影片
更多
2020-08-23
77 瀏覽
之前去親朋友位於牛頭角嘅工作室都會幫襯MOO MOO，即使位置唔太就腳，但人氣仍然高企。不過嚟緊唔駛特登去觀塘喇，因為佢將會登陸銅鑼灣🚀。新餐廳現正試業中，位置就喺名店坊最出近海皮同世貿廣場嘅舖位，前身即為Wildfire。記住要留意番唔好去錯食街～😉。銅鑼灣店係加強版，所以食物款式都比舊店多！除咗打響名堂嘅漢堡包以外，仲有薄餅🍕、意粉🍝同牛扒等。銅鑼堡Causeway MOO($178)，一場嚟到老銅，第一次幫襯新店無理由唔捧招牌場嘅🍔。其實除咗呢款Burger外，其他款式定價平好多，介乎$80-$108不等。漢堡包賣相精美，熱辣辣整起，麵包仲有微微煎脆咗添，而五、六層配料就幢起來，亭亭玉立。餡料包括鵝肝、優質安格斯牛肉漢堡扒、芝士、蕃茄、生菜同MOO MOO汁。成個組合食起嚟好夾，好豐富😋；但我略嫌佢高咗啲，我一啖食唔哂咁多層，仲食到連鼻哥都係🙈。呢款包同經典之堡($98)既分別主要在於有無鵝肝🤔。鵝肝煎得唔錯，外脆內軟，仲搭配咗啲紅莓醬吊味，鹹鹹甜甜，相映成趣。不過夾埋漢堡扒同其他配料食，味道就有點被蓋過。🐮漢堡扒夠厚，牛味OK，而且生熟度剛好，唔會太生。精華所在離唔開個秘製醬汁
之前去親朋友位於牛頭角嘅工作室都會幫襯MOO MOO，即使位置唔太就腳，但人氣仍然高企。不過嚟緊唔駛特登去觀塘喇，因為佢將會登陸銅鑼灣🚀。
新餐廳現正試業中，位置就喺名店坊最出近海皮同世貿廣場嘅舖位，前身即為Wildfire。記住要留意番唔好去錯食街～😉。
銅鑼灣店係加強版，所以食物款式都比舊店多！除咗打響名堂嘅漢堡包以外，仲有薄餅🍕、意粉🍝同牛扒等。
銅鑼堡Causeway MOO($178)，一場嚟到老銅，第一次幫襯新店無理由唔捧招牌場嘅🍔。其實除咗呢款Burger外，其他款式定價平好多，介乎$80-$108不等。
銅鑼堡
$178
2 瀏覽
0 讚好
0 留言
銅鑼堡
$178
4 瀏覽
0 讚好
0 留言
每個漢堡包餐均配以薯條🍟同沙律🥗，兩樣都好味。薯條好香脆，點茄汁已經好好食，份量亦都多！沙律菜新鮮，醋汁唔酸。
安格斯肉眼扒
$268
0 瀏覽
0 讚好
0 留言
安格斯肉眼扒
$68
0 瀏覽
0 讚好
0 留言
意大利咖啡凍餅
$58
0 瀏覽
0 讚好
0 留言
餐廳環境頗有格調，行型格風，我估計晚上仲會變身成為酒吧添，可以邊食Burger、邊睇波⚽️。不過高枱嘅枱面就未必夠位放食物。
總括嚟講，MOO MOO嘅漢堡包無令我失望，依然好食🤤。至於叫唔叫銅鑼堡就取決於你有幾鍾意食鵝肝啦！我已經期待緊下次再嚟食第款Burger喇。題外話，男店員超級友善好人，佢前後兩次都話畀手套我食漢堡，哈哈，咁確係食得順利啲。
張貼
