更多
2019-06-22
228 瀏覽
收工約左老友食個飯，大圍站一出直行到油站轉右，街口已經望到風車塊招牌，相當易搵。唔洗等位，一坐低就送上頭盤番茄脆包，我用叉吉落去就斷開，真係好脆，食落似酥，番茄新鮮好醒胃。白酒煮蜆好足料，蜆肉都算飽滿唔會太細粒，無沙唔腥，個汁係白酒加cream，酒香同cream濃度剛好，蒜茸包烘得香脆，唔係翻叮整到林晒，同個汁好夾，食晒d料我仲忍唔住飲左幾淡汁。辣肉腸好香但唔會太辣，蝦有四隻幾爽口，配埋薯片炒埋一碟，都幾飽肚。乳豬皮脆肉嫩，一啖咬落去就有兩種口感，豬肉本身無乜調味，可以點乳豬醬或者彩椒汁，乳豬醬同平時中式乳豬無異，而彩椒汁我係第一次試，一放入口隻味好熟，有d似熱浪，岩我！紐西蘭肉眼扒好大塊，叫左五成熟，表面有焦香，切開望落合格，食落無乜筋淡淡肉，落少少鹽同黑椒已經唔錯。焦糖菠蘿好甜，可以當佢甜品咁食。
收工約左老友食個飯，大圍站一出直行到油站轉右，街口已經望到風車塊招牌，相當易搵。
唔洗等位，一坐低就送上頭盤番茄脆包，我用叉吉落去就斷開，真係好脆，食落似酥，番茄新鮮好醒胃。
白酒煮蜆好足料，蜆肉都算飽滿唔會太細粒，無沙唔腥，個汁係白酒加cream，酒香同cream濃度剛好，蒜茸包烘得香脆，唔係翻叮整到林晒，同個汁好夾，食晒d料我仲忍唔住飲左幾淡汁。
辣肉腸好香但唔會太辣，蝦有四隻幾爽口，配埋薯片炒埋一碟，都幾飽肚。
乳豬皮脆肉嫩，一啖咬落去就有兩種口感，豬肉本身無乜調味，可以點乳豬醬或者彩椒汁，乳豬醬同平時中式乳豬無異，而彩椒汁我係第一次試，一放入口隻味好熟，有d似熱浪，岩我！
紐西蘭肉眼扒好大塊，叫左五成熟，表面有焦香，切開望落合格，食落無乜筋淡淡肉，落少少鹽同黑椒已經唔錯。焦糖菠蘿好甜，可以當佢甜品咁食。
張貼
