308
17
1
港鐵寶琳站 B1 出口, 步行約3分鐘 繼續閱讀
所有分店 (2)
電話號碼
34228388
開飯介紹
以木色為主調,走文青風格裝潢。主打正宗台南口味台菜,材料大多由台南進口。牛肉麵湯底用上50斤牛骨、紅蘿蔔及洋蔥熬製而成,牛味香濃,配彈牙有口感的台灣手打麵。同時供應多款健康茶飲及芝士奶蓋等台式特飲。 繼續閱讀
營業時間
今日營業
07:30 - 21:00
星期一至日
07:30 - 21:00
付款方式
AlipayHK 支付寶 現金 八達通
座位數目
54
其他資料
支持防疫 詳細介紹
酒精飲品
加一服務費
當面支付
食評 (338)
等級4 2020-06-22
526 瀏覽
餐廳裝修得好有台灣既味道, 台灣人鐘意睇書📖 所以有一大幅牆用左黎做書架, 擺左勁多書係上面📚 食物方面既選擇都好多, 每樣都好吸引, 揀左好耐😂特濃蕃茄雞排麵🍅($63)呢個麵係咁多樣入面我個人最鐘意既一款, 唔好睇佢好似好細碗咁, 但其實麵既份量都唔少👍🏽 雞扒用左鹽酥雞既炸法, 脆口juicy 得黎炸粉又唔厚🤤 蕃茄湯底超濃郁, 成碗蕃茄湯飲曬士林胡椒豬肚湯飯🐷($62)對於胡椒豬肚忠粉既我, 見到呢個飯即刻雙眼發光👀 叫既時候我以為啲飯係浸左係啲湯入面, 點知原來係分開嫁😂 個湯都幾大碗, 有適量既豬肚, 酸菜同埋蓮子係入面, 湯既胡椒味都幾勁, 飲落去係個喉嚨度辣返出黎, 感覺好爽🥵 清燉牛筋麵🐄($52)牛筋既份量都算多而且夠曬大件👍🏽 咬落十分爽口彈牙, 係我鐘意既口感🤤 麵方面就用左圓身既麵條, 掛曬啲充滿當歸味既養生湯, 食完啲料再似埋個湯覺得自己成個人都健康曬🙆🏾‍♀️ 酥炸排骨滷肉飯🐷($59)排骨用左吉列既方法去炸, 再配埋美奶滋食簡直係一流😋 滷肉飯都算大碗, 大量既半肥瘦既滷肉舖滿左係白飯上面, 每啖飯都食到滷肉真係諗起都流曬口水台南手工餡餅🥙($52)呢款餡餅可以揀4件或2件, 我地揀左4件📝 餡餅新鮮滾熱辣, 每塊都大大件, 咬落個皮有少少脆口🤏🏾肉汁濟曬出黎, 餡料好似一舊豬肉餅咁, 勁juicy💦另外跟餐叫左杯香滑奶茶($6)加珍珠($4) , 奶茶幾滑身香口, 不過珍珠偏硬身唔夠煙韌 繼續閱讀
(以上食評乃用戶個人意見 , 並不代表OpenRice之觀點。)
等級4 2020-05-25
964 瀏覽
上次晚市同朋友食過都覺得唔錯,今日就同佢黎食個下午茶先xpp茶市由兩點半開始,當中有十多款不同配搭既優惠茶餐平均都係廿幾三十蚊,價錢相當貼地!!!就算今日係平日都有唔少人流,我地都要拎票等左陣先有得入坐~~睇左一輪,我就決定要個肉鬆蛋餅配蕃茄通粉餐,朋友就嗌左個紅燒鹽酥雞扒米線轉蕃茄濃湯(+4蚊)~~除此以外,我地仲要左一份滷水拼盤share食:)呢度上菜既速度都好快,唔洗十分鐘就經已齊曬食物,可以開動啦~~~~蛋餅可以揀要火腿或者肉鬆做餡,我就要左肉鬆,份量都不少,每啖都食到微甜既肉鬆😊😊配上既通份雖然唔係大大碗,但都絕對唔係迷你size,食完件蛋餅之後再食通粉,頓時覺得今晚個餐都唔洗食xpp而朋友都話佢個米線份量幾多,完全唔覺得係茶餐份量,似係其他地方既午餐份量!!個滷水拼盤都好豐富~~最愛又淋又入味既牛肚:)朋友跟餐加3蚊要左杯凍既梅子綠茶~我就跟餐補錢要左杯仙氣水果茶!味道夠fresh又解渴,夏天飲真係一流 :) 繼續閱讀
(以上食評乃用戶個人意見 , 並不代表OpenRice之觀點。)
最快都要年底或2021年才有得去旅行全香港人都變成本地遊咁我地今次就去將軍澳行下啦十幾年前都成日去附近搵食已經變曬,高級既商場變成了民生商場多了好多不同種類既餐廳我地今天選擇了台灣菜 四季良晨晚市要排隊,先自助取票大約20分鐘就有位了先坐低記低坐位編號,再睇餐牌,去收銀位下單多款台式小吃,麵飯供應我地決定了要四寶牛肉麵 (可選麵或米線)虫草花雞湯飯,桂花雞翼,台灣水果茶份量好多,好豐富特盛四寶牛肉麵 $78滷牛肉片,滷蘿蔔片,花枝丸,滷蛋,滷豬腳典型紅燒牛肉湯底,辣中帶甘甜,不會死辣牛肉片滷得入味,肉味濃而質感細緻有咬口豬手有彈性好有膠原口感滷蛋平凡了一點,花枝丸好大粒彈牙爽口濃郁既牛骨湯真係超好喝!!桂花雞翼沾上粉漿炸至黃金脆口,配以特製既桂花蜜雞翼嫩滑,桂花蜜香而甜中和油膩感虫草花雞湯飯 $68養生藥膳濃湯,濃濃既雞湯底配上木耳絲,菜絲,虫草花等食材養生味美,鮮甜順口,雞肉仍然保持到嫩滑口感湯汁配白飯食,沒有一絲油膩感~非常好吃另外可以單點各種台式特飲我最鐘意呢度既水果茶 有各種水果切片飲起黎味道豐富,不會太甜 繼續閱讀
(以上食評乃用戶個人意見 , 並不代表OpenRice之觀點。)
等級4 2020-05-16
641 瀏覽
去左寶琳買電器,就順便出街揾下邊到有好食餐廳啦,呢幾個月都冇得出街食好野,真係好悶!襯疫情穩定返少少,就出去食嘢放鬆下,刺激下經濟!入去寶琳買野通常都係新都城揾食。所以留係新都城二期揾,之後發現原來有間台灣食店,叫四季良晨,好耐無去旅行喇係香港食住台灣野頂住先!睇餐牌有麵飯,仲有小食同台灣特飲,好吸引!個間店地點係百佳附近,如果你地鐵出轉左,上電梯入商場再落一層轉右就會見到個招牌四季良晨,招牌仲要識發光,真係好易揾到。我地二人等左一陣就可以入去,當時都有吾少人食梗。店內裝修簡單舒服,好文青,坐位同枱都坐得舒服,有足夠安全距離。仲有店員都好小心,為每位入場客人量體溫,再俾搓手液你消毒,所以你可以食得好放心。店內仲整左個書牆,有扭蛋機。如果你坐係書旁,仲可以邊睇邊食。我地睇完餐牌,價錢大眾化五十幾至七十幾幾,以晚餐來講都好好,出面食晚餐有時都超過九十。天氣熱,我地點左二個湯飯同小食,分別係士林胡椒豬肚湯飯,蟲草花杞子豬肚雞湯飯,仲有椒鹽花枝丸同台灣香腸!首先講下士林胡椒豬肚湯飯,湯胡椒味重,岩哂鐘意食辣既朋友仔!如果你想係屋企整,真係好大工程,又要洗又要清個豬肚,所以想飲就不如黎食餐湯飯。之後個蟲草花杞子豬肚雞湯飯,如果你鍾意飲藥膳,一定岩你,因為當歸突出,飲落去都覺得好補身,飲完個人都暖晒。咁岩坐住個冷氣機風口位,飲完暖左吾少。湯入面雞肉都吾老,湯料都吾少。加$15仲有2款小食,加左隻滷水蛋,好入味之後一定要推薦花枝丸,應該係招牌菜!椒鹽花枝丸好正,又大粒又彈牙,差少少就食吾晒,如果你係細食就揀細少少嘅份量啦。咬落去個口感好爽,所以都推介大家食。最後仲有特飲,特別推介阿華田奶蓋,好特別,又唔算太甜!蜂蜜檸檬蘆薈都酸酸甜甜,好開胃!整體各樣食物環境都好好,服務都吾錯又細心,大家值得來試食。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-05-15
468 瀏覽
而家喺香港台灣野真係越開越多雖然模仿係好容易但要食到傳統滋味就真係有啲難度行吓行吓見到一間好有台灣墾丁裝修嘅餐廳,都真係要一試再試因為每一次都有唔同嘅驚喜四季良晨呢一度係主打台灣野而最多人鍾意嘅應該就係台灣麵,所以每次嚟到都成為咗必定要嗌嘅一樣嘢食,尤其是係牛肉麵因為係台灣最出名嘅美食所以更加唔可以錯過就算到咗下午茶時段食物嘅吸引力都冇下降,尤其是今次我要大力推介蛋餅,仲要加芝士先好叫。絕對要講下味道雖然唔龍但係每一啖都混合住蛋香同埋肉鬆再加融化左嘅芝士,係有少少手肘餅嘅感覺同時又好似有糯米嘅煙銀度。 味道真係一試難忘再加上香港暫時好少會有一間台灣野係有埋呢一個美食所以下午茶時段就成為咗我可以大快朵頤嘅時段。最近都推出左酸菜鹵肉台灣麵,呢一個係一個幾新奇嘅配搭所以都試咗,味道除咗酸酸地之外再加上本身牛肉湯嘅又甜又香所以配搭起上嚟係做得唔錯,鹵肉就同我哋食嘅回鍋肉質感差唔多大致上都有台灣嘅風味。絕對值得一試飲品都係呢一度嘅特色價錢又唔算貴但最重要係大大杯,每杯都700ml, 我就極力推薦奶蓋嘅系列,無論係茶又好阿華田又好,芝士奶蓋確實做得幾濃郁,配合茶一齊飲嘅話又清新又有奶香, 配合阿華田嘅話就有一種神來之筆嘅感覺,同樣都係唔覺得肥膩 繼續閱讀
(以上食評乃用戶個人意見 , 並不代表OpenRice之觀點。)