喜歡裡米線

營業中

休息中

放工同朋友去了大角咀開飯，今次幫襯下這間街坊小店 - 喜欢裡米線，店名非常特別，但主要都是以米線及小食為主，這裏的小食款式繁多，超過三十款。兩個人叫了一碗薯粉及三個小食，都非常夠飽。牛丸雲吞熱拌薯粉要了BB辣，入口就唔算辣，有些酸菜、肉醬及花生等，薯粉煙韌有咬口，加上酸菜很開胃，不過醬汁略少，雲吞大大隻蝦肉，十分爽口。滷味三拼雞腎有咬口，雞翼及滷蛋入味，份量足二人份。韮菜餃皮薄餡料足，餡料新鮮，餃子肉汁豐富。老醬牛肉牛𦟌炆得入味，一些炆得很腍，筋位就有咬口。小店用心製作，值得支持。

因為「喜歡裡」的小食多樣，而且跟我做運動的地方十分近，所以想來很久，就差了契機。而到今天晚上終於不用煮飯了，就決定在劇烈運動後去吃大餐! 從奧運站C1出口走至店約5分鐘，店子易找，名牌黑底黃字。是次選了加入五餸的雲南酸辣小鍋米線和小吃老醬牛肉。在叫了少米線下，這樣點菜，一人份量正好啊! 我吃粉麵比較忌諱湯底、醬汁重口味致口渴; 而吃過在這裡點的食物，我都沒有這種感覺，加上食物選擇多，不論是想叫較健康食材或較肥膩的都有，當天老闆還笑說菜單上有為客人搭配好的選項，擺得好看又不用費神，真不錯啊！-雲南酸辣小鍋米線 $23 (加餸:各$6黑木耳絲、菜心、糖心蛋、$8豬膶、$10韭菜餃)相片中是少米線，只有BB辣，湯偏酸多點點，辣是沒有麻的感覺，就合我口味。菜心灼得嫩，不是一般吃到的較生硬; 黑木耳絲是我每次吃米線必叫，增加爽口感; 豬潤有點點起沙效果，完全不會腥；糖心蛋的蛋黃口感偏蓉; 每隻韭菜餃約正常半個拳頭大，餡有誠意，醃過的豬肉肥瘦適中，明顯是自家製，皮也沒有一般店有的澀味，如有肚量，我會多單叫一碟餃子呢！說一說湯的固有配菜，也是湯底功臣，竟然包括新鮮豬肉碎，所以有肉湯的甜味啊！最後才吃

🍴麻辣小鍋米線 HK$23、糖心蛋 HK$6、豬膶 HK$8、鮮蝦雲吞 HK$8、牛腩 HK$10本身鍾意食辣，叫左中辣，湯底唔會死鹹，不過麻香同辣勁就爭少少。米線唔會腍得滯。糖心蛋熟左d，豬膶爽脆，雲吞餡調味不錯，肉彈蝦爽，牛腩都幾彈牙。🍴麻辣小鍋薯粉 HK$23、鯪魚蓉 HK$7、豬膶 HK$8、鮮牛肉 HK$10朋友都係嗜辣之人，都係覺得中辣唔夠喉。薯粉幾滑，但再煙韌d更好。鯪魚蓉甜夾滑。鮮牛肉夠腍，唔會醃到無晒肉味。🍴麻辣單山大雞翼（三隻） HK$21脆皮鬆脆乾身，表面滿佈粒粒，脆得更有層次，雞肉嫩滑，用左黃薑粉吊味，不過表面嘅麻辣粉就無乜味，浪費左咁正嘅脆皮。🍴醉雞 HK$30酒味唔會太搶，易入口，微微酒香加上雞肉鹹香確係令人回味，雞肉幾嫩滑。🍴老醬牛肉 HK$38老闆話老醬用左多種香料煮成，食得出底味算濃郁，但就硬係爭少少唔夠突出，牛展口感偏結實，唔算好硬，不過我就較鍾意肉同筋都軟腍嘅煮法。配料款式眾多，而且製作有誠意，唔似一般車仔粉麵店咁煮熟就算。📍喜欢裡米線大角咀晏架街42A號地舗

大角咀不嬲都特別多隱世小店，今日經過嘅時候因為落大雨，就入咗去呢間米線鋪食，講真佢嘅門面真係一啲都唔吸引，但點知冇中伏不特止仲要覺得好值得推介！😘😘蠔王北菇花膠米線（ $51）一上枱嘅時候，心諗使唔使咁足料啊🤣🤣雖然我叫咗小米線，但係花菇同埋花膠全部掩蓋晒啲米線，佢個菇炆得超入味！唔係講笑，我到第二日仲回味緊🤤🤤花膠size都好大，又厚身，而佢個湯係冇加味精嘅，超好飲，我最尾係飲晒架🤣🤣性價比好高😋雲南酸辣小窩米線（ $23起）要特別講吓佢嘅米線配料，有幾隻都係店家自制嘅獨有配料😎我哋就試咗老醬牛肉、韭菜餃同豬潤，老醬牛肉煮得好淋，同平時牛展唔同，醃料又好味😋韭菜餃都係店家自己包嘅，好有屋企嘅感覺，因為包得超大隻🥟😂😂豬潤煮得啱啱好，因為我自己鍾意食入口即溶嘅感覺，而佢哋都做到唔會好硬👍🏻湯底我哋叫咗小辣，但佢嘅辣都比出邊嘅低啲，鍾意食辣嘅要叫高一度🌶🌶麻辣單山大雞翼（ $21三隻）名副其實隻雞翼真係超大，外面嘅炸皮好特別，超脆口，上面沈左啲麻辣粉一齊食感覺好似食緊薯片咁😙🍖香辣魷魚（ $30）魷魚爽口易咬唔硬🦑調味汁覺得可以再濃味啲啲，佢哋嘅特色小食總共有成30款，啱晒啲乜都想試吓嘅

今日跟朋友在大角嘴交收完，兜下附近有什麼好西吃，行到新九龍廣場附近的橫街被一間門口貼了舌尖上的味道post 吸引了，原來是一間米線的小店，就決定這間吧！小店雖小，但座位夠寛躺，不會感覺擠迫！裝修簡潔衞生，老闆很熱情的招待👍🏻雖然我入座的時候，店內很多客人☺️雖然喜欢裡是吃米線，但其實有好多其他款的小吃...配米線的餸又很多選擇⋯⋯亦有湯飯...真係要來多幾次才可試哂吖🤭為了可以吃多一點的小食，決定2人一碗米線😆😆雲南酸辣小鍋米線（中辣）..以為會跟其他哥的一樣，但原來不是，湯底真心正，酸中帶辣真的很開胃，亦不會太重味精👍🏻老醬牛肉，原來是牛展，口感夠軟亦很入味👍🏻蜆蚧鯪魚球，即叫即做..上枱熱辣辣和是用100%鯪魚肉製告，現在很少了...配上蜆蚧汁！👍🏻自家手工韭菜餃，真係估不到是咁大隻，肉和韭菜的比例剛好👍🏻 很夠咬感和夠肉汁🤤$30/5 隻，以這種size 算抵食!麻辣雞，香味濃郁，麻和辣的味道剛剛好，我朋友不吃辣的也能吃👍🏻

位於大角咀既呢一間車仔麵店, 門口就已經見到佢除左車仔麵之外仲有好多唔同既小食可以揀一入到去就見到係好乾淨既環境, 點左碗車仔麵食雲南酸辣米線 牛肚, 魷魚, 牛腩, 溏心蛋我點左既係中辣, 而佢既辣係幾香口, 完全冇味精既味道D餸真係超足料, 而且係好味的牛腩好厚肉而且唔打ja, 夠哂入味魷魚好爽口彈牙單山大雞翼好大的一隻雞翼, 聽個名幾特別, 特登叫黎試下好香口而且帶一點少辣, 味道不錯蠔皇花膠超足料的花膠!! 養顏一流!!

下午天氣悶熱，小妹沒什麼飯隱又想點惹野味辣菜使勁一下於是到大角咀《喜歡裡米線》了 環境潔淨，燈火通明。明顯地時常清潔 👍🏻 牆上鋪滿了各重美食圖片使小妹🤤了😂這裡有多種小食配米線，有辣有不辣，重口味有福了 麻辣小鍋米線 HKD 23 湯底屬微辣，套餐已內有鮮肉碎、芽菜、韭菜、蔥花、腐竹食材。 加HKD 6 - 10 還可添加小食而小妹選擇了鯪魚溶、豆卜、豬頸肉豆卜全熟透，不會呈乾如柴。 豬頸肉肉質腍而入味。鯪魚溶足料，不會像擦膠搬口感而且沒留下細小魚骨！ 自家手工菜肉餃 （5隻）HKD 30 、自家手工韭菜餃 (5隻）HKD 30從出食物的位置偷看了老闆由包餃子🥟到烹調很窩心。 餃子皮簿，內有很多料 老醬牛肉 HKD 38 未開動已感到好入味，但不會過於濃烈。蜆介鯪魚球 HKD 38 大大粒還炸得乾身也沒油呈碟底！明顯油不是返用再返用。 配合上牆汁味道更佳又彈牙！麻辣豬大腸 HKD 30屬微辣又入味！ 跟餐凍檸茶 HKD 6 操流利純正廣東話的老闆由樓面到廚房都負責，仍精力充沛，感覺很沉實。 還分享育成愛辣之路💪🏻💪🏻

位於大角咀, 地理位置方便, 其實一出地鐵站行5分鐘就到~menu咁多野食,  真係花多眼亂啊, 所以佢地有兩款, 一款係全自選米線, 一款係For懶人之選(已配搭好既種類), 連湯底都好幾種, 搞到我地心大心細最後叫左一個酸麻辣小鍋米線 ($23), 加左菜, 金茹, 炸魚片同豬頸肉, 湯底香到不得了, 濃郁得黎又有麻味的後勁, 叫左中辣, 但完全唔係辣到食唔到, 而係愈吃愈上癮! 配料都樣樣齊, 而且份量剛好~ 再叫左一個雲南小鍋米線, 配料好多, 所以只係叫左木耳絲, 豬腸, 只係叫左BB辣, 唔太辣既湯底都唔會唔夠味, 反而好有湯既鮮味~豬腸好好食, 而且好乾淨淨係米線點會夠喉, 最後仲叫左個鯪魚球, 簡直係今餐既亮點, 鯪魚球食落膠質極豐富, 而且外皮炸得香脆, 真係好耐無食過咁高質既魚肉啦> <單山麻辣雞翼, 淨係睇名未知佢名堂, 點知一黎到, 十分架勢既外表, 鬆脆既炸皮, 陣陣香料味, 混合埋有D咖哩味, 好特別既味道~仲有凍O茶同豆漿~

今日跟朋友仔睇完郭富城同楊千華做嘅「麥路人」，之後朋友說呢間「喜歡裡」嘅米線好食，咁我哋便過去幫襯下先。店鋪簡樸帶有人情味，可能我地食嘅時間早，客人不多，故老闆都有介紹一下食物，如餃子，雲吞、滷水豬肉、鹹豬肉、口水雞同埋醉雞....都是自家製造。我點了一碗酸麻辣米線🍜，配滷水豬肉、雲吞、蘿蔔、鯪魚肉、黑木耳絲&糖心蛋。首先個湯真心好味，我叫小辣又可以滿足到我想食小小辣嘅心態，味道調教剛剛好，好味過連鎖店的很多啊！雲吞足料、蘿白入味，湯都飲晒😋朋友點了一碗沙爹汁薯粉，配鯪魚肉, 蘿蔔、韮菜餃、鹵水雞翼、菠菜、水晶魚丸。朋友說蘿蔔好夠淋、韮菜餃好足料、魚丸同鯪魚都彈牙👍小食就點了醉雞&北菇蠔皇花膠2樣食物都很入味，醉雞雞肉嫩酒味夠。花膠份量多妏得夠淋，而且大大片的，很多骨膠源😍小店用心制作，食物款式多，支持☺️👍

鍾意食米線既朋友有福了，今日來開大角嘴，見到一間米線館叫喜歡里米線，就膽粗粗入去試下呢度既米線，當係食個便飯。呢度雖然裝潢簡單，但都見到好多附近的鄰居特登來呢度食野同叫外賣，見到老闆好熱情的同街坊有傾有講，感覺到好多食客都係熟客同埋成日來呢度食。這裡有好多款式的米線可以選擇，唔想唸既可以揀餐，想試多d唔同款既可以自己tick ,我同朋友都揀左麻辣小鍋米線，他的配菜揀左紫菜，鮮肉雲吞，牛腩。而我的配菜就揀左蘿蔔，鹹蛋，菠菜，老醬牛肉，菜肉餃，韭菜餃（好貪吃咩都想試），特別這裡的菜肉餃，韭菜水餃同埋雲吞都係自己親自包的，特別大粒多肉夠口感，最緊要係新鮮，又皮薄多汁。麻辣小鍋米線的湯底也是恰到好處，麻麻地辣辣地點個小辣剛剛好，唔夠再加又得。除了米線，呢度仲有好多款小吃可以選擇，而且都係平民價得來又好味，我們點了熱賣的柱侯崩沙牛腩，白灼薑蔥豬潤，麻辣雞。首先說這個崩沙牛腩是味道夠香夠口感，牛腩也夠彈牙完全是食吃正宗崩沙牛腩的口感。我平時唔多食豬潤，但這個薑蔥豬潤做得非常出色，味道夠香夠易入口，豬潤更是彈牙爽口唔會太漏，我都忍唔住食左幾塊，麻辣雞是凍食的，少少麻麻辣辣，口感嫩滑，送米線剛剛好。呢

#經濟扺食大角咀米線店-我鍾意食米線 貪佢配料選擇多 今日幫襯呢間專門店 小食款式同樣多 滷水油炸椒鹽涼拌麻辣等等 葷素兼備 價錢平 好多街坊捧場-🧆#香草雞翼三隻 ($21)鷄翼可以叫三隻或五隻 香草同麻辣兩種口味 自家調製醃料 即叫即炸 酥脆香口 -🐂#惹味牛尾 ($38)家常小店竟然做呢個心機小食 好難得 牛尾炆得軟腍 帶豐腴五香涵水味 價錢仲好經濟 -🥟#菜肉餃五隻 ($30)餃子係熱賣 隻隻肥大飽滿 瘦肉肥豬肉加爽口椰菜絲 皮薄餡靚 唔夠喉嘅話 推介食韭菜餃-🍜#三餸酸辣米線 ($43)米線配料超多選項 我揀咗滷水蛋🥚豬皮同炸魚片 酸辣湯底 BB辣🌶程度 惹味得嚟 唔會食到大汗淋漓-🥬#油菜 ($14）油菜走油 食得健康又放心-📍#喜歡裡米線大角咀晏架街42A號地舖

黎大角嘴買完野諗住周圍行下搵下食咩晚餐，依間小店個位就唔係係啲好熱鬧嘅大街到，不過睇落都幾寬敞，所以就入去試下。今晚黎到已經8點幾，加埋有限聚令，唔算太多客人，老闆好熱情，同我地推薦左邊啲野食係自家制、邊啲野食多人試、邊啲野外面少見啲咁，不過以米線黎講佢都真係有好多餸比你揀，甚至多到有啲難揀，所以老闆都好貼心，有一張係已經set好左嘅組合比你選擇。今次叫左兩碗酸辣米線，bb辣，我覺得如果平時都食到辣，可以試叫小辣，bb辣就淡味少少，餸方面叫左幾樣特別啲嘅係老醬牛肉、雲吞、滷水雞翼同豆腐食多左個小食～蜆蚧鯪魚球，個表面炸到脆卜卜，好香口，味道唔錯大家黎開附近都可以黎試下，聽老闆推薦嘅野食都唔錯架！

小妹一直係米線控，外出一定選米線，朋友住附近話一定要食依間小店，因為佢話米線出色，但小食都好食到停唔到口！ 我柯打咗老醬牛肉，鹵水雞腎，菜肉餃小辣麻辣米缐，朋友叫咗韮菜餃BB辣薯粉另外，柯打咗香草雞翼3隻，蜆介鯪魚球，冬菇花膠，凍檸賓加檸樂，2個女仔食咁多，太過份！我哋嘅麻辣米線，色香味俱全，每碗都有秘製肉碎，芽菜，韭菜加腐竹，麻香嘆鼻，湯頭香濃，我哋互相交換配料一試，人手包韭菜餃不只大粒到成隻匙羹咁大隻，菜肉比例一流，但我倆更愛菜肉餃，較清甜,爽口同爆汁，一問老闆原來係用椰菜包一定要大力推介！小食更正，香草雞翼的炸漿好特別，似爆谷加雞翼，脆卜卜又好入味蜆介鯪魚球十分彈牙，濃厚的魚肉味，不似一般的只有粉味欠魚味冬菇花膠炆得好入味同冧滑，食完好似食咗好多骨膠原落肚我倆食得好飽好滿足，仲冇食完味精好口渴嘅感覺，下次要再encore

大角咀喜歡裡米線環境設計簡約冇太特別既佈置特色，感覺平民化，呢度主打食米線同薯粉，有多款唔同既配料可以選擇，另外仲有小食，選擇都好多元化👍🏾✅酸辣薯粉配手打魚丸、豬頸肉、鮮蝦雲吞酸辣湯底我今次揀左bb辣，覺得湯底味道可以濃啲，但薯粉煙韌軟硬度適中，值得推介既鮮蝦雲吞，係老板自家製，蝦肉彈牙調味好，除左堂食仲可以買生既拎返屋企打邊爐😍豬頸肉用微辣既醬汁醃過，食落爽脆惹味✅沙嗲米線配老醬牛肉、菜肉餃、鹵水蛋對比酸辣湯底，呢個沙嗲湯底味道夠濃同惹味，米線幼滑，老醬牛肉係必試之選，牛肉薄切，吸哂所有鹵水醬汁夠哂入味👍🏾👍🏾菜肉餃同樣係自家製，餡料新鮮調味好😋✅滷水豆腐呢個豆腐個人好鐘意，做到外皮徵脆入面嫩滑，而且淋上老板秘製既滷水汁同少少辣粉，夠味而唔會乾😋🌟呢間米線睇落平平無奇，不過味道有啲少驚喜，值得推介既係老醬牛肉同自家製既鮮蝦雲吞同菜肉飯；老板仲特意整左啲配搭好既粉麵餐，有選擇困難症既話都唔洗驚，仲有好多小食既選擇，下次食米線又有多個選擇☺️

我今日去咗大角咀，唔想去大商場幫襯連鎖食店，專登行過富多來商場附近，支持下小店。果然隱世美食在民間！店面雖然平平無奇，但食物款式多樣化，老闆好主動同我哋推介招牌菜。果然冇介紹錯！我食麻辣湯底bb辣，啱晒我呢啲想過下口癮嘅人。bb麻辣湯底，麻辣得黎不太算刺激配料可以自選，老闆話佢自己包菜肉餃、韭菜餃、同埋自製滷水老味，叫我地要試吓。我同個朋友一個要韭菜餃，一個要咗菜肉餃同老醬牛肉、卥雞腎，一齊分享試多款。餃子多汁，尤其係菜肉餃，值得一試。隻餃子仲要同隻雞中翼一樣大，咪話吾落本卤味都好夠味老闆仲好貼心主動預備左碗仔同埋公筷俾我哋，注意衛生。疫情期實在太耐，難得放寬晚巿堂食令，心情都開心啲。我哋仲叫咗3個小食同特飲賀賀佢個蜆蚧鯪魚球彈牙，外層炸得香脆，食得出好重魚味，一啲都唔腥，雖然肉有少少細幼骨，我吾介意，因為我覺得呢啲先係真材實料，同一啲食店溝左好多粉漿落去嘅稔稔質地差好遠，抵讚另外叫咗個香草炸雞翼，都令我好驚喜。見到佢個脆粉漿有啲黃色點點，問老細係咩黎，佢竟然話我知佢秘方調配食落香脆，即使我吾係一上枱即食，微涼，都仲好脆，肉滑有汁，真係無得輸另外仲叫咗個冬菇花膠，真係冇諗過米線鋪會有花