影片
更多
2018-11-15
1365 瀏覽
之前嚟過呢頭嘅餐廳食嘢，先發現原來附近好多日本嘢，除咗拉麵、燒肉、日本炸雞之外，仲有呢間食日本丼飯嘅專門店～係門口已經見到裏面嘅裝修好別緻，成個日式居酒屋咁。天花板上掛咗燈籠同好多日本嘅魚旗幟（唔知個啲叫咩😛）有個位係可以睇住師傅攞邊舊魚生嚟切，好似個吧枱咁嘅因為呢到都比較full，所以要等一等先有位，一路等嘅期間都有兩三group人嚟咗等位極上海之幸丼佢嘅材料有大拖羅、鮑磯煮、吞拿魚蓉、牡丹蝦、蟹鉗、海膽、三文魚籽、深海池魚、金目鯛。首先想講每一樣都好新鮮，完全唔會有腥味，全部都好鮮甜，所以基本上成餐飯都唔會要點豉油。飯就係赤酢壽司飯個大拖羅一入口就好似唔洗咬咁，個口感係好soft，加上佢入面嘅油脂更加豐富個味道蟹鉗係超級超級之大隻，食落去爽過食北海蟹丼嘅蟹鉗，因為大隻到成口都係蟹肉🤤個牡丹蝦好大隻，個身長差不多係個碗一半，咬落去黏黏地鮑磯煮係已經會煮到隻鮑魚好入味，咬落肉質結實，非常之厚身。佢事先切開一半可以同朋友share北海蟹丼朋友好鍾意食蟹，所以就揀咗呢個專食蟹嘅丼。佢個樣都砌到成隻蟹咁🦀 上面有兩塊脆片，入面仲有甲羅燒、松葉蟹肉、蟹鉗、呑拿魚蓉、海膽、三文魚、三文魚籽、蟹籽
係門口已經見到裏面嘅裝修好別緻，成個日式居酒屋咁。天花板上掛咗燈籠同好多日本嘅魚旗幟（唔知個啲叫咩😛）
有個位係可以睇住師傅攞邊舊魚生嚟切，好似個吧枱咁嘅
因為呢到都比較full，所以要等一等先有位，一路等嘅期間都有兩三group人嚟咗等位
極上海之幸丼
佢嘅材料有大拖羅、鮑磯煮、吞拿魚蓉、牡丹蝦、蟹鉗、海膽、三文魚籽、深海池魚、金目鯛。首先想講每一樣都好新鮮，完全唔會有腥味，全部都好鮮甜，所以基本上成餐飯都唔會要點豉油。飯就係赤酢壽司飯
個大拖羅一入口就好似唔洗咬咁，個口感係好soft，加上佢入面嘅油脂更加豐富個味道
蟹鉗係超級超級之大隻，食落去爽過食北海蟹丼嘅蟹鉗，因為大隻到成口都係蟹肉🤤
個牡丹蝦好大隻，個身長差不多係個碗一半，咬落去黏黏地
鮑磯煮係已經會煮到隻鮑魚好入味，咬落肉質結實，非常之厚身。佢事先切開一半可以同朋友share
北海蟹丼
朋友好鍾意食蟹，所以就揀咗呢個專食蟹嘅丼。佢個樣都砌到成隻蟹咁🦀 上面有兩塊脆片，入面仲有甲羅燒、松葉蟹肉、蟹鉗、呑拿魚蓉、海膽、三文魚、三文魚籽、蟹籽。飯就係赤酢壽司飯
個甲羅燒入面有勁多蟹膏，上面再加咗蟹籽變咗食落口會有埋脆嘅口感。呢個丼有幾隻蟹鉗，非常之足料，尤其海膽真係鮮甜無腥味！
我自己就鍾意啲呑拿魚蓉，當其他海鮮好想就咁食唔撈飯嘅時候，呑拿魚蓉同啲飯好夾
野菜油豆腐
呢個係三角形咁嘅樣，入面好似有幾層咁，咬落會有啲汁出咗嚟
日本白蘿蔔
叫白蘿蔔嚟食當然係因為佢個吸汁能力🤤 佢吸哂關東煮嘅味道，每一啖咬落去啲湯都湧哂出嚟
雞胸軟骨丸
呢款好特別，之前未係其他日本舖食過，佢入面嘅口感好正，會咬到一粒粒軟骨，為食丸嘅時候加咗爽脆嘅口感！而且入面有啲辣辣地嘅，所以呢個幾好可以試下👍🏿
個飯會配個麵豉湯～
大家記得嚟食嘅話book枱先！
張貼
