更多
2018-03-02
149 瀏覽
好多人都鍾意去尖沙咀行街，唔單止因為呢區大型商場夠多，就連mall裡面嘅特式餐廳都特別多。去The One行街，行行吓，上扶手梯見到呢間Le Viet，好似未喺其他地方見過喎？試試先！好彩早入座，遲多幾分鐘就已經要排隊等位喇！最鍾意食越式小食類，雖然Menu上面樣樣都想叫，但最後揀咗越式拼盤，因為肯定有哂餐廳嘅小食精選。拼盤有蒸粉卷、豬頸肉、春卷同埋蝦餅，令人食得過癮。每次見到「牛油雞翼」呢四個字都忍唔住要叫番碟。呢個牛油雞翼除咗有香噴噴嘅牛油味，仲有蒜香。停唔到口，食食吓可以一人K.O.成碟。食開香口嘢唔好俾佢停，嚟多個香茅燒牛仔骨。味道啱啱好，最重要係佢都好厚肉，咬落唔會只得筋同骨。跟住嚟個辣椒膏炒大蜆，不得了，粒粒厚肉！加埋個超香濃惹味嘅醬汁，應該叫個法包嚟蘸哂佢，一滴不留就啱喇！枱枱都似乎有叫飯，唔執輸都要個大蝦菠蘿飯先！色彩繽紛，賣相真係好靚。而個飯炒得夠香，裡面真係有大大粒菠蘿架。個蝦都唔係求其烚俾你嗰啲，而係炸到香脆嘅！食完一碗都要講句：「添飯吖唔該！」
最鍾意食越式小食類，雖然Menu上面樣樣都想叫，但最後揀咗越式拼盤，因為肯定有哂餐廳嘅小食精選。
拼盤有蒸粉卷、豬頸肉、春卷同埋蝦餅，令人食得過癮。
12 瀏覽
1 讚好
0 留言
15 瀏覽
0 讚好
0 留言
10 瀏覽
0 讚好
0 留言
13 瀏覽
0 讚好
0 留言
每次見到「牛油雞翼」呢四個字都忍唔住要叫番碟。呢個牛油雞翼除咗有香噴噴嘅牛油味，仲有蒜香。停唔到口，食食吓可以一人K.O.成碟。
牛油雞翼
17 瀏覽
0 讚好
0 留言
食開香口嘢唔好俾佢停，嚟多個香茅燒牛仔骨。味道啱啱好，最重要係佢都好厚肉，咬落唔會只得筋同骨。
香茅燒牛仔骨
14 瀏覽
0 讚好
0 留言
辣椒膏炒大蜆
15 瀏覽
0 讚好
0 留言
枱枱都似乎有叫飯，唔執輸都要個大蝦菠蘿飯先！色彩繽紛，賣相真係好靚。而個飯炒得夠香，裡面真係有大大粒菠蘿架。個蝦都唔係求其烚俾你嗰啲，而係炸到香脆嘅！食完一碗都要講句：「添飯吖唔該！」
大蝦菠蘿炒飯
22 瀏覽
0 讚好
0 留言
張貼
