GARAKU Soup Curry (已結業)

見到門面寫咖哩湯， 醒起喺日本食過超好味嘅咖哩湯烏冬。突然想食返於是就入咗去。 menu唔大， 一個湯配 麵包或者白飯 ，加一之後起碼都要150蚊。冇得配烏冬有啲失望。 但係一場嚟到都試下啦。我揀咗佢寫number one香港限定嘅“ 雜菌豬肉加芝士嘅咖哩湯”配麵包 , 五隻辣椒 （超過五隻要加錢）。盤嘢上嚟賣相係幾靚嘅， 麵包都好鬆軟 ，但係個湯飲落去其實唔係好咖哩， 認真形容似係加咗咖哩粉嘅羅宋湯 。多菜，入面有好多菇，有 侮舞茸，有火鍋豬肉片四-五塊 。食曬個湯同麵包係飽嘅， 但係個味道其實真係好普通。 加一後要176蚊，個人覺得係貴在地點，環境格局似小店，食物質素一般般，如果喺旺角銅鑼灣只值拉麵店嘅價位。