麵鼓湯,飲落好香,有海帶味😋三色魚生飯,入面有油甘魚,三文魚同帶子刺身,仲有一隻溫泉蛋係中間,魚子都係滿滿的🤩我地先將刺身放在碟中,再將溫泉蛋與飯拌勻,飯不是普通白飯,係用左香菇一起煮的醋飯☺️三文魚食落好彈牙,油甘魚唔腥都幾肥美,帶子超鮮甜😆👍🏻連埋飯一齊食又係另一個層次❤️活鰻魚朴葉飯定食,飯係用木盒裝住,可以keep 到個溫度,鰻魚食落有碳燒味,好香仲脆脆地,重點係唔多骨😆但飯先係精華所在,吸收左鰻魚嘅香味,仲有燒汁嘅味道,勁好食😍甜品方面,係傳統日式甜品-蕨餅,食落甜甜地,為今晚嘅晚餐畫上完美句號🤗值得一提係店員好有禮貌❤️ 繼續閱讀
(以上食評乃用戶個人意見 , 並不代表OpenRice之觀點。)
等級6 2020-02-14
2276 瀏覽
屋主請朋友在家打邊爐,但現在高危情況,不適宜參與,故決意一人落街食,需要都不太想出街,但無辦法....去邊好?當然又是能讓我舒適自在的「德美」。維持着一樣裝潢,舒適!但在此時期,如枱與枱之間多些距離會更適合。枱上同放齊三份餐牌和一本厚餐簿。餐牌分別有飲品、晚巿定食和二人餐,而餐簿就是單點菜式,同樣有薄切、刺身、壽司、軍艦、火炙、花之戀、三色壽司、大盛、五點盛合、卷物、小卷、手卷、丼物、前菜、沙律、漬物珍味、串燒、燒物、天婦羅、炸物、一品料理、碗物、鍋物、麵類、御飯、飲品和甜品。******************************一人來就必揀晚巿定食,有魚生丼和定食可選,均配湯、沙律和甜品,又豐富又經濟。晚巿定食有十五款,今日突然好想好想食烏冬,故選了配有烏冬的便當三段 Tripet Bento ($88),同樣附有沙律、味噌湯和甜品。湯和沙律齊上,清爽的雜沙律菜拌入酸咪咪的醋汁,開胃醒神,還配片柔軟的煙三文魚,添些煙燻鹹鮮,跟清新的沙律同吃就剛好。味噌湯暖笠笠,味道剛好,內有香滑的豆腐、爽滑的昆布,清甜的紅白蘿蔔,簡單而美味。迷你烏冬都唔簡單,有肥牛、日式魚片、粟米和昆布,都算挻豐富。每片牛肉帶一丁點油脂,相當腍嫩,不錯!烏冬好滑,連湯大羹吃最美味。便當以一個長形和風盒盛載,吃起來更有風味。一格放有五件炸雞、椰菜絲、蘿蔔漬和他他醬;另一格是刺身和玉子,好豐富。每件炸雞大小相若,炸得金黃,色澤平均,一咬開就霧出熱煙,熱辣辣最滋味!外層的炸漿薄而香脆,雞肉仲挺嫩滑,存有肉汁,加埋蘸上他他醬就更滋味。刺身有三文魚和油甘魚,配厚燒玉子,各兩件。三文魚肥美油潤、油甘魚充滿魚油香,兩者都肉質柔軟,味道鮮美;印上「德美」的玉子就一層層,香甜好吃!*************************多吃蔬菜健康有益,就選客蟹子沙律 Flying Fish Roe Salad ($50)。嘩!滿滿一大碗,堆成一座小山丘,灑滿大量晶瑩亮麗的蟹籽,份量好足,令人吃得滿足。唔想太多沙津醬,所以下單時指明另上,邊吃邊加就岩。大量清爽的青瓜絲拌入柔軟的蟹柳絲,再加上爆脆鮮味的蟹籽,吃前先拌勻,口感豐富,只添加少許沙律醬,能保持清新的感覺,岩晒!簡直又好味又豐富又抵食。*************************還未到時間回家,就繼續坐下食下,就點一客鹽燒油甘魚餃 Grilled Yellowtail Joint w/salt ($90)慢慢等。待一會,嘩!魚鮫份量十足,相信這條魚挺大。熱辣辣上枱,散出陣陣燒香,底面同樣燒得金黃,吃起來既香脆可口,亦相當油潤。把其挾開,魚香四溢,魚肉好嫩滑,啖啖魚油,味道鮮美,且弄得鹹鮮有致。又試試蘸上所配備的蘿白蓉醋汁和唧些鮮青檸,有助中和其油膩感,配搭更合宜。------------------------------點解唔見我提飯後甜品呢?因為是日是奶凍,不太合我口味,別浪費,留給懂得欣賞它的人。其實我心只有抹茶蕨餅,來了這麼多次都未能遇上,是我們無緣?還是考驗我呢?我必定會繼續堅持!下次再來時希望可遇上.... 繼續閱讀
(以上食評乃用戶個人意見 , 並不代表OpenRice之觀點。)
等級2 2020-08-02
2 瀏覽
呢間是屬於小有名氣的日本料理餐廳🎌 主要係佢嘅刺身壽司🍣新鮮而且唔貴而佢嘅lunch set都幾抵食嘅 有好多唔同款嘅定食同壽司set可以揀 花多眼亂🤩 基本上套餐包埋有沙律, 味噌湯, 茶碗蒸蛋和甜品🍱, 值得一提係連沙律有帶子刺身👍🏻⁣⁣1.極上壽司定食🍣 ($148/10貫)⁣壽司🍣定食上枱已經好吸睛每件壽司都好新鮮 另外有兩件印上德美的厚燒玉子 水準幾好 特別一讚係海膽 色澤✨不錯 而且好鮮甜 真係好想食多幾舊 另外拖羅蓉都好好味 唔好睇件件都好似好細件 食下食下會覺得好飽 當日小編好肚餓都食唔晒 所以以呢個價錢 真係好抵 性價比高💯💯💯⁣⁣2.吉列豬扒烏冬🍜 ($65)⁣炸豬扒🐷即炸熱辣辣上枱 肉質嫩而且juicy😋 配上特製醬汁 幾有驚喜 唯一係肉同皮炸得有少少分離 烏冬係手打烏冬 煙煙韌韌 好有口感 湯底清甜 食完呢set 都幾滿足🤗 繼續閱讀
(以上食評乃用戶個人意見 , 並不代表OpenRice之觀點。)
放假食lunch間唔時都會行過嚟寶琳德美,貪佢夠多選擇。講真佢食lunch算係幾抵,100蚊有找由前菜食到甜品。我通常都係揀壽司+牛肉烏冬~前菜係沙律,冇乜特別,不過都好少會對前菜沙律有咩期望;壽司都幾好食,仲要有好多件,再加舊細細地嘅蛋,款式都幾多,味道係中中等等嘅質素,但唔會食到腥味,呢個價嚟講算係咁;牛肉烏冬嘅牛肉有少少瘦,不過都夠淋身;甜品係泡芙,唔太甜,但有啲凍哈哈。總括嚟講話超好食就唔算,但CP值相當高,所以想平平地食日本嘢就好啱喇。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-07-20
37 瀏覽
今晚屋企無飯食,本來想叫外賣,最後決定去德美食個Quick Dinner,見到佢地都做緊外賣自取9折優惠。之前食過幾次,中意呢度d魚生飯幾有誠意,厚切上枱,唔係薄薄地hea你嗰種,會keep住幫襯。《德美海膽魚生飯 $158》魚生丼或定食均配沙律及味噌湯,沙律菜新鮮,配上帶子一隻,上面撒上芝士粉,味道幾得意。海膽魚生飯勁足料,賣相精美,款式亦好多,包括海膽、三文魚、油甘魚、帶子、三文魚籽、蟹籽、蟹棒,以及印上「德美」二字的玉子。先來一口海膽,口感細膩鮮甜,算是不錯。三文魚籽每粒脹卜卜,鮮味四溢,連埋飯一齊食好滿足。三文魚、油甘魚新鮮肥美,5塊同樣厚切,絕不馬虎;帶子則中規中矩,質感肉厚,無雪藏味,不過未夠甘甜。米飯卻有小驚喜,醬油飯配上香菇、昆布和芝麻,酸酸甜甜,鮮味提升,飯粒分明有咬口,唔需要再蘸醬油已經好好味。 繼續閱讀
(以上食評乃用戶個人意見 , 並不代表OpenRice之觀點。)