647
30
7
港鐵旺角站 B1 出口, 步行約2分鐘 繼續閱讀
電話號碼
23239229
開飯介紹
位於旺角的手工魚麵專門店,魚麵每日製造,提供兩款魚麵﹕雪白魚麵及手工魚麵,魚肉含量有別,全天然不添加防腐劑。 繼續閱讀
營業時間
今日營業
11:30 - 21:00
星期一至日
11:30 - 21:00
公眾假期
11:30 - 21:00
公眾假期前夕
11:30 - 21:00
*截單時間: 21:30
付款方式
Visa Master AlipayHK 支付寶 現金 八達通 銀聯 JCB Apple Pay Google Pay
座位數目
54
其他資料
支持防疫 詳細介紹
網上訂座
Wi-Fi
酒精飲品
切餅費
電話訂座
賞訂座積分
外賣服務 詳細介紹
加一服務費
當面支付
有關獎賞計劃
食評 (719)
等級4 2020-09-02
1272 瀏覽
🌶四川麻辣燒牛肉拌魚烏冬 煙韌彈牙麵麵係全港首創魚烏冬餐廳 係旺角店面空間感大 坐得幾舒服😌魚烏冬同魚麵有少少分別魚烏冬魚肉含量有50% 比較粗身口感煙韌魚麵魚肉含量就有70%個人覺得魚烏冬比較彈牙 幾過癮㗎除咗我揀嘅撈烏冬仲有湯烏冬選擇添🌶四川麻辣燒牛肉拌魚烏冬$92食落麻香但辣味bb辣到 唔食辣嘅都食到😂牛肉份量多 肉味都幾濃 撈埋青瓜絲同椰菜絲中和咗麻辣醬嘅重口味 帶點清爽口感🥒🍳辛辣•瀛太子拌魚烏冬$78呢個味道比較清新 似日式冷麵嘅味因為加咗木魚汁同木魚絲嘅關係🌱加埋微微咸辣嘅明太子醬 撈埋隻溫泉蛋食🍳配咗魚皮餃感覺都幾得意🥑Fish Nachos on the boat$58呢個超好味😂係用炸魚皮代替墨西哥脆片加咗勁多芝士🧀蕃茄🍅牛油果醬🥑點嚟食非常惹味 又焗到好熱好脆 推介👍🏻🐟Twins魚之脆卷$38叫得twins就知有2款魚卷😍食落好脆 深色個款係有少少似南記春卷淺色但款就食到墨魚🦑粒粒 幾冇口感📍 麵麵 (旺角)旺角彌敦道726號1樓@noodlenoodle.nn 繼續閱讀
(以上食評乃用戶個人意見 , 並不代表OpenRice之觀點。)
等級4 2020-08-21
1805 瀏覽
前之前朋友帶過我食主打魚麵嘅麵麵,唔單止健康,魚麵比普通嘅麵更加彈口好食,原來而家外賣仲有八折,扣埋平時堂食個加一,真係平左幾多,冇飯開所以就買外賣返去慢慢食。麵麵而家6:30pm就last order,放工即刻黎啱啱趕得切。大約等左10分鐘倒就執齊啲外賣。湯麵都係湯同麵分開上,唔怕途中浸腍啲麵。魚之戀濃魚湯魚烏冬($72) - 魚之戀麵底可以揀魚烏冬或者魚麵都得,烏冬同魚湯係分開裝,食之前先將魚湯倒入魚烏冬入面,魚烏冬好彈口,魚湯好濃魚鮮味,但飲完又唔會覺得口渴。魚之戀入面有魚肉春卷、墨魚春卷、魚皮餃、魚蛋同魚片頭,麵量我覺得比堂食少左,不過8折後$60唔洗算係咁。所有魚麵都包三款前菜,有白蘿蔔、番薯仔同胡麻海帶。四川麻辣燒牛肉拌魚烏冬($92) - 烏冬上面都幾多牛肉,牛肉幾大塊,攪勻麻辣醬先食,烏冬辣辣地幾惹味,不過食到底就比較油,如果怕油嘅朋友建議點魚湯烏冬。流心芝士墨魚波($48) - 墨魚波幾彈牙,不過外賣關係,唔單止炸皮腍左,入面嘅流心芝士都已經近乎凝固,如果堂食應該唔錯。Twins魚之脆卷($38) - 脆卷外皮係腐皮,所以即使外賣返黎,脆度都影響不大,蘸埋另附嘅泰式甜辣醬,味道唔錯。Fish Nachos on the Boat($68) - Fish Nachos即係用炸魚皮代替栗米片,上面預先放左半融芝士,牛油果蓉同番茄粒就係分開裝,食之前先倒上去。炸魚皮外賣返黎只係腍左少少,仲幾脆口,因為有芝士同牛油果蓉,所以比想像中飽肚。荔枝沙冰(跟餐加22) & 士多啤梨沙冰(跟餐加22) - 沙冰打得夠滑冇碎冰,味道偏甜,荔枝沙冰入面有一粒荔枝。總結,魚烏冬好彈口,魚湯濃甜,冇另人失望,其他小食味道都可以,不過相比之下就冇魚烏冬咁出色。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-08-19
2040 瀏覽
之前偶爾經過已試過一次佢既魚烏冬同湯,真係一試難忘🥰 今次再戰試下其他野食餐牌加左啲新野,我地兩個人叫左頗多食物🤭1️⃣咖哩魚皮餃濃魚湯烏冬 $72 + $8 凍斑蘭咖啡魚湯好濃,一啲都唔腥,飲落好鮮甜。魚烏冬質感彈牙,非常特別。怕食魚有腥味真係可以一試,佢可以補充下維他命A 同D、DHA 同蛋白質。另外佢咖哩辣味適中,魚皮餃數量多。2️⃣辛辣.瀛太子拌魚烏冬 $78 + $8 凍海鹽焦糖咖啡之前冇試過魚烏冬撈其他汁,作為明太子控必定要試一試。佢麵份量多,汁都好多,加埋隻溫泉蛋中和下明太子既辛辣味。 每個麵都會送上三款前菜,有酸酸地既蘿蔔,好開胃,仲有迷你甜薯仔同最愛既麻醬海帶😋3️⃣Fish Nachos on the Boat $68第一眼見到呢個fushion已經覺得特別,以魚皮代替nachos,即叫即焗芝士,加埋牛油果同蕃茄好開胃。魚皮就算有芝士蓋住都唔會林,依然好脆👍4️⃣明太子雞翼 $45好的骰, 已去骨,入面塞滿晒辛辣明太子,撈埋雞肉,口感唔錯👍👍😋5️⃣流心芝士墨魚波 $48熱辣辣,一咬啲流心芝士出晒黎。喜歡既點埋酸辣醬可以減低膩度。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-08-13
2003 瀏覽
最近抗疫在家晚晚都食屋企住家飯,今日晚餐想吃點不一樣的,就去咗位於旺角彌敦道的「麵麵」買返個外賣晚餐比屋企人食~餐廳主打魚肉造成嘅食物,有魚麵、魚烏冬、魚皮餃及魚肉春卷等等。而家全店外賣自取都可享有八折優惠呢魚皮餃子配柚子汁一客有五隻,每隻餃子都幾大件,餃子皮係用魚肉製成的,營養豐富又具嚼勁。配上鮮菜豬肉餡料,汁感十足流心芝士墨魚波墨魚波質感實在,頗有嚼口,中間係流心芝士,適合搭配酸甜醬一齊食安格斯牛肉濃魚湯魚烏冬魚烏冬及魚湯是分開的,非常貼心👍🏻安格斯牛肉薄片份量都幾充足,牛肉味好濃郁!魚烏冬裏的魚肉比例佔約50%🐟,口感彈牙,有陣魚肉香,營養豐富又健康!配上花膠濃魚湯,鮮甜美味哦魚之戀濃魚湯魚烏冬配料有魚腐、魚肉春卷、魚片頭、墨魚春卷、魚蛋、魚皮餃。當中我最欣賞嘅係魚肉春卷同墨魚春卷,彈牙有嚼勁,好好食😋魚片頭同魚腐都好出色呢 繼續閱讀
(以上食評乃用戶個人意見 , 並不代表OpenRice之觀點。)
等級4 2020-08-02
1790 瀏覽
而家潮流興食得健康, 要求材料天然, 原味無添加。 旺角嘅 麵麵就啱曬, 佢主打魚麵、魚湯, 餐廳標榜用上花膠蓉和除腥味鮮烤魚, 淆製9個鐘頭而成魚湯, 匠心獨運。樓上舖地方寬敞, 一入門口就見佢嘅特色草牆, 係必然打卡位!呢段期間, 餐廳做緊 外賣自取 八折優惠, 又真係幾抵食!魚之戀濃湯魚烏冬魚湯呈奶白色, 魚香撲鼻, 呷一口香濃幼滑,暖身順口, 果然名不虛傳!魚之戀有魚皮餃、魚蛋、魚片頭、魚腐、魚春卷、墨魚春卷配魚烏冬, 全部魚肉製成, 無骨啖啖肉, 魚迷必食!城寨回憶濃魚湯魚麵有魚皮餃、魚蛋、魚片頭、牛丸、墨魚丸。魚麵含70%魚肉成份, 口感爽滑彈牙、有嚼口, 無骨無腥味, 含豐富DHA有助大腦發展, 啱曬寶貝女食!四川麻辣燒牛肉伴魚烏冬麻麻辣辣, 香口惹味, 與燒牛肉涼拌烏冬和諧融合, 有辣勁而不嗆口, 十分醒胃!魚烏冬軟熟煙韌, 魚味十足!芝士炸脆雞芝士味香濃, 外皮炸得香脆可, 內裏肉質嫩滑多汁!蝦兵蟹將即係炸蝦餅, 鬆脆香口, 蝦肉爽彈牙, 配蟹籽增添口感!漁人樂趣薯條、蕃薯條、魚肉春卷、墨魚春卷, 香脆可口, 特別是薯條, 醮上黑松露醬非常搭配, 令人愈食愈想食! 繼續閱讀
(以上食評乃用戶個人意見 , 並不代表OpenRice之觀點。)