前菜 青瓜蘿蔔 - 酸酸辣辣 好野味 好開胃 係大開泰國菜既開始😋👍🏻

生蝦刺身 - 9.5/10 爽爽彈彈 好新鮮。本身都辣辣地，再點完辣青醬，更帶出鮮味，係好食既。👍🏻👍🏻👍🏻👍🏻

炭燒牛小排 - 10/10 好味好味😋😋煎到粉粉嫩嫩！好正！食落唔乾幾juice。有兩種食法 1.點一粒粒辣椒籽，咸咸地好野味。2.點黑椒汁 比較甜，本人較喜愛點辣椒籽更帶出牛既香味同肉質。仲有個沙律 入面加左啲紅酒汁，令沙律更加強突出，好似真係紅酒配牛肉咁，絕配👍🏻👍🏻👍🏻👍🏻👍🏻

鳳爪沙律 - 9/10 望落細細碟，點知愈食都仲有好多🤤大概有十幾隻。甜甜酸酸又係好開胃 少少辣。勁易入口。👍🏻👍🏻👍🏻👍🏻

炒茄子 - 9/10 食落好似平時食開既魚香茄子。就沒什麼特別，但都好好味既。👍🏻👍🏻👍🏻

黃咖哩豬+薄餅 - 9/10 個咖哩就意外地唔係好辣，適合唔太識辣，感覺上辣反少少好似會更野味，同埋入面有啲蛋黃味好突出。
另外，豬肉係切片，都幾冧👍🏻👍🏻👍🏻

薄荷葉青檸梳打 -點了梳打。外形都好精美，飲落酸酸甜甜好解渴，好岩食完辣野飲😋😋👍🏻👍🏻👍🏻

⁃整體食物係不錯👍🏻  ⁃環境又舒適，坐出面都唔覺好熱👍🏻 ⁃服務又貼心，好有禮貌，出奇地仲有蚊怕水提供，本人很喂蚊。哩點要讚好貼心👍🏻

收工食好野 😛朋友介紹西餐好好味不過直冇時間黎試，終於今日早D收工可以一試究竟。估唔到呢間餐廳真係咁好食，實在冇介紹錯。去到荃灣站都好方便行幾分鐘就到，外表睇落比較簡單，但去入面就好有氣氛。入到去之後 都好多人，不過服務員嘅態度都好好，好熱情會介紹有啲咩好食，當日有啲咩推介咁，menu 做得好靚，圖文並茂仲色彩繽紛。我哋叫咗個炸魷魚圈，意粉同埋，蘋果木燒牛肋骨。先黎左餐前包同湯。餐包有３款餐包，軟熟，薄脆，煙韌各有特色配既黑松露醬好香絕對係驚喜，湯就夠creamy，質地杰身，味道濃郁唔會淡。重點黎啦，蘋果木燒牛肋骨淋上榛子酒再燒一陣再食，真係無得頂，酒香，果木香，肉質JUICY，啖啖肉完美絕配。好難得可以食到肉味又有微微木香。蜆肉意大利粉真係全部新鮮蜆煮出嚟，又大隻又多粒，意粉口感同調味都適中，魷魚圈好香入面嘅魷魚好大隻彈牙，幾有驚喜，完全唔係出面D ＨＥＡ煮意粉，料又少又唔夠味。最後非常之印象深係老細好親民好nice，好好熱情而親民咁介紹每道菜，點樣食會更加之好味。所以都見唔少都係熟客／回頭客，同老闆有傾有笑，相信自己都會同太太黎得更多，成為熟客一份子！

德美我食過好多次，質素好好,晚市相對上貴過午市少少，當然肚餓既我都係走左入黎啦
我叫左個海鮮飯set( 海膽+三文魚), 一黎就佢就上左d 前菜沙律同燉蛋,個沙律汁酸酸地幾開胃，茶碗蒸好香好滑，入面仲有好多配料,真係足料又好食!
跟住再叫左份日式牛排,鮮嫰既牛排,燒得又香口!啖啖肉真係好正,岩晒我!
最後就係份芒果饅魚PANCAKE, 真係好創新,又好味,一啖咬落去,味道好多層次,又豐富.推介呀!
環境都非常之好,可以近距離睇到師傅去整壽司，望住佢地好熟手咁擺好幾盤，再一件一件人手做，乾淨先至會食得放心!
整體服務幾好,坐低就有一大杯熱茶飲，仲會成日幫你加茶, 繁忙時間都有呢個服務,抵讚
下次又想再黎過啦,不過晚市好爆下,記得BOOK 定位先

去到九龍灣其實都未必會行到去呢度食野,因為呢度位置都比較偏呢個商場唔係咁人氣,但做咗下RESEARCH之後我就發現好多人推介呢間野,試過後更加覺得一定要推介比大家黎呢間cafe試一試,佢嘅食物種類好多,基本上西式cafe提供嘅佢都有,而且食物好高質,又比較大份,岩晒我胃口.
我食咗佢嘅和牛漢堡WIF 粗薯條, 燒春雞 同埋 黑松露摩姑意大利粉 ,燒春雞燒得啱啱好,香得嚟又唔乾,鍾意入面嘅肉汁JUICY,肉亦都好鮮嫩.和牛漢堡塊漢堡非常之大,非常juicy,入面都feel到係好多牛肉而唔係只係麵粉,咬落非常實在.粗薯條都炸得非常之新鮮可口,另外嗰個意粉見好多人推介,咁我都試左,大大碟真心抵食,黑松露味又重!正!  二個人食真係非常之飽呀,份量大份,又高質,價錢又合理,讚呀!

入到去老闆娘就好好招呼，入面其實都坐滿咗幾多人。睇得出生意幾好都係一啲老街坊。 越式法包有好多花款，除咗豬頸肉之外仲有好多其他唔同嘅肉類，好有新鮮感。個人就點咗佢嘅 魚餅撈檬，魚餅炸得好香好脆，非常值得一試！！！推介

呢度環境都比較好，坐得亦都比較舒服。附近嘅餐廳只有呢一間係泰國嘢，味道都唔算非常出眾，但係都ok, 午市有優惠。個人推介人佢嘅串燒同埋菠蘿炒飯，炒飯好足料同埋幾抵食，可以試試

個人非常之推介佢係撈拉麵。出面嘅普通米線周街都係。我覺得呢度係撈拉麵，非常之有特色，撈麵比較乾身，面底嘅肉碎同埋汁都好入味，好香。再自己自選兩個餸，非常滿足。個人推介佢嘅麻辣豬耳同埋麻辣豬腩，兩個都非常之入味同埋好食！

來到北角呢度其實茶餐廳都幾多，但係呢間嘢我覺得比較特別，因為佢餸菜比較多款式，亦都有煲仔飯。呢樣嘢就唔係咁多餐廳有，佢煲仔飯都幾香，幾脆，比起廟街嗰啲煲仔飯有過而無不及。佢嘅小菜真係非常之多款，例如有荔芋炆鴨，呢一樣喺出面少見啲嘅菜式，整得足料又入味，非常難得係精心之作。

喺新蒲崗區其實都幾多上海菜，但呢間嘅環境比較好，嘢食都比較實惠。中午時間都充滿著上班族，因為附近係新蒲崗嘅 工廠區。選擇非常之多，相信最多人嚟到都要揀小籠包食，因為佢嘅小籠包即叫即蒸m望落去非常之吸引。我就選擇咗擔擔麵，味道非常之濃郁，朋友覺得佢嘅排骨菜飯亦都好好食，亦都好大份

喺尖沙咀行下街，行到呢間佐敦嘅日本餐廳，見到外面都幾靚就想試下，入到去都幾多位，以為會好爆滿m因為嗰日係星期六，叫咗牛肉set同埋壽司，壽司都幾新鮮，整得都幾精緻飽滿。牛肉食落都好爽口，好新鮮。 最後仲送埋糯米糍，好飽滿嘅一餐！