平靚正西餐 (已結業)

平時喺調景嶺返學都冇乜太多好野食，食嚟食去都係啲集團店😟今日意外地係街市入面發現左間平靚正西餐 👍🏻 鋪頭名同啲嘢食真係名副其實一樣！平得嚟又有賣相又好食 👅鋪頭位置勁易搵，行入街市多幾步就見到，有得揀堂食或者外賣先睇睇餐牌 ， 價錢真系好平。午餐一個意粉都系$50內有交易。至於下午茶就仲激！除咗意粉仲可以揀兩款小食，之後仲包嘢飲添😍依家就睇埋啲食物賣相如何～黑松露雜菌扁意粉（$48）食物份量比想像中大碟 碟野一嚟到就已經好大陣黑松露味 驟眼睇啲菇真係有好多下😋由於午餐吾包飲品 ， 所以叧外加左$7 要杯蜂蜜綠茶😗味道都唔錯 唔會剩係得茶味，個蜂蜜味都幾重至於一齊去試既朋友就叫左份下午茶餐😙$32有吞拿魚芝士蛋餅，炸魚柳，同柚子雞翼仲有杯豆漿蛋餅有一條 小食就每樣兩件個蛋餅幾出色🤩爆曬餡真係有係台灣食嘅嗰個味道！個三星蒽餡餅真係爆多蔥！叧外因爲覺得啲小食都唔錯，所以另外再encore 分別有黑松露薯條，柚子雞翼，香脆雞翼同炸魚柳柚子雞翼真係好好食，想不斷叫！！整體餐廳性價比幾高～應該過幾日會再幫襯～

將軍澳周圍都係商場，商場啲餐廳都係大集團既，想幫襯下人情味小店，無人帶路認真唔識。幸好朋友住係附近，話帶我去佢「食堂」，難得有地頭蟲帶路，緊係跟！朋友話呢度既蒜蓉包係必點，果然，應該脆既地方好脆，應該軟的地方好軟！個人覺得同佐敦某店好出名既蒜蓉包有得揮！忌廉粟米蘑菇湯，比出面既西湯更濃郁更足料。香蒜肉粒炒扁意粉，見到有一條🌶️，怕自己食唔到咁辣，老闆娘專登幫我落少啲辣，呢個辣度啱啱好，有d辣係惹味好多既。黑松露雜菌帶子扁意粉，啲帶子同菇份量超級多！芝士肉鬆蛋餅，鍾意食蛋既我，見到個蛋餅咁得意，一定要點！揀左芝士肉鬆餡，好特別，外面一層好似米紙咁，夾住芝士肉鬆同蛋，我鍾意佢清清地，好似媽媽預備的下午茶小食，簡單得黎又好味，讚！黑松露薯角蜂蜜綠茶，唔會太甜，好消暑。凍朱古力都唔係好甜。估唔到將軍澳竟然有咁高質素既餐廳，果然無介紹錯！老闆娘話遲啲仲會有新菜單，下次黎朋友屋企聚又可以黎試新野🤩

聽聞調景嶺有間平靚正西餐同區既我緊係要去試下啦甘呢間店就係係彩明街市入面真係冇諗過街市入面都有正野環境算唔錯 唔係啲街市茶餐廳環境甘一睇menu就知點解係平靚正西餐啦因為真係好平好平 我甘岩係下午茶去買外賣佢地下午茶餐只係$32 有小型意粉 兩款小食同埋野飲 呢個價錢認真 快餐店都唔只啦但始終係下午茶 份量會輕量啲 不過女仔就岩岩好我叫左卡邦尼意粉配柚子雞翼同三蔥餡餅意粉好濃郁芝士味 份量我覺得岩岩好 再多就會好膩 配埋煙肉同洋蔥 真係好容易一啖接一啖柚子雞翼係事先炸左 再淋上少少柚子醬雞翼好大隻 啖啖肉 同埋好脆口 加上少少柚子醬 酸酸甜甜 好開胃三蔥餡餅就有啲似煎左既菜肉包 細細個 唔會太飽仲有荔枝綠茶配埋個餐 不過就略甜仲有叫左芝士吞拿魚蛋餅好少係香港食蛋餅 都算整得唔錯佢仲有好多其他既配搭 可以自己揀同埋黑松露野菌帶子大通粉呢個係正常size既份量 個人好驚訝有大通粉 而且做到吸晒啲醬汁 黑松露味濃 加上野菌簡直絕配 雖然帶子唔算好多 但以50幾蚊既價錢 算係甘啦最後再叫左個蒜蓉包好脆 好脆 一定好食過某pizza店既蒜蓉包佢有啲似薩利亞既個款不過就再脆多少少而且只係$12一

尋晚屋企唔煮飯，結果我負責買外賣返去。屋企附近有彩明街市，好多人以為街市就一定好污糟，但呢個街市翻新之後靚左好多😂講返餐廳先，有得堂食/外賣，價錢都係一樣架！佢既裝修都幾特別😆而我就嗌左3個意粉+1份蒜蓉包，total加埋$150左右，出面好難搵到性價比咁高既西餐😆蒜蓉包($12) - 拎返屋企途中已經覺得好香，係真材實料架！意式肉醬雞扒扁意粉 - 肉醬好夠味，而且雞扒都煎得好香，重點係其實佢既份量都好夠飽卡邦尼煙肉意粉 - 出面好難搵到$38而且有咁既質素既意粉😭真心推薦呢個！最後要講下黑松露野菌帶子扁意粉 - 佢既黑松露醬真係好香好濃！！同埋真係有帶子架😆唔怪得係廚師推薦！要讚一讚店員既服務態度😍呢間餐廳真係名乎其實既平靚正😍😍😍

甘岩要去圖書館借書睇，又醒起未食lunch，就諗緊有咩快靚正既美食拉，行下行下就停低左～點解？因為我見到有間餐廳賣相幾靚同d野食好似好吸引甘～就坐左係入面度睇睇～見到有個幾特別又老闆會推介既意粉，就叫左黎試下，入面有好香既咖哩味道，有色彩繽紛的雜菜，有好滑好嫩既雞扒，最要係d洋蔥～好芳香噗鼻，加上大大碟，真係又靚又正阿～之後仲試左柚子味雞翼～酸酸甜甜的味道好開胃又唔會太油膩，入面連d雞肉都好香入哂柚子味，真係食過番尋味呀，再叫左個煙肉煎餅入面既感覺好似食緊胡椒餅咁但係又唔會太刺激喉嚨煎起嚟又唔會好油，最緊要煙肉好香口，加上入面仲有香蔥感覺都好搭配～再加上我最鍾意食嘅蒜蓉包一碟有四個，啲蒜蓉味好出，分量好多牛油味重，咬落又脆感覺真係好正啊!當然我都會帶番杯嘢飲啦叫咗杯蜂蜜綠茶好潤喉呀，岩哂想飲嘢嘅我呀～

這天因為工作需要前往了調景嶺站附近，公司同事強烈建議一同吃飯， 定必加入。 沒想到這班年青人居然會選擇於街市內進餐。 餐廳位於街市之內，由於街市是新型的街市，因此冷氣充足，十分涼快。餐單方面，選擇種類並不算太多，但應有的也有。我點算的食物就是在餐牌背頁的， 香辣肉粒炒扁意粉，再加配雞扒一塊。 價錢方面，可說是性價比十足，合理又大眾化。至於，味道方面，其實本來還有點擔心，沒想到卻是驚喜十足，香辣味夠，充分配搭肉粒的口感，兩者配搭起來，更有意想不到的美味。 另外，雞扒方面，鮮嫩有肉汁，加上肉味豐富，還算不錯。

最鍾意搵一啲抵食小店， 香港嘅街市熟食中心真係一大發明，抵食夾大件🤭 話說前幾日去彩明街市買餸就留意到平靚正西餐，呢日屋企唔煮飯，就去試一試啦。老闆娘好好人，其實應該過咗last order時間，但係望到我肚餓嘅眼神，都願意做埋我生意，只係溫柔地提咗一句“就收㗎喇”，感動~認真睇menu，真係不負所望，平民價錢，可以放心叫多少少，唔會肉赤。所以就好放肆地叫左四樣嘢。黑松露野菌帶子扁意粉比想像濃香黑松露味道~ 唔止聞起嚟係，食落都覺得滿意呢個濃度，開係街市中，材料都好似新鮮啲，帶子雖然唔算大粒，但有鮮味，唔係雪藏個啲，可能正正係自己地方取貨。扁意粉彈牙，超過咗我expectations!香辣咖喱雞扒扁意粉唔知係咪參考泰式做法，辣醬是偏酸的，微辣，相信一般食到小小辣都可以駕馭；雞扒煎得幾好 都有一個手掌咁大，整體食落幾清新。小食：柚子雞翼，炸魚柳幸運地其中一隻雞翼好大隻~~~~~ 另一隻都係中等size，本來以為會係發育不良size，但都好ok。有質素而且好實惠，係長期糧尾同埋想慳錢嘅人嘅食堂🤩，因為收得早，推薦早食飯嘅人~~

這天因為工作需要到了將軍澳一趟。完成工作後，因沒有時間買餸，所以便買外賣回家吃。這是同事介紹的一家餐廳。餐廳地點方便，就座落在地鐵站附近。餐廳名叫平靚正，所以相信食物也是如此！餐廳裝橫方面，看似平凡，但卻充滿特色，可算是挺有自我風格。這裡食物種類很多，而我的選擇是香蒜肉粒炒扁意粉 ，性價比十足不在話下，味道亦十分好，它帶一點點辣、香蒜味十足，加上由餐廳自家調制的醬汁，令看似平凡的食物增添了色彩。再以十元添加一片大大塊雞扒便是一頓很滿足的晚餐！最後，餐廳冷氣充足，有時間坐下來慢慢享受，相信在炎炎的夏日裡亦會很舒服。

收工去將軍澳揾朋友, 聽佢講有間街市西餐好得, 經過順便買去當晚餐唔使煮, 就喺彩明街市裡面好易揾. >黑松露炸薯角 (HKD12)姐姐好有心地特登唔cup蓋以防倒汗水, 滿滿一杯炸薯角勁香, 一點點黑松露, 12蚊黎講好OK.>黑松露雜菌帶子扁意粉 (HKD58)Li個帶子係切開一片片同各樣菇一齊炒, 份量可以話係勁多, 而且扁意粉本身好好味, 洋葱青黃椒甜甜的. 拎到返去都無乾到, 黑松露仲係鋪天蓋地咁多, 超香!!>卡邦尼煙肉扁意粉 (HKD38)經典嘅carbonara蛋黃汁多濃稠, 好多塊煙肉碎夠哂扺食👍🏻. >豆漿 (HKD7)濃濃豆味完全係大杯扺飲. 唔怪得個fd話好多街坊幫襯, 據說lunch嘅學生餐都好受歡迎嘅.>大家拎返屋企食嘅記得走塑呀🤩

今日放假陪呀媽落街買餸，咁啱經過呢間，見到環境唔錯又乾淨就入去試下，間鋪頭都幾多人食，好似幾受街坊歡迎。叫左一碟卡邦尼意粉同幾樣小食，其中最令我驚喜嘅係炸雞翼、蛋餅同蒜蓉包！雞翼新鮮炸起熱辣辣好脆、蛋餅揀左芝士同肉鬆，勁有蛋味好正、大推嘅係蒜蓉包，真係好正，先12蚊有4舊，包上面仲要有蒜蓉粒好正，好食過大型連鎖店薩利x。仲有杯奶茶都幾奶飲，如果住喺附近嘅你或者學生一定要試吓。我叫咗咁多種嘢食兩個人食超級飽，價錢仲要加埋都唔過100👍🏻👍🏻真心推介

近日係OpenRice 搵下有咩西餐好食， 竟然比我發現係將軍澳有一間， 平民價之餘， 仲好好食添。 當然一定要去試下啦...雖然店仔細細， 店內牆身設計以黑白格仔為主。有少少似係賽車場的感覺。老闆態度值得一讚， 雖然客人眾多， 但亦細心介紹及推薦店內的「主打」及「皇牌」比我知。 已比一般西餐廳， 尼得親切。係平靚正西餐， 有幾樣雖然唔不是老闆推介的， 但我覺得一定要試。我心水必試皇牌推介1. 自選餡餅：價錢$18，已經包括一款餸， 而on top 都係每款都只係額外加$5 。但我個人覺得，不要加得太多，最多三樣就剛剛好啦⋯⋯2. 香脆炸漁柳：有少少鹽鹽地，脆口但裡面既漁柳係剛好，好滑。 不用添加任何醬汁，係最好味。我同男朋友差少少為左想食多件而偷襲對方😂⋯⋯所以一定要試， 最好一人一碟🥰。3. 宜蘭三星蔥餡餅： 外觀好似中國象棋，外皮有煎香， 但皮不會太厚， 裡面超多蔥， 超好食。。店仔細細， 態做出好食既食物， 係最常難得的，所以會支持小店💕

家附近街市內的平價西餐，叫平靚正，平均$30-40蚊有一個意粉，下午茶還可以選一主菜兩甜品一飲品，抵食。香辣番茄肉扁意粉 $48有四粒肉丸，也有黃椒及青椒，加上微辣的蕃茄汁，味道不錯，材料算多。卡邦尼煙肉扁意粉 $38意粉可加底，只需加3蚊，一定飽，也可以免費轉飯/通粉，卡邦尼汁濃，整個意粉味道足夠。柚子雞翼 $14味道十分特別，甜味柚子雞翼，雞翼一點也不乾，火喉控制得好。總括呢到做街坊及學生生意，抵食。

小時候 係將軍澳讀書，今晚趁happy friday🎉 就黎到區內走走 懷緬一下吧。時間太快 從前熟悉既地方 已經有新景象，但感覺還是親切。逛到有點餓 決定到附近找吃的。就上網找找有什麼好吃的，發現一間 名字夠有趣，決意要黎試試吧。食西餐點少得餐湯+餐包呢❓ 濃濃蓉蓉既蘑菇湯 材料很足 濃稠帶粟米香。蒜蓉包焗得香脆 充滿蒜蓉香，十分推薦既餐包 必吃呢。Scallop & Mushroom with Truffle Sauce Rice估唔到份量大大份 材料亦很豐富呢。滿滿既雜菌類🍄`帶子🐚`黑松露菌醬汁🖤 拌飯同吃 惹味又很好下飯呢。Hot Curry with Pan-Fried Chicken Pasta咖哩既香帶微辣，連同煎香雞扒🐥，扁意粉吸收晒咖哩雞扒汁香，麵條熟透度亦剛好，比飯更好吃呢。另外亦點選了幾款小食，性格比還真有驚喜呢。炸脆既柚子雞翼很香口，酸酸甜甜既蜂蜜柚子醬汁令雞翼減輕油膩感，雞翼大大隻。估唔到魚柳亦炸得香酥不油，粉漿亦很薄身。配以沙律醬同吃 很滋味呢。西餐都有台灣餡餅吃，當然要試試吧。肉鬆加上煎蛋 餅皮亦夠煙韌，再連同特製醬汁同吃，很有台式風味 不錯喔。..估

今日去左調景嶺探朋友仔，順便揾個可以坐底既地方醫肚，同埋可以坐耐D傾計。但商場地方唔係人多無位，就係價錢和食物質素離地。無意中，行到位於彩明商埸街市，有個鋪頭佈局吸引我眼球，黑白格仔加上歐陸背景圖畫，在街市位置中別樹一格；加上鋪名寫住平靚正西餐，所以決定呢間食晚餐。我叫左黑松露野菌帶子扁意粉，而我朋友叫左卡邦尼帶子扁意粉，加十蚊有雞扒。如果大食既人，可以意粉加底都係5蚊，唔食意粉既人唔洗驚，佢可以免費轉飯或者大通粉。因為晚餐關係，没有包飲品，要另7元，我叫了熱奶荼，朋友叫左凍檸茶。佢本來加10蚊有珍珠奶茶，但已經賣哂了。本身奶茶愛好者的我，飲了一啖已經飲了半杯，佢既奶味好濃又唔會蓋過茶味，唔怕削胃喱，仲有飽肚作用! 我留番半杯食埋意粉先飲。果個有位姐姐好有禮貌，好有耐性等我地落單。我地叫左既野，大約十分鐘內送唒上枱，意粉賣相唔錯，仲係高質，拍得住餐廳水準有餘；而味道方面，黑松露野菌帶子扁意粉，有好香既芝士味又唔油；帶子約有4舊度；磨菇蒜料等配料，一D都唔少；雞扒有足料香草，雖然唔大，但雞肉味濃又滑。朋友叫左個卡邦尼帶子扁意粉，佢食左一啖，都話: 唔錯wor! 朋友本身食量大，但佢都有飽

聽講係將軍澳出現左平靚正嘅西餐廳，今日就去左試。位置介紹如圖係呢個街市入面即係我哋今日嘅目標。呢間平靚正餐廳又真係叫平靚正西餐，佢哋裝修以黑白為主，雖然設備簡約，但一應俱全。然後就睇吓有幾抵喇。頭兩張係全日餐牌，即係晚市都用呢個餐牌。另外而家有早餐午餐同埋下午茶，價錢就更加優惠。見到價錢咁抵，兩個人都可以帶多一份share。於是我哋就叫咗三個意粉。首先係廚師推介嘅黑松露野菌帶子扁意粉香辣咖喱雞扒扁意粉意式肉醬雞扒扁意粉三款意粉都非常之香口有鑊氣，一打開盒，香氣四溢。尤其喜歡義式雞扒嘅香草味道，配合酸酸甜甜十分開胃的義式肉醬，後悔沒有加$5把意粉加底。黑松露野菌帶子意粉更加係非常惹味，野菌同黑松露的香味絕對是意粉的靈魂，而帶子是錦上添花。咖喱雞扒意粉是一項創意之作，意想不到咖喱和意粉也出乎意料的相配，不知為什麼有點茶餐廳的和氣的味道。最後只是用$160就能夠享用三款意粉，實在是上班族的救星，住附近的朋友不妨來試試，或買回家作為早午晚宵夜。