德美壽司 (新都城中心1期) (已結業)

聽聞第一舖由紅磡起家，至現在已經有很多分店了，能夠將一間本地日式店發揚光大，質素應該毋庸置疑，所以我今晚就來試試發展至現坐擁 6 間分店的德美了。將軍澳新都城分店，並非座落新都城最繁旺的二期，而是較為屋村的一期，不過一期地下也食肆林立，德美看起來更是在云云食肆中比較想吃的頭幾位。選了好一陣子，最終決定我倆都吃魚生丼飯。➡️ 吞拿魚腩茸三色丼魚生丼定食 $151。以吞拿魚腩茸為基礎，配以海膽、三文魚籽及帶子，吞拿魚腩茸像櫻花般遍布整個碗，挺美的，除了有點破壞風景的白蔥。油甘魚 ➡️ 德美海膽魚生丼定食 $161。可以在客人備註註明自己不吃的東，而我是不吃三文魚的，走三文魚換來立魚真鯛，其他的食材如圖，很是豐富又鮮味！

呢間位於寶琳嘅日式料理之前食過好正😝，今日有機會就再試下佢嘅晚市定食啦😌，呢度嘅晚市定食跟餐有沙律、味增湯、甜品，真係好豐富🥳.三色魚生丼 $120黎到當然要試下佢地出名嘅魚生😜，呢款丼飯有三文魚、油甘魚、帆立貝刺身😋，每一款刺身都夠曬厚切，口感一流，而且非常新鮮添😎，上面仲有一隻溫泉蛋，撈混蛋漿食更加正🔥.活鰻魚朴葉飯定食 $110鰻魚飯大大件好吸引😍，而且每一件都好肥美，配上鰻魚汁真係好滿足🤩

食日本菜就要數德美依間連鎖店出名🥰🥰今日放工同朋友食飯，冇預約，好彩咁岩有位唔洗等！野食選擇好多，價錢我覺得係中上，有dinner set叫，咁就叫左一個壽司定食配牛肉烏冬同埋一個野菜牛肉鍋定食轉$15配烏冬，雞軟骨小食前菜沙律有粟米同煙三文魚，細細碟，正正常常啦😝麵豉湯呢個就幾好飲嘅，唔會太鹹，飲落去暖粒粒😇😇壽司定食配牛肉烏冬我中意佢壽司多款式，每一款都高質！牛肉烏冬既牛都香牛味，烏冬彈牙😍😍野菜牛肉鍋定食我加左15蚊轉佢個烏冬，因為佢嘅烏冬真係好彈牙，我同朋友都中意🥰🥰入面有冬菇，豆腐，粉絲，雜菜等等，個湯底都好濃，好味啊🥳雞軟骨小食好脆口！好香！細細粒又唔係太熱氣😚😚

德美壽司將軍澳貿業路8號新都城一期地下99至100號舖野菜牛肉鍋定食牛肉鍋湯底鮮甜濃厚，吸收了各款食物的精華，配料有鮮牛肉(新鮮高質，肉汁豐富)、薯粉( 煙韌爽滑)、金菇、鮮冬菇、大蔥、蘿蔔片、津白、小棠菜、豆腐、洋蔥，所有配料超新鮮，原汁原味，必食！👍天婦羅烏冬定食煙韌的烏冬+鮮甜的清湯底，配菜有日式魚蛋、香甜粟米、香蔥和嫩滑溫泉蛋，很開胃。巨海老天婦羅(蝦肉夠香、彈牙、份量十足)、日本南瓜、番薯、茄子和鮮冬菇。天婦羅有一層薄薄的炸粉，又香又脆， 加了酸酸甜甜的天婦羅汁，味道更佳，推薦！😋三色魚生丼大廚選用了帶子(鮮甜爽口)、油甘魚和三文魚刺身(魚油豐富，健康好味)，面層加了飛魚子增加層次，丼飯口感煙韌，處理得很好，吃到一半再加wasabi和壽司鼓油更加美味。😍燒汁豚肉石鍋飯用石鍋烹調，保溫一流，燒汁不鹹，恰到好處。豚肉肉汁豐富，大廚沒有用梳打粉，保留新鮮的豚肉味，加了溫泉蛋和洋蔥，好match。 😊每款定食都有沙律、味噌湯和甜品，非常豐富，滿足。

今日去德美，本來同朋友一心一意諗住食定食，因為性價比好高！但當見到個鰻魚炒飯，大家都立即轉呔😂，因為突然間想食啲熱辣辣嘅嘢！大蝦天婦羅一客有四條，而且蝦仲大大隻，即叫即做的天婦羅，趁熱食好香脆，炸粉夠薄，整體好出色！絕對推介！鰻魚炒飯這是一碗色香味俱全而且又足料的鰻魚炒飯！味道香口，用石鍋端上，能夠保持溫度，仲要有輕微嘅飯焦香👍🏻！加上每一啖都食到鰻魚，果然有料到！飯後送甜品，有驚喜！我真的很欣賞呢間餐廳嘅食物，所以以後食日本野又多咗選擇啦！

朋友推介的餐廳，非常有特色和個人風格的日本料理。依家做緊饅魚同鮪魚限定特色菜，可惜太遲睇到唔係一定會試！感覺價錢合理而且都幾特別。🔸明太子拌玉子燒 $48因為自己好鍾意食明太子同蛋，見到呢個組合無理由唔食啦！而且只係$48，感覺幾抵食。🔸重量級火焰原隻燒雞脾上菜時店員會淋上白蘭地再點火，經火焰燒過的雞脾不單止增加酒的香氣，仲令外層的雞皮焦焦脆脆的，更加香口！而且成個過程非常過癮，仲可以打卡影相打片。 店員會幫手將雞肉剪件，所以食用時非常方便。 雞脾肉係超級大隻，而且肉質嫩滑，不愧係店家名物。🔸A4和牛燒西冷叫了100g的和牛燒西冷，兩個人食剛剛好。A4的和牛或許油脂不是最豐富的，但肉味和油份比例較適當，入口不會成口油，適當的油脂配上和牛肉味，感覺剛剛好，單吃也不會太油膩。🔸日本產霜降A4和牛壽喜燒配白飯牛肉肥瘦適中，厚度岩岩好係煲內煮一煮就已經食得。牛壽喜煲內居然牛舌粒，煮到入晒味而且依然爽口彈牙配飯食真心好正。壽喜燒湯底甜甜的，未去到甜到膩既程度，如果唔配主食都好易入口，好好食。🔸Starwberry Yakult Cocktail $78 + 🔸Starwberry Smoothi

德美壽司有好多間分店,我成日都見到佢,到前2日係新都城自己一條友行行下街又見到佢,又有啲肚餓,於是就入左去試下啦其實佢有套餐定食既,不過我諗住食少少,所以都係嗌返我至愛既壽司!呢到係自己scan QR code落單既,本身想食海膽,點知賣曬..傷心豬..壽司食落新鮮,由其係火炙左口魚邊,肉質嫩滑少少爽口,經火炙後有啖啖油香,食落有入口即溶既感覺!好想食多幾舊!>>>火炙左口魚邊(2件) $50火炙帆立貝(2件) $43金目鯛壽司(1件) $44油甘魚壽司(2件) $40燒牛舌 $43牛舌都幾厚,食落係爽既.唔錯!

將軍澳區黎講，寶琳確實係美食天堂，是日到友人家探訪，原希望到店內進食，但因友人家中小朋友不適改以外賣。寶琳區日式餐廳多數都以集團為主，而且款式少食物缺乏創意。友人特別介紹「德美壽司🍣」，壽司刺身款式多，特別是卷物款式極有創意，絕對要介紹一下😊😊1.牛油果軟殼蟹卷即叫即炸即卷, 絕對唔係整定款式, 牛油果香滑，軟殼蟹香脆，壽司飯煙韌非常好食2.煎鵝肝帶子卷帶子卷相信大家就食得多，配上煎鵝肝就真係第一次 ， 鵝肝用火槍燒香再配搭新鮮帶子刺身，濃郁入味3. 辛味櫻花天婦羅卷天婦羅炸香包製，再加上辛辣三文魚肉粒, 入口層次分明。壽司卷物要做得出色必須要有心及創意，德美確實無令人失望

三文魚壽司比較細塊 不過食得岀係人手㧮既飯依加好少有 要讚三文魚腩刺身 大滿足 推介比起岀面刺身大塊！另外仲叫左個凍食稻庭烏冬 好爽口 加埋配汁鼓油好開胃雖然等得耐 但都值同埋叫左炒椰菜 比我想像中既大碟！

德美好似愈開愈多分店，因為真係幾抵食，所以間唔中都會幫襯下🤤將軍澳分店裝修都幾別緻，和風feel.精選二人套餐 $338.✨日式前菜蘿蔔牛腩，蘿蔔無渣，牛腩都無筋.✨大蜆味噌湯唔會死咸，粒蜆都算大粒.✨煙三文魚和風沙律🥗幾大兜，🍅🥬好新鮮.✨油甘魚壽司及三文魚刺身🍣估唔到啲刺身咁厚切，厚切好滿足又肥美😍，刺身本身都好新鮮.✨日式炒飯用石鍋上菜，咋咋聲，特登唔撈飯等佢有啲飯焦🤤.✨什錦天婦羅🍤有蝦🦐、冬菇、蕃薯🍠同茄子🍆，粉醬又唔會太厚.✨鹽燒鯖魚🐟鯖魚厚肉，肉質都幾嫩滑，層皮煎到卜卜脆，我地放咗一陣先食都仲脆架.✨野菜牛肉鍋🐮牛肉幾大片，唔會又薄又碎，壽喜燒湯底is my all time favourite .✨甜品 芝麻糕奶味都幾重，幾creamy

以前成日去紅磡都會食呢間壽司舖，皆因佢嘅壽司好味之餘價錢也相對合理！今次開到嚟將軍澳呢度，住東九龍嘅我梗係要去幫襯啦！我哋叫咗個二人餐，人均消費二百幾蚊，但係就好多嘢食，食物質素普遍都幾高，一如既往嘅美味！刺身🍣呢個餐包左三款刺身，甜蝦，劍魚同三文魚，三款刺身都好新鮮，三文魚肉質肥美，蝦嘅口感就軟軟糯糯又好鮮甜，不錯！天婦羅拼盤🍤呢個都要大贊，裏面有幾款天婦羅，佢啲天婦羅外面炸到脆卜卜，裏面嘅食材好新鮮，每一款都做得好好！鱈魚🐟呢個又係好驚喜，鱈魚柳好嫩滑，一擺落口就「雪」一聲滑落喉嚨，幾乎連筷子都夾唔住！牛肉蘿蔔漬物🥣蘿蔔同牛肉都好軟好入味，不錯！沙綠🥗沙律裏面有好多沙律醬，沙律菜好新鮮，用來解膩一流！呢個套餐真係好豐富，性價比幾高！最重要係德美可以保持到一貫既水準，下次會再返來幫襯！

今日晚飯比較夜又無地方去，黎左呢間位於將軍澳新都城中心既德美壽司食少少野先。之前幫襯過幾次都覺得食物質素唔錯。一如既往，呢度晚市都有定食餐牌，有生有熟食。主餐牌有薄切刺身，空運直送刺身，其他刺身，壽司，卷物，手卷，丼物，沙律，漬物珍味，前菜，揚物，天婦羅，燒物，串燒，一品料理，鍋物，飯麵，碗物，飲品，甜品等等。落單用QR code。今次叫左一款沙律，兩款剌身同一串串燒。冰菜沙律 $59 另加一呢款沙律餐牌唔見，可能係時令菜式。之前喺第二度食過冰菜，覺得好正。今次見到又要食先。冰菜有四小棵，超爽脆鮮甜，下底墊有兩件大番茄切件，再加上大量胡麻醬，同兩片黃色花瓣點綴，清新之餘帶邪惡。北海道仙鳳趾蠔 $64 另加一北海道仙鳳趾蠔係一隻連殼蠔，加左少少汁喺上面。隻蠔都唔細，肉質超鮮美又實在，海水味非常重。下底仲墊有海藻同菜苗可以食用。原粒鮮帆立貝 $58 另加一原粒鮮帆立貝用碎冰陣住上枱，賣相唔錯，一樣伴有海藻同菜苗。帆立貝一開二，好厚身，鮮甜啖啖肉。如果配有芥末會仲正。燒牛舌 $43 另加一第一次食德美嘅串燒。燒牛舌一客4件，有大有細。牛舌好厚身，食落都幾彈牙。要加啲檸檬汁先好食，可以減淡吓鹹

呢間德美壽司都幾出名🌟，之前係尖沙嘴食過好滿意😌，今日黎到寶琳都見到就即刻去食番個日式晚餐啦🥳.銀鱈魚西京燒定食 $120呢度嘅晚市定食全部都會跟味增湯、沙律、甜品，都好豐富🤩，銀鱈魚我自己一直都好鍾意❤️，肉質同油香都好吸引，配上蛋黃醬一齊食都超級搭配😎.活鰻魚朴葉飯定食 $110呢度嘅鰻魚飯同樣吸引😍，一開蓋就見到鰻魚真係好大件😝，而且又係好厚切，最正係鰻魚夠曬肥美😜，真係好惹味🤤

今日去咗將軍澳，就去咗呢間食物種類好多嘅德美食晚餐。今日叫咗活鰻魚朴葉飯定食 $110，晚市定食包麵豉湯、沙律同甜品，鰻魚肥瘦適中，分量豐富，飯面亦有好多鰻魚汁，鍾意食鰻魚嘅人唔好錯過。另外叫咗燒腐皮餃子（自家製）$50，有四隻，識落有啲似中式嘅腐皮卷，腐皮炸得非常酥脆，入面就係豬肉餃子餡，熱辣辣非常滿足。另外仲有串燒，七味燒雞腎 $25，雞腎十分爽口，味道好夠。地雞大蔥串 $35，雞肉搭配爽口嘅大蔥，燒得好惹味。

今日放工去左tko的德美~每次來親都係好多人🥺今次淨返bra台位置😆因為唔想等就照座~一於邊食邊睇師傳們整壽司🍣因為天氣有d 涼🍲叫左個<<野菜牛肉鍋>>配shukiyaki湯底冇得輸🍣招牌必點的<<花竹蝦壽司>>🍢<<鹽燒牛舌>>🍡<<鹽燒雞軟骨>>🦀<<天婦羅炸軟殼蟹>>仲有長備的甜品布甸~姐姐好細心會係每個食客用膳完畢後就會主動送上。。。。。。**原來可以走芒果醬~下次要預早講定