亞萊嘜嘜 (已結業)

呢間之前食過水準好好，今次再去食就發現今非昔比。先苦後甜，讚左間餐廳好食既野食先。生蝦刺身新鮮厚肉，醬汁酸辣開胃。蒜蓉包外脆內鬚軟，蒜香味夠濃夠出。青咖哩真係好令人失望，醬汁味淡，冇咖哩香味，質感稀如水，雞肉本身又冇乜味，整體而言唔討好。串燒正常發揮，醬汁可以再多d花生香，肉都係普普通通，肉質唔會太老，燒得都算香。菠蘿炒飯同樣係正常發揮，冇乜特別，不過海鮮份量都算多，飯底有適量咸香味。馬拉棧炒椰菜苗係全餐入面，發揮得最好既一道菜，火候十足，有咸鮮味，而且質感爽脆，體驗唔錯。另外兩樣食泰國菜必點既招牌菜都同樣令人唔係咁滿足。冬蔭公湯味道唔多酸，香茅味亦唔出，味道冇之前食過既咁濃，不過要讚一讚既係海鮮都幾肥美，大蝦厚肉彈牙，又有蝦膏，都幾好味。至於個生菜包都係一樣，唔太辣又唔酸，連香料味同咸味都好薄弱。總括而言，間餐廳的確冇以前咁出色，不過味道其實都係唔錯既，只係對比下就以往食得比較滿足。環境同服務都係一流，氣氛唔錯。

端午節放假 本身plan左去食花xx但去到無開門 好可惜 下次要再晏d去之後再睇下食咩最後揀左食泰國野入到去staff 就會幫你探熱啦之後就帶你埋位 斟水甘睇住個menu 樣樣野都好正 好想食不過得2個人 真係要睇住黎叫 唔好浪費我個人覺得黃薑飯 個飯麻麻地佢薑未唔重 無其他店個d食到小小薑味 但個色又唔算偏黃 只能講油飯 無咩味既飯雞鞋鞋地 可能俾左d位係鞋位 但啖啖都係肉肉 點個薑汁 正 豬手好嫩滑 唔算好肥 有個汁點 酸酸地 開胃夏天好熱 食反個冷盤好開胃 酸辣汁 好正 睇到都流口水🤤鳳爪好爽口 我中意夾埋d芹菜蕃茄仔一齊食 口感更清新 一黎到 好香 砌到成舊磚 金黃色熱熱地 外脆內軟 蒜香既味道唔重 基本上食唔出好似食緊奶油包牛肉大大舊 個沙嗲醬有d花生粒 令我諗起以前小販檔個姐姐講翻個牛肉先 佢燒得好味 又唔會過火中間都係帶有粉嫩既肉重點唔會硬 有d軟唔會咬到口攰食埋個甜品講起有d火火地明明落單個陣都話一齊上點知食完所有野佢都未上甘好啦 我就叫下個staff話上個糯米飯點知個staff 講好完算 全程忙自己既野 完全無理之後 我再等多一陣 再同第二位staff 講話如果個糯米

我真係成日都會同朋友屋企人食呢間泰國野～哈哈！因為真係好岩我地口味！屋企人都成日叫我同佢去食！我地必食既會有咖喱軟殼蟹，蒜蓉包，豬頸肉。同埋甜品會叫佢地既拼盤，甘就兩種糕都食哂😍😍😍😍😍咖喱軟殼蟹係甜甜既口味，吾會辣！岩哂老人家同小朋友食👍 而且冇殼勁方便，我好多地方食都會叫軟殼蟹，貪佢夠方便！一啖就食哂啲肉，吾洗有殼！蒜蓉包就當然係食咖哩用架啦！佢既蒜蓉包係好似磚甘樣一舊舊，吾係法包一片片，呢種包4面都脆！吸汁一流，外脆內軟！豬頸肉就不在話下，燒到好香，個汁又辣辣地，好野味！甜品都好出色，吾會一pat野甘！又吾會太甜！岩我心水！

其實今次已經係第二次食呢間嘢，第一次嚟食係男朋友屋企人帶我嚟食！因為覺得好好食，所以今次就到我帶班friend嚟食☺️雖然今次唔係叫得好多款食物，但樣樣嘢嘅味度都唔錯！最正嘅固然係唔太起眼嘅小食：【特色蒜蓉包】外層好脆，入面嘅麵包好軟熟！蒜蓉味好香🥰仲有非常推介嘅就係：【泰式鮮蝦炒金邊粉】金邊粉嘅調味整得好好！酸酸地咁好開胃💕鮮蝦亦都好爽口！【芒果蟹肉炒飯】同樣都係開胃之選！【馬拉盞炒通菜】不過不失！其實呢款菜式去親食泰國菜嘅都必點！相信只要夠熱就好食😉

初次入到元朗搵野食，結果近近地見到間泰國菜又咁岩想食，一於入去試一試。睇佢既meun既時嘅，個價錢比起我平時食既泰國菜都係貴少少，都無所謂啦都試試啦。咁到上菜既時候，見到啲碟頭都大份啲都值回票價既，但佢啲野食就一啲好食一啲真係麻麻，咁比較推介就燒豬頸肉同埋佢哋嘅推介蒜香包。豬頸肉嘅外皮都燒得脆口，做到些少外脆內軟既感覺。至於蒜香包都係燒得好香口，而且蒜香味都好夠，但個人建議就嗌多一味咖喱嘅菜式黎用啲咖喱汁配過蒜香包就味道更佳。

🌟無骨海南雞冬蔭公湯粉 ($50)亞萊嘜嘜嘅泰菜好食相信唔少元朗人都知道 但比起晚市 我更常幫襯到佢嘅午餐 湯粉轉冬蔭公湯都唔使加錢 實在難得 冬蔭公湯底濃郁 無骨海南雞口感滑嫩仲好大份 學生價仲只係$43咋 性價比好高 有機會一定要試下（人´∀`*）

喺元朗西站附近le間泰國菜都好多人排隊入去食所以今次就揀呢間嚟食！咁佢而家就做緊外賣八折睇落都幾抵食，咁我哋就叫咗7樣野，分別係 泰式鮮蝦炒金邊粉、生蝦、泰式鳳爪、青咖喱雞+1個包、串燒拼盤、馬拉盞炒通菜同埋芒果糯米飯！唔知係咪叫外賣嘅關係，啲嘢食嘅味道不似預期有啲失望😕例如個金邊粉、馬拉盞炒通菜同埋青咖喱d味道好淡，唔夠味之餘啲嘢食唔算太好味，全消拼盤俾個汁又酸酸地唔係平時食開嗰種串燒汁，如果個芒果糯米飯啲糯米又好林，食得出一係擺咗好耐或者煮得太耐🙁不過都有少少野要讚佢，就係佢個泰式生蝦會跟埋一啲冰俾你等你返到屋企都唔會熱曬👌🏾總括呢間餐廳真係好一般般，試過一次之後應該唔會再有下次🙅🏾‍♂️

一行四人行完山～之後就過嚟依度（有個朋友係呢度嘅常客 好鍾意食呢間 ）泰式生蝦一共八隻 一人食兩隻～幾好食的 正常（不過窮人表示價錢有點貴😅😅）泰式明爐烏頭魚呢個有睇食評 話似冬陰功又幾好食推介⋯仲多咗一個東陰湯refill👍🏼但呢⋯本人口味嘅話就會食普通燒鳥頭 （有啲好笑嘅係問個姐姐要唔要反一反⋯佢話就咁食得⋯⋯但係圖片之中 半個魚頭係未熟的⋯⋯⋯，我哋梗係有反一反個魚頭）椰汁雞湯朋友係一個好鍾意飲湯嘅人 佢表示呢個湯好飲！椰汁好香～我覺得係似一個唔辣嘅冬陰功 但裏面啲雞係好難食🥱雪藏味好勁 剩返嘅都係啲雞塊👍🏼👍🏼燒豬頸肉嘩！平時唔愛食豬嘅（除咗韓燒個款）我都覺得呢個燒豬頸肉好好食！🥰🥰好香！但係我就鍾意點生蝦個汁～呢個要趁熱食 凍咗冇咁好食呀馬拉盞炒通菜冇乜特別 正常泰式炸蝦餅正常蝦餅乾炒雞河河粉好香口 好味～但係啲菜同雞就麻麻地所以呢間野本人係唔會建議食雞⋯啲雞好大雪藏味 好難食正常嘅芒果沙冰總結呢間野有啲嘢食係好食 有啲普通 依個人口味啦～中規中矩 對比價錢有啲貴…題外話：因為依家疫情影響 外賣有八折午餐都有折 咁就好抵食cover返😅

最近愛上泰國菜，所以周圍覓食下。要左2人餐($368)，叫左泰式炸蝦餅蝦餅都算大件，而且炸完唔會乾身，保持到彈牙。泰式酸辣鳳爪鳳爪係無骨，食落好方便冬陰公大蝦湯大蝦同冬陰公簡直係絕配，而且放左好多菇去煮，好足料。泰式咖哩花蛤配印度油鬆餅因為未食過其他泰式咖哩，所以作唔到比較。但咖哩同我想像中有出入，冇咖哩味，加入蛋花去煮，而且比較”杰”，有啲似中學飯堂嘅咖哩。而花蛤就好鮮味。馬拉盞炒通菜偏咸，但炒得唔錯，夠鑊氣。另外叫左個 泰式香芒蟹肉炒飯($95)炒飯粒粒分明，唔會痴埋一舊，而芒果鮮甜，炒完之後唔會酸，清新嘅配搭。野食黎講，值得一試，但個人認為價錢偏貴，三百幾蚊嘅2人餐，沒有主食，需另外再叫，有啲唔化算。

諗緊食日本野定泰菜好最後決定食泰菜 因為想食酥餅以為食泰菜2個人會$300-$400落到樓點知埋單都要$550叫左4個餸 1份酥餅 1枝啤酒 1杯泰奶茶未上野食前 黎左飲品先正呀 今日太熱啦 飲杯凍野 爽呢杯Thai milk tea 都係用泰國紅色果款茶但鍊奶都係偏少 可能就返香港人口味 唔算好甜上菜啦上菜啦第一碟上既 就係糯米釀雞翼啖啖飯 無骨既感覺真爽啲飯釀完入去 望落似雞脾多過雞翼😂😂佢既糯米飯係港式果款雞皮 都算脆但都要$95 2隻雞翼 價錢有點貴我好掛住台灣果款雞翅包飯呀😭😭😭釀炒飯 成件事夾好多叫左半隻無骨海南雞都有啲驚食唔晒 但男朋友話 無骨應該食得晒既我有點呆左😨😨有無骨會影響到你有幾飽既咩😂😂😂😂講返重點先無骨 真係懶人之選雞肉肉質我覺得偏老 唔算係嫩口但個醬 真係幾岀色 真係有泰國既味道半隻雞$128 符合市價仲叫左個馬拉盞炒粉絲椰菜正正常常 粉絲唔會太碎太長 都方便夾黎食係椰菜有少少苦 最後就係我想食既酥餅啦酥餅當然要配咖喱啦 叫左個青咖喱豬豬係豬肉片 少少辣 少少椰香味但價錢都係偏貴 $92正常泰菜 但略嫌價錢偏貴呢個價錢 可以坐靚少少

社交平台做左少少research.. 見啲comment 都好似幾好，滿心歡喜，因為終於第一次食呢一間餐廳。落order嘅時候,網上外賣平台 話25分鐘就可以送到，但到最後原來要等一個鐘，都唔緊要。但係真係好失望，啲食物質素真係好差！啲雞肉鞋颯颯，豬手硬骨骨，金邊粉完全冇味。 椰子冰超甜，凍奶茶冇奶茶味。 究竟我食緊啲乜！真係極之非常disappointed.. 希望只係今日失準， 平時唔係咁差！

話說之前去元朗食咗呢間叫做嘜嘜嘅泰國嘢❤️❤️佢有個二人餐都幾多嘢食買單好似係300尾400 頭個二人餐首先上嘅呢就係呢一個炒通菜 大碟得來呢個通菜係炒得好香口好好食嘅 跟住上咗四件蝦餅作為不專業foodie嘅我竟然唔記得影相🙈🙈🙈佢係一款正正常常嘅蝦餅 唔多油 幾好味幾彈牙 有個咖喱炒蜆配左兩個印度薄餅呢個呢系有多少伏🤭 伏嘅原因呢因為咖喱汁雖然好好味 但係完全入唔到蛽嗰度 我懷疑佢兩件事係分開煮最後先撈埋所以就唔入味囉 個咖喱汁呢本身係超好食㗎 但係呢因為個餐唔跟飯又剩係得兩塊嘅印度薄餅 所以呢我搵唔到其他嘢點個咖喱汁🙃🙃🙃個冬陰功湯呢 有兩隻大蝦嘅 我覺得係足料好飲 偏辣 好唔錯👍🏻👍🏻另外有木瓜沙律 佢幾搞笑個喎🤣配車厘茄 我以為會好辣啦 但係佢其實一啲都唔辣仲偏甜 有好多花生碎 因為其他餸都好辣嘅關係 呢一個呢其實係一個好好嘅配搭嚟嘅😚😚最後呢就想個甜品呀正正常常泰式小食囉其實呢個餐性價比真係幾高 唯一可以改善呢就係個咖喱可以炒雞炒牛但係唔好炒蜆🤣因為個蛽唔入味 同埋如果可以加返兩碗白飯又或者加多兩塊印度薄餅 就算佢加多$10我都覺得係好合理 而家有種冇主食嘅感覺 同埋有啲浪費左

返工 lunch 去左食泰國菜 平日夜晚經過 見到好滿座 難得 午飯時間少人 就試下 青咖哩雞飯 連熱飲 $53 咖哩加埋 椰汁煮 好香好滑 配上無骨雞 仲好滑 仲有茄子 青豆 車厘茄 送飯一流 而且雞 份量唔少 印像中有10件以上食下食下 食哂成碗飯 😱😱😱😱😱😱下次一定約埋朋友試試佢地既晚餐

最近成日係屋企煮飯食飯，都已經煮到好厭日日係屋企食呀媽煮嘅住家餸，唔係食雞就係食蒸魚....所以上個禮拜日難得呀媽約左班姑姐去行山去睇大佛。所以我同我家姐兩條友終於可以放鬆下，食下啲熱氣野.....我哋廢時行咁遠嘅關係，就簡左屋企附近嘅尼間餐廳。我哋係門口果陣已經見到有個廚師係到燒啲串串燒幾吸引下。所以就order 左個糯米雞翼，雞翼夠熟夠香冬陰公鍋 - 好足料，我同家姐兩條友都食唔晒😵😵😵 除咗啲料夠多之外，而且佢個冬陰公湯都好濃好好香香料味～ 難得老媽不在家，如果唔係都試唔到咁正咁「罪惡」嘅美食

我們與朋友相聚大家都決定食泰國餐，因為這店的蒜蓉包，所以朋友決定來這間！我們一早訂了枱所以去到店已經有位了，因為今次有小朋友所以叫啲餸不會太辣，當然要點蒜蓉包他是一磚磚的比較特別，而且味道好好，又點了青咖喱相比紅咖喱冇咁辣，差不多每次都點燒豬頸肉，配泰式辣汁，泰式併盤（大件抵食），仲有炒青菜🥬呢間泰國餐廳水準也keep得幾好👍🏻