麵麵 (已結業)

入座時，店員先以日式清酒杯盛裝魚湯供客人試飲，不添加味精的魚湯非常香濃，確係正！麵麵圍城 $108 以非常豐富的配料作賣點，九款配料包括柚子金菇，梅漬車厘茄，日式芝麻醬秋葵，明太子醬蛋卷，醉蝦，巴拿馬火腿伴哈密瓜，紅酒牛肋條，天婦羅炸大蝦，明太子雞翼。每一款都好食，而魚麵無論浸湯，沾胡麻醬或辣油都一樣好味，魚麵Q彈有咬口，同平時食開既麵質唔同，口感獨特。而香濃魚湯我當然成碗飲晒啦！西班牙煙燻黑毛豬濃魚湯魚烏冬 $85 鹹香的煙燻黑毛豬我覺得一般。反而三款小食（小蕃薯，柚子蘿蔔以及胡麻醬菠菜）都唔錯，有驚喜。魚皮餃子配柚子汁 $48 相對麵食，呢個我覺得頗為貴，食落亦唔算好特別。感覺麵麵是走高檔次的麵館路線，店面裝修有點似西式Cafe，食店主打魚麵雖是中式，但配搭則是外國Fusion。餐牌上看到的麵食價錢大概僅次於日式拉麵，不過我覺得性價比還好。整體魚湯魚麵的確高質，配料則不算突出，以這個價錢，偶爾食下都無妨。