之前食過Flames其他分店，覺得都幾好食，今日經過見到原來觀塘都有分店，心思思想再食多次。 環境以米白色及木色為主色調，氣氛浪漫有情調，座位寬敞舒適，還設有戶外坐位添，中間有一棵綠色植物，坐落好舒服。 10安士肉眼扒配忌廉薯蓉： 以特色木板上枱，肉眼賣相吸引，肉嫩多汁，薯蓉綿滑可口。 燒大蝦三文魚籽龍蝦汁扁意粉： 大蝦大大隻，肉質彈牙爽口，龍蝦汁做得好出色，鮮味濃郁，魚籽拎整個口感更富層次感。 澳式雞鹽薯條： 薯條粗身，熱辣辣，再配上雞鹽粉，味道獨特，炸到金黃色，咬落鬆脆可口，食到唔停手。 🔎Flames (鴻圖道) (觀塘) 📍觀塘鴻圖道51號Two Sky Parc地下1號舖

同朋友黎到海濱公園散散步，被這間居酒居招牌及現場氣氛吸引過去，於是決定一間呢到醫肚。 餐廳裝潢具有日式風格，店內以日式燈籠及日式作裝飾。 七彩火龍卷： 外面有七彩芝麻圍繞，入面是炸蝦，爽口酥脆。 廣島蠔鍋： 賣相好吸引，廣島蠔數量都幾多，肥美可口，配菜有豆腐、鮮菇、娃娃菜、鳴門卷，湯底帶鮮味，追加烏冬就岩晒。 香蔥吞拿魚蓉小卷： 紫菜爽脆包住入面既吞拿魚蓉，小卷一啖一口，鮮味口感。 三文魚子手卷： 手卷上粒粒魚籽令口感豐富，沾下d醬汁一齊食，好正。 虎皮尖椒串： 尖椒外皮烤到微脆惹味，辣辣地好開胃。 芝麻雞翼： 外皮烤到金黃色，外脆內軟，咬落juicy 。 蒜蓉燒茄子： 原條茄子上枱，蒜蓉香滲晒落茄肉內，香嫩多汁，蒜蓉味濃郁。 🔎磯の水產 (觀塘) 📍觀塘海濱道133號萬兆豐中心地下3號舖

今日同朋友來旺角shopping，行到攰攰地，想搵間餐廳食個午餐，最終㨂左「泰屋」 食泰國菜。 環境簡約舒適，用了好多泰元素裝飾，好有泰國風情，我地點左兩個午餐+1個菜。 泰屋三寶炒飯： 三寶炒飯炒飯炒得乾身，好輕微辣度，蝦肉新鮮爽口，賣相不錯。 乾炒泰式金邊粉： 海鮮有魷魚、鮮蝦、青口、韭菜、芽菜，份量好夠，調味適中。 馬拉盞炒通菜： 蝦醬味突出，炒得均勻，通菜爽脆可口。 🔎泰屋 (旺角) 📍旺角彌敦道726號2樓

今日同朋友來到九龍城覓食，來到這家主打石燒烤的小店，裝潢清新簡約。 我地想食和牛，㨂左極上和牛盛會2人前 前菜(三品) + 沙律： 前菜食法跟住次序甜酸辣順序食，好有儀式感呀 。一口甜蕃薯微甜一口一啖；柚子汁蟹柳底層既柚子汁酸酸甜甜，好fresh；蟹柳味鮮可口；帶子裙邊用櫻花餐員盛裝，爽口彈牙帶點微辣；沙律口感清新。 櫻花蝦味噌湯： 鋪滿櫻花蝦，味噌湯鮮甜美味。 和牛併盤： 日本九州A4和牛三角胸： 脂肪比例均勻，油花分布較多，入口即融化。 日本九州A4和牛上前腿肉： 紋理清晰，脂肪比例較三角胸小，肉質鮮嫩美味。 澳洲和牛風門柳： 併盤中脂肪比例最小，牛味最為濃郁，柔軟嫩滑。 菇盛會 ： 和牛同菇菌一齊在石板上燒，索晒和牛既精華，好正。 待我們用餐完畢後，店員送上一壺葡萄煎茶，用上既茶具好有日式風格，煎茶甘香清新。 日式甜品： 抹茶濃度可按個人喜好調配，特別有日式風味，抹茶味香醇濃郁，好正。 以為食埋甜品就劃上完美句號？仲未。店員給我們一張刮刮卡，刮刮卡內藏有不同優惠。 🔎石一燒 (九龍城) (九龍城) 📍九龍城啟德道55號AVA55地下6號舖

今日心血來潮想食下串燒，朋友話今次由佢帶路，黎到紅磡一間串燒店，店舖唔算大，坐落不繼接外賣單，食物質素不容置疑啦。 蒜蓉茄子： 必食之選，孜然粉同蒜蓉簡直係最佳拍檔，蒜 入晒味，茄肉嫩口，惹味可口。 多春魚： 魚皮烤到焦脆，酥脆香口。 燒脆香魚腐： 魚腐外酥內軟，口感細膩。 五花腩肉串： 口感嫩滑juicy ，五花腩肥而不膩， 燒雞軟骨： 雞軟骨口感爽脆，帶肉汁有嚼勁。 菲菜： 烤到剛好，漏上七味粉更好食，咬落爽脆美味，爽爽聲，地道惹味。 土豆片： 口感軟轜清爽，營養豐富。 虎皮青椒： 青椒好大隻，口感爽脆可口，辣度剛剛好，好正。 🔎川味香 (紅磡) 📍紅磡德民街29號德民大廈地下J1號舖

呢間餐廳巳經bookmark 左好耐，今日終於有機會食到啦，餐廳裝潢豪華，坐位闊落，坐得好舒適。 主餐牌主要有3個自選套餐，銅錢(4餸)套餐、吉祥(8餸)套餐、八寶(8餸)套餐，多種湯底選擇，有辣有唔辣，辣度由微辣到魔鬼辣都有，唔辣既有蕃茄濃湯、養生白胡椒湯等。我地點左2個吉祥套餐加左d小食黎開心share。 吉祥套餐配酸辣湯+薯粉： 湯底濃郁，酸酸辣辣好惹味，薯粉煙韌彈牙。 潮汕手搥牛肉丸：彈牙爽口，鮮嫩多汁。 潮汕蒜香墨魚丸：口感鮮嫩爽彈，好新鮮。 蟹籽蟹粉丸 餡料豐富，蟹籽令口感更富層次。 美國肥牛 肉質嫩滑多汁，好嫩口。 朋友㨂左養生白胡椒湯配米線； 湯底胡椒味突出，豬大腸有嚼勁，味道濃郁；仲有豆卜、白蘿蔔索晒d湯汁，好正。 貴州丁家脆哨： 貴州特色小食，其實係粒狀既豬油渣，粒狀容易食，口感鬆脆香口，食落幾過隱。 掠拌酸辣土豆絲： 酸酸辣辣好開胃，口感爽脆可口。 酸梅青檸烏龍茶 & 山楂蘋果洛神花： 飲品自家製造，飲得更健康，味道酸酸甜甜好醒胃。 📍紅磡蕪湖街83號Y83地下G05A號舖(紅磡總店) 📍北角和富道和富薈B50號美食廣場A1號舖(北角分店) 🔎冒喜 (柏廷坊) (上環) 📍上環文咸東街22-26號柏廷坊25樓 (上環分店)

同閨密來個Afternoon Tea ，呢個Set 以鳥籠上枱，打卡一流呀，咸甜點都有齊晒。 餐廳由法國藍帶主廚主理，環境以歐陸風格設計，座位吧枱、圓枱座位，門外還設有戶外座位，可悠閑舒適chill下。 咸點小吃： 澳洲M8和牛他他：口感細嫩，調味適中。 日式照燒雞三文治：雞肉嫩涭，面包軟熟。 巴馬火腿配艾曼塔芝士：巴馬火腿唔會太咸，剛剛好。 香辣豬肉串：辣度剛好，口感帶哨口。 油漬車厘茄配巴馬臣芝士：芝士味突出，車厘茄鮮甜。 日本三文魚籽撻：三文魚籽令口感更有層次，creamy 口感。 精選甜點： 鮮果芝士撻：提子清新鮮甜，撻皮帶牛油香。 拿破崙：吉士creamy，外層口感鬆脆。 朱古力蛋糕：朱古力味濃郁，口感軟綿。 馬卡龍：口感酥脆內軟，好好食。 Cappuccino：拉花好靚，入口順滑。 Chamomile Tea： 味道清甜得黎帶點淡淡香氣。 🔎紅館 (中環) 📍中環干諾道中50號地下B號舖

出街食飯都可以食得健康架，今日來到位於灣仔既夏威夷魚生專門店。 餐廳主打Poke Bowl 以魚生同多材粒而成，低脂低卡，食得更健康。店內有很多色彩繽紛的壁畫，好似去左夏威夷甘。 Signature Bowl - OHANA： 所有材料巳經Set 好晒，就甘order 就得架啦，岩晒有選擇困難症既我呀，我鍾意意食三文魚就㨂左OHANA。 有三文魚、沙律菜、櫻桃番茄、溫室青瓜、甜粟米、蜜糖芥末醬、芝麻、果仁 。食物上枱時色彩繽紛，三文魚新鮮，切成粒狀，撈埋所有配料一齊食，鮮甜美味，蜜糖芥末醬汁酸酸甜甜，越食越開胃。 BUILD YOUR OWN BOWL： 除左Signature Bowl 之外，仲可以自選自己鍾意既材料同醬汁，飯或者沙律架。朋友就揀左雜菌香菇、壽司飯、酸蘿蔔、蟹棒沙律、蜜糖芥末醬、木魚絲。 Tiramisu Cake： 我地仲點左Tiramisu Cake開心share，口感綿密柔軟，呢個甜品為呢餐健康既晚餐劃上完美的句號。 🔎Poke Go (汕頭街) (灣仔) 📍灣仔汕頭街5-7號地舖

一個價錢可同時食到小食、雞煲、刺身同火鍋，無限時任飲任食，唔洗食得甘趕之餘，最緊要係食得夠盡興，岩晒同朋友或家人聚餐。 餐廳以哥基為主題，周圍見到很多毛孩做裝飾，座位寬敞舒適。店員教落為食火鍋有4步曲，首先由餐前小食開始，之後食刺身、雞煲、最後輪到食火鍋，好有儀式感。 Round 1 餐前小食 5種小食包括 甜蕃薯薯條、唐揚脆炸雞、蟹籽沙律、酸甜炸大腸、鮑汁雞腳。唐揚脆炸雞有驚喜，熱辣辣，口感鬆脆。 Round 2 前菜 三點刺身盛合(一次性) 有三文魚、北寄貝、牡丹蝦，刺身厚切，鮮味突出，牡丹蝦肥美鮮甜，三文魚入口即化。 Round 3 頭盤 為食酸魚(一次性)/ 任食竉竉雞煲(二選一) 我地㨂左小辣雞煲，打開煲蓋香氣撲鼻，醬汁香濃惹味，雞件肉質嫩滑，仲有豬皮、水魷、牛柏葉可放埋落煲一齊煮，好惹味。雞煲係任食架，食完想食多d 可以再order。 Round 4 火鍋盛宴 有5種湯底可選擇，揀左藥膳高湯牛尾湯底，牛味香濃清甜，加埋牛肉併盤既牛一齊放落湯到滾，牛味更富層次。 為食牛肉併盤(一次性)： 牛肉併盤包括潮汕吊龍伴、黃喉、手切牛頸脊、熊本雪花一口牛、SRF 和牛胛肉眼芯。每款牛肉味道同口感各有特色，仲有多種肉類及火鍋配料可任點任食，蔬菜可到田園沙律吧自取，另外非酒精飲品都係任飲架。 為食海鮮併盤(是日5款)一次性： 是日海鮮有鮮蝦、蠔、蜆、半殼元貝、脆肉鯇、白鱔片，擺盤吸引，海鮮肥美肉厚，size 偏大，蠔鮮鮮甜爽口，今餐食得好盡興呀。 🔎為食火鍋公司 (觀塘) 📍觀塘創業街15號萬泰利廣場地下C號舖

啖啖燕窩新蒲崗開咗分店啦，聽聞佢地推出左4款特色米線，湯底有辣有唔辣，岩晒朋友或家人聚餐。 餐廳環境好有少女feel 以粉紅色為主色調，好多打卡位，米線即叫即整，食物上枱時熱辣辣，食完仲要以食埋甜品添。 招牌椰汁燉雪燕： 果然係招牌，椰汁同雪燕味道好夾，雪燕清甜滋潤，含豐富營養價值。 黑糖桃膠滑蛋奶凍： 即開即食好方便，奶凍有三層，頂層是黑糖桃膠，份量都幾多，口感豐富彈牙，滿滿膠原蛋白；中層奶凍順滑Q彈，最底層是燉蛋，口感嫩滑。 濃汁豬肉貢丸米線： 湯底濃郁，豬肉貢丸口感紮實多肉汁，米線爽口彈牙。 澳洲嫩牛小排米線： 牛小排肉嫩好juicy，仲有蜆肉、蝦，肉丸添，金蒜豬骨濃湯湯底濃郁，米線爽口彈牙。 蜜桃烏龍茶： 點米線免費贈送冷泡茶，味道都唔錯架。 🔎啖啖燕窩 (永顯工業大廈) (新蒲崗) 📍新蒲崗彩虹道226-228號永顯工業大廈地下C3號舖