影片
更多
2023-04-05
174 瀏覽
西貢碼頭附近嘅「小滿定律」週末總是人龍不斷，今日閒日下午趁無人排隊，試咗佢哋嘅招牌乳酪雪糕。店內主要售兩款產品：希臘乳酪雪糕、希臘乳酪。留意前者先係有雪糕嘅 froyo，兩款產品名好相似，小心唔好搞錯～❝ 希臘乳酪雪糕 | $58可以自選3款配料+1款醬料，如需要額外配料，每款 $6 起。店內有超過20款配料可以選擇，大部分配料都可以喺玻璃櫃度見到實物。如果有選擇困難，可以參考收銀後面嘅排行榜，睇吓其他人揀咩。先落單及付款，之後店員會開始製作乳酪雪糕，整好之後會拎你拎。我哋兩人 share 一杯乳酪雪糕，揀咗以下三款配料：海鹽焦糖脆脆、抹茶麻糬、檸檬芝士蛋糕。配料 (1)：海鹽焦糖脆脆🍯人氣NO.1配料🏅 咬落有焦糖香，海鹽鹹味就唔突出。口感比較硬脆，食到最尾有少許痴牙。不過脆脆口感同乳酪雪糕幾夾，增添了口感層次。如果鍾意食蜜糖脆脆，可以買一樽返屋企，$42 一樽，問過店員話可以放2-3星期左右。配料 (2)：抹茶麻糬🍵沾滿抹茶粉嘅麻糬，咬落口感Q彈，煙韌控會好鍾意～配料 (3)：檸檬芝士蛋糕🍋有淡淡芝士味，混合檸檬味道，整體甜甜地唔會太酸。———醬汁：熱情果醬至於乳酪雪糕質感，就比其
店內主要售兩款產品：希臘乳酪雪糕、希臘乳酪。
留意前者先係有雪糕嘅 froyo，兩款產品名好相似，小心唔好搞錯～
❝ 希臘乳酪雪糕 | $58
可以自選3款配料+1款醬料，如需要額外配料，每款 $6 起。
店內有超過20款配料可以選擇，大部分配料都可以喺玻璃櫃度見到實物。
如果有選擇困難，可以參考收銀後面嘅排行榜，睇吓其他人揀咩。
先落單及付款，之後店員會開始製作乳酪雪糕，整好之後會拎你拎。
我哋兩人 share 一杯乳酪雪糕，揀咗以下三款配料：海鹽焦糖脆脆、抹茶麻糬、檸檬芝士蛋糕。
希臘乳酪雪糕
$58
8 瀏覽
0 讚好
0 留言
希臘乳酪雪糕
$58
31 瀏覽
0 讚好
0 留言
希臘乳酪雪糕
$58
16 瀏覽
0 讚好
0 留言
配料 (1)：海鹽焦糖脆脆🍯
人氣NO.1配料🏅 咬落有焦糖香，海鹽鹹味就唔突出。
口感比較硬脆，食到最尾有少許痴牙。
不過脆脆口感同乳酪雪糕幾夾，增添了口感層次。
如果鍾意食蜜糖脆脆，可以買一樽返屋企，$42 一樽，問過店員話可以放2-3星期左右。
配料 (2)：抹茶麻糬🍵
沾滿抹茶粉嘅麻糬，咬落口感Q彈，煙韌控會好鍾意～
配料 (3)：檸檬芝士蛋糕🍋
有淡淡芝士味，混合檸檬味道，整體甜甜地唔會太酸。
———
醬汁：熱情果醬
至於乳酪雪糕質感，就比其他店較為厚身，味道亦相對甜少少，酸度較低。
醬汁方面，我哋揀咗熱情果醬，味道偏酸，平衡返較甜嘅 froyo 就啱啱好👍🏻
———
✤ 店內環境 ✤
舖位非常之窄，全店粗略估計只能容納不足10人。
裏面只有一張木櫈，可以兩個人坐低食，不過個位對正冷氣風口位好凍🥶
✤ 整體評價 ✤
乳酪雪糕曾經於香港盛行一時，潮流變遷加上生意難做，而家 froyo 專門店真係買少見少。
就食物質素而言，小滿定律嘅 froyo 的確幾高水準。
不過員工培訓可以做得更好，當值店員表現有點垂頭喪氣，雖然未去到「黑面」嘅程度，不過比人感覺唔太積極好客。
同埋可惜人多舖位細，好多時應該要去出面食，不過出面街道都幾窄，可能要行多幾步去碼頭嗰邊食。
當日見到有幾個客都係外賣，外賣可以問店員拎蓋 cum 住個乳酪拎走㗎！
張貼
