佳佳甜品

營業中

休息中

同老婆行經附近 咁啱又想搵啲野食但又唔好咁飽 老婆就建議去食間米之蓮嘅糖水去到門口已經見到要排隊啦 一路排都聽到排緊隊嘅好多都係講普通話嘅 應該都係遊客專門搵出名嘅野試 我諗應該都會好好食嘅門口入邊已經見到好多年都榮獲米知蓮推介一睇都知勁野😂餐廳內一眼就望見好出眾嘅手畫餐牌我同老婆就叫咗芝麻糊同埋芋茸蓮子西米露芝麻糊食落真係好香 唔太甜 幾正👍🏻西米露就好香芋頭味 西米粒粒分明👍🏻兩碗都唔錯 下次順路都會考慮再黎食

連續數年獲得米芝蓮的這家港式舊式中式糖水實在不容忽視，原來已有𝟒𝟎年歷史的老字號了👍🏻當天來到已經排滿外面兩家店舖，等候需時呢！比較凍吃糖水，步入廿中的小編鍾愛熱食各式糖水，感覺味道更出呢。 ——— ✤ 核桃露併杏仁露｜$𝟐𝟗 店家用上雲南合桃，味濃富有層次感，熬煮烹調的過程必須謹慎小心，隨時要看緊火候，一有微焦就要重新再煮；杏仁露熱食更滋味，白滑細緻，杏仁味香濃無比😋兩者搭配口感香濃幼滑，味道溫醇。 ✤ 白果薏米腐竹｜$𝟐𝟔 這款叫了凍吃，質地輕盈綿密𝐜𝐫𝐞𝐚𝐦𝐲。 -✤ 芝麻糊｜$𝟐𝟕 (+$𝟖湯圓𝟑粒)傳統糖水中其中一樣必試的一定是這個石磨芝麻糊，以炒香的黑芝麻磨至細滑， 帶濃醇芝麻香，味濃質稠香滑，推薦一定要加配軟綿綿流沙寧波湯丸，手搓湯圓皮薄煙韌，流沙芝麻餡很是香口！

食完晚飯朋友話想食糖水，帶咗我去呢間糖水舖，見到舖頭大排長龍，真係覺得好誇張，排咗大約半個鐘先入去，見到入面攞滿獎，真係多到好誇張🦥冰糖燉木瓜呢款甜品味道清甜，糖水甜而不膩，果然名不虛傳👍🏻已經諗緊幾時再食第二次⋯🦥濃薑蕃薯糖水蕃薯份量唔算好多，比起平時食開嘅蕃薯糖水辣好多，未必個個啱口味🦥寧波薑汁湯圓皮薄餡靚，呢個湯圓真係一定一定點☺️實在太好食，我地叫咗一碗share食再額外每碗加三粒😆散叫無咁抵，建議叫糖水再加湯圓，性價比較高呢度嘅糖水價錢相對市價平，而且又好好味，難怪日日大排長龍👍🏻👍🏻👍🏻🌲🌲🌲🌲🌲🌲🌲🌲🌴只想懶住食、懶住玩、歡迎餵食🌴💤🦥得閒就Follow吓，不過懶得Follow翻你🦥💤 佳佳甜品 (佐敦)佐敦寧波街29號地舖

之前喺附近食完糖水，經過見到超多人排隊，就決定下次要嚟食😂呢晚9點2左右到，前面已經超過20人排緊隊，好彩條隊都算郁得快，排咗5個字左右就入得啦～～入到去快快叫咗3款凍嘅中式糖水試咗先～🥄芝麻糊 $27好幼滑，好香芝麻味，好順口好容易就食晒一碗😋🥄核桃露 $29好似係第一次食核桃露，又係好幼滑潤喉，而且唔甜，好好飲！🥄蓮子紅豆沙 $26紅豆沙唔太甜，有幾粒蓮子，如果再起沙啲會更好食！2個人食晒3碗唔夠喉，再叫多碗熱嘅芝麻糊😂熱嘅濃稠少少，表面起咗一浸芝麻糊衣咁，好濃郁好暖胃。平少好少食中式糖水，佳佳連續6年拎咗米之蓮推介，果然係好好食！而且唔使排好耐，下次經過附近會再食😋

Lv99 的傳統糖水，絕對無得輸!講真，服務就真係冇咩 架啦！人地咁忙，落單都算快，靚，正。份量就真係細碗左D! 味道!? 咪玩啦～ 食過嘅人都知好味啦......全部傳統系列都好好味，不太甜，易入口。記得揾多2，3個人去食，share! 試多幾種唔同糖水!至於打卡位.....唔多，但有室內裝修都算有傳統特色嘅~連續咁多年米芝蓮都推薦喎，事出必有因!

喺附近食完晏，順路嚟買糖水下晝食，試咗核桃露、杏仁露同芝麻糊核桃露核桃味重，好香濃，滑得嚟起沙杏仁露好香杏仁味，滑得嚟口感厚厚地芝麻糊亦都好香濃同滑幾款糖水都唔會有太甜，幾好食，份量多少少就再好啲

今日同朋友黎佐敦食野之後諗住食個糖水吹下水然後朋友介紹左佳佳甜品話呢間係食中式甜品咁岩就係想食熱野暖下胃 正！黎到見到條人龍其實都想走但比個fd說服左留係度等多陣試完都真係冇後悔既🫣🫣🔸冰糖燉木瓜超冰涼，好清爽，唔會超甜，滋潤感港港🔸紅豆沙加湯圓紅豆沙夠沙，最鐘意紅豆沙呢個口感，重加埋湯圓好飽！湯圓都好好食😜🍀總結如太夜過黎既朋友要預左等一段時間 但其實朋友傾下計時間會過得比較快嘅🫣但係我覺得值得等嘅😘

週末同朋友食完打冷嘢感覺意猶未盡 由油麻地行到去佐敦呢一間比較出名嘅傳統糖水店 一去到門口嘅時候有畀佢嚇親因為見到一條好長嘅人龍排隊等食糖水好彩都唔使等好耐就可以入去坐定食嘢點咗呢度最出名嘅 濃薑蕃薯糖水+ 芝麻湯圓27蚊加八蚊薑味非常濃郁 每飲一啖 都feel到辣辣哋如果冬天飲真係 非常暖胃而且糖水甜度適中番薯亦都好甜 好好食 無煲到好爛最後講下嗰三粒湯圓好細粒 不過好好食湯圓表面好滑 食落去芝麻味都好出雖然食打冷都已經好飽 但係呢碗糖水 絕對可以落喺我另一個胃

呢間係個friend介紹，食完飯唔係唔食埋個糖水啊嘛。一去到無諗過條隊長到啊媽都唔認得，排到過3間鋪位。可能因為而家開翻關嘅緣故所以咁多人。佢地個芝麻糊係幾出名但我朋友佢話令一個仲有驚喜，仲用人不可以貌相黎形容。就係芋茸蓮子西米露（凍）。佢個香芋味好濃，同埋好滑，食甜品成日都會好驚佢好甜，但佢呢個又唔會，幾好，而且唔係好貴，性價比高

喺今時今日嘅香港想搵一間有水準嘅糖水舖都唔係一件容易嘅事，今日終於比我遇到，成日都聽人講佐敦嘅佳佳甜品好好味，我仲以為又係啲浪得虛名嘅甜品舖啦，終於今日有機會去探一探佢嘅虛實，可能因為係中午嘅關係啦，所以人龍都唔係好多，只有兩三個人排緊隊，所以很快都已經可以入座。我哋就叫咗熱芝麻糊加湯圓。我真係要讚一讚佳佳甜品，佢哋嘅芝麻糊真係真係做得非常之好，坊間有好多嘅芝麻糊都係好似芝麻水，但係佳佳嘅芝麻糊不單止有芝麻味，甜度適中，並不是死甜，重點係芝麻糊而唔係芝麻水。個湯圓好煙韌亦都有好香嘅芝麻味。真係值會票價。

I was surprised that the queue started at 4:30pm ish!!! Glad that we got the seats in 10 minsBlack sesame soup from Kai Kai is the best in town and is my all time favorite.Super smooth, the sesame was nicely roasted, fragrant and flavorful. This is the sesame soup definitely not made from instant powder, but has been grinded many times in order to get that smooth texture.

排隊都值得食今次再試另一款糖水1️⃣芝麻糊拼核桃糊真係好香濃口感好滑,2款嘅味道好分明咁食得出😍🤩芝麻糊係家傳石磨的,所以係特別香同好味👍🏻💰HKD$292️⃣白果薏米腐竹蛋糖水唔係講笑,我真係次次黎都要食,全港NO.1 ,冇人超越到. 食一次你就明.又多料又幼滑勁香😋😋💰HKD$29重點係佢咁好食,價錢都係咁親民,值得日日長龍

超級多人排隊，平日9點到都要排15-20分鐘，仲有好多人叫外賣。落單快，上糖水快，食完都會走，所以人龍去得好快。*芝麻糊拼核桃露 $29好好食！順滑、香濃，而且唔會太甜，無論係芝麻、核桃都好好食，揀唔落手，就要叫雙拼。*冰糖燉木瓜 $28用冰糖係比較甜，但絕對係滋陰潤肺好選擇！椰香紫米露 $32紫米露唔會甜，主要係紫米甜味，西米大粒到好似小丸子咁，而且有粟米粒，極多口感。椰汁花奶份量唔多，我鍾意多啲椰汁！

係傳統既味道呀，想食中式糖水一定會諗起佢😄😄(10分為滿分：🌕）味道：🌕🌕🌕🌕🌕🌕🌕🌖🌑🌑濃薑蕃薯糖水($26)呢到既蕃薯糖水完全冇違反商品條例，因為佢啲薑味真係濃到佢認第二，無人敢認第一😂😂一上枱金黃既蕃薯🍠加埋噴曬煙已經好吸引，一飲第一啖直情薑到我叫左出黎😂真係未食過咁薑既糖水🙈🙈冬天食暖身一流，食完都覺得好似好養生咁🤭不過食到中間已經愈食愈辣，最後都係食唔曬😂😂同埋啲蕃薯有幾舊唔夠lum，扣左啲啲分🥲芋茸蓮子西米露($26)呢個都係好多人叫既一款，仲要比我留意到當日叫既咁岩清一色都係男士😂😂女士就食芝麻糊/蕃薯糖水多😛😛呢個有驚喜，佢既芋茸超綿滑，又好重芋頭味，覺得好真才實料既感覺，不過都煲得好好，如果有啲芋頭粒粒口感會仲正🤭🤭價錢：🌕🌕🌕🌕🌕🌕🌕🌕🌑🌑上次食過尖沙咀個間開心果露要$48，用呢個價錢係呢到就可以食到2碗😂😂同埋每碗糖水都好大碗，夠足料，呢間價錢完全係抵食🤭🤭交通：🌕🌕🌕🌕🌕🌕🌕🌕🌑🌑係佐敦啲橫街入面，唔算好入，都近大馬路，所以都好方便同易搵，巴士地鐵都勁易去到，泊車就唔好諗喇😂😂附近又多餐廳，最岩食完晚餐再嘆多碗糖水先返屋企🫣🤩🤭環境：🌕🌕🌕🌕🌕🌕🌕🌕🌑🌑呢間鋪頭

次次如果柯士甸食完正餐我會好似地鐵報站咁喺個心諗*The next station is 佳佳🤣❇️合桃杏仁露$28係我既必點🤓香滑濃 無起沙，依個真係整得好，試過出面食好明顯係開粉既杏仁露🥸❇️蓮子紅豆沙$25係友情客串🤭試左啖係甜度適中既糖水，但好boring 無咩好點評😝❇️芝麻合桃露$28+$7 (加3粒黑芝麻湯圓）好似比其他糖水賣相靚啲🫶🏻💖好食😋糖水界既水墨畫定係中式拉花？🤣whatever 下次要試其他野先得✨