影片
營業時間
今日營業
12:00 - 00:00
星期一至日
12:00 - 00:00
以上資料只供參考, 請與餐廳確認詳情
有關獎賞計劃
優惠
相關文章
我最喜歡打邊爐😊， 一年四季食火鍋都可以。 今次到📍幸福四季椰子雞，位於銅鑼灣登龍街28號永光中心1樓。 店內燈光柔和，座位舒適，更有房間供應，私隱度極高。第一時間點了養生花膠椰子雞鍋(半隻) $259， 火鍋配料有美國牛板腱$178、三拼餃$99、雙拼丸$113、皇帝菜$58、寬紅薯粉$26、海底椰椰子沙冰$38、珍珠奶茶$38、醬料費$20位。 📍養生花膠椰子雞鍋(半隻) 🫕 ～ 特意選用海南椰子🥥， 一個火鍋湯底有四個椰子和椰肉， 煲滾後再放入海南文昌雞， 再快煮五分鐘後就可以飲到清甜美味，口感順滑又養顏的湯😋， 記得飲返幾碗呀！ 然後就品嚐肉質鮮嫩的雞件， 非常美味的。 店員更會為我們加入新鮮熬製的豬骨雞濃湯，繼續保留湯底鮮味， 而又可以提升濃度。 📍美國牛板腱 🥩 ～ 牛板腱肉味非常濃郁，有咬口， 嫩中帶爽口。 📍三拼餃🥟 ～ 有韮菜餃、鮮蝦雲吞和黑松露餃，韮菜餃的餡肉非常香，鮮蝦雲吞爽口鮮甜，黑松露餃有濃厚的黑松露香味，三款都是餐廳自家製的， 粒粒都飽滿大粒，皮薄餡靚。 📍雙拼丸🫓 ～ 鮮蝦丸和豚肉丸， 鮮蝦丸爽口细腻，又Q彈。 豚肉丸肉質鮮嫩， 肉汁豐富。📍皇帝菜🥬 ～ 每次火鍋必點皇帝菜， 清嫩美味。 📍寬紅薯粉🍜 ～ 質地光滑而有嚼勁，吸入火鍋湯汁， 味道更佳。 📍海底椰椰子沙冰 🍧～ 全椰子宴🥥， 食椰子火鍋再點椰子沙冰， 冰爽美味，甜度適中。 📍珍珠奶茶🧋 ～ 珍珠粒煙煙靭韌，奶茶味香濃。 📍醬料費🥣 ～ 喜歡醬料有青檸，配上豉油，味道更加香。值得推介的幸福四季椰子雞，食材新鮮，食得又健康，正宗海南風味，再加上服務有禮，火鍋控首選。 🏷️溫馨提示～ 整個用餐體驗均屬個人分享意見， 只作參考😊。
繼續閱讀
有時食得多麻辣火鍋都想食下D養生鍋，今晚同幾個friend 去食 《幸福四季椰子雞 》餐廳用咗椰子樹🌴來佈置，還有partition 間房，私人度高👍🏻我哋嗌咗個四人餐包括，侍應好細心咁為客人介紹每一款食物👍🏻🔸火鍋湯底：原味椰子雞鍋 （走地文昌雞1隻）🔸待應先會用5至6個新鮮海南椰青水加肉及杞子煲熱椰青水，把文昌雞煮5分鐘便可以吃，先飲湯（清甜滋潤），後食雞（皮脆嫩滑，沒有多餘的肥膏，待應再添加豬骨雞腳湯，可以開始加火鍋配料🔸餐前小菜 （份量幾大碟）🔸柚子沙律🥗：沙律菜夠新鮮，柚子甜甜的手拍青瓜🥒：用咗少少辣味醬調味，青瓜🥒爽脆🔸手工系列 （新鮮即製，健康無添加）🔸牛肝菌豚肉丸：香濃肝菌味道花膠牛丸：食得出有細細粒花膠，味道濃郁嘅韭菜水餃🥟：好大粒，皮薄及脹卜卜餡料，味道不錯👍🏻蝦滑：鮮蝦製成，爽口彈牙墨魚滑：食到細細粒墨魚肉，一樣係爽口彈牙🔸美國頂級牛板腱🔸牛肉肥瘦均勻，滾幾秒就食得，好香油脂及牛肉香味🔸美國黑豚肉🔸肥瘦適中，就算滾耐咗都唔會鞋口🔸魚皇三寶🔸包括有白鱔片、脆鯇片、龍躉片，新鮮厚切，肉質結實，啖啖肉呀🥰🔸手工珍寶響鈴🔸果然係珍寶size，好大件響鈴，浸一浸索哂湯嘅精華😋🔸雜菜拼盤🔸包括油麥菜、娃娃菜、粟米、蕃茄、秀珍菇、金菇、冬菇🔸臘味煲仔飯🔸食完以上嘅食物已經好飽😜，仲整返個暖笠笠嘅臘味煲仔飯🔸自家製杞子圓肉雪梨茶🔸食火鍋配上滋潤雪梨🍐茶，養生又好味🔸椰汁奶凍🔸香濃椰汁味，食落口奶凍滑嘟嘟，非常滿足的一餐
繼續閱讀
天氣轉涼, 最近密密打邊爐, 食得太多重口味湯底, 今晚同媽咪想食返D清清地, 滋潤喉嚨嘅湯底, 所以揀咗呢間主打養生椰子雞鍋湯底嘅「幸福四季椰子雞」餐廳。餐廳座位格局太多偏向頗高私隱度, 間成了多間房間。我地揀咗呢款幸福四季套餐 (HK$318 兩位起), 套餐精選多款人氣火鍋配料, 湯底同埋種類更可因應喜好而挑選, 而且套餐仲包醬油費, 更為抵食!川味雲耳、手拍青瓜, 兩款冷盤小食爽脆, 辣得開胃。原味椰子雞鍋(半隻):係正式打邊爐前先飲啖湯, 以純天然椰子水, 再加入了少許椰肉, 上檯滾起再加入雞件, 以漏斗計時五分鐘就食得。雞件熟度果然剛剛好, 肉質嫩, 湯底清甜潤喉, 非常適合乾燥天氣時享用, 滋潤一下。然後店員協助加入豬骨湯底正式打邊爐。美國頂級牛板腱: 脂肪比例平均, 肉質鮮嫩。手工鮮蝦丸: 微彈鮮甜, 細味有淡淡鮮蝦味。黑松露墨魚丸: 混入了墨魚碎粒, 既有爽彈層次, 又食到陣陣松露香。花膠牛丸: 較為林, 帶有少少鹹, 中心有細小花膠粒。手工鮮蝦雲吞: 皮薄, 豬肉餡料有鹹鮮, 有好幾粒爽口蝦粒。手工響鈴: 響鈴即炸大大卷, 脆得鬆化, 做到一秒浸湯, 半脆半吸湯汁精華。雜菜拼盤: 蔬菜嫩綠, 配有東菇、粟米、蕃茄;紅薯粉: 煙韌彈牙, 非常飽肚。飲品: 杞子元肉雪梨茶清甜潤喉, 適合邊打邊爐邊清熱。
繼續閱讀
近年大家都注重健康，食嘢都清淡咗！ 但係香港人又唔會少得打邊爐，咁就好似我地咁，塊左食清香口味嘅椰子雞鍋！餐廳裝潢都以椰林樹影為主，深色的木系加上有好多獨立房間，可以同閨密兩個邊食邊密密傾幸福四季套餐 $318/位原味椰子雞鍋(半隻）用純天然椰子水，加入嫩滑嘅雞肉做嘅湯底，味道勁鮮甜，我哋將所有湯飲哂！ 雞肉滑得嚟有雞味！ 開鍋再加入豬骨熬製湯底。餐前小菜（三選二）：手拍青瓜， 及柚子沙律，兩款都好清新，份量比想像中多手工系列（八選四）黑松露墨魚丸/花膠牛丸/瑤柱三層墨魚磚/黑松露豚肉餃子，四款放埋一齊，以墨魚磚三間顏色最為突出，花膠牛丸裡面真係有花膠，而墨魚丸就好彈牙鮮甜精選肉類（四選一）美國頂級牛板腱，色澤鮮艷，脂肪比例平均，肉嫩味香另外仲有即叫即炸手工響鈴、擺設美觀種類多嘅雜菜拼盤，而主食有紅薯粉揀，唔駛煮都耐都已經好軟滑但保持爽口
飲品有滋潤嘅杞子元肉雪梨茶，都是套裝包㗎！
繼續閱讀
第一次覺得邊爐可以難食到咁。我係一個好熱愛打邊爐嘅人，今日星期五Happy Friday，終於結束忙碌的一星期，決定打邊爐慰勞自己。銅鑼灣有好多邊爐嘅選擇，但係我朋友喜歡椰子雞湯，上Openrice一search已經搵到呢間。入到去坐低，覺得店員嘅服務態度非常之好，座位亦都闊落。打開餐牌，食物嘅價錢尙算合理。叫咗原味椰子雞湯底，包半隻雞，再叫左一份珊瑚蚌拼貴妃蚌，一份皇帝菜，一份炸魚皮，連埋茶水總數$637。上菜速度都算快，店員亦細心協助。湯底主要都係椰青水，主打一個清淡健康。半隻雞，冇乜味，但係都算滑嘅。魚皮，非常大塊，條魚本身好大條，新鮮炸起熱辣辣，調味適中，個人覺得係全晚最好的菜。之後開始嚟料，嗰份珊瑚蚌拼貴妃蚌上菜嗰刻已經出晒水，滑潺潺咁，我哋不以為意照樣煮食。煮好之後係非常之腥，甚至有少許苦澀同埋臭。非常無奈，呢一碟珊瑚蚌拼貴妃蚌係賣$188。以喺街外食海鮮來講唔算係貴，但係唔新鮮嘅程度，可以話係我咁耐以來食過最唔新鮮嘅頭三位。因為我好鍾意食海鮮，所以呢一碟嘢真係令我個心沉咗落谷底。正當我感到非常失望之際，我望向隔離台剛剛上嘅菜，佢哋叫咗一碟魚，一碟牛，兩碟嘢都係好似啱啱喺冰櫃拎出嚟咁硬掘掘，我就知道呢一間嘢我唔會再嚟，並且必須寫一個食評警世。呢間餐廳嘅店主，唔好意思，如果你見到呢個食評，希望你明白，登龍街餐廳林立，咁樣嘅食物質素真係唔會捱到幾耐。最後多謝你嘅店員態度非常之良好，呢一點係值得嘉許嘅。
繼續閱讀