呢間新開位於中環都爹利街嘅bar係以海洋為主題，環境好舒服好靚靚，仲有DJ現場打碟添。佢嘅 signature cocktails 係由以七大洋命名，切合番海洋theme，仲有non-alcohol version，啱哂唔想飲酒嘅客人。 今凝揀左兩款藍色嘅cocktail 🦋同2款小食 🍔 Mediterranean Sea $160 呢款其實係Vodka base，再加上蜜棗、杏仁，飲落酸酸甜甜，加左蛋白口感好特別，貝殼內裝著藍色海藻液，倒入後杯cocktail就會變成藍色，好夢幻！ Indian Ocean $160 呢款其實係以芒果糯米飯為靈感，用左whisky，印度既椰奶，檸檬草，馬達加斯加香草，花生，菠蘿， Yogurt，同埋芒果調製而成既Cocktail，面頭嘅海苔片有紫菜味，仲有藍色jelly，有啲飲緊波子汽水嘅感覺，整體感覺偏甜易入口😍 Tacos of the Sea (6 pcs) $148 Mini Tacos 共三款，包括芫荽蟶子配蔥粒、泡菜章魚、虎蝦，好特別。作為芫荽控，最中意就係芫荽蟶子，好開胃！ Seafood sliders $128 其實佢係迷你漢堡包夾住章魚芝士魚餅，咬落爽口彈牙，食落熱辣辣，大推！

太子旺角附近有唔少韓國菜，食厭左炸雞可以試下鳳雛燉雞，之前喺韓國食過一次，竟然旺角都有！ 原來係由韓國人主理，覺得食物應該很正宗！ 前菜有青瓜、大豆芽及泡菜，食完好開胃🤤 🐥鳳雛燉雞 二人吃一盆已經夠飽，甜甜入味的醬料，點左少辣，蘿蔔、薯仔同冬粉都吸了醬料及雞肉的精華超好味！雞肉夠嫩滑，有很多件絕對夠吃🤪 芝士泡菜煎餅 煎餅口感外脆內軟，唔會好油，配上魚露作調味，減低油膩感☺️煎餅蛋味都好重好香口🍳 鳳雛燉雞 📍旺角彌敦道726號10樓

呢間居酒屋屹立係尖東20幾年，環境精緻，格局雖小，五臟俱全，唔怪得店內有唔少熟客 前菜叫咗花生豆腐，好特別，滑嘟嘟食落有微微嘅花生香🥜 瀨尿蝦乾 都幾濃味，送酒之選 刺身拼盤 有齊時令嘅做刺身，帶子鮮甜大粒，鮟鱇魚肝新鮮，白子爽口，仲有八爪魚🐙 串燒叫左雞全翼，好少見嘅雞腳筋，同埋荔枝豚肉串，好清新！ 濃湯蝦烏冬🍜 見到每枱都必點，估唔到有驚喜，無味精又有濃濃蝦汁，蝦仁都好大隻，連湯都想飲埋🍤🥹 苦瓜炒豚肉 苦瓜爽口，食落唔會苦，加上蛋汁炒，層次豐富

近日經過旺角，見到爆丼屋做緊優惠祭，呢兩個丼星期一至日全日半價😍 🥩重量級安格斯牛扒盛丼 $238->$119 好大份牛扒，真係重量級，原來有兩層牛扒，肉質嫩滑，黑椒醬汁甜甜辣辣夠惹味，送飯一流 🍣火炙盛丼 $168->$84 有三文魚，蟹棒，左口魚，帶子，中間有粒蛋黃，性價比超高！刺身新鮮香甜，每樣食材都唔腥，同埋都幾厚，同飯嘅比例啱啱好 每個丼都已經包左麵豉湯，味道清甜🥰 星期一至五啤酒做緊買一送一 $48兩杯 🍻超級抵！

好耐冇去銅鑼灣食飯，突然好想食川菜就見到呢間 燒椒金色皮蛋🥚 呢款皮蛋有別於一般見到黑色嗰啲，外皮晶凝通透，青椒加上蒜蓉，微辣好開胃🤤 經典香鍋🥘 熱辣辣啱啱炒出嚟，有牛，雞，藕藕，椰菜花，薯仔，比想像中辣，但好香口，份量多! 膠原脆皮豬手🍖 豬手炸得外皮金黃，肉質嫩滑，麻辣味豬手都係第一次食🤔 流沙香辣雞脆骨 呢個相當有驚喜，雞鎚骨用花椒爆過，食落好香好爽口，另一亮點就係湯圓，外皮麻辣，入邊係芝麻餡，一甜一辣估唔到咁夾😍 紅糖糍粑🍡 川菜成日都有嘅甜品，煙煙韌韌，加埋紅糖黃豆粉好正！ 熊貓冰粉賣相可愛之餘，解辣一流

旺角見到乳酪雪糕外賣買一送一，心郁郁就買咗試下😍 🍦每杯可以選擇三款配料加一種醬，配料選擇非常多目測都有30款🤔 第一杯叫咗Oreo碎，白玉丸子，紅豆，homemade小山園抹茶醬，呢個經典配搭一定唔會輸，抹茶味清新又唔太甜☺️ 第二杯叫咗麻糬粒粒，芒果爆爆珠，牛油薄脆，榛子醬，酸酸甜甜好頂癮，有煙靭嘅麻糬增加口感🍡 $58兩杯嚟講算係好抵，同埋好大杯！ 見到cafe入面木系裝修，有輕食有pancake，有機會可以坐低試吓☘️

Atum 一向以經營高級和特色的餐廳為主，今次呢間新店叫獅叔 Shiok restaurant，以新加坡和馬來西亞菜式為主題。「Shiok」是新加坡年輕人的俚語，表示很”爽”的意思，店內裝修顏色鮮豔,配搭很有玩味，予人輕鬆愉快的用餐氣氛。 首先點了馬來沙爹豬串燒，每客有四串，上面鋪滿有粒粒花生碎、香濃而不辣嘅馬來沙爹醬，豬肉外面烤得焦香，入口肉嫰多汁，shiok! 然後是檳城蝦麵掺摻，「摻摻」是指粗身黃麵和幼身米粉做麵底，先嚐一下用蝦、雞及豬骨熬成的湯頭，鮮香濃稠，真是花功夫和心機之作。蝦大大隻味鮮彈牙，配菜有芽菜，油炸鬼及蛋，油麵粗身很掛湯汁，幼米軟身不油膩，大愛！ 接著是馬來奶油咖雞及油酥手抓餅。雞肉已去骨，啖啖肉，肉滑多汁，馬來咖哩汁香而不辣，加入奶油更滑溜，再配上香脆手抓餅，很匹配，友人愛濃郁的咖喱雞配白飯，非常的下飯😉 最後來個咖央醬烤吐司作甜品，吐司焦香鬆脆，咖央醬有獨特斑蘭芳香，椰香味濃，是水準之作。 在香港馬來餐廳很多，但好食而價錢合理，依間都算係表表者。

朋友介紹呢間勁igable 嘅旺角樓上酒吧，一入到去已經見到室內天花有一大片波波燈😍每張枱上面都有一個月亮，好有創意，適合三五知己食嘢飲杯嘢傾偈 J.moon signature cocktail🍸 睇個名已經要一試，職員會用槍喺飲品上噴出一個泡泡，打卡一流，飲品係熱情果味，微甜🥰 Scorpio 餐廳用12星座做cocktail主題，啱晒有選擇困難症嘅我🤓 唯一一杯whisky 嘅cocktail，有梨味同姜，cocktail 更易入口🥰 J.moon pizza 🍕 乜都有咁滯👀 煙三文魚 煙肉 辣肉腸 蘑菇 芝士，上面有溫泉蛋，pizza沾蛋汁食，有另一番風味🤤 Sea urchin sauce rigatoni with prawns and salmon roe 超濃海膽長通粉🧡見差唔多每檯都點就知冇叫錯!! 食落一啲都唔腥，出色~ Truffle bikini 黑松露多士入面夾左parma ham同芝士，味道balance 唔太咸，不過好快凍，影完相就要食啦🤧

今日約咗人去旺角，順便去一間一直想食的韓國餐廳，餐牌見到有JJIM DAK食。JJIM DAK 是一道地道的韓式燉雞，一於試吓。 首先送來傳統韓式前菜，包括泡菜，青瓜和大豆芽，味道很有韓國地道風味。 之後我哋order 咗鳳雛燉雞（無骨），到桌時非常驚喜，份量很大和足料。有無骨燉雞，紅蘿蔔，青瓜，薯仔和蔬菜配料，配上煙煙韌韌的冬粉，另加上魚蛋和魚糕，雞件配上香濃不鹹的醬汁，簡直天作之合。這餐飯非常大滿足。 而餐廳的侍應服務態度非常親切，是一間很值得再試的餐廳。

今日係Halloween🎃,放左工同老公去尖沙咀文化中心地下Lemna of the alchemist 「牧羊少年與他的浮萍」食dinner，諗住食完嘢再沿住海濱散步感受吓。 烤加拿大豬鞍配 烤 新薯 及 火炙粟米 伴 芥未籽蘋果醬 豬鞍扒好厚身兩邊煎得金黃，肉質鬆軟，口感嫰滑，烤過的新薯及粟米香甜 ，伴以芥未籽蘋果醬，酸酸甜甜有果香，不會油膩。 海膽黑魚子醬蟹肉貓耳朵粉 貓耳朵粉外型似貓耳朵，size的骰，一匙羹就舀到四五粒，食起嚟好有嚼勁。記得我第一次食貓耳朵粉就係喺呢度，是牛面頰醬汁貓耳朵粉，真係一試難忘。今晚menu貓耳朵粉配上一個海鮮版濃汁，海膽呈橙黃色，味道鹹中帶鮮甜，質感軟軟，入口即溶；黑色魚子醬感覺矜貴，好有鮮味；加埋啖啖鮮蟹肉，呢個配搭真係完美，味道又再一次昇華，好食到難以形容。 煎北海道帶子 配 奶油南瓜烤菇意大利飯 呢道菜好有Halloween feel。北海道帶子又大又甜美，爽滑彈牙，兩邊煎得金黃。Risotto口感軟硬適中，烹調時間拿捏得好好，加上粒粒嘅烤菇，口感豐富，配以奶油南瓜汁，除咗顏色好金黃，味道濃味好creamy。 覆盆子奶油霜配糖漬草莓及蛋白脆餅 想食甜品，但係又唔想咁heavy，於是揀咗呢個蛋白脆餅。呢款甜品好簡單，其實係將蛋白同砂糖攪拌而成。但呢度嘅出品好有心思，首先表面食到一層raspberry cream夾雜着粒粒嘅糖漬strawberry及片片蛋白脆佈滿面，內裏是一球雲呢拿雪糕，層次好豐富，酸酸甜甜好醒胃，賣相粉紅好有少女feel，打咭一流，口感輕盈唔heavy, 啱曬我地女士食。 無花果合桃焗流心芝士撻配焦糖脆脆 上枱presentation很美，撻上放上新鮮無花果，烘過的合桃及焦糖脆脆則撒滿碟上。流心芝士撻撻皮脆,芝士餡滑溜，烤焗時間拿捏得剛好，質感很討好，不會過甜。 每次嚟尖沙嘴，牧羊少年都會係我首選，佢集餐廳、酒吧、舞台及展覽區於一身，空間寛敞，座位舒適，感覺良好，又一次美好的用餐體驗👍