定食8 (已結業)

今日同老婆行街唔知食咩好就求求其其去商場行下睇下有咩食行過見到元氣好多人有排等🙄去到底層見到間魚生飯好似幾抵食咁就去試下叫左個魚生飯 魚生普普通通但價錢勝在抵食

今日想放假想近近地係附近搵野食，於是去左mikiki，見定食8唔洗排隊，又未食過，於是就去左食，叫左個豬排飯咖哩豬排飯，大約$50幾得個飯，冇湯 ($10)，冇野飲份量正常，豬排4大塊，咖哩汁都算多，少少甜，好似759的咖哩芝士望落好多，但只係得中間果兩件有，個芝士又冇咩味....豬扒...難食難食好難食，好似隔夜豬扒咁，又韌雖然係第一次尼，但下次如果有得揀我應該唔會再尼食，就算尼食都會芥其他野食，唔會再叫豬排

呢間無湯任添, 不過無SET死一人一SET, 總之食夠個錢就得, 我覺得反而更靈活叫左2個特價SET, 一個係MINI 海膽三文魚飯, 都真係幾MINI, 岩女仔, 男人就應該5夠, 有一大`PAT 海膽, 質素好過爭鮮LAW,但你話係咪鮮甜/新鮮,就自己衡量吧, 有4,5塊三文魚刺身, 刺身是薄薄的, 幾肥美, 都OK呀。加錢要多個湯同茶碗蒸, 茶碗蒸 細細碗, 蛋幾結實, 入面有魚蛋一片同菇, 其實都幾飽肚,味道正常。另一SET叫左鯖魚飯, 估5到條鯖魚又幾大塊WOR, 雖然比出面正常GE 薄一點, 但都係啖啖肉,佢5係鹽燒, 反而似係汁煮, 即係甜甜地GE, 幾好味。叫左杯荔枝波羅特飲, 甜左少少, 入面都好多粒罐頭波羅, OK GE。

好誇張囉成餐叫左咁多野加埋一，最後都仲二百蚊有找🤯咁啱撞正佢做緊新年活動，叫夠兩個主食就會送份蒲燒鯖魚添呀😙🐟-味噌湯同茶碗蒸係跟主食$10加配既，都幾值得叫👍🏻 估唔到個味噌湯並唔係平時就咁開粉沖既味精湯，湯裡面仲會搵到有熟三文魚添😯 茶碗蒸都幾大碗幾滑亦多料☺️-主食我就會推薦佢既烏冬多過飯，但如果兩樣都想食既話可以叫兩盛，亦其實姐係燒雞飯+糖心蛋烏冬💁🏻‍♀️-🍲鍋燒牛肉烏冬 $53🍣赤蝦海景丼 $58🍱雙盛 $58味噌湯+茶碗蒸 $10蒲燒鯖魚 $free

一開始見到個餐牌，就已經嘩 咁平既晚市 魚生黎講 真係好平都有糾結過 食烏冬定丼飯好最後都係選擇左赤蝦海景丼本身上到黎係覺得份量都幾多 但原來個飯係淺口刺身都算薄片 個面見到既已經係全部 右邊仲要有大部份係蘿蔔絲 左上白色果塊刺身好腥 食左一塊已經無食由於太少刺身 自己再叫多左三文魚餸飯結果係同翻出面食既魚生丼 差唔多價錢不過個飯甜甜地 都好快就扒曬個飯相反 朋友個海景丼就食得好滋味，明明平過我但刺身就鋪滿曬。如果下次要黎食就要識簡了

發現左呢間性價比極高嘅日本餐廳！最近仲要出咗新Menu，選擇包羅萬有😋由刺身到壽司到烏冬到小食都有！.小編唔食某啲魚生，所以叫咗#厚切鰻魚丼 ($58)，飯嘅份量都幾大，而且啖啖鰻魚肉，食落唔會太咸，鰻魚汁撈飯好正，質素當然冇日本居酒嗰啲咁高啦，但係以呢個價錢來講絕對超值😍.主菜可以加錢轉套餐，加$10加茶碗蒸同麵豉湯，再加$5仲會有埋飲品，圍翻一個海鮮丼套餐都只係五十幾蚊😧日本菜晚餐黎講真係超抵!!!叫兩個主菜仲會送一份#蒲燒鯖魚 omggg除此之外，小食方面小編仲叫咗#醬燒魷魚 ($35) 同 #玉子壽司 ($8) 🤔🤔食落感覺好似放題，因為價錢真係幾抵😂得閒想食下平民日本野不妨試試😋🔎ig: @mkbowfoodies

試咗佢嘅鰻魚飯，鰻魚都幾大條同埋都幾大分。而呢間野嘅湯同沙律係任拎，我覺得非常之方便同埋實惠。喺呢個商場入面大家都知道mikiki比較多一啲高中價位嘅嘢食，所以呢間嘢嚟講算係非常之適合大眾，配合住大眾化價錢

Mikiki覓食 見到平價日本定食 當然要試一試啦！晚市好多人 排隊排到轉角位湯同飯都有得無限refill 一定可以食到你飽兩個人叫左兩個餐 刺生一般不過不失雞扒煎得好香口 自己一般好魚 所以秋刀魚都係試左一口。呢個價錢食到咁飽 抵啦！唔會太過要求高

定食8（新蒲崗Mikiki)今日森仔收工之後，想食日本野。就去左出名又平又抵食既「定食8」試一試👍🏼🤓餐廳有新餐牌，又多左幾款日式食物，包括刺身，定食，火鍋和壽司🍣🤤🤤今次我叫左必食既海景丼加$15，搭配茶碗蒸，味噌湯和飲品。而我朋友就叫左鍋燒海鮮烏冬，再加三文魚刺身🐟。海景丼雖然只係$45，但係真係好滿滿既刺身鋪面，包括有三文魚，希靈魚，帶子，魚子和呑拿魚質素還算不錯，性價比高。而茶碗蒸和味噌湯都好好味😂❤️100分💯而鍋燒海鮮烏冬亦幾好食，湯底清甜。而海鮮亦都好多，夠足料👍🏼👍🏼有成四隻大蝦🍤和多隻蜆❤️❤️定食8真係一間好不錯既餐廳🤤 如果港島區都有就好也😘

繼續窮豬福音嘅環節，想食日本野又要糧尾嘅時候，但又要平得黎而不失霸氣，呢間定食 8 同爭鮮都係窮豬嘅首選 😂 但呢間質素唔差，#和風鯖魚定食 $38，成條燒鯖魚三十八真係幾抵食，而且甚至好過出面串燒果啲鯖魚，好多都燒到好乾，肉質又麻麻，但呢到係唔錯，仲包埋個飯，另外仲食左 #迷你海膽海鮮丼 $38，主要都係海膽同三文魚刺身，而三文魚嘅質素都唔曳，真係抵食，另外見到佢地新推出 #關東煮 $10，都幾抵食，有蟹柳、勿演、日本蛋、冬菇、獅子狗，豬隊友就叫左個 #極上牛肉鍋 $58，除左吉邊之外呢到都有得食，不過就推薦 $38 嘅海膽三文魚丼同鯖魚，抵食又好味 🤤❤️

定食8 (新蒲崗).定食8聽説有新menu! 今日咁岩經開新蒲崗就試試佢先(⁎⁍̴̛ᴗ⁍̴̛⁎) ⚜️海景丼⚜️.有希靈魚，帶子，𩶘魚，蟹柳，甜蝦同蟹籽等，咁多野食嘅丼飯先$48！會唔會太抵食啊(⁎⁍̴̛ᴗ⁍̴̛⁎)！ ！ .⚜️ 鍋燒海鮮烏冬⚜️.有成四五隻蝦，同埋蜆肉，我哋揀咗豬骨湯底！$53有咁多配料，真係好抵食！.⚜️帝王蟹柳壽司🍣北寄貝壽司🍣⚜️$12/$8各兩件，咁平性價比真係好高！.⚜️炸餃子🥟⚜️呢個我覺得好好食啊！(⁎⁍̴̛ᴗ⁍̴̛⁎)$18有成5隻，炸到外脆內軟，熱辣辣，正！—————————————————————-環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️⭐️.📌定食8 (新蒲崗)新蒲崗太子道東638號Mikiki LG5號舖

今晩肥雞同媽子去Mikiki食飯，行完一田，見到定食8，餐牌renew左，梗系試下😁肥雞嗌左鍋燒牛肉烏冬，柴魚湯底，個湯有淡淡嘅柴魚味，正！肥雞加多15蚊加味噌湯同茶碗蒸😋味噌湯用三文魚煮，魚香十足，茶碗蒸蛋超滑！👍媽子嗌左厚切鰻魚丼飯😚，鰻魚超厚身同肥😍

新年嗰陣去咗歐洲旅行差唔多日日都係食包食包同埋食肉食肉啲嘢真係唔係幾啱食日日食到好悶都係香港啲餐廳好食好多啱啱返到香港好掛住啲日本菜 又想食熱辣辣嘅嘢 咁啱嚟到定食8 聽朋友講好似係爭鮮嘅姊妹店佢哋仲出咗新Menu 我見啲嘢食都好抵食完全唔貴所以就叫咗厚切鰻魚丼 $58 喺出邊求其食個鰻魚丼都已經要百幾蚊 $58仲要超大份又厚肉 仲要好彈牙唔油就叫咗個炸蝦天婦羅 $48有成兩隻炸蝦又有炸蠔同其他野超足料另一位朋友叫左個熔岩芝士豬扒飯 啲芝士係可以拉到絲㗎 仲要先$38 我哋仲加咗$15叫咗茶碗蒸味增湯同埋巨蜂乳酸個ee仲唔知點解送咗個燒鯖魚俾我哋 好好💕💕 #厚切鰻魚丼 #熔岩芝士豬扒 #炸蝦天婦羅 #好抵食#定食8#新餐牌

♥️糧尾恩物♥️性價比極高既定食8, $28起就食飽飽✌🏻出左新Menu, 好多野食❗️ 味道唔可以話超好食，但食物新鮮，份量夠飽，值得推介👉🏽海景丼（$48+$15轉套餐有味噌湯，茶碗蒸同野飲）8 種魚生都新鮮，飯量都多。 👉🏽鯖魚飯（$38)天阿！呢個價錢，魚都係大大條，冇得彈。 👉🏽雞扒丼（下午茶$28)雞扒嫩滑，燒汁甜甜地，好送飯。 👉🏽炸蝦天婦羅（$28)手掌咁大條蝦，南瓜，秋葵，冬菇同蟹柳，吃落唔會油膩而且味道鮮香👍🏾

平時食日本野冇2-300都落唔到樓今日同家姐食到捧住肚皮都唔使200😳綜合刺身 $45有5款不同刺身，新鮮又厚切❤️鍋燒豚肉烏冬 $53加味噌湯茶碗蒸同飲品都只需$15！真的好康大放送😍味道同平時的面試湯不一樣用了蘿蔔三文魚肉豆腐等等熬製而成石斑鍋豚肉湯（火鍋）$68佛心價格卻是海鮮🦞份量不會減少如果可以免費轉烏冬就好了可選柴魚/豬骨湯底店中提供麥茶自行添飲非常貼心這裡豪氣請客也不心疼😏以下Menu彩蛋在此