話說153早排去咗 Pirata 旗下嘅西班牙概念餐廳，發現當日做緊紅白酒、氣泡酒及啤酒無限暢飲！😍 只要逢星期一嗌 tasting menu 就可以享用1小時免費 free-flow, 好開心即刻踢走 Blue Monday🥳🥳 ——— ❝ 西班牙番茄凍湯 西班牙經典凍湯，每啖入口，番茄嘅酸甜在舌尖上交織，帶來一陣陣清爽，成功打開了味蕾嘅序幕😚👅 ❝ 西班牙辣肉腸多士 辣肉腸嘅辛香剛烈而不失細膩，搭配上烤至金黃酥脆的多士，作為一口小食剛剛好❤️ ❝ 酥炸西班牙小青椒 青椒外層酥脆，內裏柔嫩，配上微微的鹽巴提味，呢道小菜充滿驚喜✨ ❝ 酥炸黑毛豬火腿忌廉薯波 忌廉薯波綿密細膩，配上鹹香十足嘅黑毛豬火腿，口感層次豐富，令人回味無窮😋 ❝ 脆香炸薯粒配辣沙律醬 薯粒外酥內軟，沾上辣味沙律醬變得惹味非常，微微地辣都幾過癮💥 ❝ 香蒜欖油大蝦 蝦肉爽彈鮮甜，配以蒜香與欖油締造嘅醇厚底蘊，散發出令人難以抗拒嘅地中海風情。大讚！👍🏻 ❝ 慢煮牛頰肉配南瓜椰子泥 牛頰肉經長時間慢煮至軟嫩，與南瓜椰子泥嘅甜味和綿密質地相得益彰，每一啖都非常滿足🥰 ❝ 香煎鱸魚配蘆筍及焗薯 鱸魚皮煎至脆口，肉質鮮嫩滑潤，搭配蘆筍嘅清新，係一道色香味俱全嘅海陸交融🎏 ❝ 傳統墨汁魷魚焗飯 墨汁鮮甜濃香，配上炸得香脆嘅魷魚及墨魚，雖然好飽肚但全部清晒！好食！🥳 ❝ Candela's 曼徹格棉羊奶芝士蛋糕 甜品嘅序幕由羊奶芝士蛋糕揭開，蛋糕質感細膩如同絲綢，羊奶芝士濃郁帶有微微鹹味，味道頗獨特的😋 ❝ 朱古力慕絲配椰子泡沫 朱古力慕絲濃郁卻不膩口，順滑質地與椰子泡沫嘅輕盈交織，在口腔留下細膩嘅印記，為呢餐畫上了完美嘅句號。

話說最近好多人推介呢間香蕉煎餅，153嚟到旺中又試吓先😛 一試果真有料！勁好食！ ——— ❝ 肉鬆香蕉煎餅 | $34 香蕉煎餅即叫即做，剛煎起係熱辣辣，餅邊超級香脆🔥 面頭灑上滿滿肉鬆，內裏夾住香蕉片，鹹香與甜味又平衡得幾好😋 個人認為仲好食過泰國夜市的呢😭❤️ ❝ 堅泰炒金邊粉 & 泰式奶茶 | $50 金邊粉同樣係即叫即炒！鑊氣十足、誠意滿分❤️‍🔥 套餐仲包一杯泰式奶茶，好抵食呢😆 ❝ 自家製椰汁西米糕（2件）| $15 香港難得食到自家製椰汁西米糕！糕體較為輕盈，感受到椰香而不會掩蓋西米本身嘅質感。 而且甜度把控得宜，唔會過於甜膩，令人一啖接一啖，好快食晒😝 題外話：見到老闆娘(?) 佢哋真係用泰文溝通㗎！很正宗的感覺🇹🇭

今日難得入荃灣，朋友介紹食呢間漢堡扒🫕 餐廳全部都係bar枱，職員整好漢堡會放喺客人前面～ 午市套餐有3款可以揀，全部都包麵豉湯、沙律、白飯、溫泉蛋、兩件漢堡扒🫶🏻 價錢係$88起～ 雖然漢堡扒份量比想像中細，但係其實兩件都幾多，153係食唔晒🤣🤣 同埋白飯任添！啱晒大胃王👑 不過留意返最低消費係每人$88，所以冇得兩人share一個餐～ 整體係幾正嘅！燒肉汁撈溫泉蛋配白飯一流🥺❤️ 食完幸福感滿滿的！

153成日都話，fusion菜只有大伏與唔伏。今日介紹嘅餐廳，就係難得高質嘅例子。


餐廳行西日fusion路線，西日合壁竟然毫無違和感，而且食物味道都幾出色👍🏻


順帶一提，order 熱飲仲有得免費打印圖案😍 只要係有奶嘅熱飲就可以🤎 唔使額外加錢的！


———


私心推薦以下菜式，可以 bookmark 定下次去食！🔖


✅ 打卡一流打印咖啡📸🤩
自選圖案打印✨ 創造獨一無二的飲品🥰


✅ 激量版巨型漢堡💥
極厚身吉列牛堡🍔 大胃王必試菜式🔥


❝ 蜜糖芥末吉列牛漢堡 | $138


巨型漢堡出没注意 🍔‼️ 真係超級大件，上枱嗰下嚇親「嘩」咗出嚟😂


漢堡包烘過帶少許脆口，中間夾住超厚身吉列牛，咬落外層酥脆，內裏軟嫩多汁🤎 配甜甜哋嘅蜜糖芥非常出色！


評分：7.5/10



❝ 清酒蜆肉意粉 | $138


意粉裏面有好多蜆肉，材料豐富極足料！食落清酒味唔算突出，反而食到淡淡果香🤣 而且意粉熟度恰到好處，彈牙口感很不錯❤️


溫馨提示：意粉裏面應該有少量芫茜，唔食芫茜嘅朋友要留意吓喇😌


評分：7.5/10



❝ 蜜糖雞翼 | +$39（原價$78）


雞翼咬落首先食到蜜糖甜香，細嚼之下散發淡淡薑味，幾特別的😛 因為午市套餐可以半價加購小食，呢個價錢好抵食👍🏻


評分：7.5/10



❝ 焦糖燉蛋泡沫咖啡 | +$18
❝ 百利甜酒朱古力 | +$18

早排喺網上見到呢間餐廳評價幾好，所以同男朋友去試吓～ 餐廳喺一條巷仔裏面，門面唔起眼但估唔到裏面幾乾淨。室內兩旁有好多卡位，沙發都坐得舒服❤️ 環境的確幾唔錯，不過食物同服務就一般般🤔 ❝ 雞肝醬吐司🍞 鵝肝就見得多，雞肝醬就較少見，我哋都係第一次食。 雞肝醬口感幾綿軟，似鵝肝咁有種獨特嘅味，但冇鵝肝咁難入口，應該較容易接受。 將雞肝醬塗喺烤焗過嘅法包上面，微脆嘅吐司質感幾好食，不過一定要趁熱食，因為凍咗會變韌～ ❝ 菲達芝士沙律🥗 菲達芝士奶香幾重，沙律菜加咗香醋都幾開胃😛 ❝ 慢煮24小時龍蝦湯🥣 個湯唔夠creamy, 龍蝦味唔夠濃，而且整體偏鹹🙈 整體嚟講個湯麻麻地🤔 ❝ 油漬蕃茄配青醬牛油果手工意粉 Fettuccine幾有咬口，但係有少少undercooked, 有幾條痴埋一嚿🥴 醬汁方面，濃隱隱食到牛油果香，不過都係鹹咗啲👀 ❝ 鮮黑松露手工幼帶意粉🖤 意粉掛滿黑松露，食落幾香口。意粉雖然偏幼但都彈牙有口感，不過成個意粉都無其他配料就寡咗啲🥺 服務方面，小店人手應該非常短缺。 到訪當日得樓面兩個侍應 + 廚房兩個職員，出餐都幾慢下🙈 如果去食要有心理準備要等吓～ 同埋當日侍應漏單漏咗我哋個前菜🥺 不過有同我哋say sorry, 同埋好快補返食物比我哋，態度搭救返！ 整體評分： 食物：水準一般，部分菜式偏鹹 服務：出菜有啲慢，但職員態度不錯 環境：幾好，坐得舒服～

放假最怕同人迫，想搵個地方坐下食嘢傾偈，但係唔少餐廳都有用餐時間🥲 今次朋友介紹嚟銅鑼灣嘅 Madhouse. 除咗全日無限時任坐，更有WiFi提供可以上網做嘢。銅鑼灣鬧市中極少有！ ——— ❝ Steak & Eggs | $138 (+$10多士轉牛角包) 牛扒用咗牛板腱，肉質較為結實但唔會好韌。好鍾意牛扒外層煎至焦香嘅味道，食落肉味亦非常濃郁🤤🤎 牛角包更加要試！上菜前焗至微暖香脆，層層鬆化有牛油香。本身冇乜期望但好有驚喜，個人認為係值得加$10去食㗎✨ ——— ❝ Smoked Salmon Lover | $86 以窩夫代替英式鬆餅，配上水波蛋、荷蘭醬及煙三文魚，成為變奏版Eggs Benedict🍳 窩夫偏淋身，如果係香脆嘅會好食好多😩 同埋嚟到得半份窩夫，覺得份量偏少～ 整體算係正常發揮，不過考慮到坊間少有平過$100嘅Eggs Benedict，呢款菜式嘅CP值都算Ok! ——— 備註：153到訪當日餐廳未滿座，所以店員都冇趕我哋走，仲比埋WiFi密碼我哋坐咗成個下晝！ 不過人多嗰陣就唔知會點安排，如果有意坐耐啲嘅話，入座之前可以問定餐廳先☺️ 另外幾欣賞嘅係餐廳枱與枱之間位置都幾多，所以即使人多都唔會好迫好嘈🥸 整體係個幾好嘅用餐體驗！

週末出港島食咩好？銅鑼灣地膽153今日就介紹吓比較抵食嘅下午茶😚🫖 

雙人下午茶價錢由$108起，有嘢食有嘢飲坐成個下晝✨ 週末假期都有得食！

———

❝ Scone Set | $108

餐廳主打水果蛋糕，抱住試伏心態叫咗個司康套餐，估唔到幾有驚喜🤣

司康烘過微熱送上，外層少許脆口內裏鬆軟。有驚喜嘅係司康裏面加咗粟米片，脆脆地又幾特別❤️

評分：7/10

———

❝ 荔枝烏龍茶蛋糕 | $68

平時食開招牌西瓜蛋糕，今次就試吓新款式✨ 蛋糕本體都算鬆軟，夾心層有淡淡烏龍味，荔枝味都唔太出。

整體算係不過不失，未去到好好食嘅程度，可以不試🙈

評分：6.5/10

✴️ Follow @153foodie.hk 有更多誠實食評！

———

LIFETASTIC (希慎廣場) (銅鑼灣)

📍店舖地址：
銅鑼灣軒尼詩道500號希慎廣場3樓326及330-331號舖

🔍 同區搜尋：
#153foodie銅鑼灣

😋 同類搜尋：
#153foodie甜品
#153foodie下午茶

#153foodie #hkfoodie #foodiehk #hkfoodblog #hkfoodieblogger #hkfoodpics #hkrestaurant #香港美食 #銅鑼灣美食

153今日介紹觀塘呢間餐廳，長期有人排隊等位，人氣超級旺盛😛 餐廳主打西式小食及主食，仲有招牌疏乎厘班戟，今日就同大家介紹吓✨ ——— ❝ 蒜香蟹肉意粉 | $148 蒜香非常惹味，蟹肉份量頗多，有汁唔會乾爭爭，整體十分不錯😚 評分：7/10 ——— ❝ 鹹蛋黃雞翼 (6隻) | $68 新鮮做起熱辣辣！雞翼有脆邊係幾好食，不過鹹香可以更重，熟度都可以稍微調整（而家係101%熟，有少少過咗龍🤣） 評分：6.5/10 ——— ❝ 黑芝麻疏乎厘班戟 | $128 疏乎厘班戟夠鬆軟！不過蛋香略嫌不足，黑芝麻味亦可以更濃（個人偏好😛）豆腐忌廉同脆餅都幾好食嘅✨ 評分：6.5/10 ✴️ Follow @153foodie.hk 有更多美食推介！ ——— Cobber Coffee and Tonys Pastry (觀塘) 📍店舖地址： 觀塘駿業里8號世貿大樓1樓 🔍 同區搜尋： #153foodie觀塘 😋 同類搜尋： #153foodie西式 #153foodie #hkfoodie #foodiehk #hkfoodblog #hkfoodieblogger #hkfoodpics #hkrestaurant #香港美食

抵食大發現！今日發現呢間西餐廳，假日午餐連飲品只係$108起😛 食物質素同環境都幾好，值得bookmark去試吓😚 ——— ❝ 意式辣肉腸薄餅 | $168 好正嘅pizza批底！咬落少許煙韌、有麵粉香氣，餡料用上’nduja同pepperoni，辣勁十足的🌶🔥 153自己KO咗半個😜 評分：7.5/10 ——— ❝ 紅酒燴牛面肉草菇扁意粉 | $148 牛面頰肉質軟腍，菇菌都幾多同夠香。不過略嫌醬汁嘅紅酒味唔夠出，整體不過不失啦😗 評分：7/10 ——— ❝ 烏龍奶茶慕斯蛋糕 | +$35 幼滑的慕斯散發淡淡烏龍味，配搭綿軟蛋糕增加了口感。自家製甜品來說算是不錯的✨ 評分：7/10 ✴️ Follow @153foodie.hk 有更多美食推介！ ——— Flames @flames.hk 📍店舖地址： 觀塘鴻圖道51號Two Sky Parc地下1號舖 🔍 同區搜尋： #153foodie觀塘 😋 同類搜尋： #153foodie西式 #153foodie #hkfoodie #foodiehk #hkfoodblog #hkfoodieblogger #hkfoodpics #hkrestaurant #香港美食 #香港cafe #香港cafe關注組 #香港cafe推薦 #觀塘美食 #觀塘好去處 #觀塘cafe

153一向對Rosewood酒店餐廳好有信心，但今次覺得貴咗又差咗🥲 雖然唔算好差但好有改善空間呢🫡

———

❝ TORTILLA DE PATATAS | $175

薄薄一層蛋皮包裹住馬鈴薯片，鋪上鹹香十足嘅伊比利亞火腿，濃淡交融剛剛好！💛

不過略嫌蛋汁過多、內層結構鬆散，未稱得上出色☹️

評分：6.5/10

———

❝ SEAFOOD PAELLA | $350

飯粒索晒高湯有鮮香，海鮮餡料都算多，整體價錢合理，不過不失。

評分：7/10

———

❝ CHURROS | $135

即叫即炸熱辣辣，外脆內軟，咬落雙重口感、層次分明☺️ 醮上黑朱古力醬亦微甜不膩，大愛大愛❤️

評分：7.5/10

———

✤ 整體評價 ✤

食物水準不俗，但比起以前稍有下降，價錢亦明顯提高了🫡 算不上超抵食但還可以吧～


———

Bayfare Social

📍店舖地址：
尖沙咀梳士巴利道18號香港瑰麗酒店5樓