平靚正西餐 (已結業)

話說今日係調景嶺返工，早收工之後見無野做又有小小肚餓，點知同事就介紹去平靚正西餐食野，順便係附近行下～原來間野好近地鐵站，仲要係學校隔離，行幾分鐘就到，估唔到街市入面都有呢d西餐廳食，一於試下啦！主食就叫左雜菌意粉🍴🍽食落去可以同普通西餐廳比，味道夠清淡，又夠健康，仲有柵菌添，口感清新，賣相都唔差，幾好味啊！點了幾款小食招牌柚子雞翼肉醬薯角全部食落去都好香脆可口，卜卜脆，新鮮熱辣辣，正啊！食得出係即叫即整，即叫即炸柚子汁溜曬出來了，仲有好多茄肉醬，雞異同薯角食落好香！今次係特登入黎試下有幾抵～ 我試過真係覺得唔錯，係附近做野或者讀書d人一定要來試💋抵食到離哂地嘅高質西餐店人生一定要試一次😚

收工咁忙真係好少時間煮飯，咁啱見到屋企附近嘅街市，新開咗一間西餐，似乎都幾多人食，感覺應該唔錯，決定去買外賣。意粉嘅款式都幾多，仲可以轉做長通粉同埋飯，如果唔夠飽仲可以加其他配料，不過其實一個意粉嘅份量都唔少。如果早啲嘅話，仲有下午茶，價錢都幾平，30零蚊有意粉有小食， 下次睇下早啲收工去買。雖然位於街市，但其實都好乾淨企理，等外賣或者堂食，坐得都算舒服。等緊外賣嘅時候先嚟影一影相，都嗌咗唔少嘢。買咗呢個卡邦尼煙肉長通粉同埋炸魚薯條，望落都幾豐富幾吸引， 而且見到炸魚薯條都係即叫即炸，非常新鮮，夠脆卜卜。白汁大蝦扁意粉都唔錯，鮮蝦夠大粒， 就算拎返屋企都唔會淋曬，啲白汁又夠香。黑椒牛柳粒炒扁意粉都係唔錯嘅選擇，啲牛肉好有彈性，有肉汁，黑椒夠惹味。最後仲叫多咗個蒜蓉包，因為即叫即焗，所以都要等一段時間，但係值得嘅，因為個蒜蓉包好香，而且外脆內軟。買咗咁多嘢都係二百蚊有找，果然真係平靚正，下次都可以試下其他外賣。

呢排收工都好晏，唔太想郁，好多時都會買外賣，咁岩發現屋企附近既調景嶺街市，新開左一間西餐小店，見都幾多人食，而且都幾抵，買外賣返屋企都幾好！小店唔算好大，不過都有堂食既位置，擺設都整齊乾淨企理。一共叫左３款意粉，外賣返屋企同屋企人試下，仲加左２個小食，份量都OK，夠食之外，拎３返去都仲好熱辣辣，而且都好多款小食，下次仲可以試多幾款。呢個白汁野菌大蝦意粉都幾香，調味剛好，大蝦都啖啖肉，食起來都鮮甜！意粉唔會太淋，入口彈牙，白汁唔會太多，唔會浸住個意粉，唔錯。而意式肉丸長通粉都好香口，蕃茄醬加上香草好惹味，肉丸juicy又結實，以$48呢個價錢而言，抵食。鐘意食辣既人可以試下呢個芝士咖哩蜆肉意粉，食起來都幾剌激，辣辣地加上蜆肉既鮮味，味道都幾夾。而且蜆肉好乾淨，冇沙又鮮甜。另外仲加左２個小食，分別係肉醬薯角同脆卜卜既蒜蓉包，肉醬薯角炸得好脆，配上濃濃既肉醬好有層次，非常惹味。蒜蓉包好香牛油同蒜蓉味，而且焗得好脆，下次應該嗌埋個湯，一齊食應該更加好食。咁多野食都只係百幾蚊，而且份量同味道都ok，附近既街坊又可以多一個新選擇！

今日襯朋友係將軍澳早放學，我地就去左調景嶺附近既街市入面搵食😙😙入到去見到靚靚招牌寫住「HOTDOG」，睇下餐牌發現超級抵食啊，之後我地就去坐企食個靚晚餐喇☺️不過要順帶一提先👅因爲我地去到係early dinner既時間 7:00 左右，岩岩趕得切，好有禮貌既店員就提醒我地8:00 左右close 💪🏻但無助我地放左學肚仔餓既食慾啊(可能因為佢colorful又歡樂既background la😀😀)//今次我地點左芝士肉醬薯條🍟($23)仲有蒜蓉包（$18）同埋卡邦尼闊條面 ($38)同埋柚子招牌雞翼($28)😚😚相信心水清既朋友都留意到，點解可以甘平！但味道又唔差喔（啊 因為朋友學校係附近我又想參觀下就買左外賣喇🥰🥰）學生優惠仲有明愛既學生，而且其實無優惠都唔貴，係本地少見既良心小店👅👅（依到既蒜蓉包㚈脆內軟，必點！）（仲有芝士肉醬都調味得好開胃架！）

唔知大家平時食西餐中意點咩食呢？我就中意食意粉喇，尤其系黑松露雜菌扁意粉，一來健康，二來可以試得出廚師手勢，本身雜菌味道都系偏向清淡，如果能夠將清淡嘅野整得好食，真系好睇食材本身質素，同埋廚師調味嘅功架。另外仲有個招牌柚子雞翼真系一絕，粉漿唔會太厚，食落去恰到好處，加上柚子汁真系一啲都唔Dry，而且好開胃👍如果中意食薯角嘅朋友可以試埋個肉醬薯角，十令蚊就食到，但質素遠遠超過佢嘅價錢，肉醬食落似系用新鮮蕃茄做，食完唔會有種茄膏嘅怪味，十幾蚊食到咁嘅質素可以系邊到揾到😋。你地見到我叫左咁多野食，但講個價錢你聽可能會嚇一跳，成餐加埋都系百令蚊，平時系出面食個意粉都差唔多成舊幾水喇，呢間餐廳真系同佢個店名一樣，平靚正👍

之前一直都有留意呢間餐廳，因為好近我，但每次放工返到黎都已經關門了今日咁岩放假就醒起呢間裝修設計令我一開始諗起格蘭披治賽車唔知你又有無呢個感覺呢！價錢好抵食呀老闆娘話我知剛剛換左新menu香蒜肉粒扁意粉蒜香味好濃，所以好惹味仲有辣肉腸，有少少辣味，反而能令味道多了層次不過食到底就有少少油黑椒牛柳粒扁意粉味道好香呀，牛柳粒煎得好靚，口感一啲都唔韌同時椒味及洋蔥味都好突出蒜蓉包有成5塊都只係$12咋抵食到喊！新鮮熱辣食就最好味，好脆卜卜每塊既蒜蓉都好足料炸魚薯角份量一啲都唔少雖然係用雪藏魚柳，但味道一啲都不差

朋友係調景嶺住，去開個頭就跟左佢黎呢度食野佢叫平靚正，平就真係好平，試下係咪正先叫左兩個意粉，一個肉醬，一個卡邦尼，肉醬個個好香，個賣相都真係幾令仔下，完全想像唔到只係$3x 卡邦尼個個比起肉醬就冇咁多醬汁，但好既係煙肉佢都比唔少，有翻多少少汁就perfect 😂之後叫左蒜蓉包，呢個真心好出色，焗到好脆，蒜蓉味又勁香喎，呢個大推💕💕之後仲叫左薯角，佢配左沙律醬同黑松露，雖然黑松露醬唔多，但十幾蚊就可以食到高級既黑松露都幾高性價比🤗最後仲叫左台式蛋餅，呢個幾夠鹹香味，一份五件，真係好抵食😍食咁多野最後埋單都係total 百幾蚊，真係想像唔到仲有咁平咁高性價比既餐廳丫🤗

平日係將軍澳返學，鄰近的彩明商場連近新都駅商場內的餐廳也是麥當勞、KFC、大快活.....現在的學生大多數也去街市搵嘢食。 白汁野菌大蝦 賣相豐富，配菜和意粉的份量比重平衡，可以做到一口意粉一口野菌的享受，不會出現意粉過盛或配菜過少的情況。味道可稍重一點。難得的是大蝦新鮮無雪藏味，口感有彈性。 芝士肉醬薯角 薯角不過不失，醬料的酸味可去除薯角的肥膩飽腹感。 環境 地理位置獨特，處於街市內部的西式小店，店面正對菜檔。店內牆紙和桌面皆是黑白格子的懷舊圖案。 店面乾淨，上餐速度快，店員熱情有禮。

今日去學校附近搵朋友，大約晚飯時間想搵個地方快快手手食完飯然後陪朋友做Project上網見到附近有間chill chill地黑白色為主調嘅西餐廳，於是一於就去試吓！地點仲非常近係附近嘅街市就係。亦都可能係街市嘅關係鋪租比較平所以價錢10分親民！我哋一去到，唔知頭唔知路於是問服務員有乜嘢好味嘅美食推介俾我哋，呢度主打辣肉炒意粉同埋雞翼。我哋除咗呢兩樣之外仲叫咗扇貝野菌意粉，柚子雞翼，蘑菇湯同埋兩杯野飲。店員仲貼心提醒我哋如果我哋早啲到嘅話更加有下午茶優惠！大家下次可以去試吓個下午茶真心非常抵食。主食小食同埋飲品加埋先$30幾！！完全抗通脹嘅價錢！食物方面個人最鍾意扇貝野菌意粉。野菌味十足一啖接一啖！另外柚子雞亦10分開胃又酥脆！另外一提上菜速度十分之快！超級推介附近同學仔堂與堂之間黎試一試！

囝囝和同學放學後，約好來我家打機，我馬上去彩明街市一樓平靚正西餐廳買些外賣幫佢地醫肚。買左黑椒牛柳粒飯$48，牛肉腍滑有牛肉味，很好👍味，黑松露什菌意粉$48，黑松露很香，十分好味（卡邦尼煙肉意粉+雞翼+三星蔥餡餅+豆漿）蔥油餅有獨特香蔥味，豆漿很香濃（珍寶肉腸熱狗+黑松露炸薯角+香脆雞翼+檸檬茶）熱狗🌭️大大個，滿足班發育中的年青人（意式肉醬扁意粉+柚子雞翼+蔥餅+豆漿）下午茶只是$32。全部都只是一百零元真超級抵食。同學仔讚美味，食得很開心。話下次 lve 放學會去餐廳吃。

行落街市買外賣，本身都係諗住買個燒味飯，點知發現原來多左間西餐，係街市開西餐真係幾搞野，不過見個樣都唔錯就俾個機會佢啦！揀左兩個意粉，幾份小食。個presentation外賣黎講都算唔錯。我揀左個帶子雜菌黑松露扁意粉，帶子幾好食，都煎得幾香，黑松露味岩岩好，唔會太over，雜菌好多，個sauce都唔錯，幾creamy。老公就揀左個雞扒蕃茄汁意粉+温泉蛋。件雞扒不過不失，煎得幾香，蕃茄汁唔假，都食到蕃茄，蛋蛋可以再大隻D，但質地真係唔錯既。小食有炸魚，薯角，兩種雞翼。我老公鍾意黑椒雞翼，我就覺得柚子雞翼好食D，佢個酸度好岩我。anyway, 味道唔錯，可以encore, 個蜂蜜綠茶都幾好飲，豆漿就Normal。

自從上次食過一次「平靚正西餐」後，性價比十分高，正好今晚又想偷懶唔煮飯，即時諗起呢間街坊小店，又係時候去支持一下喇~~~香蒜肉粒意粉 $48好香蒜蓉味，炒得乾身，好香口，當中嘅肉粒係辣味豬肉腸，配埋洋葱碎粒，用料充足，非常惹味。雖然餐牌上表示帶辣，但食落唔算好辣，唔食辣嘅朋友可以一試。黑椒牛柳粒飯 $48香濃黑椒味，牛柳粒好淋，炒得剛好，唔會過硬，飯煮得軟硬適中，黑椒汁撈飯，惹味又開胃。香脆雞翼 $24上次食過柚子雞翼，今次試香脆雞翼，水準依然，雞翼炸到金黃，外層脆卜卜，雞肉好嫰滑。黑松露薯角 $12上次試過芝士煙肉薯角，今次就試黑松露薯角，金黃色嘅薯角，旁邊配上黑松露水沙律醬，好香口。

之前經過彩明苑街市發現這間小店‘平靚正西餐’幾特別，裝修設計、食品都好吸引，想不到在街市也有美美的餐廳。今天終於有時間約朋友到‘平靚正西餐，tea一tea; 品嚐一下，須然在街市内，地方小小，老闆有心思的裝潢，下午茶價錢實惠首先吃’宜蘭三星蔥餡餅‘細細個幾特色，味道不錯，還有招牌蒜蓉包好味底食，下午茶餐、蜂蜜柚子雞翼，魚柳并雙料蛋餅，美式珍寶辣肉腸熱狗、黑松露炸薯角并雞翼，都係30幾元有交易，非常抵食，還有意粉好好味，真係意想不到，可惜我不是住附近，不能常常品嚐這經濟實惠的美食，有時間會再來食食。住附近的一定要試試，yummy yummy

早兩日入調景嶺工作,一完左當然搵下附近有咩好食。系彩明街市見到呢間西餐, 網上見到好多好評又平又抵食, 就同朋友一試。店鋪不大只有幾張枱,入到去好快就有位置, 裝修是黑白格為主,完全唔似系街市入邊, 別有洞天。餐牌上的食物都好吸引, 價錢又平。同朋友每人叫了一個意粉,再加小食。先上了一個卡邦尼煙肉意粉 ($38) 。 除扁意粉以外,所有餐點都可以轉配大通粉/飯。意粉有濃稠的醬汁, 煙肉很大塊, 男仔食都一定夠飽! 以後朋友上的蘑菇野菌扁意粉($ 38), 味道比較淸淡,一上桌便聞到野菌淡淡的香味,好味道!之後上的蒜蓉包($12)有4小塊,香口好重蒜味,外脆內軟。柚子雞翼 ($12)有2隻, 十分美味，酸酸甜甜，十分開胃！最後埋單都有百幾蚊,十分推介呢間餐廳,又平又好食~一定會再到!!!!!

住開調景嶺既人都知附近商場得兩個，彩明商場同都會駅，可以揀既野食唔多，一到食飯時間排曬長龍，真係好辛苦，美食沙漠並唔係浪得虛名。但自從彩明街市裝修後，都多左幾間小店餐廳。 而其中裝修得最靚既 就係 平靚正 西餐🤣🤣個名好易記。有幾次lunch時候經過想食，都排曬隊，目測全部都係讀緊書既後生仔。 姐就無咁好腳骨力，唔鐘意排隊🤪🤪好幾次無食到。第一次食係下午茶，真係好抵，試左蛋餅連野飲加小食，2個人都係$70左右，但咯次無影相，下次食再補相，食評。今次就收工6:45pm左右，想食，但滿座，要等一等，正當想走之際，有人埋單，工作人員都好快清好枱俾我。坐低，旁邊有點餐紙叫左2個意粉黑椒牛柳粒扁意粉 Hkd$48香蒜肉粒長通粉 Hkd $48額外加左 帶子hkd 15，見平平地都有3,4粒。而且晚餐就係要食好d ，番工咁辛苦😩😩兩碟意粉都好惹味，牛柳粒都好Juicy 食唔停口 枱旁都有好多調味料 :芝士粉，辣椒🌶仔，黑胡椒. . . 但我都無加到 因為本身個果岩岩好叫埋個香脆雞翼$24 四隻上次試過，唔錯，可以翻點之選個皮脆卜卜，雞肉都唔鞋，但如果有多幾種味揀就最好，另一種味係柚子雞翼，有興趣既