佳佳甜品

營業中

休息中

想食傳統中式糖水一定會稔起佳佳甜品，未去到門口已經見到一大堆人企喺外面等位，當中大部分都係遊客。為左唔想等位我哋當然決定外賣買返屋企食😆門口已經貼左個QR code叫客人自行落單，呢個位就真係值得讚，好多時長龍店買外賣都會落錯單漏單等等，但係自己落單就可以避免發生呢啲情況。講返野食，當晚我哋叫咗一個楊枝甘露、一個核桃糊，雖然就貼住左連續幾年米芝連推薦，但我同朋友都認為味道認真好麻麻。而且份量呢亦都偏少（雖然價錢以而家嘅物價加上佢嘅名氣黎講算平）楊枝甘露$40、核桃糊$30（+$8 叫左湯圓）先講朋友嘅楊枝甘露，一打開個外賣碗大約得7-8成滿，味道無咩特別，佢就話最好味係啲西米比較煙靭。我當楊枝甘露唔算最傳統嘅甜品唔可以作準，但我呢個核桃糊（見圖）可以用「驚嚇」黎形容。味道比較淡之餘，質地好似食緊泡沫咁稀，如果呢個係米芝連水平我稔成班評審都要返去檢討下。

個人唔鍾意杰撻撻嘅芝麻糊，因為食幾啖就好膩，佳佳嘅芝麻糊稀稠程度適中，米漿同芝麻漿比例剛剛好，保留芝麻香氣之餘又唔會太膩，啱我口味😋 薑汁蕃薯嘅薑味超濃，因為特選老薑加上金黃蕃薯，亦係好味之選👍If you have a sweet tooth, you cannot miss Kaikai Dessert in Jordan HK. Black Sesame Paste and Ginger juice with Sweet Potato are the highest recommended items.

好耐以前曾經帶過外地朋友去試吓中式糖水，以前佳佳未有米芝蓮推介嘅年代，服務同糖水都還好，今時今日紅咗，所有嘢都唔同晒，無論糖水質素，員工服務態度，甚至連落order嘅程序都好唔 friendly！用QR code落咗單，仲要走埋去 cashier 埋咗張單先會出糖水，呢個流程令到坐閣樓上面嘅客走上走落，而且用信用卡找數，仲講明要收2% charge，食肆嚟講都真係第一次見😟！ 員工（包括樓面同 cashier 全部西口西面，態度好唔友善🙄）糖水品質方面，當日揀咗5個熱糖水，加2個凍甜品，或者因為我哋被安排要坐上閣，所有熱糖水上到枱都已經唔熱，只係得返微暖嘅溫度，味道亦無層次 😥總而言之，以後都唔會再幫襯，更加唔會介紹俾嚟香港旅遊嘅外國朋友！ #米芝蓮推介不可信系列

跟家人在旺角吃完晚飯後 散步到佐敦食糖水 去到見到門口好多人都想打退堂鼓但原來唔使等好耐就有位 不過食完就明白點解 其實佢糖水上得好快 大家好快就會食飽走人 所以佢返枱速度好快.現在佳佳已經係用QR code落單 不過比錢方法好少 好多人都要去返櫃位俾現金 .我們叫了5款糖水：寧波薑汁湯圓芝麻糊合桃露白果薏米腐竹芋茸蓮子西米露.湯圓係細粒嗰種 所以有好多粒 湯圓係好食嘅 薑汁糖水好夠薑😆 但係唔夠熱 個人覺得一大敗筆另外芝麻糊同合桃露都唔錯 感覺真係手工製作.總括嚟講如果去開附近都可以食 但如果要等好耐位就未必考慮了

琴晚買左佳佳甜品自取，去到係勁多人排隊，目測都有40個人。本身滿有期望，返到食只有失望。外賣盒好細，紅豆沙超水，椰汁西米露可以。差不多$40咁的質素，真系無下次了。而家賣的係人氣……

有無人好似我咁第一次幫襯佳佳😳聽足佢大名咁多年，連續九年獲米芝蓮推薦平日夜晚去幫襯多人到排到對面街🫨先用QR Code落單再出去比錢𓂅 芝麻糊湯丸 ᴴᴷᴰ 𝟹𝟻講真唔係好濃郁🫣 但非常順滑嘅芝麻糊少有地食過唔停口，勁快清曬～湯丸亦都幾細粒，印象唔係好深刻呢

佳佳甜品，由以前打孖的兩個舖位，都已經需要排隊，當時主打的都是傳統的中式品，成功都是因為用料十足，火候十足星期五的晚上 10 : 00 到達看見門外果然好多人排隊我是兩位，大約等咗半個小時便有枱，他們返枱率都幾快，入去需要同其他客人一齊坐，這個都冇所謂，最緊要好味今晚點了：合桃糊加番薯，仍舊水準，沒有失望同時點了紅豆沙溝芝麻湖，仍然感覺到紅豆沙那種起沙的感覺所以至今仍然那麼多人喜歡，最主要都是堅持到那份高質素的水準

佐敦 📌 【 佳佳甜品 】佐敦佐敦寧波街29號地舖印象中十幾年前喺佐敦返工，已經有【 佳佳甜品 】呢一間中式糖水舖。佢嘅選擇都有好多，綠豆沙、腐竹蛋、芝麻糊、合桃露、薑汁湯圓......etc 每一款糖水其實都好有質素，性價比高，記得以前大概 $20 蚊左右一碗，當然而家都加咗價，但在這個世代，算是很相宜 。【 佳佳甜品 】位於佐敦的老店，曾經搬三次。擁有接近四十年歷史，並無其他分店，本身佢就係一間小店，之後原區擴張就搬咗而家嘅地址，分上下兩層，由於太多人慕名而來，成日都見到排隊嘅人龍，人頭湧湧，所以而家我都係買外賣多。Crazy 真的很誇張耶 🤍 寧波薑汁湯圓 $26又咁講，論價錢，【 佳佳 】真係好抵食，論質素又真係好好，而我最鍾意就係佢個薑汁湯圓，以我縱橫咗糖水界咁多年，我都相信佢嘅薑汁湯圓係全香港最好味嘅。佢個薑汁係自家秘製，一定係足料烹調至可以咁入味，真係好薑辣；而芝麻湯圓又係自家製，湯圓皮係好很薄很軟糯，咬著QQ的，而芝麻餡料係唔會死甜，仲要係一碗有好多粒，性價比超高 🤍🖤🖤 芝麻糊 $27至於芝麻糊，【 佳佳 】芝麻糊本身芝麻味係好香濃，質感係絲滑； 不過個人口味就覺得

每次經過佐敦，都會去佳佳食甜品，但相信今次是最後一次了……入到去，要用手機落單，我唔想，用職員手機落，之後叫我去比錢，駛唔駛呀咁急？ 都未食落肚，橙都未坐好……唉…… 想當年話比人加租迫遷， 點點點……今時今日，佢又係咁商業……我應該唔會再去食， 食得傷心

食物質素唔多好都算，感覺最差是完全無服務！用QR code自己下單，最緊張是幾多位，有冇合乎$20一位最低消費要求⋯Order完之後櫃檯收銀只係催促你快啲俾錢，感覺當食客是賊！可能真係好多人食完鬆，所以不停催促俾錢？攪到食個糖水都如坐針氈！😰

米芝蓮指南街頭推介小食—佳佳甜品好似好勁就去試吓，去到好多人排隊嚇親我，其實都係啲傳統中式甜品無諗過會有咁多人排隊，可能佢係米芝蓮推介所以吸引啲人來食！我等咗大概半個鐘到就入到去啦！環境地方都乾淨，人流太多需要搭枱點咗出名嘅芝麻糊 + 芝麻湯圓仲有寧波薑汁湯圓，薑味好濃夠重夠辣，見到湯底比較濃，都知足料！係比出面普通一般甜品舖好食，但如果每次都要等咁耐先至食到，我唔會願意等！😂

合桃露偷工減料，只有係得個甜，冇合桃味。蕃薯糖水 d 蕃薯食到成口渣，老到乜咁，我求其喺超市買袋蕃薯都靚過佢。。。服務太度差都極點，對客人呼呼喝喝，一副高高在上嘅態度。。。憑乜呢？？ 就係憑所謂嘅曾幾何時嘅米芝蓮？？

係叫咗個芝麻糊同埋芝麻糊湯圓個表面唔寫任何嘅嘢點去分成兜黑色仲要係勁深色勁傑嘅點去搵叫我自己去嗰碗芝麻糊嗰度搞有啲人鍾意搞人啲野正常有兩樣同樣嘅嘢應該會mark低完全冇責任同冇責任心嚴重推卸責任咁樣講員工:你冇叫我mark低正常嘅嘢同樣都會mark低我嗰下o咗自從佢裝修過之後其實水準食物質素都偏低依家仲要加冇禮貌之前食薑汁湯圓個薑汁辣到苦水準即係完全保留唔到以前嘅仲要依家入qr code驗嗰啲員工係冇禮貌去幫助個客人好似事不關己

佳佳甜品應該冇香港人未聽過～傳統中式糖水老字號！∝花生糯米麥米粥✨ （$26）我最愛嘅中式糖水！麥米粥！鍾意佢好有嚼口！通常我都會+$8要埋3粒湯圓，基本上一個月最少食一次呢碗糖水🤣 佳佳嘅麥米粥味道嚟講唔係真係好出眾，但就真係好足料👍🏻，佢就係一碗 好食嘅麥米粥！∝芝麻糊拼核桃露 ($29)朋友叫呢碗就相對比較出色～口感順滑！而且好香好夾，平時唔會特登叫核桃露嘅我都忍唔住食咗幾啖₍՞ . ̫ . ՞₎∝白果薏米腐竹 ($26)薏米腐竹糖水係我另一至愛～但我唔食白果所以去佳佳通常唔會叫，除非嗰日真係好想食腐竹薏米🤓佢嘅腐竹薏米都好食，但我就覺得有啲偏甜偏稀～不過都係個人口味🤌🏻當晚12點先去到，可能因為星期五晚門口大排長龍，好彩等10分鐘左右就可以入座，裝修之後位置多咗果然唔同啲～但傳統中式糖水嚟講我認為仲有好多其他選擇，唔一定因為佢係米芝蓮就一定要食佳佳～∝🪟 佳佳甜品 (佐敦)佐敦寧波街29號地舖🏷️#chubby_mongkok #chubby_hk⇢𝐅𝐨𝐥𝐥𝐨𝐰 𝐢𝐧𝐬𝐭𝐚𝐠𝐫𝐚𝐦: 𝐜𝐡𝐮𝐛𝐛𝐲𝐝𝐢𝐚𝐫𝐲𝐲𝐲

被人吹捧，排長龍就可以無視顧客嗎？無人跟我講要用QR code下單，要問先講，枱上面無指示及指引。堂食原來又要先到櫃面付款才正式完成下單，個app 又無講。痴痴等了幾分鐘。遲來的人都食完，再問之下原來程序未做完。真心唔明，點解唔寫得清清楚楚？或者一坐低就跟我講，夥計態度差劣，冇指示，反而話我唔知道咩？！一肚氣！😡