平靚正西餐 (已結業)

自從上次食過一次「平靚正西餐」後，性價比十分高，正好今晚又想偷懶唔煮飯，即時諗起呢間街坊小店，又係時候去支持一下喇~~~香蒜肉粒意粉 $48好香蒜蓉味，炒得乾身，好香口，當中嘅肉粒係辣味豬肉腸，配埋洋葱碎粒，用料充足，非常惹味。雖然餐牌上表示帶辣，但食落唔算好辣，唔食辣嘅朋友可以一試。黑椒牛柳粒飯 $48香濃黑椒味，牛柳粒好淋，炒得剛好，唔會過硬，飯煮得軟硬適中，黑椒汁撈飯，惹味又開胃。香脆雞翼 $24上次食過柚子雞翼，今次試香脆雞翼，水準依然，雞翼炸到金黃，外層脆卜卜，雞肉好嫰滑。黑松露薯角 $12上次試過芝士煙肉薯角，今次就試黑松露薯角，金黃色嘅薯角，旁邊配上黑松露水沙律醬，好香口。