雪山冰廳

營業中

休息中

夏日炎炎 連夜晚都係覺得咁熱㗎🥲 咁啱嚟到深水埗見到呢間餐廳名就入咗去食🏔️ 雪山冰廳門口以藍色為主色 淨係視覺上已經可以降到溫😂餐廳提供咗好多款食物 最吸引我嘅係佢第一頁嘅小食👀 有邪惡嘅西多士 所以決定要嗌返碟做甜品🍮經典芝蛋牛肉漢堡嘩 食呢個漢堡真係要小心啲呀🤓 因為入面嘅煎蛋係流心㗎 牛肉漢堡都絕對唔馬虎 係手工製作並唔係外面可以買到嘅急凍漢堡嚟㗎🐮 食落口仲好多牛肉汁添 漢堡嘅醬汁用咗芝麻醬感覺幾特別迷你肉醬意粉雖然話就話係迷你肉醬意粉 但係其實份量都唔少㗎 茄汁味唔算太濃 係偏甜嘅茄味 仲有好多肉碎添🍝始祖椒鹽豬扒飯 (炒底)呢啲份量好多 好欣賞佢個炒底唔係好鹹 配埋面頭嘅椒鹽豬扒就啱啱好啦🐷 豬扒外脆內軟 入面仲keep到肉汁 食完呢碟飯已經好飽啦😂避風塘生炸髀呢啲邪惡食物就好啱我 炸雞髀有隻手掌咁大✋🏻 外皮炸得好脆 新鮮炸起即刻食真係好惹味榛子醬西多士西多士兩層中間有一層厚厚嘅榛子醬🧈 西多士炸完一樣係外脆內軟 仲有糖漿附送🍯 就算唔點糖漿 西多士都已經好夠甜味 有榛子醬已經好滿足啦🌰熱奶茶 熱檸茶幾欣賞呢度嘅茶底 茶味香得來唔會苦澀☕️ 鍾意飲奶茶嘅朋友可以過嚟呢度試吓