平靚正西餐 (已結業)

今日去學校附近搵朋友，大約晚飯時間想搵個地方快快手手食完飯然後陪朋友做Project上網見到附近有間chill chill地黑白色為主調嘅西餐廳，於是一於就去試吓！地點仲非常近係附近嘅街市就係。亦都可能係街市嘅關係鋪租比較平所以價錢10分親民！我哋一去到，唔知頭唔知路於是問服務員有乜嘢好味嘅美食推介俾我哋，呢度主打辣肉炒意粉同埋雞翼。我哋除咗呢兩樣之外仲叫咗扇貝野菌意粉，柚子雞翼，蘑菇湯同埋兩杯野飲。店員仲貼心提醒我哋如果我哋早啲到嘅話更加有下午茶優惠！大家下次可以去試吓個下午茶真心非常抵食。主食小食同埋飲品加埋先$30幾！！完全抗通脹嘅價錢！食物方面個人最鍾意扇貝野菌意粉。野菌味十足一啖接一啖！另外柚子雞亦10分開胃又酥脆！另外一提上菜速度十分之快！超級推介附近同學仔堂與堂之間黎試一試！