更多
2020-10-15
806 瀏覽
好耐冇去台灣,上次去好似系一年幾前嘅事,雖然喺香港都食到台灣菜,但味道當然不及台灣本土嘅特色😩記得幾個月前去過呢間台灣餐廳度食野,覺得啲食物都幾吾錯😋咁啱有個朋友又係住將軍澳,一於建議佢同我去食,睇吓今次質素同上次會唔會爭好遠先。上次入嚟都係好鍾意呢度個環境,有好多書籍同埋唔同嘅小擺設擺喺啲枱隔離,俾人感覺真·文青feel😁雖然話台灣野不嬲冇乜種類選擇,喺呢度黎講又唔係喎,淨係睇餐牌都有好多頁😳最抵食嘅我覺得係晚市套餐加原盅燉湯,$100都吾洗呀。其餘嘅主菜款式就有牛肉麵、台式傳統麵食同埋滷肉飯等等,應有盡有。首先就梗係試咗小食先,叫咗一份桂花雞翼,夠晒特別喎,喺出面真係未食過👀原來唔係啲雞翼本身有桂花味,而係有一碟仔嘅桂花汁,食雞翼嗰陣可以倒啲汁落去🤓好多味嘅雞翼都食過,但咁食真係第一次。炸雞翼本身係偏向油膩嘅食物,倒啲桂花汁落去令雞翼多咗份清甜。我就叫咗份鹽酥雞扒滷肉飯定食,呢份定食抵食,有埋上湯時菜同埋原盅燉湯☺️時菜係娃娃菜,健康美味。燉湯入面有粟米、豬骨等等,竟然冇乜味精,滋補呀👍🏼另一份就叫咗酥炸排骨麵,排骨每件都好脆,夠曬香口呀,份量都幾多。牛肉麵原來都有得揀湯底😳有紅燒牛
上次入嚟都係好鍾意呢度個環境,有好多書籍同埋唔同嘅小擺設擺喺啲枱隔離,俾人感覺真·文青feel😁
雖然話台灣野不嬲冇乜種類選擇,喺呢度黎講又唔係喎,淨係睇餐牌都有好多頁😳最抵食嘅我覺得係晚市套餐加原盅燉湯,$100都吾洗呀。
其餘嘅主菜款式就有牛肉麵、台式傳統麵食同埋滷肉飯等等,應有盡有。
首先就梗係試咗小食先,叫咗一份桂花雞翼,夠晒特別喎,喺出面真係未食過👀原來唔係啲雞翼本身有桂花味,而係有一碟仔嘅桂花汁,食雞翼嗰陣可以倒啲汁落去🤓好多味嘅雞翼都食過,但咁食真係第一次。炸雞翼本身係偏向油膩嘅食物,倒啲桂花汁落去令雞翼多咗份清甜。
$26
13 瀏覽
0 讚好
0 留言
我就叫咗份鹽酥雞扒滷肉飯定食,呢份定食抵食,有埋上湯時菜同埋原盅燉湯☺️時菜係娃娃菜,健康美味。燉湯入面有粟米、豬骨等等,竟然冇乜味精,滋補呀👍🏼
$76
7 瀏覽
0 讚好
0 留言
另一份就叫咗酥炸排骨麵,排骨每件都好脆,夠曬香口呀,份量都幾多。牛肉麵原來都有得揀湯底😳有紅燒牛肉湯、蕃茄湯、清雞湯等等,食牛肉都好似都系揀番紅燒牛肉湯好啲。湯底吾知點解真系有啲似出前丁丁某款湯底🙊其實幾好食,不過配牛肉麵我覺得好搞笑🤣
$59
21 瀏覽
0 讚好
0 留言
朋友叫咗杯仙草凍鮮奶,仙草係真係幾吸引🤤呢度嘅仙草飲品都幾好飲,仙草系滑溜溜嘅口感,近呢幾年都好興仙草呢樣野,食落去其實都幾似涼粉。鮮奶就吾算好濃,系勝在份量夠多。
$28
8 瀏覽
0 讚好
0 留言
自己叫咗杯仙氣火龍果茶,睇吓系咪真系咁仙氣先😂未飲戈陣睇到隻色都覺得火龍果味應該好重💖事實上都ok嘅,都食到啲火龍果籽,不過甜度似乎有少少over。
$25
7 瀏覽
0 讚好
0 留言
張貼