影片
更多
2015-01-03
1108 瀏覽
夜番屋企，又懶得煮野食，就落街搵野食。第一時間就諗到譽麵坊，由以前最初在海悅廣場樓上大店，做到搬落大街，係咁搬搬搬，甚至譽麵坊由$17食到而家$27都食緊佢，都係做街坊生意的小店。最好就係全日均價，開店到收店都係同樣價錢。土瓜灣愈黎愈多豪宅相繼落成，引致附近餐廳價格都急升。如果當晚飯，土瓜灣黎講，$27應該得呢到有。無架，無套餐，無環境衛生可言，無賣任何特色，只賣一碗麵。這裡是鄰近中學學生的聚腳點，有D著住校服拎住個足球，有D係未賺錢的學生小情侶，就係貪佢平；又或者一家大小懶得煮，同收左工落黎食碗麵，小店平靚正。老中青食客都會去食，個個衣著都好街坊，不是特別打扮的裝束。唔知點解D待應嬸嬸個個都好似樣，佢地服務唔會特別好，都係用把好尖的聲同好豪氣的腔調同你落單上菜。南乳雞球米線應該係鎮店之寶，先至可以令譽麵城打響名堂，名聲響絕土瓜灣。當日見好多人都係叫南乳雞球米線。甘香鬆脆的雞球，配上他們秘製的南乳醬。好香！南乳雞球勝在炸得不油不膩，份量充足，滿佈全隻碟，同米線分開上，不會浸稔。南乳醬仲可以無限量追加。另外可以推介墨魚丸米線，雖然其他配料有大概五粒，但如果嗌墨魚丸米線，就淨係得4粒。不過
第一時間就諗到譽麵坊，由以前最初在海悅廣場樓上大店，做到搬落大街，係咁搬搬搬，甚至譽麵坊由$17食到而家$27都食緊佢，都係做街坊生意的小店。
最好就係全日均價，開店到收店都係同樣價錢。
土瓜灣愈黎愈多豪宅相繼落成，引致附近餐廳價格都急升。
如果當晚飯，土瓜灣黎講，$27應該得呢到有。
無架，無套餐，無環境衛生可言，無賣任何特色，只賣一碗麵。
這裡是鄰近中學學生的聚腳點，有D著住校服拎住個足球，有D係未賺錢的學生小情侶，就係貪佢平；
又或者一家大小懶得煮，同收左工落黎食碗麵，小店平靚正。
老中青食客都會去食，個個衣著都好街坊，不是特別打扮的裝束。
唔知點解D待應嬸嬸個個都好似樣，佢地服務唔會特別好，
都係用把好尖的聲同好豪氣的腔調同你落單上菜。
南乳雞球米線應該係鎮店之寶，先至可以令譽麵城打響名堂，名聲響絕土瓜灣。
當日見好多人都係叫南乳雞球米線。
甘香鬆脆的雞球，配上他們秘製的南乳醬。好香！
南乳雞球勝在炸得不油不膩，份量充足，滿佈全隻碟，同米線分開上，不會浸稔。
南乳醬仲可以無限量追加。
南乳雞球米線
$27
358 瀏覽
0 讚好
0 留言
另外可以推介墨魚丸米線，雖然其他配料有大概五粒，但如果嗌墨魚丸米線，就淨係得4粒。不過都係值得推介，因為裡面有蛋香，好有嚼勁，食落夠彈牙！出面食唔到呢隻味。
衛生？算啦。果日去D店員會在你旁面打噴嚏，但實在無處可逃。鋪面淨係得咁大，食客都在廚房隔離。有時碗麵個底會撈到D不知名的野，
麵的面會有些黑色一點點飄浮物，似係油漬，食唔死人就可以。
唉，好多小店都做唔住，希望呢間可以繼續長做，唔好成日加價。
話哂可以令土瓜灣街坊多一個常去的餐廳。
題外話/補充資料：
店內張貼告示，指逢星期一休息
(以上食評乃用戶個人意見 , 並不代表OpenRice之觀點。)
張貼
